عرسي قرب.!!بس ريحة حلجي خايسة

[*ماي الورد*]

رد : عرسي قرب.!!بس ريحة حلجي خايسة

اخاف يتهيأ لج

 

[FeShinGoOo]

رد : عرسي قرب.!!بس ريحة حلجي خايسة

حبيبتي يمكن الريحه من المعده اذا فيج امساك المعده تصير ريحتها خايسه وتصعد لي الحلج
ونصيحه اخذي فرشه مالت اللسان نظفي لسانج يقولج اغلب الريحه الخايسه من اللسان واللثه ..
وعقب ماتخلصين استعملي مضمضه
وطبيعي تطلع ريحه وقت لنوم انتي حاولي بليل تقومين تفرشين مع صلاة الفير مثلا قومي فرشي اسنانج
وكثري من اكل الريحان والنعاع وحبة البركه
واكلي عسل عالريج

 

[امـ جوجو]

اكلي بقدونس زين لريحة الحلج واكلي علجة ماي<<< احنا نسميها جذي لوووووووول
اخذيها من العطار وان شاء الله تخف

 

[بطة light]

رد : عرسي قرب.!!بس ريحة حلجي خايسة

ااااااااااه يا اسومه جبتيها على الجرح انا عندي نفس مشكلتج حالتي حاله والله تعقدت من هالمشكله و حكرت نفسي بالبيت
لا اطلع و لا احتك بالناس و اخاف اكلمهم من قريب ياربي ماني عارفه شسوي احس الي حولي متضايقين منها بس مايقولون لي
حدها مسويتلي احراج ياربي ساعدنا

 

[اشواق2010]

رد : عرسي قرب.!!بس ريحة حلجي خايسة

اكلي نعناااع قبل لا تنامين وشووفي لي قمتي شلوون ريحت حلجج

 

[رمال من ذهب]

في تحليل اتسوينه يبين من اي اكل تاكلينه يسوي ريحه
اختي سوت طلع من الكاكاو
وبنت اختي سوت طلع من الايدام مثل دياي ولحم وسمج

 

[مشاعل الرياض]

حبيبتي شيكي على الجيوب الانفيه اذا كانت فيك فهي السبب لانها تطلع ريحه النفس مره مو حلوه جربي وشوفي صاحبتي ككانت نفس معاناتك وطلع التهاب جيوب انفيه

 

[ام غازي الصواغ]

بعد ما تفرشين ضروسج فرشي لسانج
وتمضمضي بغسوب الفم وخلي العلج دايم فيج

 

[سمسمة كويتية]

أول شي روحي طبيب أسنان و عالجي أسنانج و اللثه و اذا ظلت يمكن من المعده

 

[~LiBrA~]

رد : عرسي قرب.!!بس ريحة حلجي خايسة

عقب ماتفحصين معدتج ولثتج

سوي بخور الفم وايد روعه تقدرين تسوينه بالبيت يخلي انفاسج 24 ساعه حلوه بس اهم شي اتجيكين اول

 

[ام الدكاتره]

ممكن الريحه تكون من اللسان لان تتجمع فيه البكتيريا نصحيحه نظفي لسانج في فرش خاصه لتنظيف اللسان

 

[السهل الممتنع]

أو شي روحي عيادة اسنااان وجيكى ع اسناانج او حشوات الاسناان يمكن قديمه وتحتاج تجديد .. اذا طلعوا سليمين جيكي ع اللوز روحي دكتور متخصص باللوز والجيوب الانفيه ترا هالاشياء كلها ترتبط بالنفس وتطلع روائح واذا طلعتي سليمه روحي شوفي اي دكتور يفحص المعدة يمكن يكون عندج بكتيريا المعده عشان جذي تسبب لج الروائح .. والله يشفيييج انشاء الله .

 

[غزالي وبس@@]

الله يشافيج يارب وتلقين حل ان شاء الله باقرب وقت

 

[شيري]

الجيوب الانفيه تخلي ريحه النفس كريهه راجعي استشاري وقوليله المشكله ولا تاكلين شي فيه ثوم وبالليل اكلي شي خفيف لأنه المعده يطلع منها بخارريحته نفس ريحة الاكل اللي اكلتيه قبل النوم و يسبب الريحه السيئه فقبل النوم اكلي نعناع ومسمار وهيل طحنيهم وبعد ماتفرشيت اسنانك اعلكيهم شوي والصبح فرشي بعسل اصلي انا مره قريت ان يستخدمونه في علاج الريحه السيئه للفم

 

[فـرفـر]

ياارب زوجج مايشم فيج الا ريحه المسك
وان شاء الله فتره وتعدي

 

[najla86]

حبوبه دام الريحه قويه وانتي بنفسج حاسه فيها

تكون سببها المعده ولازم تراجعين دكتور باطنيه

او من الجيوب الانفيه ولازم تراجعين دكتور اذن وانف وحنجره

الله يعينج مشكله محرجه شكثر ناس يعانون منها وعايشين بحاله مايعلم فيها الا رب العالمين

 

[بداية السطر]

رد : عرسي قرب.!!بس ريحة حلجي خايسة

لاتستغرين من اللي اقوله .. ( اكلي بصل )

يعني قبل لاتنامين بساعه جذي اكلي لج بصله كامله ويليت ماتكونين شبعانه حدج يعني نص ونص
.. واذا قعدتي شربي لج نص قلاص ماي على الريج مع ملعقة عسل ...
وباقي اليوم خلي معاج علج اكسترا نعناع

وبين يوم وترك كرري هالشي مدة اسبوع ونص وان شاء الله تروح ...
لان انتي والله العالم المشكله في معدتج . مثل وحده اعرفها .. ضروسها تلق واللثه حمره
لكن الريحة الله يشفيها ماتنطاق .. سوت جذي وراحت منها

انا ماقريت الردود فما ادري شنو قالوا البنات. لكن في رد يقول من الجيوب . آنا فيني جيوب من الدرجة
الأولى لكن الحمد الله مافيه ريحة فما اعتقد جيوب .
لكن هذا مايمنع انك تستنشقين دايم وبزياده شوي

والله يشفيج يارب

 

[جديده بالدنيا]

حبوبه جربي حبوب فلاجيل حيييييييييييييييييل حلوه هي خاصه حتى باللي عندها التهابات مهبليه عشان جذيه لاتطولين وانتي تستخدمينها بالبدايه استخدميها مرتين باليوم حتى واذا راحت الريحه معناته يالحلج يالجيوب الانفيه حتى بتلاحظين لاقمتي من النوم مافيه ريحه والله يشفيك وكل من يعاني ادعيلي اذا انفعتج

 

[قهوة عربية]

ماشاء الله البنات كفوا ووفوا

بارك الله فيكم يابنات

 

[بطة light]

رد : عرسي قرب.!!بس ريحة حلجي خايسة

اي والله يعطيكم العافيه بنات ماقصرتوا وايد استفدت منكم
ماتصقون يابنات شكثر معقدتني هالمشكله وااااااااااااااااااااااااايد والله اشوف الدنيا سودا والله احب اليمعات والزوارات بس الحين كرهتها وماصرت اطلع اخاف الناس تاخذ مني موقف بس ان شاء الله فتره وتعدي انا مابي شي بس ابي اصير طبيعيه حالي حال الناس من دون علوج و حلاو الله كريم