عرس امج وابوج كلنا خنشارك ونفرفش

[زوجي توأم روحي]

عرس امى وابوى قديم
الحفلة كانت بسيطة
امى لابسة بدلة كلها ضيقة فوق الركبة وماشاء الله جسمها أحلى من أجسام عارضات الأزياء
وحاطة تاج ناعم ومسوية بف وماشاء الله اشعرها كأنه باروكة وحاطة كحل رسمته اتهبل ومركبة رموش

وأبوى الله يرحمه ( حييييييييييل مزيون ) لابس بشت ودشداشة اتهبل
حده رزة

والصور أبيض وأسود

ياحلات قبل وأيام قبل وبساطة قبل وقلوب اهل قبل
وربى يرحم ابوى ويجعل مثواه الجنة ويطولنا بعمر امى حبيبتى ويعطيها الصحة والعافية آآآآآآآآآآمين

 

[أنتيكه وأتيكيت]

رد : عرس امج وابوج كلنا خنشارك ونفرفش

^^ الله يرحمه ويرحم اموات المسلمين
انا ماماتي وبباتي كان عرسهم بالسبعينات .. امي زفوها ببشت وكان العرس بحووش ممم مادري خلوني اسألها
اييييي امي قامت تنهد من جبت لها الطاري لوووووول
تقول كان العرس ببيت جدج بالشداديه اللي أهي الصليبيخات الحين جنه .. وكان العرس سنة 74 ويومها مطرررررر
يوم الخميس زفوها ويوم السبت ابوي سافر لحرب الجولان
طبعا ماشفت صور العرس لان كلهم انبااقو بالغزو لكن عندي صور يتيمه حق امي وابوي بأول زواجهم يااحلوهم لايقين حق بعض

 

[اميره1980]

امي و ابوي تزوجو سنة 1975 حده قدييييييييييم
امي تقول راحت للصالون مشي لووووووووووول
للايف ماكو تصوير فيديو لهم بس في صور اوتوغراف عادية و قبل لا تتزوج كان شعرها لتحت ركبتها بس تزوجت قصته لكتوفها حرااااااااااااام و كان نفنوفها وردي فاتح و حاطه في شعرها ورد طبيعي
بالنسبه لابوي لابس دشداشه ضيجه عليه و نظارة طبية اشمتنها
ايام حلوة بساطه

 

[Aro0ora]

عرس ماماتي وباباتي كان في سنه1985 يحليله بابا كان يدرس بامريكا دز حق امي كتالوج بدل عرس عشتوو عشان تختار اختارت وحدة ويابلها وحدة ثانيه لووووووول بس حدها تونس البدله معاها الطرحه والمسكه و المكياج حده ناااااعم وكان عرس الحريم في حوش بيت يدي من ورا والريايل في حوش بيت يدي من يدام والكوشه احمر بابيض تلوع الجبد جنه بيبان كبت كلفتهم 25دك مع الزينه لوووول وخالتي كانت المصورة لووووول بس مو خوش مصورة لانه من دخلت ماما بدال لا تشغل الكاميرا حضرتها طفتها و طول الوقت عباله تصور قهههههههر و ليمن دخل بابا فديت سكبته اهوه وبشته زفهم وشغل الكاميرا لووووووووول ووحدة من المعازيم كاميرتها اختربت يابوها حق ابوي واهوه بالكوشه عشان يصلحهاا لوووول *

 

[Čut!e Quèéи]

رد : عرس امج وابوج كلنا خنشارك ونفرفش

هههههههههههههههههههههه

واااااااي صج اهلنا قبل ابدااااااع


عرس امي وابوي كان سنة 1981 اول السنه

شريط الفيديو ضاع بالغزو عندنا بس البوم صور

كان في بيت يدي ابو ابوي بالحوش عروس اهلنا قبل كله بالحوش هههههههههه

نفنوفها كان ناعم لونه وردي وفيه حركات بالصدر وحزام البطن هههههههههه

والشبكه كانت ذهب والشعر مفلول و مرفوع على الجوانب ومسويه ألشات

واعتقد شباصتين ورد ابيض صغار صوب الشعر المرفوع

وكانت المسكه ورد طويل مادري شنو اسمه + ورد عادي بس حجمها وسط المسكه

وبعد شنوووووووو اممممممممم

ايييييييي الكيكه الف طابق مادري جم وحده يمكن 8 وفيها عروس و معرس لوووووووول

وعشتوو يقصون الكيكه مع بعض ويوكلها و توكله

الطقاقه مادري منو ولا سألتها وكااااااهم وعاشوا في سبات و نبات وخلفوا 4 صبيان و بنت ههههههه

مشكوره على الموضوع الحلوو

 

[Mazyoona]

واااي زوغه احس !!
أنا عرس امي و ابوي شي شي بالـ 87
أبوي كاشخ و بشت و أمي لابسه فوووشي !!
مسويته لها يدتي بالهند و فيه شك على جنب اينن اينن!


أول فري بس ابوي ملتزم لول و خالتي الصغيره وقتها مرتزه
بكل الصور و قاعده بينهم الحين خالتي عمرها 32
و م عيال و متنقبه هههههههههههههههههههههه و ابوي احس يقول هذي الياهل اللي
بعرسي !!

 

[الشهد كله]

عيل آنا عرس أمي وأبوي كان في سنة 1954 :lololoe::lololoe::lololoe:

بس مو ذاكرة منو المصورة يا سمسمة يا لقطات :lololoe::lololoe::lololoe:

والفندق بعد ما أتذكر أتوقع كان بالراية :lololoe::lololoe::lololoe:


بس للعلم الطقاقة كانت عودة المهنا :hjy5jewf::hjy5jewf::hjy5jewf: والله كشخة​

 

[ايمانو حلوة]

عيل انا غييييير عرس امي اكشخ عرس بالعايلة سنة 1982 سووه بصالة نسيت اسمها وامي حدددها كاشخة نفنوفها بالنسبة حق هالايام وااااو اذكر قبل كنت اشوف صور عرس امي واضحك يما وييييع لابسة كبوووس تحته ايشارب ولابسة ذهب شبكتج واااايد عودة لابسة كرسي يابر وحمرة حمرة يابختج يما حطيتي حمرة حمرة لوووول

اي ويابولها مطربين اثنين نسيت اسمهم اقووولج كشخة وانا خنت حيلي على حظي حفلة بسيطة مالت علي قلت مابي اكلف على ريلي وايد كان متكلف بس كافي اني خذيت حبيبي وهذا هو الاهم

 

[ملواكي]

الي اذكره من سوالف امي ان مهرها كان 300 دينار
هالحجي كان سنة 70 والعرس بحوش بيت يدي

 

[moo-0-oon_14]

اب
اب
اب الموضوووع يهبل

 

[سنفوره8]

اب اب اب اب

 

[Tutti-Frutti]

رد : عرس امج وابوج كلنا خنشارك ونفرفش



امي وابوي سوو حفله وحده وعقبها سافرو امريكا لانه ابوي كان يدرس هناك
فما كانو يبون حفلتين ويسوون سوالف ولويه

حفلتهم كانت بحوش بيت يدتي << ام امي
ونفنوف امي كان حيل حيل بسييط وتسريحتها ابسط ومكياجها ابسط وابسط

كان لونه ازرق ولبست تاج
وابوي جنه جنه كان لابس بدله مو دشداشه << متاثر بالاجانب

الله يخليلي اياهم ويطول باعمارهم
ويطول باعمار امهاتكم وابهاتكم ويرحم الماضين

 

[** باربي **]

والله عرس امي وابوي خوش عرس رقص وعرضة تحسين بساطة الكل حاضر حتى اليهال محد تضيق عينه من احد وقاعد يلبسها شبكة وجذي يحليلها امي زقرتية وابوي كان طبعن جميل العايلة حسافة ما حصلت نفسة خخخخخ لي الحين عندنا ياه وعقبها منسابات لمن ولدت وجذي صج حلو شفت ناس ما لحقت عليهم

 

[الله يجمعنا]

لا يوقف لايوقف لا يوقف لايوقف لا يوقف لا يوقف لايوقف عاشوا امهاتنا عاشواا لوللولوولولولولولييييييش


up up up up up up up up up up up up

 

[شمعة الامل]

عرس امي وابوي

كان ببيت جدي >ابو امي وامي كان فستانها مررره ناعم والاهم له الاكمام منفوشه ولونه ابيض

وشعرها مفكوك طويل اما بابي له شنابات ياي فديته كأنه شنابات صعايده هذا غير البشت الاسود

وبث

 

[• JoJo •]

فديت امي وابوي


الله يحفظ لنا امهاتنا واباءنا يارب ويطول بأعمارهم


قولو امين

 

[غــ q6r ـلا]

امممممم
العرس كان فـ بيت يدي ابو امي ..
وامي كانت لابسه فستان ابيض بس ماتذكر شكله بس طرحتها تضحك في حركه من جدام وكانت موضه وقتها ومكياجها ناعم كحل و روج احمر واكيد كانت ناقشه يدها وريلها،،فديت امي الزين كله ..
وابوي فديته كاشخ بالبشت الاسود :hjy5jewf:

امي تقول ان الطقاقه جاتهم الساعه 9 وكانت سكرانه

 

[فلسفة جرح]

امي تزوجت سنة 1986 شفت أمي كانت لابسه فستان طويل وحلوو وكاان بقااعه قدييييمه ! أظن اهل امي مسوينها بس انصدمت
أن كان عمر امي 19 يوم تتزوج :/ و

 

[مرمر]

مو امي وابوي اول شي بتكلم عن عرسي

كان 10-1986

بالميريديان والطقاقة كانوا فرقتين فرقة صنعة وفرقة نورة بنتها علي وقتنا هذولا احسن شي

تري العشا مايفرق وايد عن الحين بس تغيرت اصناف

بس اول الكوشة بس الستيج وورد وكرسي المعاريس ماكو التلبيسات والتسكيرات بساطة

اول سطرة نحط سفنج هذي يقعدون عليها الفرقة والبنات العايلة

طبعا تشوفين الاسفنج والسجاير اهم شي مالوت الفرقة

وسويت يلوة وطلعت وبدلت بس بعرسي سويت فنتق دخلو جدامي 6 بنات صغار ملبسينهم نفس الشي ورافعين سيوف طويله

كشخة

شعري سويته بنفس الفندق صعدوالي فوق
والمكياج عند فاتن اكشخ وحدة تسوي كان محلها بالسالمية تطلع للعروس بالفندق ب300دينار وعلي ايامنا شي وشويات

وبس

 

[أحبج يمه]

عرسهم كان بالحووش
وأمي كانت لابسه نفنوف أبيض قصير ومطلعة الركب ومسوية تسريحتها ويفي ومسكينة كان عرسها بعز الحر ورطوبة تقول كاانت فاطسة وعليه
وأبوي كان كاشخ لابس بدلة متزقرت الحجي هههههه

طبعا عرسهم كان ايام الابيض والاسود ربي يحفظهم ويطول باعمارهم