عرس ولا سفره؟؟؟؟ شرايكم؟؟؟؟؟

[didoo]

رد : عرس ولا سفره؟؟؟؟ شرايكم؟؟؟؟؟

مشكورين حبايبي عالردود ماقصرتوا والله يبارك فيكم فديتكم

 

[امل يائس]

والله لو انا منج اطير و اسافر و انطلق بالوناسه و خل العرس يولي
شدعوة عروس هالايام فيها وناسه والله اسئليني انا
كله توتر و تعب و قط فلوس و هم تجيج الناس بس تعليقات و مو عاجبها العجب و تعيب
رضى الناس غاية لا تدرك
انتي بالصالون من 1 الظهر للتسعه ونص يالله تدشين الصاله و تكون الناس مخيستها من ال6 رازه ويهها
و تدخلين بس تعليقات لو مسويه جذي و لو حاطه جذي و بعدين يجي ياخذج وتعالي سمعي التعليقات هي احلى هو مدري ايش
بعدين يروحون يبلعون من البوفيه و بس
احس الوناسه كلها للمعازيم مو للمعاريس لان عروسنه مو مثل الجانب اشحلاتها

يبا روحي طيري و انفردي بزوجج و خلي الطقطقه تولي
انا ندمانه وايد على عرسي لو قاطه فلوسنا عالسفر ابرك الناس هالوقت قلوبها مو صافيه

 

[المحبه للاستغفا]

رد : عرس ولا سفره؟؟؟؟ شرايكم؟؟؟؟؟

سوي زواج مختصر في قاعه صغيره

وبعدين سافري

بصراحه الاثنين مهمين

 

[NoNoFeTa]

اكيد عرس السفر لاحقه عليه
وموشرط تتفققين بالعرس الصراحه سوي على قدج وشي حلووو العرس احلا ذكرى وايد اعرف بنات بدو السفر عالعرس وتحسفووووووووووووووووو لان في صور وفيديووو ذكرى وايد حلوه راح تتحسفين حلاتج بالكوشه مع ريلج وقنعيه يدخل يصور وتمشون على طول

 

[المحبه للاستغفا]

رد : عرس ولا سفره؟؟؟؟ شرايكم؟؟؟؟؟

اي صح نسيت اقولك الف مبروووووووك ومنه المال ومنك العيال

ربي يوفقكم ويسعدكم

 

[هيبة الطاووس]

رد : عرس ولا سفره؟؟؟؟ شرايكم؟؟؟؟؟

عن نفسي سفره طبعاً وما يمنع حفله بسيطه بنفنوف ابيض حلو مرتب

وطيران على المطار ههههههههه صراحه السفره مع ريال عمري ما فكرت أقعد معاه

شغله ما تطوف جربتها مع زوجي ماعرفه ولا يعرفني يس شنو وناسه ربي لك الحمد والشكر

 

[ياحبي له]

رد : عرس ولا سفره؟؟؟؟ شرايكم؟؟؟؟؟

انا .. مثلك احتمال ماراح اسوي زواج كبير
راح اسوي حفله صغيره في استراحــه وراح البس الفستان الابيض عن خاطري
وبعد راح اسافر ان شاء الله باذن الله ..

 

[در المنثور]

رد: رد : رد: عرس ولا سفره؟؟؟؟ شرايكم؟؟؟؟؟

سفرررررررررررره
طيعيني انا سويت عرس وريلي ما رض يدش والكل كلمه وحاول معاه وهم ما رض وهم سافرت بس تحسفت وايدددددد اني سويت عرس
والسفره كانت عندي اونس

اذا تبين لبسي ابيض قبل السفر باسبوع وروحي صالون ويبي مصوره وصوري مع ريلج بشقتكم وسافرو 2 او 3 يوم وايد ونااااااسه صدقينين
العرس لناس والناس ما يعجبهم شي كل يعلقون ويعيبون وما يملون
نصيحه سافري واستانسي


على فكره بنات مو كل واحد يقتنع انه يدش في ريايل راسهم يابس حددده
ما يرضون

فا سافري والله يوفقكم ان شاء الله ويسعدكم بحياتكم

دمتم برعاية الله

 

[ريماس77]

والله براي سافري واستانسي بلا عرس بالوجع قلب ولي رديتي سويلج استقبال العرس ذكرى بس السفر احلى

 

[الدلوعه2008]

الاثنين عرس وسفره

وعلي قولتهم سفره لحقين عليها ما راح تطير موجوده طول العمر بس العرس ما راح يتكرر

 

[انا لحبيبي .]

رد : عرس ولا سفره؟؟؟؟ شرايكم؟؟؟؟؟

العرس يوم العمر وليله وحده .. بس بتصرفي فلوسك على الناس وبصير حكي كتير سواء خير او شر رح تسمعي حكي مليان وكتير

والسفره بتقدري تسافر السنه الجاي او الي بعدها .. بس يمكن هالسفره احلى سفره لانه شي جديد عليكي زوجك وبتكوني بدك تكتشفيه ويكتشفك

يعني الشغلتين بحيرو ^_^

بس انا نصحيتي الك اذا زوجك مو حابب العرس وهالسوالف خلص .. اعملي حفله صغيره بالبيت والبسي الفستان الابيض عادي حبيبتي وبعدين سافرو وفلوسكم الكم بتسافرو بتتمتعو فيها انتو مو الناس

الله يوفقك يارب ​

 

[opera]

ويييه ريلج مثل ريلي

شرط ماكو عرس واذا بسوي اهو ماراح يدخل :eh_s(2):

وافقت على شرطه بس ابوي قال لازم نسوي عشا عائلي محفوف ليلة اللي بتروحين شقتج ..

وصج ابوي سوالي عشا بالبيت وعزم الرياييل والحريم من الاهل بس وانا كنت لابسه بدله حفله بس مو لون ابيض ..


وسافرت معاه وما اجذب عليج السفره كانت حلوه بس لاني كنت للحين مو ماخذه عليه وايد يعني استحي منه فوايد اشياء ما سويتها ولا استمتعت عدل بالسفره :eh_s(22):



يعني مع مر السنين .. احس السفرات اللي الحين معاه بعد جم سنه زواج واااايد احلى من شهر العسل الحين غير اخذت عليه و السفر صار متعه ومغامرات وكل شي ابيه اسويه



وبس
لي الحين 4 سنين متحسفه ليش مالبست ابيض وماسويت عرس وماعزمت رفيجاتي و صورت

 

[PINKEIA]

أول شي مبروك الزواج وأنا رايي تسافرين وتستانسين أحسن من عرس ولبسي نفنوف ابيض بين أهلج وأهل زوجج ورفيجاتج كافي يحضرون العرس وايد من أهلنا سوا جذي اذا عرس بسيط يسافرون انتي نفسي تستحين تدخلين صاله بروحج أنا لاتزوجت مابي عرس لأني ارتبك و
افضل السفر عليه أحسن من التعليق على دي جي وحلو والرقص واللبس وانا خالتي دخلت الصاله بس زوجها قالها ماراح أقعد بس بدخل أخاذج من الصاله خالتي وقفت واهوا خذاها على طول طلع يستحي

 

[إستبرق]

عــرس من صجج مافي شي يساوي يوم العرس
ولازم يدخل يحب مايحب هذا يوم عمرج
والله انا من كثر ماحبيت عرسي واستانست فيه اقول لخواتي ودي اعيده مثل ما اهو
ياحلاته هاليوم والسفر لاحقه عليه

 

[رفيف الورد]

مبروووووووووووووووووك عروستنا يا حبيبتي وبالرفاء بالبنين والبنات وربي يرزقكم بالذريه الصالحه المشافى المعافى ويجمع شملكم بدرب الخير والمحبه والبركه ويحقق لكم كل اللي يتمناه قلبكم عاجلا غير آجلا آمين يا رب العالمين

حبيبتي سوي لج حفله محفوفه بالبيت تضم أهلج وأهله وعقبها سافروا ويا رب يبارك لج جنة قلبج ويخليه لج تاج قلبج زوجج يا حبيبتي آمين يا رب العالمين

تفضلي حبيبتي هالرابط http://www.6rb.com/songs/38045.html أغنية راشد مرحبا يا أجمل عروس

والفال لي ولجميع بنات المنتدى عاجلا غير آجلا آمين يا رب العالمين :yaaaaaarb:

من حزب الطماشه


:33_1185028183: :nbvppw: :edbf4317b9:



:edbf4317b9::hearting:

 

[om deaj]

سوي سفرة ولا حفلة فيالبيت ولبسي الابيض بس خليه ناعم وروحي استانسي بالسرفة ولا العرس شنو بتاخذين منه غير المخاسير والتعليقات اللهم يا كافي

 

[*لذيذة حدي*]

انا اقول سوي العرس و صوري و استانسي مع ريلج سواء كان بسيط او كبير .. اهم شي تلبسين الابيض و تفرحين و تصورين و يكون لكم ذكرى

انا اعرف جم وحدة ما سوو عرس و ليلحين كل ما نتكلم عن العرس و نشوف الصور يضيق خلقهم و يقولون جان زين سوينه

سوي شي بسيط و سافري مع ريلج

و موفقه
​

 

[أم@الحلوين]

انا اقول سوي عرس اهي ليله بالعمر ما تتكرر والسفر لاحقه عليه اذا مو هالسنه سنه اليايه
والله يوفقج يارب

 

[vanilla-D]

رد : عرس ولا سفره؟؟؟؟ شرايكم؟؟؟؟؟

انا توني مالجه بسوي حفله بالبيت البس فيها اوف وايت و بساااااااااافر

 

[(دنيتي)]

سفره

بس اذا وافق ريلج يدخل الصاله لأأأأأأأأأأأأأأأأأأأأأأأأ

عرس
والف مبروك والله يوفقج