عرفينــا بنفسج ... (( حفله التعارف )) تعالوا راح نبدي p:

[SaD FaCe]

السلاام عليكم ورحمة الله وبركاته

حبيت اغير شووي من طريقه المواضيع احس شوي جامده

الفكره اهي كل وحدهـ تدخل وتعرفنا بنفسها

الكليه ، الدفعه او السنه ،التخصص ، ملااحظااتها على الكليه و التخصص


اناا ببدي اول شي

الكليه : علوم اجتماعيهـ

الدفعه : 2005 سنه رابعه

التخصص : علم نفس

ملااحظااتي : الكليهـ حلوه بصراحه بس في احلى منها لووول وتخصصي هم حلو بس زحمه عليه وكله الشعب مغلقه و للاسف ماكو وظايف وايد حق تخصصنا :050103nbh_prv:

نااطره ردودكم


منقول :lololoe:

 

[pure feminine]

وناااسه سدسد انا اول وحده ارد

خووش موضووع حيااتو


انا احم احم من اكششششششخ كليه بالكويت الاساااسيه

دفعة 2006

تخصصي اسلاميه


ملاحظاتي عـ الكليه يصكروونها ابرك مبناها قديم وبداائي حيل وزحمه يادنيا زحمه حتى بالممرات اندعم البنات من الزحمه

وطبعا مافيش مواااقف سياارات انسي الله يعين البيووت المجاوره على سياارات البنات

وماكو دكاتره واداره فاشله وبهيجه مالت عليها حارقتها تصريحات عـ الفااضي

والكلام يطول عن كليتي الحبيييييبه

 

[أحلى اسم ،، اسمكـ]

وعليكم السلام ورحمة الله وبركاته

يعطيج العافية على الموضوع الحلو ..

انا بكلية التربية الأساسية
تخصص معلم الحاسوب
الدفعة 2008
هذا ثاني كورس لي

ملاحظاتي : ان التخصص صعب شوي وكله انجليزي ( انا عندي مشكلة مع الانجليزي متحاربين انا وياه >> بس الله يساعدني )
اقوى تخصص بالكلية
الكلية حلوة صج ان الملحق مال الحاسوب يخرع ومهجور بس وناااسه
تخصصنا دايما ما في شعب >> مايبطلون مواد مادري ليش ؟؟!!
ولم الحين ماعندي ملاحظات

وبس ..

 

[esTanosh]

الله خوش موضوووووووووووووع


الكليه ، الدفعه او السنه ،التخصص ، ملااحظااتها على الكليه و التخصص

الكليه : اداب
الدفعه:2008 توني مستجده اول كورس لي
التخصص :انشالله جغرافيا (راح احول الاجتماعيه)
ملاحظه : إممممممم بصراحه ناقص نخي وباجييلا والي يسوون سوالف الصاج ما الصاج والكباب وتصير القهوه الشعبيه مادري مبنى يفشل
مبنى ثاناويه والصفوف ستايل قدييم إممممم اهيا زوينه بس مو زينه يعني لو بتقاارنينها مع جامعاات شويخ اكيد ماتقاارن ههههههههههههه



ميرسووووووووو ياحلوه خوش موضووع

 

[gazl~q8]

والي يقولج ماراح اعرف عن نفسي اخاف تجكيني بعد<<برا


انا دفعه 2007

كليه العلوم الاجتماعيه..

التخصص: علم نفس..

وللحين جاري البحث عن تخصص مساند سنع مثل الناس


وملاحظاتي عن الكليه خوش كليه وتهبل بس لو يحطون ماكدونلز بالكفتيريا اونس <نعم الاخت فاهمه غلط..


ويسلمووو عالمواضيع النايس..

 

[o.magic.o]

كلية العلوم
دفعة 2008
التخصص انشالله جيولوجيا
ملاحظاتي .. الكفتيريا يبيلها تتطور شوي .. و أطالب انهم يردون باسكن لانه الكفتيريا من غيره مو شي
و المشكلة الأزلية مشكلة المسافط .. ماظن بتنحل لوول

خووش مووضوع يعطيج العاافية قلبوو

..^ـــــــــــ^..​

 

[SaD FaCe]

حوحو ميرسي عالرد ^_^ والله يعيييينج من قلب

احلى اسم تخصصج وااايد حلووو بس دشي دورات انجلش راح تستفيدين اكثر

استانوش حياج الله كليتنا والتخصص اللي بتختارينه وااايد نادر ومطلوب الله يوفقج بس سمعت ان غيرو المسمى ماله بس اتأكد واعطيج خبر لان يأثر بالشغل

غزوووول لا تخافين ماراح اجكج هههههههههه موادج مواد مستجدات << براااا p:

 

[SaD FaCe]

o.magic.o الله يوفقج ان شاءالله انا كنت طالبه علوم قبل هههههههه صدقتي عن الكفتيريا بس الله يعافي الهندسه ولا شرايج P:

اما المصافط لا ماراح تنحل لو شنو P:

 

[prestige]

للرفع

 

[esTanosh]

صج :s
اي والله تأكدي يزاج الله خير بعد لااقعد احلم واخطط اخر شي ماكو شي

 

[SaD FaCe]

ثانكيو برستيييج :*

ان شاءالله باجر اسألج ^.^

 

[أحلى اسم ،، اسمكـ]

اي صج انا ماتكلمت عن الكفتيريا !!

الكفتيريا >> اي شي

حدددددده اي شي

والله اني كل يوم اداوم وما اكل شي منهم مووووحلو (( الله يديم النعمه )) مافي مطاعم .. اه بس لو في ماكدونالدز و باسكن

 

[ام فوااز]

خوووش موضوع حبيبتي
انا تخصصي تكنلوجيا التعليم وخووش تخصص بكلية التربية الاساسية ودفعة 2007 سنه ثالثة وكليتنا مثل ماتفضلت حياوية قديييم حييل وماكو مصافط هذه مشكلتنا الازلية

 

[مطيريه ماركه]

الكليه : أكشخ كلية احلى كلية وأنظف كلية التربية الأسآسية

الدفعه : 2006

التخصص : تربية اسلآمية

ملااحظااتي : الكلية بدآئية غير صآلحة للاستهلآك البشري البنآت خز × بحز هالموضة بالكويت كلهآ بس أستغرب بكلية وتخزين شحقة جآية تدرسين والا تطمشين على الأوآدم مآكو مصآفط كلهآ رآيحة على مسيرة مجلس التعآون الخليجي من محبين القز مآدري من قآص عليهم وقآيلهم هذآ شآرع الحب شآرع الحب ورآنآ التخصصات قليلة نوعآ مآ موآد أسآسية تقريبآ يعني المنآهج تطورت المفروض يكون فيه تخصصآت أكثر ادآرتنآ زفت متمثلة بالست بهيجة و دلول هآنم طبعآ وعود كآذبة ومنونآ بأمآني واحنآ مقصة مصدقين ، دكآترتنآ ولآ أروع صج شهآدة حق بكليتنآ الهيئة التدريسية حيل متعآونة معآنآ وتهمهآ مصلحة الطآلبآت وبعد طآلبآتنآ على كثر خزهم بس شقرديآت رآعيآت فزعة حبوبآت ، كآفتيريتنآ جنهآ مطعم هندي والهندي أحسن ، موظفآت التسجيل لووعة ودج تدشين عليهم بعجرا بس أرد وأقول مرتآحة بكليتي مآدآم أغلب تعآملي مع دكآترة وطآلبآت زين على زين والعميدة والتسجيل مآ مرهم الا من وقت لوقت فالبعد عنهم غنيمة ، أخيرآ مكتبة الكلية فيهآ فقر مصآدر معلومآت !

رآيي بتخصصي : الاسلآمية تخصص حلو وتعآمل الدكآترة طيب الكويتيين بس المصري مو زينين العلة هو المساند ألا وهو العربي المادة بروحها غلجة ومآتنفهم هم الدكآترة مصعبين السآلفة حييل ويحآسبون على النقطة والفآصلة ويعطون f مثل الورد :lololoe:

آنآ قلت كل شي عندي سلبيآت وايجآبيآت

 

[Miss-LuLu]

الكلية : علوم ادارية

الدفعه: 2008 (ثاني كورس لي )

التخصص: للحين

ملاحظات: الكلية حلووه والنشاطات الى فيها هم حلوه وكل شي فيها حلوو

تسلميين ساد على الموضوووع الحلووو..

 

[SaD FaCe]

احلى اسم عازمتج على كفتيريتنا لوووول

ام فواز حياج الله

مط مط ثانكيووو عـ مشاركتج وتخصصج المساند من اسمه يخرع ههههههههه

مس لولو شي طبيعي الاداريه حلوه لوووووووول اخ بس اخ على الحظ الردي اللي قطني الاجتماعيه لووول

 

[أفرض هيبتي]

الكليه الدراسات التجاريه
الدفعه2006
التخصص اداره

ملاحظاتي طال عمرج ان الكليه ماشالله كل مالها وتتطور ....سواء من كفتريا وكافيه

المبنى ماراح نتكلم عنه في الوقت الحالي لكن في المستقبل راح نتكلم...بسبب ان ع الكورس الجاي ننتقل للمبنى الجديد في العارضيه
مع اقرار البكالوريوس طبعا....

الكليه بصفه عامه حلوه بس ناقصها شغله وحدهـ انها تصير بكالوريس،،،،

وميرسي ساد

 

[~ miss NERD ~]

توني بالثانويه
بس ان شاء الله كلية الحب ... أقصد الطب
مشكوره

 

[Miss-LuLu]

احلى اسم عازمتج على كفتيريتنا لوووول

ام فواز حياج الله

مط مط ثانكيووو عـ مشاركتج وتخصصج المساند من اسمه يخرع ههههههههه

مس لولو شي طبيعي الاداريه حلوه لوووووووول اخ بس اخ على الحظ الردي اللي قطني الاجتماعيه لووول

ليييش @@ بالعكس حلوة الاجتماعية وفيها نشااطات :080402ask_prv: بس عيبها ماكو مكان تقعدين :bbbiu:

 

[*الفراولة*]

الكليه الدراسات التجاريه
الدفعه2006
التخصص اداره

ملاحظاتي طال عمرج ان الكليه ماشالله كل مالها وتتطور ....سواء من كفتريا وكافيه

المبنى ماراح نتكلم عنه في الوقت الحالي لكن في المستقبل راح نتكلم...بسبب ان ع الكورس الجاي ننتقل للمبنى الجديد في العارضيه
مع اقرار البكالوريوس طبعا....

الكليه بصفه عامه حلوه بس ناقصها شغله وحدهـ انها تصير بكالوريس،،،،

وميرسي ساد

اشلون الكورس الياي تنتقلون المبنى اليديد , هم التربية الاساسية ؟؟؟؟ والا بس التجاري ؟؟؟