عروسه ؟ قاعده تجهزين ؟ ... تعالي حبوبه بقولج جم كلمه

[شمــ{جابر}ــوخ]

السلام عليكم حبايبي ​

بكتب الموضوع من خبرتي ووجهة نظري .. ماراح اقسم المهر لان ماعندي خبره بالشي هذا ولان كل مبلغ يحدج على شي معين .. بس اقري الموضوع والفكر بشكل عااااااام
وان شاءالله يفيدكم ويساعدكم :eh_s(7):​

اول شي قبل لاااااااااا تشترين أي شي .. شنو اللي بيلفت نظر زوجج بأول ليله وطول الوقت ؟!
مكياجج ؟! فستانج ؟! قميص نومج ؟! ​

لا ياقلبي ..​

( بشرتج + شعرج + جسمج + ريحتج ) ​

المكياج راح تمسحينه >>> راح يشوف بشرتج الحقيقيه
الشعر >>> راح تسبحين .. مو معقوله ماراح يشوفه على حقيقته
الجسم >>> مايحتاج اقول .. لان راح يفصله تفصيل
ريحتج >>> راح يشمها واول شي راح ينتبه له ريحتج ​

يعني اللي تتعبين عليه وتفكرين فيه ( بشرتج وشعرج وجسمج وريحتج )​

اول شي = بشرتج >>> روحي حق دكتورة جلديه شاااااااطره او دكتور شاطر من وجة نظري (دلال التركيت او عيسى بشور او مركز اوباجي) ​

ثاني شي = شعرج >>> هم دكتوره الجلديه راح تساعدج​

ثالث شي = جسمج >>> اذا متينه دشي نااادي علشان تضعفين وجسمج يكون مشدووود و اشتركي بوجبات الرجيم اللي توصل البيت ونفس الشي دكتور الجلديه يساعدج انه يوحد لون جسمج ويحل مشاكله​

رابع شي = ريحتج >>> مايحتاج بعد النظافه الشخصيه اهم من العطور .. الريحه اللي اقصدها ريحة الأباط وريحة المنطقه الحساسه والحلج (الفم) .. اهتمي بدورتج واخذي كورس اعشاب حق الدوره وانصح تاخذينه من ام خالد الهاجري (خبيرة اعشاب) .. وبهالشي راح تدشين على زوجج ناشفه وماكو خراب ولا ريحه وتيننين
الايام العاديه .. اهتمي بالمنطقه الحساسه واشتري غسول خاص فيها .. نشفيها عدل .. استخدمي كريمات مرطبه وكريمات تفتيح .. وهالشي راح تساعد فيه دكتوره الجلديه ..
الأباط والبكيني من أهم الأماكن اللي لاااااااااااازم مايكون فيهم شعر وانصح انصح انصح تسوين لهم ليزر
السبوح والسنفره يوم وترك .. واذا انتي مداومه يوميااااااااااااااا
رطبي جسمج عدل ولا تهملينه ..
عالجي أسنانج واللثه .. سويلهم تبييض والعلاج اهم من التبييض يعني اهم شي تعالجين مو تبيضين على خراب :eh_s(4):​

خلي ريحتج دووووووم فواااااااااحه وتينن وتعودي على هالشي قبل الزواج مو بس علشان زوجج لااااااااااااا علشان نفسج ونفسيتج
اهم شي النظافه وبعدين العطووور ​

برنامج العروس = انا عندي لو تبدين فيه بفتره شوي طويله احسن اذا كان السعر يناسبج حق 3 شهور .. واذا كان غالي عليج قبل العرس بشهر ​

ليش دققت على هالــ4 اشياء ؟!
لان اهما اهم شي .. ويبيلهم فتره ماتقل عن 3 - 6 شهور من الاهتمام :rerrerek:​

بعدين عاد فكري بالبدله البيضاء .. او بدلة الملجه .. او الاستقبال .. واللي معاها يعني مسكة العروس .. مكياج .. تسريحه .. دي جي .. بوفيه .. كوشه ... الخ ​

بعدين لما بتشترين اغراضج لاااااااااا تشتطين وتجربين أشياء جديده وتتوهقين ​

يعني .. ..​

المكياج = ليش تشترين مكياج جديد .. يعني ارقام جديده ؟! :eh_s(4):
انتي عندج فاونديشن لايق على بشرتج .. خلج علييييييييه بس اشتري واحد جديد .. ألوان الشادووو والحمراااااااا .. اللي لايق على بشرتج لاااااااا تشترين غيره وتجربين الوان انتي اساسا مو مقتنعه فيهم وبعدين تقطين فلوس على الفاضي
الماسكارا .. الكحل .. الكونسيلر .. الاضاءه .. البلاشر .... الخ
لا تغيرينهم خلج على نفس اغراضج بس اشتري جديد .. لان انتي حابتهم ولايقين على بشرتج ​

البجامات وقمصان النوم = انتي تعرفين شنو زوجج يحب ؟! اذا تعرفين او اشتري اللي اهو يحبه
بس اذا ماتعرفين .. بالله شكوووووو تشترين الف بجامه وقميص نوم وانتي ما تدرين ؟! :eh_s(4):
شريتي اصفر .. شافه عليج قال بقلبه شفيها هذي عاد اصفر :eh_s(10):
شريتي احمر .. شفيها هذي احمر @@ اللوووووون اللي اكرهه :eh_s(14):​

بالله بذمتج شنو تسوى عليج .. قاطتلي فلوس على قمصان نوم ماراح تلبسينهم :eh_s(4):​

حبيبتي اخذي الشي الطبيعييييييي .. يعني الناااااااعم .. الوان فااااتحه او ترابيه اللي يشوفها ما يعوفها .. يعني شي ناااااعم ولا تتجرأين بالألوان الا لما تعرفين ذوق زوجج
اخذي بجامات مريحه .. مثل باجامات (اوشيووو) بناتيه وحلوه .. انتي ترتاحين فيهم وشكلج يشوق عليهم ​

الملابس الداخليه >>> اخذي المريح واليووووووووومي .. اخذي الأقطااااااااااااااااااااااااااااااااااااان .. القطن الزين والمريح .. اخذي منهم واااااااااااااااااااااااااااااااااااااااااااااااايد لان صج مهمين وانا ارتاح حق (اوشيو) .. والملابس الداخليه الفناتق عاد طبقي كلامي اللي قلته عن قمصان النوم ​

العطور = هالبنات من دروا انه عرس وزوج .. قاموا يكودووووون من هالعطور .. :eh_s(14): :eh_s(4):
ليييييييييييييييييييييش ؟!
اول شي خلج على عطرج الي انتي تحبينه .. وخلي زوجج يتعود عليه من يشمه يقول ايييييييي هذي ريحة فلاااااااااانه .. ركزي على وااااااااااحد ماتغيرينه ابداااااااااااااااا
ثاني شي اشتري جم مجموعه حق الزوارات .. حق البيت .. حق النوم .. منها فرنسي طقمين ومنها شرقي طقمين ومنها خلطات طقم ومنها فواكه وحلاو ثلاث اطقم حق النوم وقعدة البيت يم زوجج
واذا خلصوا اشتري غيرهم ونوعي فيهم بس نفس الفكره ..
اخذي بخور زين من (الجزيره) .. اخذي فواااحه وعطورها ​

اذا كنتي من اللي يلبسون بدلات طلعه >>> الله ماكثر اللي بالسووووووق .. واذا صادف موسم تنزيلات روحي خمي لج .. اخذي أشياء تتركب مع بعض .. والسوق ماراح يطير ​

الجناط .. اخذي جم ماركه غاليه والباجي ماركات امريكيه او ايطاليه عاااااااديه .. لا تكثرين غالي لان كل شي موضه تكودييييييين والمحل نزل بضاعه يديده :eh_s(4):
والجواتي (وانتوا بكرامه) نفس الحجي عن الجناط .. بس هاااااااااااا اهم شي راااااااااحتج مو تشتريلي كعووووووب واخر شي تموووووووووتين من العوار وانتي تمشين فيهم .. ترا راح تستحين ماراح تتكلمين ولا كلمه جدام زوجج خاصه اذا كان مشتط ويبي يتمشى معاج
اهم شي راااااااااااحتج بالجوتي >>> والله هذا اهم شي ​

اذا انتي راعية عبايه >>> مو تسويلي العبي ملوتج جنه عبي عرس :eh_s(14): .. ياقلبي فصلي عبايات نااااااااعمه حق طلعاتج مع زوجج .. او الدوام .. وعبي رزه حق الزوارات والطلعات الرسميه واهم شي تدورين محل عبي خامته حلووووووه وماتوبر ولا يتغير لونها ​

الدراعه = اذا فبيت حموله الله يعينج لان صج محتاجتها واااااااايد .. بس اذا بروحج فصلي جم وحده قصيره وطويله ..​

بعدين عاد الاكسسوارات = شوفي انتي وذوقج شنو تحبين .. راعية ذهب اخذي ذهب واذا قدرتي اشتري من البحرين ارخص واحلا اهني ناااااااااااار الذهب
والاكسسوارات كل وحده وذوقها .. ولا تنسين بالبيت تلبسين تراجي صغيرونه نعوووومه لايقه على بجامتج او سلسله نعوووووووومه .. ​

وفي أشياء باقيه وأنا أعتبرها نثريات مثل الفوطه واحجامها .. أغراض الحمام (وانتوا بكرامه) .. جناط السفر او جناط تحطين فيه تجهيزج .. اغراض المنيكير والبدي كير .. اكسسوارات الشعر ...........الخ ​

أهم شي لااااااااا تشتطين .. خلج مثل ماانتي وعلى ذووووووووووقج واللي انتي مقتنعه فيه ​

هذي فكرتي العامه للتجهيز وان شاءالله فدتكم بشي .. وسامحوني عالقصور هذي كل أفكاري ​

الله يوفقكم ويسهل اموركم ان شاءالله :eh_s(7):​

((وحبايبي اللي عندها فكر ولا نصيحه لا تبخل فيها حق عرايسنا))​

 

[B.A.M]

مشكوووووووووووووووره

 

[قطوه بطه]

رووعه رؤوووعه تسلم هالايادي

معاج بكل كلمه قلتيها مايهم من وين جهزتي ولا بجم ولا من اي ماركه الاهم انتي


عساج عالقوه خيتي

 

[3roo$ al.kon]

مشاالله احلى ماعجبني بموضوعج عفووويتج بالكلام وصراحتج تبارك الله وهذا اللي شدني لموضوعج اما بخصوص الموضوع صاااجه بكل كلمه والله

حبيت اضيف نصيحه الكلمه الطيبه والبشاشه لزوجج يشده وينتبه له كثيررر وحتى لو كنتي عنيده وراسج يابس لاتعاندين الزوج لان العناد يسوي بلاوي الله يكافينا شرها خليه مايسمع منج الا الكلام الزين والاسلوب الحلو


والله يوفقكم عرايسنا


مشكوووووره شموووخ وعساج عالقوة حبيبتي

 

[Kirsten storms]

تسلم ايدج على المووضوع

مشكوووووره حبيبتي

 

[mona q8]

والله ما فصرتي بشي
الصحيح ينقال
أنا اعرف وحده مهرها مع هدية اهلها
وصلوا ١٣الف قامت تقط فلوس بالشارع<<مو لهالدرجه بس هذا مجاز عن التبذير
مره ورّتني جنطه ماتسوى دينار ونص شرتها ب ٣٠٠دينار
ليش التبذير
ع الاقل ظمي لچ من هالفلوس لليوم الاسود
بعد العرس تقولي أنا متحسفه ع جهازي
قامت تطّر الفلس من خلق الله
الحمدلله ع نعمة العقل

 

[مس وردة]

يعطيج الف عافية علي هالنصايح

 

[عيون جذابه]

يعطيك العافيه كلامك جدا مفيد

 

[kwait doll]

يعطيئيج العافيه. أغلب كلامج صح بس أنا مو معاج ببعض النقااط

مسألة قمصان النوم تقولين خليهم كلهم ناعمين والواان هادئة مااا يصير لازم تأخذ جميع الألوان

علشاان تتغير جدااامه وما يحس أنها باهته ومملة


وهم بالنسبة للعطر تقولين خلي عطرج لا تغيرينه مووو معقووله على شنووو اسمها عرووس حراام لازم تغير وتكون كل مرة مختلفه جدامه حتى بريحتها

والله باجر يفشلها يقول ماعندج غير هالعطر؟


لأن بعض الرياييل وقحين يقطوونها بالويه

والعبي حق الزوارات لازم فخمه و (ملووت عرس)

بس هالفترة بعدين ختصير ناعمه كيفها


ومشكوووورة عالنصايح ؛**

 

[صـاحبه الذوق]

موضوعج يهبل
يعطيييج العافييه

 

[خبيرة اعشاب]

صراحة موضوع شيق و مرتب
فعلا بالنسبة لي اهم شي بالتجهيز انه ما يكون مبالغ فيه
فعلا مطلوب من العروس انها تكشخ و تلبس بس اعراف اكثر من وحدة قطت الوف على ملابس و تالي حملت من اول شهر و ما لبستهم ....

انا عندي اهم شي الترتيب و الذوووق و الاختيار الصحيح يعني تختارين اللي يلوق عليج و على مجتمعج و الشغلات اللي رح تلبسينهم و تستفيدين منهم

للاشارة عندي جم قطعة من تجهيز عرسي لها الحين هههه محتفظة فيهم و احس موضتهم ما تروح

و بالتوفيق لعرايسنا ان شاء الله

 

[خلطات المذهله]

تسلم ايدج كفيتي ووفيتي كامل متكامل

 

[انوثتي غير وياك]

يعطيج العافيه

 

[caramella <3]

يعطيج العافية حبيبتي

 

[عجزت افهمهم]

كل الي قلتية صحصح
القمصان اخذت حلوة والوانها هاادية وراقية وما ااحس ان حلوة العروس تاخذ البيبي دول والتنكري والغلات هذى الحلو قمصان تكون ناعمة ومتنوعة بين الطويل والقصير والاطقم لان اخاف مايعجبة وبنهاية ماعرف ذوووووقة وذاا المهم
والعطوور والميك اب على حسب العرووس وطبعهاا

 

[al_maleka]

يعطيئيج العافيه. أغلب كلامج صح بس أنا مو معاج ببعض النقااط

مسألة قمصان النوم تقولين خليهم كلهم ناعمين والواان هادئة مااا يصير لازم تأخذ جميع الألوان

علشاان تتغير جدااامه وما يحس أنها باهته ومملة


وهم بالنسبة للعطر تقولين خلي عطرج لا تغيرينه مووو معقووله على شنووو اسمها عرووس حراام لازم تغير وتكون كل مرة مختلفه جدامه حتى بريحتها

والله باجر يفشلها يقول ماعندج غير هالعطر؟
لأن بعض الرياييل وقحين يقطوونها بالويه

والعبي حق الزوارات لازم فخمه و (ملووت عرس)

بس هالفترة بعدين ختصير ناعمه كيفها

ومشكوووورة عالنصايح ؛**

بالضبببط

 

[قلبهـ 86]

معاج حق يعطيج العافيه

 

[شمــ{جابر}ــوخ]

B.A.M >>> العفووووووووو ياقلبي نورتي

قطوه بطه >>> انتي الروووعه والله فديتج

3roo$ al.kon >>> فديتج يالغاليه بعد كلنا خوات ماله داعي الرسمي .. وصاجه يالغاليه الوحده اذا كانت راعية كلمه طيبه ونفسها حلوه وتصبر على زوجها ماترادده وتصير نسره .. والله بيطييييييييير فيها .. اهو متزوج علشان يستقر ويرتاح مو علشان تييله وحده تعفس حياته .. وصج الرياييل مالهم حل بس هم لازم احنا اللي نبدي بالطيب
فديتج يالغاليه نورتي والله

Kirsten storms >>> نورتي يالحلوووووووه .. فديتج

mona q8 >>> اي والله انج صاجه .. ترا في عرايس ينسووون نفسهم بس ياخذون ياخذون ومايدرون شنو اللي قاعد ياخذونه من جذي انا اركز على كلمة اخذي الشي اللي انتي متعوده عليه .. اخذي شي جديد بس على ذوقج ومقتنعه فيه 100% .. نورتي ياقلبي

مس وردة >>> يعافيج ياقلبي

عيون جذابه >>> فديتج ياقلبي .. نورتي

kwait doll >>> فديتج ياقلبي .. صح كلامج ماتصير باهته .. بس الألوان الجريئه يبيلهم ذوق اللي جدامج .. يعني الألوان الناعمه محد يعوفها .. بس لما تطيح الميانه شوي مع زوجج او تطلعون مكان اهني تروحين المحل وتختارين الألوان الجريئه وتسألينه شنو أحلااااااااا .. اهني رح تعرفين شنو الألوان الل يحبها
يعني مثلا وريتيه احمر قالج لاااااااا مااحبه .. وريتيه أصفر صدمج وقالج امووووووووت عليه .. عرفتي ياقلبي

وبالنسبه للعطور .. بالعكس انا أكثر وحده تأيد التنويع فيهاااااا وكل ماخلص عطر أنا افضل تشترين غيره مو نفسه .. بس سالفة العطر الواحد ..
أقصد مثلا امممم مرات تشمين عطر تقول ااااخ ياقلبي هذا عطر فلانه وتطري عليج .. يعني خل زوجج يعرف عطرج المفضل ودايم يتم معاج بي فتره وفتره يشمه عليج وطول العمر .. ونفس الوقت ماترشين بس منه لاااااااااااا بالعكس تخلينه يشتاقله وتكونين كله منوعه بالعطور وميننته فيهم ..
والعبي .. أنا ذكرت ياقلبي ان حق الزوارات تسوي عبي رزه يعني فخمه .. اي مووو في بنات انا اعرفهم الله يهداهم يسوون عبجنه ملوةت عرس تلمع من فووووووق لي تحت والوان فسفوريه او جريئه .. حلات العبايه رزه وفخمه مو الوحده تهول فيها

ان شاءالله وضحت كلامي أكثر ياقلبي .. ومشكوووووووووره على تعليقج وصاجه والله فديتج

صـاحبه الذوق >>> انتي اللي تهبلين والله

خبيرة اعشاب >>> فديتج ام خالد .. صاجه والله في بنات حملوووا بسرعه ماشاءالله .. واهم شي الذوووووووووق بالملابس والله الذووووووق اهم من ماركة القطعه
نورتي يالغاليه ومشكوووووره

خلطات المذهله >>> يسلمج الرحمن يالغاليه نورتي

انوثتي غير وياك >>> يعافيج ياقلبي نورتي

caramella <3 >>> يعطيج العافيه يالغاليه نورتي

عجزت افهمهم >>> عليج بالعافيه وصح اللي سويتيه .. بعدين طلعي معاه ودشي محل قمصان نوم وخليه اهو يختارج وعرفي ذوقه والوانه .. والمكياج خلج على ذوقج والوانج لا تجربين شي جديد .. الله يهنيج ويتمم عليج ياقلبي

 

[شمــ{جابر}ــوخ]

بالضبببط

نورتي يااااااقلبي

 

[شمــ{جابر}ــوخ]

معاج حق يعطيج العافيه

يعافيج ياقلبي