عروسه وأبي حل بلييييييز متزوجات

[حدي طفلة]

قوة بنات انا صارلي 4 شهور متزوجه والحمدالله مرتاحه مع زوجي بس مشكلتي وحده ابي حل فيها زوجي دائماً يسهر يوميا يطلع الساعه 9 بليل ومايرد إلا 1 او 2 وبعض المرات 3 واذا جا مبجر الساعه وحده عنده حيل مبجر بنات شنو الحل معه انا قلته أوكي بتسهر أسهر بس مو كل يوم شدعوة هو مو مقصر معاي بشي بس هذي مشكلتي يقول كلش ولا السهر لزم أسهر مع ربعي وكيفي متى مااجي البيت أجي وربعه دائماً يشيشونه يقوله ها وين تاخرت علينه أكيد المرا ماخلتك تطلع عاد هو مايحب هالكلمه علباله الي مايسهر عند ربعه امصخرته مرته ومو مخليته يطلع احس تفكيره تفكير جاهل بنات ترى زوجي عمره 26 وانا 24 احس ليلحين تفكيره تفكير الشباب الطايش شسوي بنات شلون اخلي مايسهر بره مده طويله شلون واذا جا متأخر اكون دايخه بنام يقول لاتنامين اسهري معاي وانا دايخه الساعه 3 شنو اسهر راح تسألوني هو ماعنده دوام امبلى عند بس دائماً يطنش دوامه بعض المرات اقول تعال بسهر معاك علباله اذا دقيت عليه وقلته تعال يفكر أني ابي الشسمونه اول مايدخل يقول يالله تعالي امبيييييييه شكووووووو انا داقه عليه علشان يسهر معاي موشرط لزم فيها الشسمونه تكفون بنات ساعدوني

 

[Dana.Qtr]

انا مو متزوجه .. بس الي اعرفه ان الرياييل "عنييييييييييييييييييييدين" بشكل كبير .. حايليه , يعني دزي له مسج انج مشتاقه له ولا صوري نفسج وانتي كاشخه وقولي له ناطرتك ومن هالكلام الرياييل مايب راسهم غير "الجنس" سوري ع الصراحه .. بس لو قلتي له لا تسهر برا البيت تاكدي مليون بالاميه ان بيسهر .. وممكن تقولين له انج ماتحبين تنامين وهو بعيد عنج وبعدي عنج العصبيه .. توكم معاريس ومرده يثقل.. الله يخليكم لبعض ..

 

[الزيـــــ^^ـــــن]

عااادي حبيبتي لاازم الريال ياخذ فجه ويستانس مايصير نحكره
شي طبيعي لاتضايقيين

 

[ملكه بكبريآئي]

انا عن نفسي ماقوله لاتسهر ولا اقوله تعال حلاتها اصلا تجي منه ..بس زوجي واعرفه وغلبهم اذا حنيتي يعاندون مايحبون حد يتحكم ..فانا مرات اذا حسيته يسهر حيل انام عشان يفهم اذا يبيني اسهر معاه يجي بدري ..بس مو علا طول اسويها..بي انتي خليه علا راحته ..وبالتوفيق

 

[-_-Designer-_-]

الله يعيينج حبيبتي اهمه الرياييل جذي لي حطو براسهم شي لا يمكن يتنازلوون عنه بالغضب , بس انا من رايي تحاولين تتفاهمين معاه و تفتحين له قلبج وتفهمينه ان انتي لج حق كزوجه ان يرد ابجر من جذي , و اذا شفتيه معاند و ما يبي خلااص خليه على راحته و انشالله بيتغير من نفسه

 

[mira]

ياحبيبتي انا لي 5 شهور وحالتي نفس حالتك لازم يسسسهر ليييييييييه ماأدري !!
بكييت وانقهرت وصارخت مآفيه فايده نهائي
فصرت عاادي يسهر واذا طفش ورجع استقبله زيين وانا مقهوره وان شاء الله ربي يهديه ويتعود علي ويسهر معي انا خخخخخخخخخخخخخخخخخخ
اهم شيء انه زين معي بكل شيء خلاص اخليه يسهر بكرا يجون الاولاد وينربط صصح ..)

 

[حدي طفلة]

بس إحنا شباب اذا ماسهرنه مع بعض الحين باجر اليهال ماراح يخلونه من كثر التعب زهقت وانا كله قاعده بروحي اسوي شغلي واخلص وكل شي ويكون هم عندي وقت طويل وانا بروحي

 

[مذهــلــه]

انا نفسج حبيبتي لي ٤ شهور واساسا الساعه ٣ بالنسبه لريلي مبجر يعني اخذي من ال٤ وورا

واذا حاط اباله يبي يسهر معاي ايي ابجر يعني ٢ او ٣ عادي حبيبتي

قلت حق امي بس ماوصلتها لل٤ قلتلها ٣ قالتلي عادي ان الشباب اول مايتزوجون كلهم جذي وانه يتغير من نفسه ولما يصير عندنا يهال

وهم كلمته قالي صبري علي والله مااقدر اقطع السهر شوي شوي

وهذا انا ناطره الله المستعان

عادي تكشخي وتزقرتي ونامي عادي الوضع ههههههههه

 

[AL3OoOoBA]

عادي حبيبتي توه طالع من مرحلة العزوبيه فشي طبيعي للحين ماتعود على حياته الجديده

مثل ماقالو البنات انتي لا تحنين وتعاتبين خليه ليما يمل ومصيره بيجلب فيج وفي عياله

 

[رفاعيه]

اول ماتزوجت كنت اخس منج واحن وازن وصياح ويوم حقرته تغير من نفسه وانا صار لين يروح الوضع عادي عندي تعودت

 

[Sportiya.cute]

امبي امبي امبي

انشالله لما اتزوج ريلي ما يسهر و يخليني

 

[غنج اهلها]

الله يعنيكم يالمتزوجات وهالسهر امبيه لو مكانكم اطققق

بس في جم رد حلو وعلي قولت البنات توه طالع من عزوبيه ومتعود وكل شي صعب يغيره بسرعه

صبري ياعسل

 

[لمى الهاجري]

لا تكلمينه ولا شي عادي خليه يسهر على راحته

 

[سموة حضرتي]

اهلين قلبي

حاولي تكلميه وتنبهيه وبيني وبينك دايم قايم بواجبات البيت ومو منغص عليكي بشي فخليه يسهر

مصيره يوم ويركد على نفسه لاتحاولي تعاندي معاه ولاتحاولي تفلتي خليكي كدا وكدا

عاد السهر والله ماحد يقاومه نحنا البنات لاسهرنا برا مع البنات مايفكنا احد نقعد نودع ساعه فما بالك لو كانت سوالف وقهاوي وحلويات يمي يمي والله ماقاوم

بس حاولي تفهميه ولا تظغطي عليه عشان مايعاندك

 

[حدي طفلة]

مشكورين بنات

 

[محتارة بإسمي]

حبيبتي عادي نفس الشيء عندي بس انا زوجي يحب يسهر على التلفزيوون والبلي ستيشن وها الاشياء.. وانا وراي شغل البيت في البداية كنت اضايق وانام واخليه وهو يتضايق لما انام واقولو مافي فايدة ..بس الحييين رضيت بالأمر الواقع صرت اسهر معاه الين ماينام وفي النهار اخذ ساعات قيلولة اريح عمري . حبيبتي دام زوجك طيب معاكي استحملية على سهره وانتي لما يوصل اتسنعيلو واجلسي معاه ..وانشالله ربي يهديه

 

[الحــــــلا كله]

اغلب الريايل جذي
الحمدالله يطلع تسع ريايل وايد من ٦ وفي ابجر بعد

 

[شقاوةحلم]

السلام عليكم
اولا الله يعينك ويصبر قلبك
ثانيا خلن اقولك تجربتي اهي مو ناجحه لكن فيها شي من النجاح
كان زوجي يسهر للصبح يعني والله بدون مبالغه انا كنت عروس وهو مايرد الا خمسه سته
وطبعا كله من اصحابه نفس الاسلوب ونفس الطريقه يدقونه بالحجي انه زوجته متحكمه فيه
بالبدايه قاومت وسويت افلام بس شوي شوي. بديت وقررت اعطي وما انتظر مقابل بنفس الوقت
يعني اكشخ واتعطر وازين الاكل والعصير والشموع وانتظره بالصاله كل يوم علي هذا المنوال
ولا اكلمه بالسهر ابد احيانا يجي ويلقاني نايمه بالصاله طبعا مو كله صج احيانا تمثيل اكسر خاطره
يقول لاعاد تنامين هني نامي داخل لاتنطريني واقوله لو تموت لو ماتجي الا الساعه عشر بنطرك مستحيل انام بدونك
طبعا هذا الكلام انقطع عنه وارجع له مريت بشاكل ورحت عند اهلي صار لي معاه 4سنوات ولا بيأس
صارت سهراته اذا طولت لين ثلاث بالاضافه انه احيانا يسهر عندي يوم بالاسبوع يعني من العشا يضل جالس
الله الله بالقمصان والاغراء حتى لو مالك نفس وشفتيه دقر بالسهر اتصلي وقولي له ابي تعال ماقدر انام بدون شسمه
انا انصحك بس كل ذا يبيله صبر وطولة بال
بالتوفيق حبوبه ادعي لي بالوظيفه وان الله يهديه يتيمه ومالي حد غيره ..*

 

[بس لحظه!]

شوفي حبيبتي عن نفسي لوو فكر زوجي يسوي هالحركه تدرين شسوي فيه

بكون مزهبه المكان شمووع وورود والبس قميص نوم واكون كاشخه واحط نفسي بالفراش واطرشله مسج حسافه كنت مسويتلك ليله ولا اروع بس ذبحني النعاس وبنااام

هذا حل والحل الثاني انج تسوين مثل ماقلتلج بس من تحسين انه جا سوي نفسج تلمين المكان بيقولج ليش قولي تمنيت انك تسهر معاي اسولف واضحك معااك لكن انت تاخرت ع وخلاص تعبت فيني النووم

بيندم قد شعر راسه >> اتمنى يكون عنده احساس

 

[مناير ...!]

مايعتبر سهر حمدي ربج مايطلع الا9
مو من العصر او الظهر او المغرب
طالعي الجانب المشرق بالسالفه