عروسه وأبي حل بلييييييز متزوجات

[حدي طفلة]

شقاوة حلم الله يرزقج بالوظيفه الى تتمنينها مشكورين بنات حبايبي مااقصرتو

 

[حدي طفلة]

بنات ترئ الوقت الثاني العصر والمغرب والعشا يكون نايم ويقعد من النوم يقعد نص ساعه معاي ويطلع

 

[Roty]

انا صارلي3 سنين متزوجه وريلي كلا يسهر وعندي يهال

يعني هذا شر لابد منه ماكو فايده

ماتغير من تزوجنا لي الحين

بس حبيت اوضحلج ماله شغل اذا توج متزوجه شوفيني انا 3 سنين علا هالحال

حاولت اغيره ماكو فايده

الله كريم

 

[فديت من سماني]

خليه على راحته الرجال ما يحب الحنه بيقول وش هالنفسيه و الحنانه خليك ريلاكس و اهو الي بيتغير من نفسه

 

[mama-dodo]

كلهم يسهرون واذا حنيتي بيعاند ويطول اكثر
احسن تخلينه يشتاق لج وماتجابلون بعض وايد تتهاوشون

 

[SARA*]

حبيبتي كعديه الصبح من وكت ولاتخليه ينام الضهر ليه باي شي راح يدوخ من المغرب وتلاكيه عندج من الساعة تسع الريال=======اليهال

 

[@النوري@]

الله يعينك حبيبتي مااااعليه الصبر زيين اصبري وربي يفرجهااا عليج وعليه انشالله...

 

[دلوعة أبوهآ]

لآزم تكلمينه ويفهم انه الحين اتزوج وراحت حياة العزوبيه ..
يرجع البيت ويقعد معك وتسهروا مع بعض ..

 

[ماركة انثى‘]

لا تكلمينه ولا شي

 

[وحيدة خالد]

دام عنده ربع ومستانس واياهم ولا عندهم خرابيط خليه احسن من يقابلك في البيت راح تملين منه ويمل منك ويمكن ينشغل باشياء مو زينه
بس عاد خليه يوم او يومين يفضيهم لك لانه من حقك

الله يوفقك ويرزقك الذرية الصالحة

 

[sosowaty]

ااااااااب

 

[قصاصه ورق]

زين انه يخرج 9 بالليل انا بو الشباب ايام اجازته يطلع 8 الصبح يفطر ويتغدا ويتعشاء والساعه 11 يرجع ينام وايام دوامه يطلع 4 العصر ويرجع 11 والمشكله اني بغربه بعيده عن اهلي ومااعرف احد الاهو يعني خلاص بموت من الطفش والزهق والاخوات الي يقولوا عادي خليه على راحته طيب ليش يربط بنت الناس معاه وهو مو قد المسؤليه وبعد ين اذاراحته عند اصحابه ليش يتزوج يجلس 24 مقابلهم احسن من المصاريف والخساير بسبب الزواج الواحد لازم يخرج بس مو كل يوم يعني ممكن ليله عند اصحابه وليله عندك حاسه ان اصحابه مثل الطبينه الله يعينن نحن معشر النساء الرجال بعض تصرفاتهم تخلي الواحده تعض اصابعه ندم على زواجها

 

[Bint Derty]

نفس زوجي بالضبط
انا ضارلي 6 شهور متزوجه
والبدايه كنت اتضأاايق وايد لما يسهر بره ويطول احس مايمدي نشوف بعض يرد يبي يتعشى وينام مايمدنيه نسولف ولا شيء
وامي كانت تقولي مايضير جذي لازم تخلينه يقعد بالبيت شوفي مرت اخوج كله مقعده اخوج
بس انا ادري بأخوي مو من مرته منه اهوا شوي بيتوتي ومايحب يطول وايد
فالرياييل اطباع انا ريلي لاازن يطلع يوميا يروح قهوه
كنت اتضايق بس الحين عااادي اضلا لما يطلع اجابل روحي واجابل الشقه اعدلها ولا اتعلم لي طبخه ولا اقعد ويا اهلي
استفيد من وكتي مو بس اقعد ضايق خلقي واهوا مو هامه

اصلا بالعكس لما يطلع ويستانس مع ربغه يرد نفسيته حلوه
غير لما يحس ان مرته كله تحن عليه

خليه على راحته

 

[شادن33]

كل الرياييل جذي بعدين مع الايام يخف ولما ايون العيال كلشي ينعفس
استانسوا توكم معاريس الله يهنيكم

 

[~Unreachable]

لا غلط لازم يكون بينكم اتفاق

انا و ريلي متفقين له يوم واحد بالاسبوع يروح المزرعه او الشاليه مع ربعه و يسهر
عاد قام يرد 6 او 7 عصبت و قلتله 4 زين مالاداعي تخليني بروحي بالشقه
والحمدلله اتفقنا و تفهم هالشي

وباجي الايام لي الساعه 1

نصيحتي اهم شي النقاش الهادي اللي يوصلكم لي اتفاق
قوليله انا لي حق عليك و انت تزوجت عشان تغير حياتك كلها

ربعك ما امنعك منهم بس تقدر تروحلهم من ال 6 لي 2 ماراح تشبع بعد ؟؟

و انتي خليه يوم يسهر معاج و استغلي هالشي حببيه بالسهر عندج

حطي هالنفيش و الناتشوز و هالسوالف و شغلي فلم

ولا لعبوا جنجفه لووول شوفيه اهوا شنو يحب و جابليه

و عطيه اوف يوم ولا يومين بالاسبوع لمه يتعود

والله يعينج

محد مخرب رياييلنا غير ربعهم العزابيه والله لو يتزوجون اول ناس يتسنعون

 

[حدي طفلة]

حبايبي مشكووووورين

 

[حدي طفلة]

اب اب

 

[*^ *الليليم]

الله يعينج ....

مرت اخوي صبرت على اخوي 5 سنين لين تعدل قبل كله هواش و من طنشته تعدل كان يسهر لي 6 بالدوانيه و الحين 11 اهو بالبيت لووووووول


بس ما عليه الصبر ثم الصبر ثم الصبر و اذا ع التغيير >> زهبي قعده و فلم نفيش و جنكم بسهره قوليله عازمتك اليوم و قعدي لا تخلينه يطلع ،،، ييبي فلم من النوع اللي يحبه

و مرات غيييير زهبي حلوووو و قهوي و ضبطي جم سالفه ... و شوفي شيصير !!!

 

[modern]

جربي تسوي برنامج بالليل مثل و ترتبي البيت و تحطي شموع او ترتبي طلعة منلا المهم تكسري عنده القاعدة

 

[جوانا2010]

الله يسخره لك ويهديه يارب