عروسه ونفسيتي تعبانة من موضوع المقارنه

[dectora 7elwa]

لا تحقرين فيه
لكن وقفيه عند حده
قوليله ترا انا سكت وايد
انا عاجبه نفسي الحمدلله \
وانت محد طقك على ايدك توافق وتطق الباب
انت شايفني منالاول وموافق

 

[leeny]

نهاائياا لاتحسسينه انج مقتنعه بكلاامه بالعكس بينيله انج وااثقه من نفسج وخلي طبيعتج الثقه بنفسج ومحد كاامل الا وجه الله سبحااانه ومحد طقه ع ايده يتزوجج ليش عدم الاحتراام والتقليل من الشأن اللي يعاملج فيه لا تكلمينه ولاتقولين له اي شي بس لماا يفتح الموضوع قوليله اناا الحمدلله حلوه وواثقه بنفسي وماااتقارن باحد لوسمحت وبيني ثقتج لاتمثلين الثقه عشاان يوصله ​

والله يعطيج اللي فيه الخير لج ويهدي رجلج لج وبوفقج حبيبتي​



 

[ملوكة الامورة]

مالت عليهم الرجال يحبون يفشلون
وهم مايشوفون انفسسسسسسهم بالمراية
ونتي ماعليك منة وهتمي بنفسسسسسسك
وخليك واثقة ولايهمك كلامو

 

[pusy cat]

جذي الرجاجيل مايعرفون يتعاملون مع البنات عبالهم واحد من الربع

اهو يتغشمر معاج وقصده يضحكج ويطيح الميانه معاج ويستعرض خفة دمه

خلج واثقه من نفسج واذا عيب عليج قوليله انا احلا منك وعيبي عليه حتا لو مافيه عيوب بنظرج هم طلعي فيه عيوب

لا تصيرين حساسه حيل

واذا ماتقدرين اتحملين كلميه قوليله انت زوجي اذا ماقلت لي كلام حلو منو بيقوله لي *

 

[رضاهم جنه]

يا كرهي لرجال الي جذي

شوفي وانا اختج جيبي لابتوب واقعدي جنبه واكتبي بقوقل الفنانات قبل التجميل تطلع لج بلاوي وخليه يشوف بس كانج على نياتج تتفرجين مو علشان تورينه

وحب الشباب روحي لعياده جلديه عالجيه
والله يهديه

 

[*الشيـــهـانـة*]

هذا من اولها جذي

 

[فوق الثريا محلي]

الله يعينج عليه

 

[كويتية نايس]

حاولي تزعلين عليه وشوفي شنوو بيسوي

الله يتمم عليج ويسخره لج:eh_s(7):

 

[• JoJo •]

اهو مو شايفك قبل ؟؟؟


اذا جلس يتطنز ويعلق قولي له : انت اخترتني وهذا ذوقك وبيني انك وحده واثقه بنفسها ولا يهمك كلامه قطيه بالبحر



عجبي ياهالرجااااااااااااااااال

 

[Beauty is Me]

شوفي حبوبه الرياييل كلهم جذي خلج واثقه لمن تلبسين بتطلعين مناسبه ((اوقفي جدام المنظره بثقه )) لمن يعلق عالحبوب قوليله ويييييي عبالي عندك سالفه غيري الموضوع قوليله انا جمالي رباني لا يهزج كلامه انا قبل كان طليقي جذيي وجعمته ((قلتله دام انا مو عاجبتك ليش وافقت علي ووقفت عند باب بيتنا تحن على امك ابيها ابيها ابيهاااااااااااااااااااااااااااااااااااااااا))
انقص ويهه وقال يعني شنو انا مو قايل شي بالعكس انتي حلوه انا لمن اعلق مو قصدي شي بس سوالف
لوووووووووول يعني اهمه طبيعتهم جذي عبالهم هاذي سوالف وابدا لا تنهزين ولا تبجين ولا يضيق خلقج وقفيه عند حده بأدب ولا يهزج بشي لو انتي مو عاجبته جان ما خذااااااااااااااج استانسي بحياتج يا عروسه ولا تصيرين حساسه وايد طاف طاف طاف

 

[الأميرة الحزينة]

./


حبيبتي قوليله .، لو سمحت لا تقعد تعلق علي !
ترا مآكو وحده تستحمل جي !
آنته شفتني قبل لا تاخذني يعني مآله دآعي هالاسلوب الحيل رجاءا !

مآ تبيني ؟ مو عآجبتج ؟ ليش خذيتني عيل ؟
الله يكون بعونج على هالريال

الله يهديه آدعيله ./، و حآولي تخلينه يغض البصر
و تقربينه من ربه

:rerrerek::rerrerek::rerrerek:

 

[بسبوسه11]

انتي خليج واثقه من نفسج وقوليله دايما انج احلى بنت بالعالم والدليل انه اختارج من بد البنات

وفعلا كل ماحبيتي نفسج وحسيتي من داخلج انج احلى من اي وحده راح تنقلين هالاحساس له اكييييد

 

[تآعِبنْ قَلْبِيْ]

رجآآل مايملي عينهم إلآ التراب

 

[نونو العصله]

قوليله صير انت مهند واصيرلك جمانه مراد
شفيهم الرياييل
مو بس انتي
في البدايه
قالي عصله
ومره قالي طالعلج حبه بويهج
بس الحين سكت
لازم يعلقون
انا برايي سكتي عنه وعطيه طاف
يعني توه يشوفج
انا اول مره قالي انتي معصقله حيل
زعلت

 

[Q8_QT]

الله يكون بعونج ياكره الرياييل اللي جذيه آنا رايي مثل ماقالوا البنات بس لاتحسسينه إن كلامه يضايقج ولا راح يمسكها عليج

 

[Um Turki]

هو معدوم الاحساس وراح يضل مثل ماهو بس الحل استلميه بتطنز دوري اي شيء غلط فيه و تطنزي
حتى يشرب من نفس الكأس واذا بين انه متظايق قولي مثل ما انت تغلط انا اتظايق مثلك

 

[نشيج الروح]

قولي له أنا الجمال كله والدلال ... يحصلك وحدة مثلي ... انت اخترتني وما اخترت حليمة و لا اخترت أي فنانة .... هذا لأنك عشقتني وعشقت جمالي ... ورفيجاتي دايما يمدحون جمالي وأساسا مثلا قولي خشمج ... عيونج أحلى شي فيج ....وكملي ....بس على فكرة مادري يمكن معلومة يديدة عليك قوليها بثقة وأنتي مبتسمة الجمال جمال الروح باجر بنعيز ونشيب وهالفنانات حالهم حالنا وكلنا للتراب ... ما يبقى إلا أخلاقي الراقية ... لو أنت ماخذني عشان شكلي فأنت واحد من الاثنين إما أعجبت بشكلي أو أعجبت بشكلي ... وإن كنت ماخذني عشان أخلاقي وشكلي مو عاجبك وايد فهذي شهادة أعتز فيها لأنك تمدح بأخلاقي وهي الي باقية لك ....
وبعدها تغشمري ووريه شكله بالمنظرة وقولي له الحمد لله على النعمة ... يعني أنت شكلك مو حلو هههههههههه >>> على غشمرة وبس بعدها قعدي يمه وتلزقي فيه...
وديري بالج لا تعايرينه مثل ما يعايرج

 

[توتاتوتا]

قولي له عاجبني شكلي موب عاجبك مشينا عيادات واختاري الغالي واذا ماتبي تدفع اسكت ولا اسمع منك كلمه يالبخيل بو عين زايغه

للأسف الزوج الي مايغض بصر يأثر على حياته

 

[ام فجر3]

الله يعينك البنات كفوو وفووووو

 

[محاميه كويتيه]

والله انا نصيحتي لج لا تتهاوشين بس بينيله ثقتج بنفسج وعلى طول اهتمي بنفسج وبينيله انج حابه شكلج وان الناس تمدحج يعني زرعي هالشي فيه