عروس اول شهر ومتزاعله مع زوجي وقاطني علي اهلي

[ضحكتي ماركة ]

الله يهدي مابينكم ي رب

 

[!! دلوعته !!]

اااااااااااااااااب

 

[@ الرسامة @]

ردي بيت ريلج وعن الدلع محد راح ينفعج غير ريلج

 

[You FOR Me Only]

بنااات هو قاطها على اهلها اقرو عدل ابليز عشان تعطونها حلول عدله بالله هو قاطها كيف ترجع !!!

عطوها حلول عشان يرجعها

وحبيبتي اي كلام تقوله امه سواء زين او شين طوفي كل وحده فينا مرت بمشاكل عادي طنشي حتى انا وانا عروس مريت بمشكله مع امه واصعب من سالفتج بس خلاص طوفت اهم شي عندي زوجي وهو بنفسه يعرف من الغلطان ومن الصاج بس شنو بيسوي تظل امه خلج بعيده عنهم ورسميه عشان ترتاحين لان في اهل زوج ماينفع معاهم الا الرسميه

 

[You FOR Me Only]

وحطي ببالج لو شنو يصير لا تقولين امك خواتك يظلون اهله مايقدر يغيرهم انتي خلج بحالج وبتعيشين مرتاحه

 

[امانينا]

مو من حقهم يشرطون عليج تطبخين او تقهوين او تغسلينلهم الحوش انتي مو خدامه واذا يبون وحده حق الكراف الله مكثر مكاتب الخدم .. وحبيبتي خلج رسميه وسطحيه معاهم يعني لاتنزلين تاكلين معاهم الا اذا زوجج موجود وواضح من كلامهم عنج انهم مايبونج تاكلين معاهم اصلا عيب عليهم يقولون حتى صحنها ماتشيله يعني انتي توج يديده وبحسبة ظيفه عندهم المفروض يقدرون انج غريبه عليهم وتستحين ليلحين ماصرتي وحده منهم وفيهم ولا اختلطتي معاهم وعاشرتيهم

الصراحه مادري شنو هالناس اللي انتي طايحه عليهم الله يعينج بس تحملي وكلمي زوجج بصراحه انج بتكونين رسميه وماتبين تحتكين فيهم الا بحدود

حبيبتي موجذي النصيحه
هم ولد الناس مو ملزوم يطلع ويونس ويسفر ويشتري هدايا
حياتي صاحبة االموضوع انتي بفترة تجربه حق ريلج الحين وكلنا مرينا بالظروف هذي والتدخلات اول الزواج لازم
والامهات بعضهم تحاول تفرض سيطرتها
طبخي كلنا نطبخ وكا منتدى المطبخ كله خواتنا
طبخات وفناتق وبالعكس هذا سنع مو عيب انتو اللي فاهمين الانوثه غلط
الصح نعوده علينا بالصغيره والكبيره ولا ياخذ عليج ممسك
شهر وفبيت اهلج على مسأله الكل تقريبا مر فيها وتجاوزها
عيشيً حياتج هذي احلى ايام الزواج
استانسي مع ريلج
المشكله صحن شيليه
اذا طباخ طبخي واخذيها بطيب خاطر
عمري والله هذي مو مشاكل الله لا يوريج المشاكل الصج
بتحطين راسج براس امه انتي الخسرانه مقدما
مو مستعده اتسوين شي صراحه لا تكملين
هذا اول اختبار تمرين فيه تجاوزيه بشطاره
وكسبي ريلج وارحامه هذا شهر الرحمه
هاديهم
ليش ياييج رمضان وانتي جدام الناس عروس زعلانه
والعيد تالي
اتفاهمي مع ريلج بالتلفون
وطيحي الحطب وردي
الله يوفقج

 

[أبله أريج]

شلون يعني شارطة ما تطبخين ؟؟؟
اول مرة اسمع بهالشرط حبيبتي عيب الوحدة لما تتزوج تكون مسؤووووووووووووووووووولة 100% عن زوجهاااااااااااا


تروحين لاهلج ليش؟؟

ماكو سبب

 

[Peace.Luv]

لا تعطينهم مجال يضايقونج و لا تعلمينهم كل شي تسوين ترى تبتلشين
و لا تقولين للريال امك و امك و هو خيخة امه ومايوقف مع الحق

خلي امج تكلم امه تقول لها كلامكم كان غير الحين شاللي صار و ليش هالمعاملة مع بنتي
ترضونها على بنتكم ؟؟؟؟؟؟؟؟؟؟؟

معاها مليون بالمية ،، شدعوة عليكم ترا البنت بحسبة الضيفة عند اهل الزوج موووو خدامة !!

شهالاهانه هذي ؟؟؟ طزززز بالريل و اهله اذا بيهينوني ... لي متى انتو يالحريم جذي ضعاااف و الكل دايس على راسكم؟... صج مجتمع غريب .
​

 

[بنوته ستايل]

غراااام حياتي انتي تزوجتي قبلي بجم يوم..انا قبل زوجي يقول ماتطبخين بس الحين يقولي راح تسويلي غبقات حق الدوانيه وانا وربي ما اعرف اسسسوي كيكه فما بالج غبقه كامله علي..!!

بس ماقلت له ما اعرف او مابي قلت انشالله والحين انا عند اهلي وقاعده اتعلم عالطبخ واشوف امي شلون تطبخ واكتب معاها..

عااااادي مو مصيبه لما يقولج ابيج تطبخين ما اعتبرها اهانه قولي انشالله انا ما اعرف بس بتعلم عشانك ..منها تكسبينه ومنها وتتجنبين المشاكل..

وخالتج وحمواتج حاولي تكسبينهم بطيبج اناالحين خليت حمواتي اكثر من خواااااااتي ولله لما ازور اهلي يددددقوون يلا متئ تجييين

 

[Tom ♥ Jerry]

,


الي لفت انتباهي بالموضوع !آنج شارطه مآ تطبخين :/

 

[عن النسآ أفرق ~]

حبيبتي لا يغرك انتي عروس

وفي بالك العرب ميته عليج

اخذي كلامي حلقه بودنك

العروس غلاها مو مثل الزوجه ام العيال اللي بينهم عشره

انتي كلها شهر

ماشاف خيرج من شرج

فالبنت اللي قلبها حي

ما تداحر الزوج على امه

هاذي امه غلطانه مو غلطانه تتم امه

هي الداخله وانتي الطالعه

اذا عرفتي هالمعادله

رح تعيشين عند اي حموله

اذا خذاجج الكبرياء والتحدي

مصيرج قاعده ببيت اهلج ودموعج 4 ....4

الحل

ترجعين بيتج فورا

تمتصين غضبهم

تتعلمين الذكاء الاجتماعي

تخلين زوجج يتعلق فيج من طبعج الحلو

فوفو

معاهاا
شنو يعني اطبخي ..
و اخلصي كله لـ وجه الله ​

 

[Mjnont '3lay]

اسمحو لي بنات واسمحي لي صاحبة الموضوع
يمكن بعض البنات مايعجبهم ردي
بس الرجال ماخذ له زوجه مو خدااامه لاهله
اي نعم اهيا ملزومه ومجبوره تخدم زوجها وتطبخ له وتشوف متطلباته ومتطلبات بيته
بس مو مجبووره تطبخ حق اهله او تقهوي حريم ام زوجها عشان ترضيهم ؟؟
والله وعنهم مارضووووو
اوك امه على العين والراس بس هذي كنتها مو خدامتها عشان هالمذله لااا وبعد تدق على ام كنتها وتقول لها بنتكم ماتعرف السنع ليش على اي اساس تقول هالكلام ؟؟
واذا تبين رايي صاحبة الموضوع ردي بيتج عشان تكونين انتي الكسبانه بس خلي امج تكلم خالتج وتقول لها احنا عطينا بنتنا لولدكم زوجه مو خداااامه
وياليت يعرفون حدودهم معاج ومن اليوم وطالع صيري رسميه عشان ما يركبون فوق راسج ويجاكرونج
وفي بعض الحموله للاسف الكنه الطيبه ماتنفع معاهم لانه الطيب مايثمر فيهم يعني باختصار كوني رسميه وجديه معاهم بس هذا مو معناه تقلين الادب معاهم او تنزلين من مقدارهم عندج او تتطاولين عليهم سواء بالحركات او بالكلام ترى مهما يكون هذول حمولتج
وهذا رايي ووجهة نظري

 

[om-3azo-83z]

اول شي تقريبا تقريبا الاغلبيه جذي وقت الخطبه يسوونج مكه و بعد الملجه تقلب الايه انا اكثر وحده كليتها قعدت انقد على نفسي ليش ما طلبت سكن بروحي ناخذ راحتنا نجرتنا و كل شي حتى ريلي يتعلم يتحمل مسؤوليه و ما آكلها بعدين بس ماكو فايده راحت علي

اول شي مهما شرطتي ترا من حقوق الزوج تقومين بواجباته و سالي اي محامي بيقولج نفس الكلام و هم تلاقين بخاطره ياكل من ايدج ترا غير لا تقولين كله طباخ و الخدامه و مادري شنو لا لا فرق انتي زوجته ومافيها شي لي طبختي انا بصرااااااحه ما احب اطبخ بالاجبار لازم على مزاجي فكنت اسوي شغلات بسيطه و سريعه و تشبع يعني مثلا ستيك دياي الجاهز بس اقطه على النار مثلا جذي اي شي شوي شوي لين تعودت و قلتله يا فلان انا مستعده اطبخ كل شي الا الدياي و اللحم ما اشتهي لا اشوفه ولا المسه اذا ما كان مطبوخ و ما آكله مجرد اني اشوفه غير جذي من عيوني و قمت اتفنن بالخرابيط و اذا على الدياي و اللحم لما نروح زواره بيت اهلي و اهله يسوون اللي يعجبه

انتي توج عروس للحين مابينكم عشره بسهوله يخليج و انتي اللي بتخسرين بيصير اسمج مطلقه و مو بنت ضيعتي مستقبلج عشان طبخ ! ترا لا يغرج وضع المطلقه كلللللللللللش مو سهل
اهله مو زينين؟ بسيطه خلي كللللللللل شي رسمي سوالف بسيطه ولا تتعمقين لا تسولفين عن نفسج وايد ترا يصيدون حجي لا تعطينهم اخبارج كلها كل شي بالمختصر المفيد و مو اطيحين عندهم خلي نزلاتج محدوده لا تكثرين الدوس عندهم كل بعيد عزيز عند اغلبيه الحموله
كسري عين اهله بشطارتج خلي ريلج يسكتهم بعد ما يشوف تصرفج خلج ذكيه يقطون حجي؟ لا تسمعين سوي الواجب الزواره و امشي ولا ردي رد كسري الجو مثلا مثلا اخته قالت انتي بيضه ولا سمره ولا شقره اي شي ضحكي عادي قوليلها خلقه ربي راضيه فيها لو شنو كانت و اهم شي عاجبه ريلي و انا عاجبتني جذي تكونين فشلتيه و سكتيها

امه حطيها حسبه امج بس مو معناته كل شي مثل امج تسولفين كل شي و مادري شنو لا يعني مري عليها سالي عن احوالها ما يمنع تمرينها يوم تاخذينها السوق ييبلها هديه عزميها على العشا عندج و طبخيلها من ايدج عطيها الكلمه الحلوه و الابتسامه بوسي راسها كل يوم

اذا طبقتي كل هذا و نط لحد منهم تكلم عنج عند ريلج شنو تتوقعين بيسوي بيسمع؟ لا والف لا اي عاقل ماراح يسمع لان شوف عينه ما غلطتي عل احد و مو مقصر و ثايمه بحقوقج و مو ناقصج شي لا تخلين احد يتكلم عنج بالشينه كلش ترا احراج حق ريلج و طبعااااااااا انتي ماترضينها له

الحين كسري الشر ولا تيبين سيره اهلك اهلك انسي هالموال دزيله مسج قوليله مشتاقتلك و من هالحجي و طلعو تعشو بره ولا تمشو غيرو جو و ان ياب سيره سكريها قوليله طالعين نستانس و الموضوع خلص طاف حصل خير ترا الريال من يعصب يخربط وايد بس يهدا يندم بس اذا شاف المرا راددت ولا تصرفت تصرف غبي يحقرها

 

[ReD&FoSHia]

ترا ما اعتقد الطبخ مصيبة ؟؟؟؟
شدعوا حسستيني انج بتذبحين ذبيحة

ديري بالج تهدمين بيتج على اشياء تعتبر بعدين دلع منج و تقصير
خلج ذكية مثل ماقالت فوفو
توج مايعرفج زوجج عدل علشان يعرف انتي الصح ولا اهله

 

[al-musk]

صيري سنعه ولايمسكون عليج اي شي وكسري عيونهم عشان ريلج لي قالوله شي يقولهم البنت مو مقصرة

 

[اميره^_^بحلآها]

الله يعينچ ياقلپي

 

[ملوكـه]

الله يعيييين

بس حسبالي فيه مشكله كبيرررره

بس شكلج ساكنه معاااهم يعني غرفه بوسط البيت
والا ماقالو لج اطبخي معانا

 

[alzeen- almuteri]

اذا زوجج زين معاج معاملته بغظ النظر يسمع كلام امه
انا اقول رجعيله احسن وطنشي سوالف اخته وامه
وعطيهم ع قد عقلهم. اذا قالوا ماشلتي الصحن قولي بسس كا شلته
مع ابتسامه عشان يعرفون انهم تافهين يسوون مشكله ع ولا شي
تفهي السوالف وراح ينقدون ع نفسهم. ويبطلون يسوون مشاكل
ترى انتي مكبره الموضوع ماكو شي مشاكل تتتتاااااااافهااااا
العجايز اهم جذي لازم يقطون كلمه او يدخلون طنشي. وعامليها مثل امج
لاتحطين حزازيات هذه ام ريلي وهذه حماتي لا عامليهم مثل اهلج. حتى الاهل تصير بينهم مشاكل وتتحملين تحملي عشان ريلج.

وشكرا

 

[al39laa]

الله يعينج مشكله اذا كان دياية امه

 

[غرام 20]

بنات انا قصدي شارطه اني ما اطبخ لحمولتي اما زوجي فانا مسووله عنه اصلا الريوق انا اسويله واجيبه لغرفتنا بس الله يهداها عمتي تقعد تحرش زوجي عليه
والحمد لله الحين انحلت المشكله