عروس تعبااااانه نفسين؟؟؟؟

[دنـــدونـــه]

حبيبتي عسا الله يوفقج ان شاء الله
ولاتتوترين وخلج ريلاكس العبي عندج الفروانيه
يمدوحونها واذا تبين دراريع روحي حق البلوكات فوق
واذا تبين البدلة البيضا أنا عندي بدلة عرسي كانت كثير
راقية وعندي بدلتي ثاني يوم عجيبه من عائشة الفضل
اذا حابة تشوفينهم راسليني على الخاص

 

[sh_mashael]

عندي بدله فخمه اذا تبين راسليني خاص

و العبي عندج الفيصيليه آنا افصل عندهم الخامه عجيبه و شكل العبايه رزه ,,
بس انا ما احط على العبايه شي اخليها سيمبل بس على نهاية الجم

و عندج حناين بس غالي

و بعدين الحين باجي لج شهر ع العرس توج تذكرين انه وجهج يبيله و يبيله ؟؟؟
لاتسوين و لا شي عشان لا يخترب

الله يوفقج =)

 

[cat^q8]

مبيروووك حبوووبة


البنات كفووا ووفوا ماشالله

بس بخصوص الخلايا الجذعيه مادري بس اسمها يخرع

 

[سبحان الي خلقني]

حبيبتي لا تحاتين البدله عندي بدل رااااااااااقيه اذا حابه تشوفينهم كلميني متاكده انهم راح يعجبووووونج
وتصاميمهم حلوه وناعمه ومميزه
هذا رقمي كلميني او راسليني عالواتس اب
99763802
اول مره احط رقمي بالخاااص
لان مشاركاتي ماتسمح ادز لج بالخاااص

 

[معلمة شيسمونه]

بالنسبة لنفنوف العروس ما يبيلها
روحي شارع البلاجات وطقيه يوم كامل من اوله لاخره وتحصلين مبتغاج ان شاء الله

اما بالنسبة للمسائيه تقدرين تاخذين من المعارض ملوت الحريم اي نفنوف ذرب وناعم اذا كان هذا ستايلج لانه عندهم شكثر فناتق

اما العبي بالفروانيه احسن محلات العبي من ناحية الخام والكفاءة
الفيصلية
بدون اسم
بو كنان
الحلوة
طبعا هذول خامهم وشغلهم حلو ومرتب بس غاااااالي

والفكرة الثانية انج تشترين الخام وتشترين الكلف وبتطلعين لج عباية فنتق

شنو بعد محتاجه فكرتي بشعرج جسمج ؟؟ سالي واي شي الله يقدرنا عليه بنجاوبج

وبالنسبة للخلايا الجذعية اي سمعت اختي بتجربها قريب
يسحبون دم من جسمج وينقونه ويضيفون عليه فيتامينات وعقب يحقنونه بويهج اعتقد علشان تتحسن البشره
بس ما شفت احد مجربها وحتى لو الناس مسوينها ترى ما يعلمون​

 

[!! دلوعته !!]

اب اب

 

[يآلبهـ قلبي]

وبنات منو جرب فيكم سحب دم من الخلايا الجذعيه عشان البشره رحت للدكتور منذر العجمي وقالي بسويلج هالطريقه وبتصير بشرتج بيبي فيس اللي مجربتها اتفيدني


اول مره اسمع بسحب الدم ؟ انتي شرايج فيه احد مـآدحه ؟

ويـآليت تقوليلنا شيصير ويـآج

بانتظاررج :*

 

[احلاهم وكايداهم]

اول شى هونيها وتهون الوقت ضيج ...وسعيه ههههه​

والله صج تقدرين تسوين كل شى بس نظمى وقتج اذا على بدلة العرس خصصى جم يوم​

وافترى على الاتيليهات وحسب ذوقج بتلاقين انا مفترة قبلج وشفت العجب ككككل شى موجود​

الناعم والمتروس والدفش والراقى والغالى والرخيص ​

وجذى يوم للعبى ويوم لملابس البيت ويوم للمكياج والعطورات وانتى رايحة واذا مامداج ​

خليهم يومين ثلاث..وحاولى تخلصين بسرعة عشان تتفرغين لبشرتج ​

وانا سويت لبشرتى ابرة الخلايا الجذعية يسحبون من دمج ويردون يحقنون الخلايا مالتج فى ويهج​

واايد استانست ويهى مرتاح وفيه نضارة ولمعة حلوة ​

بس للأمانة انا ما سويتها فى الكويت لأنى كنت مسافرة لبنان عشان التجهيز​

وبعد انا كان عندى وقت وايد جهزت على الراحة بس اذكر الدكتور قال النتيجة مو وحدة ​

للكل بس فى كل الاحوال البشرة بتصير افضل وموفقة ​

 

[@ديومه@]

ماقصرتوا حبايبي ومشكورين ع الردود

رحت وسويت سحب الخلايا الجذعيه بصراحه الم موطبيعي بغيت اموت من الابر وعندي جلسه ثانيه بعد اسبوع

ورحت افتريت بالاتيليهات حق البدله البيضاء وماحصلت شي بنات انا مراح ادخل الصاله ابي شي ناعم وموغالي ورحت لزياد انطوان حصلت عنده نفنوف حلو وذرب بـ650 دينار
شرايكم اجره واتوكل ع الله ولا ادور ارخص

 

[q8helwa]

شوفي توقيعي واذا حابه راسليني عالخاااص

 

[مفعمه بالحيويه]

يمه شنو سحب من الخلايا الجذعيه .. هذا من اسمه يخوف @@



يبي يجرب فيج الدكتور .... لاتسوين هالشي ،

و


مبروك الف مبرووك