عروس وبشرتج تعبانه ... حياج

[Dark SouL]

حبيبت القهووه شنو العربيه ولا تركيه ؟؟

ويعيك الف عافيه ربي يوفقك:eh_s(7):

القهوة التركية :rerrerek:

 

[Dark SouL]

اول شي يعطيج العافيه على الموضوع والنصايح الحلوه
ويجعلها في ميزان حسناتج
ثاني شي ياليت تفيديني
انا بشتري دهنيه على جافه
وكل ماحف حبوب
وهم في احسها لونين مو لون واحد
والحبوب احط كريمات وخلطات فا تروح ويبقى الاثر وعلى مايخف الاثر احف مره ثانيه وتبدأ المشكله من يديد
وهم ايديني صوب الزند فيه حبوب واثار
وصدري عاد مشكله كله حبوووب واثار
الحمدالله واثقه من نفسي :yaaaaaarb:
ماقول مسبب لي ازمه
بس هم ودي بشره صافيه :eh_s(10):

شوفي بعد الحف في كريم اسمه alfacort تلقينه هذا بالمستوصف بعد .. حلو واينن بعد الحف
واما مشكله الحبوب واثارها بالجسم عليج بالصنفرة هذي

ليمون + نشا + ماي ورد + مع صنفرة المشمش من ماركة kusite + وشوي روب خلطيه وفركي في جسمج مرتين بالاسبوع

يبين مفعوله من اول مرة

 

[Dark SouL]

اللة يعافيج اختي ابي شي يفتح ويوحد لون الجسم والوجة واهم شي الجسم لان لوني مو واحد ابي اصير بييض ياليت القى عندج الحل
ووتسلمين يالغالية على هالمبادره الحلوه منج

شنو نوع بشرتج ؟

اذا كانت جافه مايل للعادية : - صابون ببايا بشرية وحطي مع ماي ورد بالخلاط وغسلي ويهج فيه

اذا عادية مايله للدهنيه : - ماي ورد + نشا + وروب او حليب بودر

اذا دهنيه :- صابون زيت الزيتون + مع شوي ملح خشن + مع ماي ورد بالخلاط وغسلي ويهج فيه

 

[Dark SouL]

حبيبتي ابي شي يصفي البشره
وابي هم شي يتفخ خدودي لان كلش ماكو خدود

ماسك : روب + حليب بودر + ماي ورد + زيت زيتون اذا حبيتي تضيفين + صنفرة للجسم والوجه من ماركة kusite على مشمش
يومياً لمدة 20 دقيقه

 

[حكآية قلب]

آول شئ عسى الله يثبت حملج وو يشفيكم يااارب من اللي فيج وعسى الله يفكك عوقكم يارب ..



فيني ششوي يم خدودي اللي تحت العيون مساامات متبطله تووه صاااير فيني جذي !!


شنو اسوي عشان يروحون ؟.

 

[Dark SouL]

آول شئ عسى الله يثبت حملج وو يشفيكم يااارب من اللي فيج وعسى الله يفكك عوقكم يارب ..



فيني ششوي يم خدودي اللي تحت العيون مساامات متبطله تووه صاااير فيني جذي !!


شنو اسوي عشان يروحون ؟.

مشكورة حياتي وعسى الله ما يوريج ان مكروه :eh_s(7):

حطي اغلي جاي اخضر ونطري عليه يدفي شوي بللي قطنه وحطيه تحت عيونج واسترخي 20 دقيقه
كل يوم بليل قبل لا تنامين واهم شي انج تصفين الذهن وماتفكرين باي شي عقبها يعني نامي وانتي مرتاحه

 

[al-7nona]

حبيبتي يعطيج ألف عافيه وماقصرتي

والله يقومج بالسلامه ان شاء الله


انا حابه اعرف شغله انتي قلتي عن خميره البيره اهي عندي بس مو عارفه شلون اسويها

احطها مع شنو ؟؟! وجم مره احطها !


وعند خدودي والجبه حماار ابي شي عشان يروح


ومشكوره مره ثانيه

 

[مشتاقه لعيونه ~]

يعطيج العافيه

شنو العلاج للمسام واثار الحبوب ~ البشرة المختلطة ؟

وشكرا يالغلا

 

[تاج الانوثه]

ماقصرتي قلبي .. مشكووووووووره

 

[ابتسامه فورايفر]

هلا حبوبه يعطيج العافيج ع نصايح حلو
كنت حاب اعرف شنو احسن واقي الشمس ؟
نوع بشرتي مختلطة

 

[mnoola]

انا بعد ما بقى على عرسي شي وبشرتي تلووع الجبد كلها حبوب مادري من شنو
ممكن يكون من الليزر ؟

 

[Dark SouL]

حبيبتي يعطيج ألف عافيه وماقصرتي

والله يقومج بالسلامه ان شاء الله


انا حابه اعرف شغله انتي قلتي عن خميره البيره اهي عندي بس مو عارفه شلون اسويها

احطها مع شنو ؟؟! وجم مره احطها !


وعند خدودي والجبه حماار ابي شي عشان يروح


ومشكوره مره ثانيه

م ك حلبه مطحونة + كوب ماي + 2م ص خميرة البيرة مدوبة بقليل من الماء
تخلط الحلبه مع الماء وتحطينها في نار هادئة مع التحريك 5 دقايق بعدين تتركينها لين تبرد
وبعدها تخلطين الخميرة معاها .. وتسوين مساج للويه لمدة 10 دقايق لين يجف غسلي ويهج بماي دافي ومن بعدها مسحيها بماي ورد

 

[ابتسامه فورايفر]

اي نسيت ابي بعد شغلة تفتحت منطقة الحساسه عندي معدومه
الله يوفقج دنيا والاخره

 

[شطووووره]

مشششكوره يالطيبه
مبادره حلوه منج

 

[GORGEOUS89]

لتوحيد لوون البشره شتنصحين فيه
ومشكووره حبي

 

[يركدون]

يعطيج العافيه ومَ قصررَتي

بغيت اسألج عن ماركه كلينك يعني من تونك وغسول ومرطب

يعني العنايه بالبشره .. شرايج فيه وتنصحيني فيه

 

[Dark SouL]

يعطيج العافيه

شنو العلاج للمسام واثار الحبوب ~ البشرة المختلطة ؟

وشكرا يالغلا

خل التفاح اذا مافاد اقلي جرجير مع بقدونس ومسحيها بالقطنه على ويهج كل يوم مع كل غسله

 

[Dark SouL]

لتوحيد لوون البشره شتنصحين فيه
ومشكووره حبي

اختاري نوع بشرتج ؟

اذا كانت جافه مايل للعادية : - صابون ببايا بشرية وحطي مع ماي ورد بالخلاط وغسلي ويهج فيه

اذا عادية مايله للدهنيه : - ماي ورد + نشا + وروب او حليب بودر

اذا دهنيه :- صابون زيت الزيتون + مع شوي ملح خشن + مع ماي ورد بالخلاط وغسلي ويهج فيه

 

[Dark SouL]

انا بعد ما بقى على عرسي شي وبشرتي تلووع الجبد كلها حبوب مادري من شنو
ممكن يكون من الليزر ؟

نشا + ماي ورد خليه مثل الماسك لين ينشف وبعد ما تغسلينه بخي ماي ورد لمدة 10 دقايق

 

[Dark SouL]

هلا حبوبه يعطيج العافيج ع نصايح حلو
كنت حاب اعرف شنو احسن واقي الشمس ؟
نوع بشرتي مختلطة
اي نسيت ابي بعد شغلة تفتحت منطقة الحساسه عندي معدومه
الله يوفقج دنيا والاخره

احسن واقي للشمس ببايا او سيبا ميد

تفتيح منطقة الحساسه .. اخذي فوطة مبلله بماي حار وعبيها ملح الحليب ومسحي فيها مع كل سباحه