انا مو عروس بس لفت انتباهي موضوعج مميز
الله يعطيج العافية
ابي ماسك يوازن افرازات البشرة الدهنية
و شاحط ع الحبة اذا حمرا و منتفخة و تعور
خاصة انها اذا انبطت تسوي اثار حب شباب
و تقبلي مروري
يعافيج حبي :eh_s(7):
بما ان بشرتج تفرز دهن حاولي تغسلينه كل ما فرزت عشان تنشفينه وتصكرين المسامات
واعيطج ماسك ينشف الويه وحلو اذا كانت عندج طبقة فيها سواد لانه يسبب تقشير
ملح خشن + صابون زيت الزيتون + ماي ورد
اول شي تحطين ملح الخش وتبشرين الصابون وتحطينه بالخلاط مع ماي ورد وتخلطينه لين يصير متماسك حطية ببشرتج وفركيه بس حاولي لا تحطينه على الحبوب لانه راح تلتهب بس المنطقه اللي تفرز الدهن اما بالنسبه للحبوب اخذي مرة واكليها ع الريج ووو اخذي مره وذوبيها بماي حار وحطيها على الحبوب لين تنشف حطيها كذا مره باليوم مفعولها قوي لي ثاني يوم تشوفينها تتقشر وحاولي لا تتعبثين فيها وايد عشان لا تصير اثار وتزعج شكلج
