عروس وناويه أتطلق

[ككاوا الحلوة]

الله يهديه انشالله

 

[نود الجنوب]

حبيبتي اذا عندج قدرة تحملين شك الزوج الحياة كلها فاستمري واذا ماتقدرين اشتري راحة بالج وانفصلي بدون اطفال لأن المره اذا حبت زوجها مستحيييييييييييل تحمل تشوفه مع غيرها اقعدي مع نفسج وهذي الحياه فيها الزين والشين قيسي الأمور بعقلج مو بقلبج والله يسعدج ان شاءالله ويهدي زوجك

 

[كويتية نايس]

رد : عروس وناويه أتطلق

يااارب تفرج همها الهم امييييييين

 

[الشيهااااااانة]

الله يعينج


هالدنيا فيها بلاوي تشيب الراس

 

[حبيبه بدر]

يا بنت الحلال اصبري ولا تتسرعين

صدقيني لا تفتشين وتدورين حطي اتكالج على ربج

صلي وكثري من الصلاه والدعاء وتصدقي واكثري بعد من الصدقه

صدقيني ما تحسين الا وهو متغير 180 درجه ليش ؟لانج اتكلتي على الله سبحانه وتعالى وخلي املج كبير فيه سبحانه

وربي يهدي مابينكم ويصلح لج ريلج

 

[غدووور الكويت]

الله يفرج همج

 

[foshia girl]

الله يهديه
ويارب يفرج همج​

 

[تبطي عظم!]

الله يهديه ويسخره لج ~

 

[رهيبة قطر]

ربي يسخره لج ان شاء الله ومايشوف غيرج

كل يوم قولي

اللهم اني استودعتك قلب زوجي فلا يسكنه امراة غيري
اللهم اني استودعتك عقل زوجي فلا يفكر في امراة غيري
اللهم اني استودعتك نظر زوجي فلا ينظر الى امراءة غيري
اللهم اني استودعتك سمعه ولسانه وفرجه فااحفظها في ودائعك يامن لاتضيع ودائعه

دام انه خوش رجال وطيب اصبري ماتدرين يمكن بيتغير انتي ادعيله

 

[& شرطان الذهب &]

أبقولكم قصتي باختصار أنا صارلي 5شهور متزوجه وللأسف أكتشفت زوجي من أول أسبوع أنه يكلم بنات وفوق هذا يشك فيني يفتش ملابسي وجنطتي وتلفوني بشكل يومي من وراي وأنا والله يابنات عفيفه وماأعرف هالسوالف وطول عمري الحمدلله أحضر محاضرات دينيه بالمساجد وماأسمع أغاني
المهم صبرت عليه طول هالمده وماقلت لأحد من أهلي وكنت أدعيله بالهدايه وأحاول على قد ماأقدر أني ماأقصر معاه بشي لامن كلام حلو ولالبس ومومقصره معاه بشي أبدا وهذا باعتراف منه وواجهته بمكالماته للبنات ووعدني أنه ينهي علاقته فيهن وصارت سالفه على المكالمات وزعلت عند أهلي ولما رديت جيكت على تلفونه ولقيته ماسح الارقام وماسح المسجات وحلفته إذا عنده خط ثاني أو لا قالي لا ماعندي

ألحين أنا شااااااااااكه فيه شلون أبتأكد منه قبل لاأتوهق بجهال منه مع العلم أنه مومقصر معاي بشي كريم واخلاقه زينه يعني مايغلط علي
وللأسف شكه موجود لحد ألحين فيه يفتش بتلفوني بس أنا موهامني أخليه يشك مني لي باجر أنا الحمدلله واثقه من نفسي

بنات عفيه ساعدوني ماعندي الاالله تعالى ثم أنتم ساعدوني أنا حاسه أنه يكلمهن من الدوام
مع العلم أنه موناقصني شي وبشهادته بس ليش يدور الحرام والحلال عنده يارب تهديهم
والله تعبت وودي أتطلق بس ماأدري بعدين شطيح فيه أحيانا أتمنى أموت وافتك من هالحياه
وحسبي الله على كل وحده تكلم وتخون أهلها أو زوجها
والمشكله اللي يكلمها أكبر منه وباعترافه أنها موحلوه يعني شنو لاقي فيها


ياااااااااااااارب تفرجلي ياااااااااارب تفرج همي

اميييييييييييييييييييييييييييين:yaaaaaarb: