عزمني على المطعم عشان يبشرني انه بيتزوج من المنحه

[q8y-moon]

الله يخليهم لج وفكري في تاثير شخصيتج عليهم لا يشوفونج ضعيفه نصيحه
والله يوفقج يارب بالي فيه الخير لج

 

[جلكسيه اس 3]

ياااااااااحياتي الله يعينج
بس نصيحه تطلقي
باجر يتزوج ويلهى مع زوجته
وينسى بناااته
وحتى مصروف يمكن مايصرف
وماتدرين شنو نوع المشاكل اللي راح اتحوشج
من الزوجه الثاانيه
بس شنو يجبرج تتحملين كل هذا

 

[مطيرية والعزليه]

رد : عزمني على المطعم عشان يبشرني انه بيتزوج من المنحه

الله يمسح علي قلبج فعلا قرارج صائب 100٪ اذا مهو هامج ولا انتي هامته وله نيه بالزواج انا اايدج انج تظلين بعصمته وبناته تحت امره وظله لانهم بنات واهو يقولج انج حرة نفسه خليه يدش علي بناته عن الحلال والحرام

 

[انصاريه قمره]

وااااااااي باط جبدي انا اروح وارد على موضوعج
بس عسى الله يعطيه وحدا تخليه اين يستخف بالشوارع تيننه انشالله تطلع نسره وتيننه وتينن اهله قولي امين بس علشان يتأدب ويعرف قيمتج
انزين خير انشالله بيتزوج بفلوس البنات عساهم زقوووووووووووم انشالله كلمي ابوج اخوج خل يعلقونه من زردومه ويسحبون فلوس البنات من عيونه
هم حافي ومنتف وبايع سياره وهم يبي ينزوج هذا وين والزواج وين هذا مال طق بخيازرين منقعه بماي وملح
وانتي طلبي فلوس منه بالهبل وكثري طلبات خليه يتنتف بشوف انا شلون بيتزوج شحفان القطوو

 

[مطيرية والعزليه]

رد : عزمني على المطعم عشان يبشرني انه بيتزوج من المنحه

لا يابنااااات حرام عليكم تنصحونها بالطلاق فكروا في بناتها.

البيت بيتج وعيالج عندج واهو يدش ويطلع علي بناته لارتحرمينهم من ابوهم.

 

[قل علها خيره]

رد : رد: عزمني على المطعم عشان يبشرني انه بيتزوج من المنحه

بقولج كلمتين يمكن يزعلونج بس انا بنصحج من قلبي اخذي كلامي مو كهجوم اخذيه طراق يصحيج من طيبتج الي انتي فيها
انتي سلبيه وخوافه وماتبين تعيشين حياتج نفس البشر تبين تدفنين نفسج بالحياه عشان بنات يتربون؟؟ ليش كل المطلقات عيالهم ضاعو؟؟
لا يحياتي مالله حادج اتضيعين عمرج وشبابج وتقولين ان صرف علي صرف ولا مو لازم افهميييي يا مررررره هذا الي مطمعه فيييييج انج ماطالبين بحقج ولا توقفينه عند حده
بتقولين الماديه ما تهمج اوكي بس الماديه تربيه وتوقفه عند حده وتسنعه
شنو هالظلم حارم بناته من فلوسهم عشان يتزوج؟؟ روحي كلمي اهله واهلج وفشليه قولي يبي يتزوج كيفه بس مو بحلال بناتي
حقوقج اخذيها كامله وهو ما يشوف شر
وبعدين سوري علي هالكلمه بس حسستيني ان اهلج من العصر الحجري شنو يعني انا بدويه وعانيت من طالقي الاولي؟؟
انا بدويه وبعايلتي شكثر مطلقات عايشين احلي عيشه
حقوقج تخذيها كاااااااااااااااامل بس عشان يتادب بلييز لاتخلينه يدوس علي كرامتج
اقهريه عيشي حياتج واصرفي واستانسي ومن حلاله وهو يطالع بعيونه وما يقدر ما يصرف عليج
وانتي مسويه تكميم يعني جسمج بيتغيير دشي نادي غيري من شكلج لنفسج مو له خل يولي بس خل يحس ويعرف انه ولا شييي

سوري قرقت وايد وخربطت وايد بس من الحره علييييج
والله ينصرج عليه ياااااااارب

بسم الله عليها مابعد كلامها كلام~ :rerrerek:

 

[اسرار الغلا]

الطلاق مرات يكون حل ما يكون مشكله

 

[جلكسيه اس 3]

مطيريه احنا ماقلنا لهااا تمنع بناتها
من انه يشوفون ابوهم
بالعكس خل يشوف بناته متى ماحب

لا احنا ننصحها ونشوف ان الطلاق افضل
واهي بعدين اتفكر على راحتها اذا تبي الطلاق
او اتكمل معاه وتتحمل كل شي بعدين دامها رضت
بالزواج الثاني بس بعدين لا تتشكى لان محد بيكون فاضي
كل يوم يسمعون مشاكلهاا

وانا ما اقول الا الله يعينها يارب ويارب ما يتهنا مع الثانيه
وان شاء الله افلوس بناته يكون زغوم يارب يعل ما يتهنا فيهم
اسفه بس والله منبطه جبدي لا وفوق هذا منتف وبيزوج
حق القراده
سوري بس والله منفعله

 

[Tulips]

شتسوين حبيبتي

هذا نصيبج من الدنيا والرياييل مايترس عينهم الا التراب

و زوجج ردي ما عليه شرهه

اهم شي انتي اللحين وقتج كله خليه لج واعتني بنفسج ودلعي نفسج و ونسيها وانسي الهم والكدر والتعب

وبناتج ربيهم احسن تربيه و خليهم يفتخرون فيج

ترا الدنيا والله ماتوقف على ريال

 

[شيخة الحلوة]

عسا الله يكون في عوووونج يارب ويسخره لج ولبناته
ويرزقج منه بالولد ياااااااااااااااارب يكون لج ولبناتج سند وظهر يارب

 

[وعد2006]

مشكوووورين حبيباتي انا ما افكر بالطلاق نهائيا بس عساه اهو مايطلقني
بنات انا متحمله عشان بناتي بس لانه حيييييييييييييل زين معاهم يلعبهم ويلعبون معاه واهم بعد حييييييل يحبونه فأهم مالهم ذنب عشان ينحرمون منه
عسى الله يخليكم لي انشالله

 

[*ريما*]

الله يهدية

 

[فله]

حسبي الله عليه حر قلبج تزوج كيفك بس لاتقولي بمنحة بناتي
يارب ينصرج بس ردج عين العقل يابنت الناس عشان بناتج وانت ام 3 بنات الله يخليهم لج تظمنين ان تطلقتي وين يروحون والا ان تزوجتي بتتزوجين اعزب ولا واحد يموت ببناتج والا عقيم يربيهم اكيد وخل نكون واقعيين اللي بوضعج بتاخذ ع مرة واقضب ميونونك لاييك الاين منه
الا خليج ع رايج وزوجج ماتدرين يمكن ينصلح بعد الزواج لو ماكان عندج عيال والا بنت وحدة عالاقل جان قلت لج تطلقتي انت ام وعارفة ظله ولا جنه اهلج

 

[حزن الليل]

اهم شي تخليني في بيتي عند بناتي وما ابي اشوفك بالمره مابي سالفت يوم هني ويوم هناك
وكان قلتي كل راس شهر مصروف عيالي يوصلني ماينقص ولا فلس

قالي بسرعه حاضر احنا مانصلح لبعضنا خليج على بيتج و عيالج و مالي شغل فيج لو تدجين بالشوارع!!!!!!:eh_s(14):شنو دوجين بالشوارع ماقول الله يهديه ويسخره لج ويحنن قلبه لج ياحي ياقيوم..

 

[انا لسه صغيره]

رد : عزمني على المطعم عشان يبشرني انه بيتزوج من المنحه

اسال الله العظيم ان يصلح حالكم

والله يهديه ويصرف عنه فكرة الزواج
وعسى ربي يحنن قلبه عليك
ادعي ربك
ان الله يحب الانسان اللحوح بالدعاااء
صلي الوتر وادعي
وربك قااادر يهديه بيوم وليله

 

[" ام حمود "]

فديتج والله
ادعي ربج وانه الله يسهل عليج حبوبه
وقولي حسبي الله والنعم الوكيل ...
حبوبه المهم حطي بالج ع بناتج بس ولاتفكرين بشي ثاني بس بناتج
عسى الله يوفقج ياررب

 

[مـ ع ـزوفة حز*ن]

،،


وعد حبيبتي نصيحه من إخت لأختهآ ،،


لآتتطلقين وإخذي حقووقج كآآآمله من مصروووف وسكن .... إلخ ،،


وليش مآييعدل بينج وبينهآ ؟؟


بالعكس مآيجووز يهجرج ويروحلهآ ..

وبعدين إنتي صآبره ومحتسبه الأجر بتربية بنآتج والله يحفظهم ويخليهم لج ويخليج لهم ،،


الحمدالله إن انتي تتصفين بهالصفه اللي نآدره بهالوقت ..

ألآ وإهي .. (( الصــبـِـر )) ..


وإمشي عالمثل هــ‘ــذآ :

،، (( مآتعرف قديري إلآ لمآ تجرب غيري )) ،،

بآجر يعرف قيمتج وقدرج إن شآء الله ، ويبطل زوآج ،،



والله يسخره لج ويووفقج ويسعدج ويبعد همج ،،



...................

..........

...

 

[dalaly-angel]

حبيبتي الله يعينج ويصبر قلبج ويعافيج ويسخره لج ويفرجها عليج يارب
اللهم آمين

 

[المــايقـهـ]

حسبي يالله والنعمه الوكيل فيه بصراحه وبدون زعل دام انتوا مو متفاهمين ليش حملتي منه من الاساس ودام هو هيك معاج ليش اتردين له وهو سوا هيك لان يمكن شافج انتي ضعيفه وتسكتين عنه..!!
ماعلينا هذا اللي الله كاتبه مانبي نعترض عليه واطلبي الطلاق عشان بناتج مو اول ولا اخر بنات يعيشون من غير ابو انتي صيري لهم الام والابو عسى الله يطول بعمرج ويخليج للبناتج يارب وتفرحين فيهم و اطلبي الطلاق عشان باجر محد يعار بناتج يقولون لهم كلام عن ابوهم يسم البدن منه والمحكمه تاخذ حقوقج منه الحمدالله احنا بديره مافي احد يضيع حقه وعشان يمشي لبناتج مصروف ويلتزم بالصرف عليهم غصبن عنه

 

[رحيل المرافيء]

رد : عزمني على المطعم عشان يبشرني انه بيتزوج من المنحه

مدري ليش زعلانة انتي؟؟؟؟
متطلقين من قبل مرتين ومابينكم عمار
جذيه ولاجذيه انتي تقريبا بوضع المطلقة
واذا مو عاجبج الوضع تطلقي وشوفي نصيبج
حقه هو بعد يتزوج دام مو متفقين مع بعض
لو انتي لج قيمة عنده ماطلقج مرتين
وواحد غيره جان طلقج وقطج بالسكة وقالج مو ملزوم فيج ولاببناتج
هذا قالج قعدي معززة مكرمة وانا بتزوج
وانا اشوف حقه
انتو يا الحريم ماتتعدلون الا اذا تزوجوا عليكم يعني