عزوف الشباب عن الزواج .. ليش؟

[z8rtia]

السلام عليكم ورحمة الله وبركاته

بدخل بالموضوع على طول ..

ليش وايد شباب بعمر الزواج ما يبون يتزوجون .. ولي اسألوهم متى تتزوجون وها نخطبلكم ؟ يقولون ما نبي

منهم اخوانا منهم اعيال عمنا منهم ربعهم .. لي درجة إنه أمهات ربع شبابنا اللي نعرفهم يقولون يالله زوجوا ولدكم خل يسحب ولدنا معاه لأنهم ايئسوا من الحنه بدون فايده

ولي سألناهم شالسبب ماكو شي محدد .. اللي يقول تو الناس.. اللي يقول بكون نفسي .. اللي يقول البنت شدراني زينه ولا مو زينه .. واللي يقول مابي كلش .. وهلم جرا يا خرابيط وتكلك ..

ضايق خلقنا على اخوانا العمر يركض فيهم

شراااااااااايكم ؟؟ حاسين بهالظاهره ؟؟ ولا لأ ؟ شاركوني :0bee2e8d89:

 

[HOT^CHOCOLAT]

السلام عليكم حبيبتي صح كلامج يوصل عمرهم بالاربعين والثلاثين مايبون يخافون يا من المسؤليه او من البنت الي بتكون زوجه لهم والمصيبه انهم يجمعون وعمون على الكل بنات ليش يعني امهاتكم ولا خواتكم ولا اي وحده من اهلكم موزينه . بس شنقول الله يهديهم .
وموضوعج وايد حلو اتمنى يفيدونا البنات بعد

 

[pretty sarona]

اي صاجه وايد بعايلتنا كبار و مقتدرين بس ما يفكرون كله بعدين ,, انزين متى , الله يسهل عليهم

 

[layan 23]

موضوع حلو

بس من وجهة نظري ان زمن الحين تغير عن اول

الحين شبابنا متفتحين على كل شي
ومايبون يكونون مسؤولين عن شي
كل واحد يبي حريته
وكل شي متوفر لهم زين وشين
وفي بالهم ان الزواج بيغير عليهم حياتهم اوبيخربها

والله يهديهم ويوفقهم ويتم عليهم يارب

وتقبلي مروري

 

[z8rtia]

السلام عليكم حبيبتي صح كلامج يوصل عمرهم بالاربعين والثلاثين مايبون يخافون يا من المسؤليه او من البنت الي بتكون زوجه لهم والمصيبه انهم يجمعون وعمون على الكل بنات ليش يعني امهاتكم ولا خواتكم ولا اي وحده من اهلكم موزينه . بس شنقول الله يهديهم .
وموضوعج وايد حلو اتمنى يفيدونا البنات بعد

وعليكم السلام..

مشكوره هوت جوكليت عالمشاركه

صـــاجه .. يوصلون الأربعين وليلحين ما يبون ! الله يهديهم بس

 

[z8rtia]

اي صاجه وايد بعايلتنا كبار و مقتدرين بس ما يفكرون كله بعدين ,, انزين متى , الله يسهل عليهم

مادري شنو فكرتهم عن الزواج الصراحه !

الله يهدي شبابنا ويصلحهم ويرزقهم

مشكوره على ردج بريتي سارونه

 

[z8rtia]

موضوع حلو

بس من وجهة نظري ان زمن الحين تغير عن اول

الحين شبابنا متفتحين على كل شي
ومايبون يكونون مسؤولين عن شي
كل واحد يبي حريته
وكل شي متوفر لهم زين وشين
وفي بالهم ان الزواج بيغير عليهم حياتهم اوبيخربها

والله يهديهم ويوفقهم ويتم عليهم يارب

وتقبلي مروري

حده .. المسؤوليه مسويتلهم رعب

ومشكله إذا يابولج أمثله حقيقيه .. فلان طلق .. فلان مرته مأذيته .. شتسوين فيه هذا!:eh_s(1):

مشكوره على ردج

 

[شنكولة]

التفتح الاعلامي اكبر الاسباب واهمها

 

[Stylista_Q8]

عيل انا ملاحظة العكس :×
واااايد نااس أعرفهم صغااار ويبون يتزووجوون مع انهم توهم يدرسوون
وبل ياالله يعيلون روحهم..

ومشكورة حبيبتي ع الموضوع ^^

 

[yam_yam]

كل شي نصيب

عندي لما يتزوج كبير احسن يكون عقله غير و مكون نفسه و يقدر على المسئولية

 

[عاشقه رويشد]

في شباب عندهم الزواج سجن وانه يقيد من حريته ويبي يلتزم بشي مثل اخواني ما يبون المسؤوليه اتكالين وااايد اتوقع اهو السبب الرئيسي ما يبون المسوليه

 

[Da7Dou7]

لا عدل
ذاك اليوم بالزواره
اخوي (عمره 12)
و ولد خالتي (14)
قاعدين يقولون ما نبي نتزوج
يمكن توقولون يهال خرابيط
بس غريبه ليش حاطو هالفكره ابالهم من الحين !!
خابره اليهال بالعكس يحبون جذي ويصيرون مثل ابهاتهم
حتى اخوي الكبير !!
بس تبون الصج ما ينلامون من اللي يشوفونه .. شضمنه ان اللي بياخذها خوش بنيه
للأسف الينات اهما اللي قاعدين يخربون على روحهم و على غيرهم !!

 

[*عزيزة نفس*]

ما أدري يمكن آنا لي راي مخالف ، اللي أشوفه إنه الشباب بالعكس مقبلين عالزواج وبقوة بعد
حتى الصغار بالعمر متحمسين للزواج...
وإذا كان فيه تأخر فيكون إنه الشاب يبي وحدة بمواصفات معينة ،،، أو إنه يبي يعيش حياة بلا قيود يبي يروح ويرد بدون التزامات

مع إني ما أشوف عزوف من الشباب عن الزواج...

والله يصلح بناتنا وشابابنا