عزيمة أمي لرفيجاتها وبوفيهنا المتواضع (بالصور) حياكم الله

[Confused Girl]

الله يديم اليمعه واللمه انشالله

واي توني متغديه وووويعت


بالعااااافيه

 

[للصبر أخر]

ماشالله تسلم الأيادي

الأطباق شكلها يشوق

عليكم بالعافيه ناطرين الطريقه

 

[سكرة هانم]

عليكم بالعافيه

ناطره الوصفات بغيت سلطة الزعتر ماعليج امر

 

[أم علي الرفاعي]

# سلطة الزعتر:​

​

خس مقطع مو وايد كبار
اذا تحبين تبشرين جزر >> اختاري​

تحطينهم بالماعون​

بعدين تييبين طاسة وتحطين فيها زيت زيتون زعتر
وتكونين مقصصة خبز مكعبات وتقطينهم بازعتر
وتخلطينهم مع بعض عدل وتحطينهم 1\2 ساعة بالثلاجة​

وعقب نطلع الخبز ونصفه ببايركس ونحمره بالفرن
عشان يتحمش​

بالخلاط :
صلصة ايطالية
شوية اشبنت وشوية بقدونس
شوية ملح وشوية خل ابيض​

نصبهم على الخس وعقب ننثر الخبز المحمش​

وبالعافية​

وهذي صورة الصلصة للي ماتعرفها
​

وبنات حبيت انبهكم
لاتخلون السلطة تنقع بالصلصة​

خلوا مقدار الصلصة معقول
أقصد الصلصة الايطالية نفسها تقدرون تقللونها
وتستخدمون نصها اذا مقدار الخس شوية

​

 

[mngo67]

tesam edich
W 3awafy 3alaikom

 

[زعفرانة_73]

((الله يعطيج الصحه والعافيه انتى والوالده وتتكرر هالأطباق السنعه))
​

 

[أحلى همبه كويتية]

:eh_s(9)::eh_s(9):
:eh_s(9):
:eh_s(9):

عاشت عاشت ام علي
حبيبتي عليكم بالف عافية وربي يخلي لكم الوالدة شمعة البيت :eh_s(7):

الله شهيتيني اكل وياكم
اجرااااااااام بحق وحقيقي ليش ما عزمتوتي اكل وياكم ؟؟:eh_s(10):
:krkrkr:
انا بطب عند الحلو اول شي
غرامي الحلوياااااااااااااااااات
والرشاقة الله بالخير نسيناها :eh_s(11):​

 

[أم علي الرفاعي]

هههههههههههههههههههه

والله مكانج خالي همبووووووش

بس احاجيج ،،

لا تتهورين عالحلويات
اهم شي الرشاقة والجسم الحلو


انا طفارتي المتان
مع ان ريلي بتمبة !!!


بس جد ما احب اشوف بنت حييييييل متينة وطايحتله بلعة خخ
تبط جبدي >>> طبعا غير الحالات المرضية الخاصة الله يعينهم

 

[شندوخه]

ماشاءالله .. عساها سفره وبيت دايم ان شاءالله
وبغيت اسألج ستاند الكيك من وين ماعليج امر؟

 

[أم علي الرفاعي]

ماشاءالله .. عساها سفره وبيت دايم ان شاءالله
وبغيت اسألج ستاند الكيك من وين ماعليج امر؟

الله يسلمج حبي

الستاند من محل اسمه dumo
تلقينه يم ميداس اللي بالضجيج

عندهم سوالف تهبل وكشخة
وشوي غالي ..

بس خوووووش محل اذا انتي من هواة المواعين ​

 

[أم علي الرفاعي]

# شوربة الآش :​

​

*المقادير:​

بصل مفروم - ثوم مدقوق - زنجبيل مدقوق - لحم تكا حيل صغار - طماط مكعبات صغيرة - فلفل أخضر البارد مكعبات صغيرة - عدس اخضر + احمر - ماش - الخضرة: كزبرة اشبنت سلق سبانخ (كلهم مفرومين) - مكعبين ماجي - شوربة ماجي بنكهة الدجاج اللي بس شعرية - شوفان - بهارات (كركم كاري فلفل اسود كمون وشوية هيل)​

* الطريقة :​

- نحمس البصل والثوم والزنجبيل ونضيف عليهم اللحم التكا ، نحمس عدل عدل عقب نحط الفلفل الأخضر والطماط ونحمسهم عدل من 10 -15 دقيقة ليما يذوب الطماط - نضيف كركم كاري شوية هيل فلفل اسود كمون نحمس عدل عقبها نضيف الماي .​

- بعد ما يغلي الماي نضيف (عدس اخضر ، عدس احمر ، الماش) ونخليه يغلي.
- بعد الغليان نضيف كل الخضرة (السلق ، الكزبرة ، السبانخ والاشبنت) ونخليه يغلي.
- بعد الغليان نحط عليهم 2 مكعب ماجي ونوطي عالنار ليما تستوي البقوليات.​

- عقب نضيف ظرف شوربة الماجي ونخليها تستوي بعد.​

-قبل ما اسكر النار ناخذ طاسة نحط فيها ماي بارد ونضيف عليها الشوفان نذوبه عدل
ونحطه على الشوربة >> هالخطوة مهمة عشان ما يكلكع الشوفان داخل الشوربة ويتكتل ..​

وما اوصيكم ع الملح تظبطونه ​

وبالعاااااااافية ​

 

[(TigerWoman)]

ام علي <<< فديت اسمه

ابي طريقة الاش من امج بس ابيه بدون لحم

وماشاءالله سفره عامره الله يعطيكم العافيه ويطول بعمر الوالده يارب

 

[أم علي الرفاعي]

tigerwoman
الطريقة فوق ردج مباشرة

واذا تبينها بدون اللحم
حمسي البصل والثوم والزنجبيل
وحطي عليهم البهارات وكملي الباجي

مو الا اللحم ..

 

[Em Toma]

ما شاءالله شكلها رائع

 

[أحلى همبه كويتية]

هههههههههههههههههههه

والله مكانج خالي همبووووووش

بس احاجيج ،،

لا تتهورين عالحلويات
اهم شي الرشاقة والجسم الحلو


انا طفارتي المتان
مع ان ريلي بتمبة !!!


بس جد ما احب اشوف بنت حييييييل متينة وطايحتله بلعة خخ
تبط جبدي >>> طبعا غير الحالات المرضية الخاصة الله يعينهم

بعد قلبي حبيبتي :eh_s(7):
عليكم بالف عافية

ترا انا ما أحبهم اكثر منك ولا احب نفسي
عاد تدرين ان دمهم خفيف وزي القشطة مثلي
خخخخخخ

 

[ذات الهمة العالية]

ودى تسوين لنا شوربة الآش بس تصوير كان زين انا مهمة عندى الخطوات بالصور

 

[نياره]

ماشااء الله
تسلم الايادي

 

[جوري 2007]

ماشاءالله ، سفرة عامرة

يمي

 

[حضن امى]

ماشاء الله
الله يتم عليكم
وان شاء الله دوم مجتمعين علي الخير
لوسمحتى ابى طريقه الصمون
وطريقه الدجاج بالخضار
وموفقه اختى

 

[moool]

يمي يمي مبدعين
ما شاء الله كل شي حلووووووووووووو:eh_s(7):​