عساني أشوفه مريض .. و أشوف الثاني متزوج و مرته تخونه .. آمين

[بنت عز وما تنهز]

,,
,,
عســـي الله يهديــــه
,,
,,

 

[انسام الكويت]

الله يسخر ريلج لي ويبعد بنات ابليس عن ازواجنا يااارب

اوووف الخيااانه تعور القلب حااسه فيج ياقلبي عسا ربي يهديه لج

 

[Jna3eYa-88]

حسبي الله ونعم الوكيل فيهم ..

وااااااااي ماتنلامين

الله يعينج ويصبرج ويفرج ضيقتج عليج ..

والله يبعد عن ريلج هالأشكال ويسخره لج يا رب ..

 

[Stylista_Q8]

وآااي الله يعينج !! شهالربع استغفر الله

سووا اللي تبوون بس مآله داعي تخربون غيركم >__<

الله يهديهم إن شآلله ويهدي ريلج ويسخره لج !

 

[ديانا سبنسر]

الله يعينج

 

[نور وشموع]

عليج بالدعاء


الدعي له بالهداية موفقة حبييبتى ان شاء الله ماتشوفين ولا تسمعين الا الي يسرج

 

[أنا Top أنا]

رد : عساني أشوفه مريض .. و أشوف الثاني متزوج و مرته تخونه .. آمين

انتي خلطتي الامور وقمتي تدعين على عيال الناس ..

يبا عيال الناس سنعين خربانين مالج شغل فيهم . . شغلج برجلج بس .. مو صغير اهو والا جاهل تقولين له لا ترافج والا رافج ؟؟ اهو ادري بربعه وباللي يرافجهم ومدام هذيل ربعه .. ادعي له الله يهديه لج .. بس !

 

[معكرونه أسبكتى يم يم]

رد : عساني أشوفه مريض .. و أشوف الثاني متزوج و مرته تخونه .. آمين

الله يهديه ياااارب

 

[ام مهرة 2009]

عندكم معالج نفسي؟


و الله بنات أتكلم جد ... تعرفون معالج نفسي زين و موثوق




مشكلتي إن ريلي مو نوعه اللي يدور الخراب

مشكلتي إن كل ما أطيح على ريلي يخون
أتتبع القصة يطلعون ربعه مالت عليهم مددلين على بنات اللذين

و على إنه الحين تاب و خلاص على عاف ذاك الطريج

ربعه مازالوا يطرشون له صور خلاعية
و واحد داز له بال بي بي .. تعال أزوجك مسيار فلسطينية بالجهرا


عاد أنا من القهر
كل يوم أبجي .. لأن كل يوم أشوف هالشياطين يطرشون له أشياء وصخة


هو يقول لي أنا ما تأثر فيني هالأشياء و أصلا ما أبطلهم
بس ما أصدقه .. يعني اللي خان مرة و مرتين عادي يصيرون ثلاث و أربع
غير هذا .... كثر الدق يفج اللحام


من القهر قمت أدعي عليهم جدامه ليل و نهار


يا رب توريني فيهم واحد واحد عجائب قدرتك

يا رب واحد يطيح مريض عمره ما يتشافى و الثاني يتزوج وحدة أردى منه لي درجة يربي عيال مو عياله
مو بس جذي عقب ما يصرف عليهم دمه يكتشف على كبر إنهم مو منه عشان صج يموت قهر
و الثالث يا رب يارب عمره ما يتزوج يعقد جذي معلق عزابي .. كل ما تقدم رفضوه لي يصك الأربعين و صاعد

يا رب .. لا تخلي أحد فيهم يتهنى بشبابه و خرب بيوتهم مثل ما خربو بيتي

آمين



و اليوم دعوتي كانت خطيرة
ما أدري طارى عرس الجهرا ببالي


قلت له / يا رب باجر كلهم بالديوانية مرة وحدة يحترقون و نفتك منهم
اللي يقهر يصحح لي
مو بس بالديوانية حتى بالدوام
جان أكمل دعوتي
و اللي بالدوام يا رب كلهم كلهم بيوم واحد




صج .. بديت أفقد
خلاص .. شوي و أين
كل الثوابت عندي اهتزت .. أحس كل شي جذب و ماله طعم


مو زين جذي و الله مو زين


شسوي؟؟؟؟؟؟؟

والله احترق قلبي عليج
شوي ياقلبي انت يا اميرة

لا تحرقين عمرج وتقصرينه
عسى هالاشكال ياربي الهداية

انا مجربة ومحترة
ترى ما يسوى والله باجر اذا صار فيج شي مو فايدج ريلج
تعوذي من ابليس ولا تفكرين فيه
بتقولي هذي شتقول ؟
اقولج اشغلي نفسج عنه
وخوفيه بالله بطريقة غير مباشرة
وانت تقربي لرب العالمين
وقومي صلي بالليل واقري سورة البقرة
وادعي ربج وابجي عند ربج
كثر ما تقدرين ادعي واستغفري
وادعي ان الله يشغلهم عنه ويفضحهم
ترى محد يقدر يغير حالج الا هو سبحانه

 

[نبضها نادر]

رد : عساني أشوفه مريض .. و أشوف الثاني متزوج و مرته تخونه .. آمين

ياحياتي والله ماألوومج
بس أدعي ان الله يهديه ويبعده عنهم ويشغلهم بأنفسهم وصلي بالليل ورااح تشوفين الحل بعيونج
وتفاهمي معاه لين تحلون المشكله واصبري الله يعوضج

الله يخليه لج يبعده عن أصدقاء السؤ ويشغلهم بأنفسهم ويكفيج شرهم

 

[om Firas]

الله يهديه لج ويسخره ويبعده عن رفجة السوء

 

[مــســك]

كش قطيعة تقطعهم ..


طيب اهلج وينهم حبوبة ..؟


خلي اهلج او اهله يسنعون ولدهم ..


عيل شحقة يتزوج عشان يعذب بنت الناس ؟؟


دام يبي يخربط ويلعب شحقه يلعوز بنت النااس ويلعب من وراها ..



وحسبي الله والنعم الوكيل فيهم ..

 

[سبحانك يارب]

رد : عساني أشوفه مريض .. و أشوف الثاني متزوج و مرته تخونه .. آمين

حسيت فيكي الله يكون بعونك

 

[بالقلب]

الله يكون بعووووووونك ومالك الا حسبي الله ونعم الوكيل

 

[PinkY Dreams]

اميييييييييين
اميييييييييين

امييييييييييييييييييييين

 

[حزينه 22]

رد : عساني أشوفه مريض .. و أشوف الثاني متزوج و مرته تخونه .. آمين

الله يعينج يااختي بس حرام عليج نفسج و يااختي لاتدعين على احد يقولون من دعا على احد بظهر الغيب له مثلها من جذيه دايم ادعي انه الله يهديهم ويهدي زوجج وتذكري هم اهم اكيد عندهم اهل يخافون عليهم بس استغفري ربج ونصيحه انا مو قصدي اخرب بس حتى زوجج لما يشوفج جذيه بيزيد ماينقص دايم حاولي تبينين له انج واثقه من نفسج لان لما تسوين جذيه معه جنج مو واثقه من نفسج وعقبها تصيرين انتي الحنانه وانتي النكديه وانتي وانتي اعذار الريايل وايد والله يسخرلج زوجج ويبعد عنكم كل شر

 

[هدولى]

لو شنو يخون ولو شنو يسوي

ما دعيت على عيال العالم !!!!!!!!!
ادعيلهم بدال لا تدعين عليهم

ليش ما يقدر يقولهم لا دزوون مابي هالسوالف بطلت !!!
لو ما يبي يقولهم
مابي


الله يهدي الجميع ان شاءالله

نفس كلامى .

 

[ba6re8a]

تبين الصراحه الغلط مو من ربعه الغلط من ريلج

اهوا لازم يوقفهم عند حدهم!!!!!

 

[Maryomah_q8]

رد : عساني أشوفه مريض .. و أشوف الثاني متزوج و مرته تخونه .. آمين

الله يعينج وينصرج عليهم
عليج بالاستغفار والدعاء والله يسخره لج

 

[~*~الملكة~*~]

حبيبتي مالج شغل بعيال الناس بس قولي حسبي الله ونعم الوكيل


شنو هالدعاوي الي تخرع

المشكله والبلا في زوجج لو مايبي يقولهم مابي وانا متزوج مابي هالسوالف