عسى طيارتن طارت لدار (الغرب) وابكت عين
تعود في سماء (الكويت) وتفرح عين مغليني
وعذري اني مسافر والمسافر لد للغالين
وخطير اني مكنسل رحلتي لو هم مناديني
مشيت ولامشيت احس قيد برجلي الثنتين
مشيت ولاقويت وكن حيلي مايمشيني
وبلاي اني التفت وشفت ربعي مودعيني لين
ركبت الطايره وادري بربي مايخليني
وساق الطايره طيارها واقفى مع المقفين
عليه الله ما يحسب حسابي لأدمعت عيني
اخايل في الدريشه وكل مبعدنا النفوس تشين
وكن الراكبين اللي معاي تقول يا عويني
الا يادار يا دار النصاري وان حداني البين
على الله كل شين واطلب الشافي يشافيني
انا داري الشفى بيدين ربي وامتي دارين
ولكن نبذل الاسباب والوالي يقديني
في غربتنا قعدنا ندفش يسار يمين
لوني فازع بصدر الشمالي ما قضى ديني
هموم القلب (ملعونه) تجيني والعرب ممسين
كأنها تاكل القلب والمشقى والشرايني
لو الله ما رحمنا في اجتماع الناس كان اللحين
اعزي صاحبي في ضيقته وايضا يعزيني
لقينا رجال في الغربه من الأقصين والأدنين
عرفناهم وكني بعرفهم مبطي من سنيني
الامن حان ميعاد اللوازم كلهم عجلين
على المفزاع قبل تقول قال احسن تدعيني
صحيح ان السفر يسفر عن لاطباع شين وزين
وطراه الرجل يعجب عين ربعه في المياديني
وثمان شهور ما يبرد تلفوني من الوافين
وحن لجيتي حتى عدون مايدانيني
وقالوا لي متى ترجع ترانا لجيتك شفقين
عرفت احباب قلبي عقب ربي ما تخليني
رجعت وشفتهم وسط المطار شلون مجتمعين
وكنهم في المطار ومن ثمان شهور تانيني
تعود في سماء (الكويت) وتفرح عين مغليني
وعذري اني مسافر والمسافر لد للغالين
وخطير اني مكنسل رحلتي لو هم مناديني
مشيت ولامشيت احس قيد برجلي الثنتين
مشيت ولاقويت وكن حيلي مايمشيني
وبلاي اني التفت وشفت ربعي مودعيني لين
ركبت الطايره وادري بربي مايخليني
وساق الطايره طيارها واقفى مع المقفين
عليه الله ما يحسب حسابي لأدمعت عيني
اخايل في الدريشه وكل مبعدنا النفوس تشين
وكن الراكبين اللي معاي تقول يا عويني
الا يادار يا دار النصاري وان حداني البين
على الله كل شين واطلب الشافي يشافيني
انا داري الشفى بيدين ربي وامتي دارين
ولكن نبذل الاسباب والوالي يقديني
في غربتنا قعدنا ندفش يسار يمين
لوني فازع بصدر الشمالي ما قضى ديني
هموم القلب (ملعونه) تجيني والعرب ممسين
كأنها تاكل القلب والمشقى والشرايني
لو الله ما رحمنا في اجتماع الناس كان اللحين
اعزي صاحبي في ضيقته وايضا يعزيني
لقينا رجال في الغربه من الأقصين والأدنين
عرفناهم وكني بعرفهم مبطي من سنيني
الامن حان ميعاد اللوازم كلهم عجلين
على المفزاع قبل تقول قال احسن تدعيني
صحيح ان السفر يسفر عن لاطباع شين وزين
وطراه الرجل يعجب عين ربعه في المياديني
وثمان شهور ما يبرد تلفوني من الوافين
وحن لجيتي حتى عدون مايدانيني
وقالوا لي متى ترجع ترانا لجيتك شفقين
عرفت احباب قلبي عقب ربي ما تخليني
رجعت وشفتهم وسط المطار شلون مجتمعين
وكنهم في المطار ومن ثمان شهور تانيني
