عسى ماشر تصرقعتم وصرقعتووونا (لاتزعلون من كلامي

[على الطيب تربيت]

السلام عليكم ورحمة الله وبركاته




بنوووتااات ياحلوات ياحريم يانسوان ياسيدات


بصراحه عندي عتب بسيط لانكم حبيباتي اعتب عليكم



بنات اشفيكم ياحبايبي اليوم تصرقعتم وصرقعتووونا اشصااير



يابنات ادري الي جرى اليوم ماهو هين ولكن هذا قدر الله تعالى علينا


هل جذي امرنا الله نقابل قدره ؟؟!!



كلنا إلا من رحم الله ... قابل هالحدث بالخرعه والتخريع



يعني ربي أراد وقدر وكتب هالعاصفه تجينا شنو المطلوب علينا ...


هل المطلوب نجي نخرع بعض ونقط اخبار غير موثوقة المصدر ونقول زلزال

امطار حمضيه ... غاز ... انبوووب... فيضااان .. موج مرتفع ....


وكلن يمشي ويرمي خبر .. طيب هل لمن كتبنا هالخبر رفعنا قدر الله ؟؟؟ هل لمن كتبنا هالاخبار ونشرنا الصور استفدنا شي ...




لا ياحبوباتي مو جذي نتصرف مع الأقدار والاحداث ...



يابنات لمن يصير شي بهالكون كله بيد الله تعالى ...


علينا اولا ..


نسلم نفسنا لله ونتيقن أنه الوحيد الي يلطف بعباده وارحم فينا من انفسنا وأمهاتنا ...



ثانيا ...


نتوضى ونقابل السجاده ونصلي على الأقل ركعتين وندعي الله تعالى أنه يرحمنا برحمته ...


ثالثا ....

كثرة الإستغفار ....



رابعا ... تقوية القلب بالإيمان بالله تعالى والتحلي بالصبر وتصبير من هم معي بالبيت وتذكيرهم برحمة الله




أخيرا ...



تطمين من حولنا وخاصه بالمنتدى ومحاولة إعطاء ايجابيات وتفاؤل


مثل ماكو الا الخير والحين يهدأ الوضع شي وعابر باذن الله تعالى

فلنتذكر ونتأمل رحمة الله تعالى ...





واخيرا حبووووباتي مو تزعلون مني تراي اختكم واحبكم والحمدلله ع السلامه كلنا


أختكم / ام عبادي

 

[Velvet-RoseQ8]

جزاج الله ألف خير وكلامج مايزعل ياقلبي
ويسعدني أكون أول من يرد عليج
اي والله صاجه
بس هالاخبار صوب واللي قامو ينكتون صوب
ترا مايجوز التنكيت والدعاء على هذه الرياح لأنها من ربي سبحانه وتعالى
وتدرون ان هالعاصفه فيها فايده
يعني هذي العاصفه الرمليه تساعد على قتل الجراثيم والحشرات الصغيره اللي ماتنشاف بالعين وتنظف الجو
سبحان الله والحمدالله على كل شي
ومشكوره مره ثانيه

 

[تـــاج الـــعز]

صح كلامج اختي
بس لابد من الخوف شوي
والله سبحانه وتعالى اليوم ورانا عظيم قدرته
ولازم نتذكر قدرته ونسبحه ونحمده ونتقرب له
والله سبحانه ما يصيب قوم بمصيبه الا باختبار وقدر
والحمدالله لاملجأ ولا منجا من الخوف غير ربنا سبحانه

اليوم انا كنت بالبر وقت العاصفه
وابوي قعد يكبر ويهلل ويستغفر وكلنا نردد وراه
واكيد غيرنا ملايين ذكروا ربهم بهاللحظه
والحمدالله على كل حال
وعدت الامور على خير وسلامه
بس بنفس الوقت لازم الواحد يخاف ويرجع لربه بس مووووو يفزززع
لان الفزع من الشيطان ولا يتراااخا وياخذ الامور بسهوله وتطنيش
لان هذا تذكير واختبار من الله عز وجل
واليوم احنا كنا بمنطقه مقطوعه حيل بوسط البر ولا في بشر حوالينا
وابسط شي لقيناه جدامنا الراديو عشان نعرف وين نروح وشنسوي
لقينا اذاعاتنا كلها اغاني!!!
بالله عليج هاتصرف يرضي الله والا يرضي عباده ؟؟

للاسف مافي وسطيه بالامور
في ناس مخترعين حييييييل لدرجة انهم يصيحون يوم القيامه ّ!!!!
وناس مطنشه ترقص وتغني!!!

الله يعينا بس

 

[راحيل العبدلي]

جزاج الله خير يام عبادي ...
و فعلا أنا بالواتس اب نكت على إشاعات اوصلتني ،،
لاحول ولا قوة الا بالله
و الحمدلله عدت على خير هالعاصفه ..

 

[غــ Q8 ــزلان]

موضوع مميز ولا يزعل بالعكس ..

كان المفروض يكون سيد الموقف الاستغفار والدعاء والاعتبار ... موالنكت اللي انتشرت بالبي البي والواتس اب
لاحول ولاقوة الا بالله ... الحمدالله ربنا ارحم علينا من انفسنا .. ومن بعضنا ...

شكرا لج وجزاج الله خير اختي الغالية ..

 

[Johnson]

معاج حق صراحه وكلام الحق ما ينزعل منه

 

[مالي غير الله]

جزاك الله خير كلامج عين العقل ويدل على انج انسانه فاهمه وواعيه ماشاء الله الله يحفظج ويحفظ الجميع

 

[حناينq8]

صاجه والله

 

[حنيني لجناني]

ياااغاليات اليوم شفتوا قدر الله عزوجل بدنيا بالعاااصفه وشفتوا كيف الناس احتاست وخافت واختنقت كيف اهوال يوم القيامه اللي العااصفه ذي ماتجي شي عند اهوال يوم القيامه

ياغاليااات ياليت كلنا نراجع انفسنا ونتووب ونستغفر واللي عندها معاااصي تتوب منها وتكثر من العمل الصاالح

وعسى ربي ياااغوالي مايريكم مكرووه كلكم

صاحبه الموضوع كلامج عين العقل ياغاليه تستااهلين دعوه ياغاليه

ودي
حنيني لجناني

 

[حبي لكـ وهـم]

معاج حق


احنا كنا بسنتر بوينت الشويخ وااي كنا اكششن بس الحمدلله عدى الامر على خير لان قعدنا نستغفر ونصلي ونردد اللهم انا لا نسألك رد القضاء ولكنــآ نسألك اللطف فيه

والحمدلله والله ردينا بيتنا وهالدعاء ماطاح من لساننا ووصلنا بالسسلامه

 

[كويتيه فرنسيه]

انا مودري ليش شعبنا يحب يكبر المواضيع

هذا جونا من عمر دايم كل سنه يمر علينا غبار وانعدام رؤيه

والحمدلله على كل حال

المسلم يذكر ربه بكل وقت ويستغفر ويدعي بالسراء والضراء

ووياج حق اختي بصراحه النااس كبرت الموضوع والبرودكاستات شغاله تهويل بالامور وشغالين تطنز ونكت

مانقول الا الله يهدي الجميع

 

[سوق التجار]

احنا قاعدين بحديقة بيتنا نتقهوه وماخذين الامور ريلاكس....

 

[كميثره]

اي والله صاجه
خوووو الواتس اب اليوم مصخره نكت واشاعات مالها داعي

يسلموووو قلب

 

[هنووفوو]

جزاج الله خير ام عبودي
انا كنت نايمه بدايه العاصفه بس قعدت على حس اختي سمعتها تقول
غيمه سوده تخرغ انا اهني قمت من الفراش طيرااان السطح لووووول
شفت العاصفه وهي تقرب انا ماخفت منها بس الي خفت منه اهوال يوم القيامه
يعني اذا هالعاصفه تعتبر ولا شي بالنسبه حق الي راح يصير بيوم القيامه
بناااات عليكم بالصلاه والدعاء وكثرة الاستغفار
يااااارب تحفظ الكويت وشعبها من كل مكروه

 

[شمس وقمر22]

الان جوكم زين؟؟والا؟؟لانى مسافره بعد شوى لكم؟؟تكفون طمنونى اسافر والا لا؟؟وخاصه انى محتاجه للسوق ضرورى

 

[ملواكي]

حياج الجو استقر

 

[PuPa^^SWeeT]

رد: Re: عسى ماشر تصرقعتم وصرقعتووونا (لاتزعلون من كلامي

انا كل شي ولا الامطار الحمضية خرعتني

تسلميييين على طرحج الجميييل

 

[كويتيه كول عطول]

اي والله صاجه وكلامج مايزعل
قامت الناس تقط اشاعات من شافوا العاصفه
يزاج الله خيير

 

[حجيه هيونه]

انا الى نفسي افهمه سالفة زلزال هذي شلي طلعها

شكو الزلزال بالغبار !!

 

[كلي هلآك]

جزاااااج الله خير وفعلا 100% كلامج صح