عسى من تدخل ربي يفرج همها

[al.da]

السلام عليكم ورحمة الله وبركاته



كيف الحال خواتي عساكم بخير وعافيه يارب....


قلت مالي الا خواتي يساعدوني عسى الله لايحرمنا من بعض ..انا معي شهادة اول متوسط


ربي ماكتب لي اني اكمل دراستي ويوم نويت وعزمت اكمل دراستي تزوجت ورفض زوجي



اني اكمل دراستي وتحطمت نفسيتي وحاولت اني اقنعه ورفض مو منه لكن ماقول الا حسبي الله ونعم


الوكيل ...والحين عندي ولد وبنت ربي يخلي لي ويخليلكم ماعطانا ويجعلهم بارين فينا يارب



مشكلتي اني للحين ابي اكمل دراسه وخصوصا اني سكنت بمدينه غير اللي اهله فيها لانهم ياثرون


بزوجي وهو ماشاءالله يسمع من امه وخواته بالعربي ماعنده شخصيه لكن احسها صعبه اني اكمل


مابيقبلوني وفشيله بهالسن وادرس مع بنات صغار وعن طريق المنازل اخاف انيم انجح ويحطها حجه ويقول


خلاص بطلي وانا براسي العلم ابي اي شي احس بوجودي ابي اختلط مع ناس وابي استفيد مابي اقعد


بالبيت ابي رايكم خواتي من جد ضايق صدري مليت من قعدة البيت صديقاتي الي مدرسه والي بالجامعه


ولما نجتمع ويسولفون عن المدرسه والطالبات احس اني انحرج واحس بضيقه واردد بنفسي ليه انا وش ناقصني



خواتي ابيك متشيرون علي وش اسوي اكمل والا ادخل دورات انجليزي وكمبيوتر وظايف مافيه


الا بشهاده وانا حدي اول متوسط الي تفيدني وربي لادعي لها من كل قلبي ليل نهار


معقوله احد يوظف بشهادة اول متوسط ؟؟


((سني 28سنه))




انتظركم بفارغ الصبر..اختكم ((دلال)​

 

[لوليتا الدلوعه]

انا اقول كملي دراستك افضل من الدورات
والله يسهل عليك يارب ويوافق زوجك

الله يوفقك حبيبتي

 

[brettey]

رد : عسى من تدخل ربي يفرج همها

لا ماتتوظفين بشهاده اولى متوسط بالكويت
بس انتي شكلج سعوديه مادري اشلون عندكم الوضع

 

[يـونـيـك الغـلا]

لا حبيبتي عااادي ما فيها شي كملي دراااستج والله يوفقج

ويوااااااااافق زوجج ياااااااااارب ...

 

[منطوق الغلا]

رد : عسى من تدخل ربي يفرج همها

جان لج رغبه كملي دراستج الغاليه


الله يوفجج يارب

 

[al.da]

رد : عسى من تدخل ربي يفرج همها

صعبه اكمل منتظمه احسها فشيله وبالنسبه للاخت الي قالت انهم مايوظفون بالمتوسط بالكويت


انا يالغلا سعوديه ومثل الوضع عندكم ماعندنا وظايف بشهادة متوسط ربي يسعدكم على تفاعلكم معي

وشاكره لكم وانتظر باقي الاخوات عسى الله لايحرمني منكم

 

[توته شيطونه]

انا اقول ما ينفعج غير شهادتج لا زوج ولا عيال ينفعون

احسن شي الشهاااااده وبسسسسسسسسسس

 

[خانها الحظ]

رد : عسى من تدخل ربي يفرج همها

حبيبتي توج صغيره وطالب العلم مو بالعمر ياما ناس اعمارهم فوق الخمسين سنه ويدرسون

وناس اعمارهم بالاربعين يكملون ماجستير ودكتواره العلم ماله عمر محدد / كملي دراستج

واخذي الثانويه العامه وتوظفي حتى طلب العلم عباده وادعيلي بالفرج يالغلا وربي يكتب لج
كل اللي تتمنينه

 

[Reem 92]

رد : عسى من تدخل ربي يفرج همها

انا اقول توكلي على الله وكملي دراستج ولا تقولين (فشيله)
الله يوفقج ويرزقج بالوظيفة

 

[~نسمه هوى ~]

انا ماقريت الموضوع كله بس بقوولج كمليي درااستج الشهااده مهمه وماعليج من احد العلم مايعرف عمر معين وطلبوا العلم من المهد الى اللحد

 

[حبيبة سعود]

رد : عسى من تدخل ربي يفرج همها

استغفري ربك وادعيه ليل ونهار ان يخلي زوجك يوافق انك تكملين الدراسه وان شاء اللله تكمليينها حياتي

 

[دلوعه الكويت]

رد : عسى من تدخل ربي يفرج همها

كملي دراستج

 

[كنوشة 2009]

اذا في عندكم مراكز دراسة القرآن مثل ما عندنا بالكويت مسائي
وفي مراحل متوسط و ثانوي واللي يدرسون يكونون كبار بالسن
وايد اعرفهم كملوا فيه والدراسة موعيب مهما كان العمر

 

[~LiBrA~]

رد : عسى من تدخل ربي يفرج همها

حبيبتي كملي مسائي هذولا اغلبهم يكونون كبار بالسن او بعمرج الي ماحالفهم الحظ ان يكملون دراستهم يعني مو يهاال مافيها فشله

وحتى لو كانو يهال اشفيها انتي رايحه تدرسين مو تلعبين وياهم

ووايد اشوف بالجامعه حريم كبار يكملون دراستهم معانا يعني عاااادي

ادعي ربج ان الله يهدي زوجج وحاولي تقنعينه بالسياسه مو بالزعل والعناد

والزم ماعليج شهادتج اهم اهم شي

وبالتوفيج حبوبه

 

[طموحه بزياده]

حاولي الدراسه والشغل مو عيب




الله يسخر لج زوجج

 

[al.da]

رد : عسى من تدخل ربي يفرج همها

عسى ربي يفرج عليكم ويريحكم مثل ماريحتوني وان شاءالله عن قريب ابشركم >>حسيت ببكي من ج دحسيت انكم خوات وقلوبكم على بعض فديتكم يكفيني ردودكم ريحتني ...



اختكم المحبه لكم ((دلال))

 

[×× شموخ أنثى ××]

رد : عسى من تدخل ربي يفرج همها

كملي دراستج منازل ..

ولاتقولين لأحد إذا خايفه من الاحراج ..

وحتى لو عرفوا أنتي لا مسويه حرام ولا عيب .. وبالعكس شدي حيلك و أثبتي نفسج قدامه

وباجر لا خلصتي شوفي شلون راح يندم على أي كلمه قالها لك ..

والرسول صلى الله عليه وسلم أمر بطلب العلم ..

والله يوفقك يارب ..

 

[Stylista_Q8]

مادري حاولي تقنعينه مدامه ابتعد عن أهله ..
و دآومي مسائي ليمآ توصلين ثنوية أكيد بتلقين في بنآت كبآر معآج وتكون لج حيآة اجتمآعية برا البيت

والله يوفقج ان شالله

 

[$رفـحـاويـه$]

رد : عسى من تدخل ربي يفرج همها

الله يفتحها بوجهك وين مارحتي
ويرزقك يااااااااارب

 

[بالقرآن اسمو]

كملي حبيبتي العلم نور
ربي يسهل امرج