عشاءنا يـوؤوؤمـ الـجـمـ ع ـــه >> قولولي شرااايكم :)

[كويتيه78]

الله يعطيج العافيه خوش شي ماشالله

 

[BuNNy]

يسلموووو على الردوود وانشالله بحط لكم باجي الوصفات بس افضى معلش طولت عليكم سوري

 

[Gears]

يعطيج العافية

سلطة الناتشور شكلها صج يشوووق

 

[كويتية ذهب]

ما شاء الله تبارك الرحمااااااااان
رررررررررروعة تسلم ايد الجميع

 

[مريوم 2009]

تسلمين والله على الأطباق الحلوه..

 

[غروب]

ماشاء الله خوش عزيمة وأطباقكم تشوق تبارك الرحمن .. عسى الله يديم عليكم هاللمه الحلوه، وتسلمين على الموضوع والوصفات الحلوه

عليكم بألف عافية،.

 

[امراة من زمن الحب]

عليكم بالعافيه يارب
صج جوعتينيييييييييييي

 

[vartona]

هلا اختي نورتي الموضوووع

لا بس حماس بصل واضافة باقي المقادير يعني العيش ما ينطبخ

لانه اصلن راح ينطبخ لمدة ساعتين عقب ما تحشين ورق العنب

ومشكووووره على مشاركتج

مشكورة اختي و جزاك الله الف خير

 

[Reem_q8]

عليكم بالعافيه خوووووش بوفيه ماشاء الله

 

[أسـيـل]

مشاءالله تبارك الرحمن روعه وياجعلها سفره دايمه

 

[fashion women]

ماشاء الله

يعت

عسى الله يخليكم لبعض

 

[الاحساس]

يعطيج العافيه رووووووعه حدج شهيتيني

 

[DELY]

mashala sana3 w tharaba w tarteb w 3alekom bel3afia

 

[ام حلومي]

ماشالله ماشاللله رووووووووووووعه
ميته يوووع شوقتيني

تسلم ايدكم

 

[MiSs Rjah]

اطباق ولااروع بصراحة واييد حلوين الاطباق وخاصاتنأ طبق امج الله يخليها لج ويطول بعمرها ياااااارب صج اشتهيت لووووووول تسلم ايدكم كلكم وسفرة دايم انشاء الله وعلى قولتهم رمضان يجمعنا ويمعة رمضان والاهل والقبقات وايد حلوة ......وايد هذرت على راسكم لوووووووووووول سفرة دايمه حبوبة وبالعافية

 

[BuNNy]

طريقة التبوله :

طبعا أحنا نسوي التبوله الأصليه وفي نااس يضيفون خيار وخس وبصل ومادري شنو يمكن تكون حلوووه بس مو الأصليه

وطبعا الناس اذواااق

- المقادير :

طمام مقصص مكعباات صغيره (( الي تبيهم كبار على راحتها بس احلا صغار )) + بااقة بقدوونس مفرووم +

برغل منقع بماي بارد

- التتبيله :

زيت زيتون + عصييير ليموووووووون (( حامض )) + شوية ملح



- الطريقه :

عقب ما تنقعين البرغل لمدة 10-15 دقيقه تصفينه من الماي وتخلطين معاه باقة البقدونس المفروم

وتخلطين معاه التتبيله وطبعا من باب التجميل انج تزينين الصحن بشرائح خس وتحطين التبوله فوقها

وعقبها حطي الطماط المقصص من فوووق

وبألف صحه وعااااافيه​

 

[BuNNy]

طريقة البووووووري >> يم يم _03BA:

(( الكميه هااااذي تقريبا تكفي كبر الصحن اللي بالصووره ))

- المقادير :

2 كوب من الطحين (( عمتي حطت ربع كوب طحين اسمر و 1 كوب وثلاثة ارباع طحين ابيض ))

+ ثلاث ارباع الكوب ماء + شوية ملح + قفشه كبيرة زيت


- ملاحظه : بتسوين بوري بالبهارات وبالفلفل الحار ضيفي مع العجينه :

شوية كركم + شوية كمون + شوية فلفل أحمر بودر + شوية كزبره ناشفه + شوية فلفل اسود



- الطريقه :

تعجنين العجينه عدل مدل وافضل طريقة انج اتضيفين الماي بالتدريج حق العجينه

وتخلين العجينه ترتاح لمدة نص ساعة وبعدين تعجنينها مرة ثاانيه عشان تشوفينها متماسكه ولا لأ وبعدين

تسوين كور صغار و تفردينهم على شكل أرغفة على صينيه مدهونه بشوية زيت وعقبها و تقلينهم بزيت وااجد ويكوون حاااار

وبس تشوفينها انتفخت قلبيها الصوب الثاني واذا انتفخت من الصوب الثاني على طول شيليها من الزيت وقدميها واهيا حاره

لان اذا طولت بالزيت بتصير ياااااابسه


وبألف صحه وعاااااااااااااااااااااافيه :eh_s(6):​

 

[BuNNy]

صـيـنـيـة الـدجــاج بـلـسان الـعـصـفـور مــع جـبـن الـمـوزاريــــلااا _03ba:


- المقادير :

دجاجه كامله مسلووقه ومقطعه الى قطع صغيره + جيسين معكرونة لسان العصفور + بصله كبيره مفرومه + 2 فص ثوم مدقوق + 6 حبات طماطم كبيره مفرومه فرم ناعم + 2 مكعب مرقة ماجي الدجاج + زيت + شوية ملح + شوية فلفل اسود



- الطريقة :

تقلين معكرونة لسان العصفور بالزيت بس تحمسينها عدل وعقبها تقلين البصله المفرومه بجدر بقفشه كبيره من الزيت وعقبها

واتضيفين لها الطماطم المفروم والثوم المدقوق وتخلينها لمده 5 دقائق وعقبها اتضيفين للجدر مكعبات الماجي مرقة دجاج

والملح والفلفل الاسود وتقلبينهم عدل و بعدين اتضيفين معكرونه لسان العصفور الي توج قليتيها وتقلبين المقادير عدل

واتضيفين 1 كوب ماي سلق الدجاج وتقلبين عشان يتجانس الخليط وتشيلين الجدر من علي النار واتضيفين الى الجدر

قطع الدجاج المسلووق واتضيفين كميه بعد من ماي سلق الدجاج وتقلبين وعقبها توضع الخلطه كلها في بايركس

وادخلين البايركس بالفرن لمدة 30-40 دقيقه على حراره متوسطه عشان يتماسك الخليط

وبعدين اطلعينها وترشين فوقها جبن موزاريلاا (( حسب الرغبه )) وتردينها مره ثانيه للفرن لمدة 10 دقايق

وتقدمينها وبألف صحه وعااااااااااااااااافية​

 

[*عسولــه *]

>

<

ماشاء الله رووعه

>

<

 

[مدام سارا]

عليكم بالف صحه وعافيه ماشالله ,,,باين اكلكم حلووو مثل اهله,,,,,
سفره دايم ,,انشالله