عشاااااان بدوون بس له رب ماااااااينساء حقه

[ابدا يالغالي مانساك]

http://youtu.be/4shuh3WME-8

اقوي مقطع لضرب واعتقاااااال البدون
19 -12 -2011
هذا بلد الحريه
بلد الدمقرااطيه
عكذا التعبير عن الراااااااي
حنا بالكويت مو بمصر ولاتونس ولا سوريا واليمن
ليه كل هالقوااات مانبي زعزعه ولانخرب ديرتنااااا حنا كوتيوون
ونحب الكويت وتضحية ابنائنااا من اجل الكويت
اكبر دليل
وين هالقوات الخاااااااااصه بالغزوا العراقي علي الكويت
ولا حيلهم علي هالمسااااكين ومضاهراتهم سلميه
فقط بس عشان حقوق مدنيه

 

[نهى الأحمد]

يعطيج العافيه حبيبتي


وان شاءالله الامور تنحل

والله يحفظ الكويت وشعبها من كل مكروه



واتمنى من الخوات اللي يشاركون بهذا الموضوع

يلتزمون بأدب الحوار

 

[بسمه غلا]

ليش كل هالعنف ياربي
الله يفرجها عليهم يارررب
وعند الله مايضيع حق احد
لمتى جذي هالقضيه معلقينها ومحد راضي يشوف لها حل
حررررررام اللي قاعد يصير ياما ضحوو بأرواحهم وراحو شهداء منهم عشام هالديره
واخرتها من ابسط الحقوق يحرمونهم
الله كرريم تنحل هالقضيه ويتجنسون لان فيه وااايد ناس يستحقونهاااا​

 

[amami al-kuwai]

شوفي حبيبتي انا مع البدون مو ضدهم بس مو الكل يعني في منهم معروفه جناسيهم وموجوده بس خاشينها

ودي ان الحكومة تخلص الموضوع واللي عنده احصاء 65 يجنسونه واللي ساهم في تحرير الكويت هم يعطونه بس الباقي اسمحي لي

انا ضد الضرب وضد ان المواطنين والمقيمين يطاولون وعاندون الحكومة

 

[ابدا يالغالي مانساك]

تسلمون بنااااات
وعلي قولة الاخت نهي الاحمد
الالتزااااام بادداب الحوار ومانبي هذا مايستاهل الجنسيه وهذا

موضوعي بس انهم يعطونهم حقوقهم المدنيه مو الجنسيه وحسسونهم بابشريتهم
مو كل شي عندهم ممنوع من حقوق وغيره
عن نفسي ماكنت اعرف حقوق البدون الاتوني يوم اشوف هالمضاهرااااااااات

 

[المرتاحة]

القمع هذا مجرد تخدير يعني لا يحطون في بالهم انهم حلوا المشكلة بقمع اصحاب الحقوق!!!

 

[حجيه هيونه]

يفرجها ربج قريبا بإذنه تعالى

 

[ام كوثر2007]

اي حقووق اللى يبونها ؟؟؟؟؟؟؟


الكويت مو مقصره مع احد ... اللى تنطبق عليه الشروط جنسووه وهذ اهم الحين بيجنسوون اعداد ثانيه ..


يعني الكويت ما تظلم احد .. ولا احد ايي يتحسب علي الحكومه ورجال الامن .. عشان يحاولوون يوخرون هالتجمعات

صراحه الديره صارت سايبه كل من هب ودب وقف وسوا مظاهرات بسم الحقوق والديمغراطيه ..


باجر حتي البنقاليه اللى بالشوارع يسوون مظاهرات ونقول جنسوهم ..


انا ماني ضد البدون للى معاهم احصاء 68 و 58


لكن انا ضد اللى يصير بالغصب .. يعني اهم علي بالهم لا سواو هالسواه بيتجنسون باجر ؟ والا بياخذون حققوقهم .

حبيبتي احنا نعرف وايد بدووون في منهم صج ينتموون للكويت .. وفي واااااااااااااايد .. ياييين من سوريا والعراق والسعوديه ويقووولون احنا بدون


انا رفيجتي الروح بالروح بدووون .. ولمن نقعد انا معاه تعترف انه عندهم التابعيه السعوديه بس تقول محنا مطلعينها الا اذا فقدنا الامل بالجنسيه الكويتيه ..


اتمني محد يزعل من كلامي بس هذا الواقع ... احنا عندنا مشاكل بالديره مكفيتنا ...

مو ناقصين هالتجمعااات .. ترا ورب الكعبه لو اهم بديره ثانيه جان حطوووهم كلهم اباصااات .. وكل واحد ردووه حق ديرته الام ..


بس معروفه الكويت من عمر .. عومه ماكوله ومذمومه ..

 

[زوجي توأم روحي]

بصراحة موضوع البدون حده شائك

فى ناس تستحق
وناس لفيف من منتصف السبعينات حرقوا جوازاتهم وقعدوا

 

[* Snow White *]

انتفق مع اختي ام كوثر

انا اتعاطف مع البدون اللي يستحقونها من احصاء 68 و 58
والي لهم اعمال جليله مثل اللي دافعو عن الكويت بالغزو واهالي شهداء واهالي شهداء موكب جابر الله يرحمه
هذيل يستحقون الجنسيه.

بس انا ضد اللي يطالبون بالجنسيه واهما توهم يايين او جيش شعبي بالغزو، او عندهم جناسي خاشينها
بس لازم يستحقون الحقوق الانسانيه مثل الوظايف وغيره حالهم حال اي وافد بالكويت

المهم الله يعينهم ويوفقهم

 

[baby qa6wa]

upp

 

[يازمان العجايب]

الله يعينهم ويفرج عليهم
أنا ضد القمع وضد تضاهرات البدون
ماكان في داعي للمظاهرات لان الشين يغطي علي الزين
في ناس تستحق الجنسية المفروض ينهون هالقضيه يبدون يحصرون الملفات والأسامي والي يستحق يستلم الجنسية والي لا يردونه الديرة اللي ياي منها

 

[قطوة@@]

الله يعينهم يكسرون خاطري مالهم حقوق و ان شاء الله الكويت بتلاقي حل لهم

 

[Dalo0o3a Cute]

انا ضد القمع واعمال العنف ضدهم

بالاخير في منهم اصحاب حق ويطالبون بحقهم بالجنسيه وقاعد يسوون المظاهرات بشكل سلمي ورافعين الاعلام

الصراحه انا ما الوم بعض العضوات اذا هاجمو لانهم ما يعرفون عدل شنو قضيه ويمكن شافو ناس صج عندهم جناسي ثانيه وبالدور اكيد الكل ما يرضى على الكويت كل من هب ودب ياخذ الجنسيه

بس في ناس مظلومين حيل مو شوي ,,, وفي ناس قدمو ارواحهم وقت الغزو للكويت ؟؟


انا درست بمدرسه خاصه وشفت بعيوني رفيجتي ابوها عسكري وتوفى وهو في دوامه و عطوهم معاملة الشهداء بس ماكو جنسيه وهم من حملة احصاء 65 > يعني معترفين فيهم كويتين بس ليش ماكو جنسيه ...؟؟؟

وحده ثانيه عمها كان بوقت الغزو يحمون الشيخ سعد الله يرحمه و استشهد وهم حالهم حال كل بدون ؟؟؟

سؤال ليش الحكومه مو جاده تحلها صدقوني مو صعبه الحكومه ما شاء الله عليها تعرف كل شي وتعرف الناس اللي عندهم اوراق وجناسي ثانيه وتعرف منو البدون الكويتين بس ما تبي تحلها

وعلى طاري الحين تسجيل الجامعه حرام رفيجتي ميته قهر وبجي تعبها راااااح يابت بالمدرسه فوق 90 وما تقبلها لا الجامعه ولا التطبيقي .؟؟؟؟

ليش جذي مو ظلم

على العموم قضيه البدون فيها ناس صج ما يستاهلون حتى يعيشون بديرتنا ,,, وفي ناس حرام قاعد ينظلمون كل يوم
والله يفرج عنهم قريب

 

[عطاء أنثى]

الله يحفظ كويتنا من كل مكروه

اللي له حق بياخذه واللي خاش جنسيته على امل ياخذ الكويتيه يرجع لديرته الاصليه احسن له

وللعلم الغالبيه عندهم جناسي ودافنينها طمعاً بالجنسيه الزرقااااا

الله يحفظنا ويحمي ديرتنا

 

[Om-azooz]

والله البدوون مساااكين حتى وظيفه مااايتوظقوون وولما يخلصون دراسه قاعدين لاشغل ولا مشغله ووياريت يدش الجامعه ولا معهد لا يااخذ الثانويه وويقعد والله يكسرون الخاطر هالبدون الحين بدال ماايجيبون مصريين ووسوريين خل يوظفون البدون اولى والله حراااام رفيجتي عندها احصاء ٦٥ ووجدها كان يشتغل بالاشغال من ايااام الخمسينات ووعندهم اوراق تدل ووملفهم نظيف وومبصمين صار لهم فوق ١٢سنه ووهم ينطرون الي عليهم جيش شعبي تجنس ووالي معدل ووضعه اردني تجنس ووهم ظالين ليش جذي والله هذيله الفئه بذمه منو لكن في فئه مااايستاهلوون الي جااايين بعد الغزو ووخشوا جنااسيهم هذيله خل يعطوونهم الحقوق الانسانيه لي متى هالقضيه مااا تنحل صاار لهم سنين ووهم صااابرين والله انا معاهم خل يتظاهرون يمكن الحكومه تستعجل بامرهم صبروا وااايد والله مااالومهم العيشه صعبه كل شي صار ناااار وهم لا شغل ولا ووظيفه واذا حصل معاااشه ١٠٠بالكثير ٢٠٠شستسوي والله مماتسوي شي ٢٠٠ بالهزمن واذا عنده عيال اشلوون اجار والعيشه تبي. الله يفرج ياااااارب فرج على البدووون

 

[A5tsloom]

‏​لْـِّْا حول وااقوة إلا بالله
اللَّــہْ يكون بعون البدون

وان شاء اللَّــہْ ياخذون گـٌـٌ ̯͡ـلْ حقوقهم
‏​لْـِّْا إله إلا اللَّــہْ
تقبلي مروري

 

[فلنتينو]

الله يفرجها عليهم

واتمنئ من كل قلبي يعطوونهم حقوقهم ويجنسوون المستحقين

 

[انثى طفله]

حبيبتي احنا نعرف وايد بدووون في منهم صج ينتموون للكويت .. وفي واااااااااااااايد .. ياييين من سوريا والعراق والسعوديه ويقووولون احنا بدون

هذا على اعتبار انج طلعتي فقع بالكويت وكنتي موجوده قبل ال صبااح صح :bbbiu:
انتي لو بنرجع لاصلج يا ((عراق / سوريا / ايران / سعووديه ))
اذا ال صبااح بكبرهم قالوا انهم هاجروا من نجد للكويت ,, انتي بس شكلج كنتي موجوده قبلنا كلنا حتى قبل ال صبااح

الله يشفيج من مرض الحقد يااارب

 

[ام كوثر2007]

هذا على اعتبار انج طلعتي فقع بالكويت وكنتي موجوده قبل ال صبااح صح :bbbiu:
انتي لو بنرجع لاصلج يا ((عراق / سوريا / ايران / سعووديه ))
اذا ال صبااح بكبرهم قالوا انهم هاجروا من نجد للكويت ,, انتي بس شكلج كنتي موجوده قبلنا كلنا حتى قبل ال صبااح :d

الله يشفيج من مرض الحقد يااارب

ماني راده عليج بأسلوبج المنحط .. اكيد لاني اترفع عن اسلوبج ..



لكن اللى حابه اقوله لج .. اني عارفه وباخصه عدل احنا كلنا من وين .. انا ماقلت اننا من المريخ ..


الكل يدري انه الكويتيين اصولهم ترجع للسعوديه وايران والعراق .. وهالشي ما نختلف عليه ..

وانا لمن كتبت الجمله اللى حضرتج علقتي عليها اقصد عقب الغزوو يا غزوو .. ما اقصد اياام الكويت وتاسيسها ..


يعني اذا ناس يايه عقب الغزو من سوريا والعراق والسعوديه .. يقولون احنا بدون ونجنسهم ؟


الظاهر شكلج من بقايا الغزو عشان جذى احترق خبزج مثل ما يقولوون ورديتي من غير حتي ما تتمعنين بكلامي ..
​