غمازتين وشامه
New member
- إنضم
- 15 مارس 2007
- المشاركات
- 1,350
- مستوى التفاعل
- 0
- النقاط
- 0
J.e.N.a.A.a.N
New member
- إنضم
- 8 يناير 2007
- المشاركات
- 1,934
- مستوى التفاعل
- 0
- النقاط
- 0
بسم الله الرحمن الرحيم
السلام عليكم
شلونكم حبايب قلبي
تفضلوااا حياكم الله في موضوعي الجديد
مثل ما تعودت على اني افيدكم باللي يفيدني
عشان خاطر عيونــ@@ــي الحلوه ^؛^ رموووش حلوه ومنطقة حول العين صافيه وحلوه ^؛^
يبتلكم طرق وخطوات فادتني انا شخصيا فحبيت افيدكم فيها وهالاشياء تسوينها عشان تدارين عيونج وجمالها وشكلها من منطقة حول العين الين الرموش
أول شي نبتدي في الرموش وتكثيفها والعناية فيها
أهم شي تقللين استخدام المسكرا يعني خلي المسكرا للمناسبات لان المسكرا وااايد تتعب العين والرموش ولا تفكرين تستخدمين مسكرات رخيصه و اهم شي ماتستخدمون مسكرا ضد الماي لانها وااايد تتعب الرموش وتطيحها بعد
ولااازم يوميا قبل النوم ننظف العين من المكياج و أي اثر للمسكرا والاي لاينر السائل لانه يضايقها وايد والمناديل اللي جربتهم وحلوين لهالمنطقه مناديل جونسون للعيون المدوره صج صج حلويين ومنعشين بعد وباااردين على العين
والحين العناية في الرموش استخدمي مسكرا الخروع طبية وتلاقونها في الصيدليات انا ماخذتها من صيدليه المهلب واسمها ecrinalانا يتني فتره احطها تقريبا يوميا ونتايجها حلوه وايد والحين صرت استخدمها كل ما طرت علي يعني مو يوميا
وهذي صورتها
والعنااايه في منطقة حول العين من الحرص من الجفاف والتجاعيد والسواد اهم شي تستخدمون زيت اللوز الحلو وركزوا يابنات الحلو لكــــــــن اذا كانت المنطقه عندج سوااادها قوي حيل حيل والجلد فيها سميك وخشن استخدمي المر لانه راح يكون اقوى في المفعول
استخدموووه يوميا تقريبا
اخذي من الزيت بعود الاذون ووزعيه على المنطقه وسوي تدليك خفيف للمنطقه بطراف اصابعج ويفضل اصبع البنصر اللي يكون بالوسط لانه اخف اصبع وانعم شي لمنطقة حول العين وخلال اليوم لازم تستخدمين كريم مرطب لمنطقة الجفون والمنطقه الهالات السوده عشان مايصير جفاف وتتجعد المنطقه بسرعه وانا من اللي استخدمتهم واعجبوني كريم لوريال علبته صغيرونه وسعره مناسب وحلو والاحلا منه جيرلان من اسميا وااايد حلو ونتاااجه وترطيبه عجيب
وهذاصورته الكريم سعره20 بس يهبل
وعلى فكره في طريقه حق الانتفاخات والسواد انج تاخذين جم ورقة نعناع
وتقصصينهم صغار صغاااار حيل وتخلطينهم مع زيت اللوز وتستخدمينهم الزيت مثل الطريقه اللي ذكرتها توني بس تسوين كميه حق ثلاث ايام مو اكثر لان النعناع طبيعي وممكن يخترب بس جربوها هالطريقه حلوه ومفيده
وللهالات السوده بعد استخدمي الطريقه القديمه العجيبه اللي تخفف التعب والانتفاخات والعوار وغيره اللي هي حلقات الخيار البارده خليها على عينج وقصي الشريحه المدوره نصين تصير نص دائره وحطيها تحت العين بالضبط مكان الهالات عدل اتمنى فهمتوا شرحي وهمن حطي النص الثاني حطيه على عينج من فوق
وشرايح البطاط قصيها ناااعمه وحطيها على العين وخليها راااح تبييض المنطقه تبييض حلوووو وواضح
وفي نظارات الجل الازرق من دايسو حلوه احطها بالثلاجه واذا كنت تعبانه او عيوني تعورني اطلعها واستخدمها وااايد حلوه وتريح ومنعشه خصوصا بعدالدوام والكمبيوتر
ولااازم تهتمين في شرب الماي وتنامين عدل مدل والتغذيه الزينه اللي ماتخلا من الجزر والروب والبرتقال
ويابنات كل شي بالاستمرار مو وحده تسوي هالاشياء يومين ثلاث وتقول ماكو نتيجه
في بنات تبين عليهم من اول مره وبنات يبيلهم استمرار عشان يشوفون نتايج حلوه
يالله بنات ابي تجاربكم ورايكم في العنايه في منطقة حول العين وشنو الكريمات اللي جربتيها وفادتج
مع تحياتي ياحياتي
مزيونه وشقره
يسلمو مزيونة على الموضوع
الله يخليج لنا يا رب
بصراحة خوش موضوع حدة روعة روعة
بس عندي جم استفسار
هل مناديل جونسون متوفرة بالجمعيات
وبالنسبة لكريم العين هل يكفي اني اكتفي بس بكريم العين يعني احطة بالليل وقبل لا انام بدال زيت اللوز لان ما ودي اشتري زيت اللوز وشنو احسن كريم حق العين غير جيرلان
ويسلمووووووووووووووووووو يا عمري
مزيونه وشقره
Active member
حيااااكم الله ياقلبي والعفوووتستاهلون كل خير
جنى ياقلبي
المناديل موجوده في كل الجمعيات وزيت اللوز حلو لليل كعنايه بس همن تقدرين تكتفين في كريم مرطب للمنطقه وغير جيرلان حلو لوريال وفيجي
مع تحياتي ياحياتي
مزيونه وشقره
بتبوتااا
**مشرفة قسم الحياة الزوجية**
ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
ToOTOoWa
New member
- إنضم
- 23 يوليو 2007
- المشاركات
- 4,636
- مستوى التفاعل
- 0
- النقاط
- 0
- العمر
- 41
- الإقامة
- بــيــتـنا الـعزيــز :)
هلا وغلا بالغالية
بصراحة موضوعج حلو ومفيد
انا بصراحة استخدمت زيت اللوز ولقيت نتيجة حلووووة بس انا فيني عيب انه مااستمر على الشي بسرعه امل
وبعد كنت احط شرايح الخيار على عيوني والله تحسسني بانتعاش مو طبيعي
وانشالله بناخذ نصايحج
وماننحرمش ابدا
بصراحة موضوعج حلو ومفيد
انا بصراحة استخدمت زيت اللوز ولقيت نتيجة حلووووة بس انا فيني عيب انه مااستمر على الشي بسرعه امل
وبعد كنت احط شرايح الخيار على عيوني والله تحسسني بانتعاش مو طبيعي
وانشالله بناخذ نصايحج
وماننحرمش ابدا
مزيونه وشقره
Active member
ياقلبي نورتوااا موضوعي وانتوا الزين كله
قمه النعومه نتايج المسكره تبين في خلال شهر تقريبا انصحج فيها تهبل
مع تحياتي ياحياتي
مزيونه وشقره
Brounzi_girlly
Active member
- إنضم
- 14 يوليو 2005
- المشاركات
- 10,140
- مستوى التفاعل
- 0
- النقاط
- 36
مزيونه وشقره
Active member
العفو ياقلبي تستاهلون كل خييييييييييييير
والنظارات شاريتهم من دايسو ب500فلس
مع تحياتي ياحياتي
مزيونه وشقره
