عشان ريلي يتعلق فيني اكثر واكثر 00 راح احمل واحمل واحمل !!!!

[كميثره]

الريال ما له امان

 

[opera]

هههههههههههههههههههههه


موجود هالكلام بس مو عندنا


عند الاجنبيه اللي تتزوج كويتي

 

[i'm so happy]

مادري يمكن تقصد ان لين جابت عيال ورا بعض وايد بزيد حبه حق زوجته ومابيقدر يتزوج بسبب الاطفال ومصاريفهم !؟
يمكن جذي تقصد بس انا يعني مع البنات الريايل الحين مايردهم لا زوجة ولا عيال اللي براسهم اسونه يعني اسونه

 

[ام جروح 83]

الريال مايهمه العيال اهم شي عنده وناسته
والصراحه لو يبي يتزوج او بيخون ماراح يربطونه العيال الحين الرياييل يفكرون بالجسم والشكل
والحمال الصراحه يخرب الجسم

 

[املى كبير]

انااااااااا عندى الحين الحمدالله بنت وولد وزوجى رااافض انى احمل ثااااااااااانى مرة كلللش مع ان ولدى عمرة الحين سنتين ونص كلللش واهو بدوى واهله يعنى نوعيتهم ولادين عااادى اهو رااافض يبى بس هالاثنين على قولته عشان اقدر اربيهم عدل .......والحمااال حيل تعب والله بس ماشالله نص الحريم الولاداات ورى بعض مايحسووون وفيهم قوة ماشالله ...وكثر الحماايل ورا بعض تطيح الرحم عااد ماتسوى عليهااا اصلا الاطفال الحين مسئوليتهم حييييل كبيرة وماينتحملوون كلش
والرجااال لاكرهه المرة والله ولادرى عن اعيالهااا اصلا يكره اعيالهااا من كرهها

 

[يارضاها وقف وناظر شوي]

انا هالتفكير سمعته .. من مرت حماي ..


اش هالعقليه بصراحه ..


الزمن يخوف .. والتربيه الحين صعبه ..

شنو احمل والخدامه تربي .. خووووش والله .. بعدين يقولون عيالنا عيال دلع ..

يابنتي خليها على الله عقلياااات يبيلها فووورمات ..

الله المستعان ..

..

 

[!! شوق !!]

العيال عمرهم ماربطوا الرجال .. يربطون المره
ويطفشوون الرجال .. لانه مررته يا حامل يا بحضنها بيبي .. وازعاج وحووسه
واهو لو عنده اميه بيبي بيتزوج ويخبص مايهمه .. لكن المره لو عندها واحد بس وتطلقت بتلعوز لعوزه الدنيا
واللي مايرتبط فيني لنفسي مهو رابطه العيال

 

[مهرة البيد]

عمر العيال ما يربطون الزوج في مرته
وعلى قولة الاولين

اللي ما يغليها جبينها ما يغليها جنينها​

 

[الشيبانيه]

والله الواحد مايمسكه لاولد ولا فلوس لو بيحط براسه الزواج بيتزوج وماراح يربط نفسه ببيت وعيال

والحين عيال هالوقت مو نفسنا قبل وحنا صغار الحين لاتقولون حدهم حنانين ومزعجين ومايترس عينهم شي لاااا ويطفشون الزوج لااااااااا وبعد إذا الأم بإيدها كان طفشت من زماااااااااااااااااان............. فما بالكم بالزوج؟؟؟؟؟؟

 

[hatoona]

والله الريال بهالزمن ماينربط لا بعيال ولا بمره اذا عينه بره ولا مو مرتاح بيته يا بيتزوج ولا بيغازل ولا شيبي بمره كل سنه بطنها متر جدام وياهل يبجي والثاني مصخن غير الي ببطنها الحين الريال يبي مره كشخه وسنعه تجابله خفيفه تهياله الجو قعده رومانسيه وحركات مو مره تركض ورا اليهال وتتشكى منهم يريت بناتنا يتعلمون شوي ان اليهال ما يربطون الريال

 

[كويتيه شقره]

اشكر مروركم الطيب حبايبي
وبالفعل كل اللي قلتوو صح...

 

[Om_F6OoOoma]

انا معاكم بالراي
لان الريال لا يربطه ياهل ولا مره
انا اقول خل اتعوذ من ابلييييييييييييييييييييييييييييس والله اخلي لها ريلها انشالله
واذا اهو من النوع الي مايعجبه العجب ولا صيام ابرجب فمايشوووووووووووف شر
خل ادير بالها على اعيالها وعلى روحها تالي العمر مووووووته
لاحقين على الشقى مو بالدنيا الشقى بالآخره

 

[كعبية]

حسب الريال بس الوحده تروح عافيتها من كثر الحمل

 

[lulu2009]

انا اشوف الشي على الريال نفسه فى ناس ما عندهم عيال و طاير فيها و ما يشوف غيرها والعكس صحيح...

 

[برميت]

قوليلها تربط ريلها بالحب و الكلام الحلو و الدلال و الدلع ..جذي ينربط الريال و ما يطلع من البيت 24 ساعه يجابلها و اذا يبطلع ما يطلع الا وياها ...
اما ربط بالحمل و اليهال ..اصلا البيت راح يصير مزعج ..هذا يصيح و هذا مريض و الخدامه تحوووس و الام كشتها قايمه و تصارخ ..و حتى اذا فكر يطلعهم ..اليهال وين يوديهم واكيد ما يقدر يطلع مع مرته بروحه كل مره

و بعدين فوق هذا كله تربيه اليهال بتكون اصعب ..حلاته كل واحد ياخذ فترته بالتربيه ..مو دفعه وحده ..الام بتضيع و الريال بيصيع

 

[قطوتي]

فكره غلط 100%

لو الريال حط براسه شي والله قبيله ماترده

وبعدين شالله حادني واااااي اللي مايبيني ماابيه

وماافكر اربطه بعيال ..

 

[قلبي ابيض]

ساعات كثرة الاطفال وحنتهم تخلق لج مشاكل

الاستقرار والاحترام يربطون الريال

 

[brettey]

كلام فاضي خرااااااابيط الريال لو بطلق ما يهمه العيال على قوله المثل (ام عشره مشلع شيره (شجره))
انا عقب ما يبت ولدي الثاني صار خلاف بيني وبين زوجي وطلقني ماهمه وعقب رجعني وقال مو عشان العيال ولو ما احبج جان ما رديتج حتى لو كان عندي منج 10 يهال

ووايد حريم اعرفهم تطلقوا ورياييلهم هدوهم وتزوجوا غيرهم واهم عندهم عيال والله الريال ما يهمه اذا كان بايع ما يهمه العيال ولا يربطون الا قله الي يقول ما ابي اطلق عشان عيالي

انا عندي اثنين ولا افكر اييب بعد لان زوجي ماله امان مو خيانه بس ساعات اذا تهاوشنا يهدد احيانا بالطلاق مع انه حليوه بس عيبه هالسالفه وممكن انا بلحظه غضب حزتها اقول له طلقني واذا لا سمح الله طلق انا لازم اتزوج ما اقدر اقعد من غير ريال يسندني لان ماعندي سند واليهال اهو يربيهم مع اني واثقه ان ماراح يقدر واهله مو من النوع الي يجابلون وانا الي عندي صبيان يبيلهم ريال يربيهم

 

[فوووفه]

ما اتوقع هالشي صحيح احس معاملتج له ههيا اللي تخليه يتعلق فيج اكثر

 

[عالمي مدهش]

المبدا غلط بس بصراحه انا اشوف الحريم اللي عندنا مطبقه هالفكره الريال حايس ومبسوط