عشقت مسجوون

[تسوى طوايفهم]

والله موعارفه من وين ابتدي قصتي طوويله لكن بحاول اختصرها ,,, تعرفت ع شخص مسجوون *وعلاقتناااا اكثر من السنه تقريبا سنتين وعلاقنتا قوووووويه حيييييل كل واحد يقول لثاني همووومه ,, يعني صرررت اكرس حياااتي لراحته ووقفت معاه وقفاات ولاقصرت معاه بشي صرت امه واخته وابوه وكل شي اضغط ع نفسي وع صحتي علشانه .. المهم يعني مايغيب عني ابد واذا بيغيب يرسلي مسج ويطمني كنت اعذره واقدره لان وضعه الله يكون بعوونه كااان طيب وحبووووب وحنووون ومجنوووون فيني نتكلم الوو مو اقل من ثلاث ساعات ضحك وغشمره وسوالف ومياانه يووووه شاقولكم لدرجه من يطلع يبي يخطبني ميت عندي ,,, وكان يقولي انتي غير انت مو نفس البنات انا ماالقى مثلج *ولو شنو يصير مااشوف غيرج ولا اتغير عليج المهم جا يوم وطلع اول يووم طلع فيه كان يتصل فيني ومرتاح ومستانس وظل اسبووع هذا اهوو ماتغير بعدها الرجال قلب ماادري شفيه اتصل عليه يقولي بالديوانيه وع الليل اكلمج انتظريني وتخيلووا اسهر انتظره مايتصل وانام صاااار له ثلاث مرات يواعدني ع الليل يكلمني ويسحب لما كلمته عاتبته عتاب بسيط قلت له انت تعرفني مااحب احرجك مع ربعك ماابي كل دقيقه اتصل عليك يعني ليش توعدني وطنش ع الاقل ارسل مسج قولي نامي ماراح اكلمج قام يتعذر اعذار بايخه !! سكت طووفت بعدهاا قام يمررر ايام مايتصل علي ولا يهتم لي حتى لووو امرض مايهمه عادي عنده ولا يسال طاااااااف من امه ولما اعاتبه يقوولي لحظه بدور عذر اقص عليج فيه !!!!! سكت وقعدت اضحك وقلت بمشيها بعدها تقدملي واحد يخطبني وتهاوشت مع اهلي ماابيه لاني ابي حبيبي وصارت لي مشاكل مع اهلي وقلت له السالفه اني انخطبت واهلي يبوني اتزوج وانا رفضت تخيلووا يقولي ماابي اوقف بطريقج الله يسعدج بس عطيني رقمج !!!!!!!!! انجرررحت وبعدها سكرر ولا همه ,,,, وقامت يتمادي ويسسسحب بثلاث ايام واربعه واعاتبه وابجي عنده يقولي اعذار بايخه ويوعدني بانه يتعدل ولا في فايده وارجع ابجي ونفس المووووال مااشوف شي تخيلوا سحب علي اسبوووع ودقيت عليه وررد علي وربي يابنااات كاني واحد من ربعه ترحيبه بااااااااااارد عكسس قبل لو اغيب عنه يووم يرحب فيني ساعه كامله الحين لا يقعد يتغشمر ويضحك ومايطول ويسكر وانا طوول المكالمه دموعي تنزززل !! اخر مكالمه بينا انهررت وقلت له ورربي لاغيب عنك واغير رقمي لا تصد وربي لاصد !! قال لا ماتسوينهاا مايطاوعج قلبج قلت وغلاتك لاسويها وكان اسلوبي معاه جااف قالي انا بقولج سالفتي قلت شنوو قال انا متسلف من واحد 50 الف ومعطيهم رفيجي لي شغل معاه ورفيجي هذا طوول وخدا الفلووس ورحت ادوره وبالغصب مسكته وخليته يوقع ع اوراق ،،،، ورافع عليه قضيه .. قلت له 50 الف مبلغ كبيرررررررر شنو الشغل اللي بينكم قال شغل وبس قلت لا جد اكلمك شنو الشغل ... قالي مووووووشغلج !!!!!!!! اول مره يكلمني بهالاسلووب !!! نزلت دمووعي ومن الصدمه قعدت اضحك وقلت له ورربي لو تحبني ماتسحب علي ولو شنو ظروفك ماتغيب عني بالاسابيع ع الاقل مسسسج !!!! انتهت المكالمه ولي اسبوووع ماادري عنه ،،،،،،،،،،،، وهذي حالتي معاه من طلع يعني شهرررررين !!!!*

 

[Tom ♥ Jerry]

.



بأختصار حبيبتي هاذا مآ يبيج
و لا توقفين نصيبج عشانه لانه مو كفوو من اسلوبة وطريقه وكلامه !

روحي بنصيبج حياتي .. الله يكون في عونج :*

 

[لولو8090]

اذاكنتي تفكرين ان اسلوبه في السجن راح يكون مثل لما يطلع فانتي غلطانه لانه كان مسجون ومحكور ماله غيرك بس الحين فيه خيارات متعدده وللعلم اغلب الرجال مايهتم وقفتي والاموتى نفسك علشانه بيقول طز فيها اسمحيلي مافيهم وفاء ولاتفكري تعيشي معاه باين يلعب عليك يكفي الناس لوتزوجتيه بيقولون مرت المسجون انتي اللي شوفي نفسك علية موالعكس

 

[noor الدنيا]

هذا بايع ياحبيبتي .. لما كان في السجن كنت انتي الحرية بالنسبة له ,علشان كذا تولع فيك ... بس لما طلع من السجن لقى الحرية الحقيقية ,, وصرتي انتي مجرد ماضي طلع منه ,,,, حبيبتي تزوجي من اللي خطبك , واللي باعك بيعيه ولاتندمين عليه .

 

[سكوتي بذوقي]

واضح إنه إنسان لعاب

استغلك يوم كان في ضيق وهم

بعد ماطلع خلاص قام يتهرب

ليش تتمسكين بواحد مايستاهل

نصحيه وافقي على اللي خطبك ولاتضيعين مستقبلك

الله يهديكِ يارب

 

[ام الدرر]

سؤال
ليش كان مسجون؟​

 

[حبيبه ببي]

يعني واحد مجرم شنو تبين يكون اسلوووبه عسل لااكيد بصل

 

[نونه المنكوشه]

حبيبتي ديري بالج واضح راعي مشاكل وراح يشقيج ولايسعدج تركيه والله يرزقج بواحد زين ولاراعي سوابق وله الف علامة استفهام اهوه مجرد وقت قضاه معاج وانتهي وطريقة معاملته اكبر دليل غيري خطج وعيشي حياتج

 

[حديث الروح]

الله يهديك ياأختي !
حكّمي عقلك .. وراجعي ضميرك .. وحاسبي نفسك .. واحكمي عليها بموضوعية كأنها شخص آخر وليس أنت ستجدين أنك مخطئة في حق نفسك تماماً.
ارجعي الى حظيرة الإيمان .. واقلعي من قلبك هذا الحب المدمر قلعاً .. كما يقلع الإنسان في أرضه المثمرة الأعشاب الضارة التي تقتات من خيرها !
المسألة واضحة إلا لك .. فانتبهي!
هذا الشخص غير مستقيم ولا يزال ومصيره السجن مرة أخرى
احسن شيء عمله أن أظهر لك حقيقة نفسه ..
لو كتب لك الزواج به فستكون حياة دمار ..
ولو ظللت معه على هذا الحال وقبلك بهذا الوضع .. فماذا ترتجين ؟ واي حياة تعيشين ؟!

ارجعي ياعزيزتي الى نفسك .. وعودي الى حصن إيمانك .. وادركي خطأك ... واسلمي بنفسك قبل فوات الأوان ..
أعانك الله .... فأعيني نفسك !! وراجعيها .. وحاسبيها ... قبل أن تحاسبي .. تقبلي مع دعواتي لك بالخير .

 

[جواهر الشرق]

الة يرزقك الرجال اللى يسعدك وبعدين واضح انة راعى مشاكل احسنة يتسلا فيك والرياجيل اغلبهم خونة مايعرفون حب اذا كان يحبك قال لاتتزوجين اللى يخطبك طانشية وعتبر ية ماضى

 

[takfene aldekra]

حبيبتي اول شي مسجون وما تعرفين شعنه مسجون
ثاني شي لما بيظهر من السجن كيف راح يدبر اموره وكيف راح تكون حياته
فلا تربطين مصيرج بواحد نفسه والله يوفقج ويرزج كل ما تبينه

 

[granted]

مادري اسلوبه صايع جنه يعني خشن وايد انا مااتطنز والله بس بوضح لج الي فهمته
يعني متاثر من الي عاشرهم بالسجن
ماادري انا اعتقد البنات مايحبون الي جذي
الله يعينج انا اقول كفايه ترى ارخصتي نفسج وايد

 

[مُخملْ]

ياحبيبتي سمعيني :
هو تعلّق فيج وقت السجن لأنه أنتي اللي كنتي جدامه ، بمعنى ثاني :
منو اللي ترضى تكلم واحد وهو بالسجن ؟ أنتي اللي كنتي جدامه وكمّل معاجْ
وغير أنج كنتي تساعدينه وتوقفين وياه ، منو يلقى جي ؟

ياحبيبتي : مافي ريّال يقول للي يكلمها أنتي غير عن البنات ، شغلة وحدة بقولج إياها
اللي تكلم واحد تكلّم عشرة غيره ، واللي تبيع ثقة أهلها فيها بتبيع ثقته .
إذا أنتي ماحفظتي ثقة أهلج كيف يأمّنج على نفسه وبيته وعياله ؟
والشي اللي يبدأ بخطأ ماراح ينتهي إلا بخطأ مثله !

أدري أنّ نيّتج كانت صافية ، لكن شوفيه شو سوا بعد السجن؟!
لاتحطين كل ثقتج وبعدها تنصدمين ! ولاتبيعين نفسج لأحد
أنتي معززة في بيت أهلج ، ومتى مابيي نصيبج بيي ، لاتحاولين
توصلين له بطرق ثانية أنتي في غنى عنها .

دامج وصلتي معاه ل طريج مسدود ، وماله نية زواج بس يبي يكملها
مكالمات ، شترجين منه ؟ وشونهاية علاقتكم ؟

ياحبيبتي اللي تساعدينه وفجأة ينكر كل شي وينساه هذا مايتأمن
على شي! مهما كان الظرف اللي فيه مايدفعه يسوي اللي سوّاه .

"ومن يتق الله يجعل له مخرجاً ويرزقه من حيث لايحتسب" ،
اقطعي علاقتج فيه نهائياً وابدي حياة يديدة وأطوي صفحة الماضي
اللي مثله ومثل هالعلاقات مايستحق منّج أي تفكير أو أنج توقفين حياتجْ
عليه ، أنسيه وربج بيعوضج باللي يصونج والأهم أنه ايي للبيوت ولأهلها .
اللي جَاد راح ايي ويكلّم أهلجْ ، لكن مكالمات وحبني وأحبك هذي ماراح توصلين
من وراها لشي .

كل أمرنا خير ، يمكن يكون كل اللي صارلج خيرة ودرس تتعلّمين منه ل حياتجْ.
استغفري ربج وتوبي له وابعدي عن هالطريج ، أهم ماعليج سمعتجْ لاتضيعينها
بلحظة عشان ريّال لاراح ولارجع! ، صدقيني اتخذي قرار شجاع وربج بيعوضج
بالأحسن بإذن الله .


الله يستر عليج ويحفظج وييسر أمرج ويعينجْ ويرزقج باللي يصونج ويعينج على طاعته

 

[تبسم لمغليك]

اختي 50الف شنو الشغل يمكن مخدرات يمكن ويسكي حشيش وغيره طيب ليش مسجون فكري عدل انت تبين عيالك مثله يوم كان مسجون يتسلى فيك وبعدين انت هذا مايصلح لك اختي لو عطيتي فرصه للي خطبك كان حبيتيه اكثر بس انت شكلك اول واحد قالك كلام حب سيده صدقتيه اعذريني بنات الجيل هذا بسرعه يصدقون كلمة احبك من اول واحد يقولها صار حبيبها راجعي كلام البنات كلامهم عين الصواب تسهلي برزقك واخذي رجال سنع وغيري رقمك ولاتهورين تعطينه رقمك ممكن يضيع حياتك حبيبتي وحده خذت واحد راعي مخدرات وقدامها سنع ولكن تخيلي يحط لها المخدرات بالعصير ليمأ هي صارت مدمنه والسبب لانها موضفه ويبي فلوسها المهم الله يوفقك للخير

 

[el.mlkaa]

قطعي علاقتج فييييييييه شتبين فيه اذا خبل فيييج الحين بيخبل فيييج بعععديييين غييييري رقممج وكل شي اهو موجود فيه

 

[تمرة]

للأسف هذا الشخص جمبازي كبير وقاعد يلعب عليك ... كلمه أهمس فيها بإذنك وهي فكري بعقلك ولا تندفعين ورا نبضات قلبك ... وسالفه ال 50 ألف دينار هذي سيناريو من تأليفه عشان تتشربكين معاه وساعتها ما ينفع الندم ,,,,

حياتك جدامك وماله داعي ترفضين اللي يطق الباب واعلني موافقتك وقبولك قبل لا يطوفك القطار وانت تلهثين ورا وهم اسمه حبيبي السجين

الله يوفقك ويهديك للصالح ويبعد عنك اللي يبي يخليك لعبه بإيدينه
وبنات المنتدى كفوا ووفوا الله يجزاهم خير على النصيحه

ونبي نسمع عنك أخبار تسر وتفرح القلب ,,,, موفقه أختي

 

[~*~الملكة~*~]

شلون تكلمينه واهو في السجن !!!

بايعج مايبيج مسجون اهلج ماراح يرضون

كبري عقلج وحكميه بعدي عن هالطريج

وتوبي لربج

 

[مولاي الفرج]

مسجون ومديون وماعنده اخلاق

ترفضين الخطاب عشانه ليش

منجوي على راسج على قوله خالد عبدالجليل؟؟؟

 

[mf6nt el3lat]

لحد الحين في بنات يحبون ومتعلقين بامال كبيره !!!!!!!

يبه اذا كان يحبج صج جان من اول ما طلع خطبج وتقدم لج هذا بيلعب عليج ويس !!!! وكان يكلمج بالسجن وقت فراغه بعني وما شاء الله مسلف واحد 50 الف منين له هو وفيسه بالله ??? لا تنطرين ولا شي بعدين شلون يكلمج بالسجن وشنو قضيته ؟؟؟ المهم مو شغلي بس اهم شي روحي راضي ربج اوب وبعدين رااضييي اهلج وتوكلي على الله وانسيه ياما ناااس قعدو سنين مو سنه وحده يحبون ونسوا حبايبهم وجنه العيد والحب مو كل شيي ياحبي انتي اكو اهتمام اكو رعايه اكوو حنان اكو تفاهم اكو امااااان هو ولا واحد من هذيلاا موفره لج





*** سوري اذاا كان كان كلامي قاااسي علييييج بس هذا الصج وتقبلي الواقع ... الله يعيييينج الله يعينج *

 

[mf6nt el3lat]

وترى المشكله مو في انه مسجون يمكن تاااب ولا قضيته سهله او اي شي بس مشكلته الاساسيه انه جذاااب وجبماااازي