عصبي ويضرب وامه تضربه ساااااعدونا بسرعه

[بنت الريااااض]

السلام عليكم

كويتيات الله يعافيكم صديقتي عندها ولد معاه متلازمة الداون

المشكله اللي فيه عصبي واي شي حوالينه يحذفه عليك مهما كان هذا الشي

وتعبت امه معاه دخلته المدرسه نصف ترم وطلعته ماحبها واصلا قليل الكلام ولو تكلم كلامه مو مفهوم مع انه عمره8سنوات

والحين تبي تعرف هل في علاج يهدي من النفسيه ويخليه مسالم

بحثنا عن اطباء لعلاج نفسية متلازمة الداون بالهفوف بحكم اقامة زوجها ولم نجد ساعدونا

الولد جنن امه واحيانا والله تضربه وانا اذا قالتلي يكسر خاطري بس تقول غصب عني من القهر

من قوة ضربه مره يحذفه بالجوال ومره بالقلاس ومره بالنعل الله يكرمكم

لو صحن قدامه مليان يكته مايهمه

واذا اضربته يستشر ويزيد واحيانا يبكي

سااااااااااااااعدوها تبي حل تهديه وتغير سلوكه علاج او دكتور لكن وين وكيف الله يعافيكم والله يكسر الخاطر

 

[المستغفرة 74]

الله يكون بعونها
للعصبية اتوقع في سبب خل تدور السبب عشان تتجاوزة وماتخلية يعصب
خليها تحاول تفهمة وتحسسة بالحنان يمكن غيران من شيء ودايما تحسسة انة مهم واتوقع جذي راح يخف من عصبيتة
والله ياجرها خليها تتحمل كل شيء بثوابه

 

[مرمر]

حبيتي الداون جدااااااااااااااااااااااااااااااا حنونين ويحبون الضم والحنان وكلمات الاطراء

الولد قاعد يعاند امه ويدري انها متضايقة وقاعد يزيد

الولد يدور الحنان وسعة الصدر يدور اللي يفهم اهو شنو يقول ويتفهم احتياجاته لاهي محتاجة دكتور نفسي ولا شي

اهي محتاجة وقت تعطيه اياه

اهي لازم تعبر له عن حبها له

 

[Snow angel]

لاااااااااا غلطانة ليه تضربة حرام

الولد يعاند لان يحتاج شيء ومو قادر يوصله لامة لازم توسع صدرها عليه وتسمع له تتحمل شوي لها الأجر انا اخوي من النوع العنيد جدا جدا ويضرب أي أحد مع اننا ما نقسى عليه نهائيا ومربيته ممرضه جدا محترمه وصبوره معاه اضطرينا نوديه دكتور نفسي وصار يعطيه بعض الموهدءات لفتره من الوقت ووقفناها عنه الحمدلله والحين له اكثر من سنه في مدرسة داخلية بدبي ولاحظنا تطور كبير عليه الحمدلله رب العالمين