عطر الورود يفوح من الردود

[UK_Girl]

مساء الخير
مره ثانيه ..ادري طعمي لذيذ وراح تاكلوني بس اليوم يايبه لكم زبده حابة انكم تيربونها وتعطوني رايكم فيها ..؟

المهم موضوعي وانا هاليومين متفرغه لكم يا حبايبي عن نوع من البنات تحس شوي وتطلعلك من الشاشه ...والسبب الاسلوب الحضاري والاتيكيت اللي يقطر من الرد ..قطره قطره ..وبمنتهى الرقه والعذوبه ....

خنشوف ...المشهد بقسم المشاكل الاجتماعيه :

تيي البنت المسكينه اللي مو لاقيه مكان تصرخ وتعبر فيه عن المها وتكشف فيه عن مشكلتها المدفونه بقلبها حتى عن اقرب الناس لها ..تيي للنت ..مكان محد يعرفها فيه ..مجرد نك نيم بفورم ...ويعتبر لها احسن مكان للفضفضه والصراخ باعلى الصوت للتعبير عن حجم الالم يللي فيها ..تبي من يواسيها ...يسمع لها ويساعدها على حل مشكلتها ..

لاحظاو شنو صاير البنات قامو يحطون مشاكلهم وقبل لا يعرضون مشكلتهم يطلبون من البعض عدم الاهانه والتجريح هذا مؤشر ودلاله على ان البنات خايفين من وجود نسوره ورا الشاشه تعليقها جارح وجاسي يزيد هم البنت صاحبة المشكله ..اشكره صاروا يقولون : بليز احنا موناقصين هم.. يترجونكم لا تضايقونهم بردودكم ..

ما انكر ساعات انا شخصيا كنت ولا زلت ((حاليا شوي مو وايد)) احس بالغثيان واتقزز من بعض المشاكل البناتيه وبعضها يقهرني ""مثال مواضيع الشرف " بس افضل اسكت و ادعي لها بالستر ولا اشيلها هم فوق همها واغثها مثل ما غثتني يوم افكر شلون رخصت نفسها في مجتمع زينته وجماله باخلاقه وللشرف فيه معني راقي اكبر من مجرد الحفاظ على العفه وال.....!! ((بس طلعت حرتي في صاحبات هالمشاكل.. الحين انا فضفضت وارتحت ) ) ..

الزبده على التوست ..لا تحطونها بالفرن تحتر بزياده وتذوب وتحترق التوسته !!الزبده ..حق اللي يحب ياكلها ويتلذذ فيها الزبده ناعمه ورقيقه ..

حبايبي ...شوي شوي بالرد على بعضكم البعض ..حطي نفسج بمكان صاحبة المشكله وعندج لا سمح الله مصيبه ووحده قاعده تصارخ عليج :
فعلتج ...وتركتج .....ابوج ...واهلج... ومادري ...منو ..مارباج ..وريلج ...خاينه ...وقطيعه تقطعج ..غشاشه ..جذابه .. ..ما خفتي من ربج "الرحمن الرحيم "..عقابج "قابل التوبه "..وذنبج "غفار الذنوب" ..على جنبج ..ليش فعلتي ..ليش سويتي "ليش ما توكل عيش "..والبنت فعلت وخلصت ويات بعد ما استوت تعذيب وقهر نفسي من الصمت والالم تصارخ تبي من يواسيها ...

بابا حبيبي البنت يمكن وره الشاشه دموع وانهيار وانتي تزيدينها نار على نار وتحرقين بقلبها بردج الجارح ليش شنو مستفيده انتي ((هاااا تبين اطلعلج من الشاشه ))؟؟!! .. ليش حبيبتي تساهمين في تحطمين نفسيتها اكثر واكثر ..راعي مشاعرها في هاللحظات ماتدرين اهيا شكثر محتاجه كلمه طيبه وحلوا منج ...تسندها وترفع من معنوياتها شوي ..

كويتيات بي كول ..والله يعافيكم ويكبر ما فيكم تحلاو بشوية لياقه لفظيه وادبيه في الرد على بناتنا المهمومات ..

هذه الزبده ولو ان عمري ما حبيت الزبده ((الله يزيد النعمه )) الا ع الايتالين برد مع ثوم وشوي ريحان مطحون يم يم يالا حبايبي ننتقل لقسم المطبخ في كويتيات ..لنستعد لرمضان بالذوق الحلو والرفيع
محبتي للجميع ودمتم بود ..

 

[happy&single]

قال رسول الله -صلى الله عليه وسلم-:
من كان يؤمن بالله واليوم الآخر فليقل خيرا أو ليصمت، ومن كان يؤمن بالله واليوم الآخر فليكرم جاره، ومن كان يؤمن بالله واليوم الآخر فليكرم ضيفه رواه البخاري ومسلم

صح لسانج ياقلبي كفيتي ووفيتي ،،، رسولنا الكريم حثنا على الكلمة الطيبة فهي صدقة فهل تبخل الوحده بصدقة لنفسها؟
وباكرام الضيف والجار واحنا بهالمنتدى ضيوف على بعض كل وحده تفتح قلبها لاختها مو عشان النصيحه كل مرة |، بالعكس ساعات للفضفضة بس ما تبي منج شي ،،

السلبية والافكار الهدامة والتشيش ابتعدي عنها ولاعاد لا صارت مشكلة بين اهل خليج محضر خير ،،
حتى لو حسيتي ان كاتبة الموضوع ودها من يعينها على فكرة سيئة عينيها على الخير مو الشر!!

ولا ساعات تتمسك وحده من الخوات برايها مع انها طالبة النصيحه !! ،، او اللي دايما حاسة انها هدف وانتي متعمدة تضايقينها ؟؟؟ ليش اشبيني وبينج عشان اقهرج!!!

احسني الظن بالله وبالناس وراح تلقين الخير ان دورتيه والشر ان دورتيه

الله يحفظكم والله يديم المحبة ان شاءالله بيننا وماقصرتي يااحلى صديقة تعرفت عليها بهالمنتدى الطيب اللي كل من فيه طيبين بس تاخذهم الحمية ساعات والانفعال وهذي طبيعه الحريـــــــــــم عموما ،، مشكورة

 

[شموع الفرح]

تصدقين عمري ما رديت على وحده عندها مشكله جايده لأن بصراحه فى مشاكل موكل واحد يقدر يرد عليها لأن الوحده تكون تبي امل وأنتي تردين يمكن ردي يخسبق الدنيا مو يعدلها فهالشي بصراحه يخرع فأمتنع احسن علشان لا ابتلش مع بنت الناس وترا فى بنات تلقين يردون رد قاسي مو قصدهم التجريح بس يكونون محترين من اللي صاير وخوفهم على البنت ومشكوره على الموضوع

 

[PO PO22]

صح كلامج يعطيج الف الف الف عااااااااااافيه

 

[UK_Girl]

صباح الخير
تسلمون والله يعافيكم ...شموع وبو بو22 وسنغل كلامكم صحيح والتهور بالرد ممكن ياذي البنت وتحطمها نفسيا ..احسن حل الانسحاب من غير تجريح والصمت ..مثل تفضلتااو

وللغاليه العسل بجاما سنغل تسلمين هذا بس من طيبج
شكرا ..

 

[مــلائكيه]

والله انتي الورد ,,

شهالموضوع الحلوو
شهالاسلووب العسسسسل

وكلامج عدل ,, كويتيات Be cool
مازيد علييه شي ,,

كويتيات بي كول ..
والله يعافيكم ويكبر ما فيكم تحلاو بشوية لياقه لفظيه وادبيه في الرد على بناتنا المهمومات ..

يعطييج العاافيه خيتوو ^^

 

[a3andho0om]

thx 3l mwthu3

 

[Pink.Barbie]

تصدقي دايما هالسالفه ببالي

سيدنا عمر رضي الله عنو تكلم عن حدة الشباب بالمعنى الايجابي

الي توافق معنى الثوره

الثوره عند الحق

و للاسف المجتمع العربي حاليا يستغلها بجرح شخص اساسا مجروح

من غير مراعاة لحالتو النفسية

ومن غير مايفكرو بالعواقب الي بتترتب

يعني ممكن هالشخص ببساطه يتصرف تحت مبدأ ( مدام اساسا هي خاربه خاربه خلينا نعميها )

والدليل غلى ذلك قصة الرجل الذي قتل 99 نفسا من غير حق


عن رسول الله صلى الله عليه وسلـم أنه قال : ( كان فيمن قبلكم رجل قتل تسعة وتسعين نفساً ، فسأل عن أعلم أهل الأرض ، فدل على راهب ، فأتاه) .

القاتل (نادماً) : إني قتلت تسعة وتسعين نفساً ، فهل لي من توبة ؟ .

الراهب : لا .

الرجل يقتل الراهب فيكمل به المائة

وثم يسأل عن أعلم أهل الأرض ، فيدلونه على رجل عالم .

القاتل : إني قتلت مائة نفس ، فهل لي من توبة ؟ .

العالم : نعم ، ومن يحول بينك وبين التوبة !! انطلق إلى أرض كذا وكذا فإن بها أناساً يعبدون الله تعالى فأعبد الله معهم ، ولا ترجع إلى أرضك فإنها أرض سوء .

(ينطلق الرجل حتى إذا نصف الطريق ]وصل نصفه[ أتاه الموت فاختصمت فيه ملائكة الرحمة وملائكة العذاب) .

ملائكة الرحمة : جاء تائباً مقبلاً بقلبه إلى الله تعالى .

ملائكة العذاب : إنه لم يعمل خيراً قط .

(يأتيهم ملك في صورة آدمي فجعلوه بينهم) .

الملك (يحكم) : قيسوا ما بين الأرضين ، فإلى أيتهما كان أدنى فهو له .

(الملائكة تقيس ما بين الأرضين فتجد التائب أقرب إلى الأرض التي أرادها بشبر ، فتقبضه ملائكة الرحمة) .


واكتف بقول

قوله تعالى‏:‏ ‏{ ‏ظهر الفساد في البر والبحر بما كسبت أيدي الناس‏ }

وللاسف بالنهاية احيانا تلاقي مافي احترام لوجهات النظر للبعضهم البعض نهائيا

على أساس هي تخالفني بالرأي ما احاول اناقشها واقنعها لا اضاربها و اجرحها

فين الاحترام للرأي الآخر ؟!

وهالمشكلة منتشره بكل المنتديات على المستوى العربي و بشكل اقوى

وبالنهاية تظل هاذي فئة قليله

والفئة الكبيره أكبر

وفي عضوات نفس العسل واحلى كمان

وتسلم ايديك على هالموضوع

ولا عدمنا جديدك

 

[علولي]

انا معاكم يابنات ضد الردود القاسية
والله افكر 100 مرة قبل مارد على البنت
واحيان مارد اخاف اقول شي يتعبها بزيادة
واحيان مالاقي غير الدعاء لها

 

[Preity]

يعطيج الف عاافيه ع الموضوع
من صج مرات امر ع مواضيع فيها ردود قاسيه حيل والله لو انها ساكته احسن
يعني لازم الوحده قبل ماترد تفكر اشلون بيأثر هالرد ع البنت انزين اجرحتها واطلعت شنو استفادت ؟
ولا احد ينسى الكلمه الطيبه صدقه
موضوعج رووعه واسلوبج راقي
يعطيج العافيه

 

[bigsmile66]

عدل كلامج ..يعطيج العافية

 

[نعوووووومي]

إذا قدرت أصبرها أو أهديها أرد عليها
بس إذا ماقدرت أدعيلها

 

[كريستال ليدي]

واااي فكيتيني توني كنت بكتب نفس الموضوع اشوه شفت موضوعج قبل

لاني انا بعد ملاحظة هالشي بالمنتدى و بزيادة هالايام

الردود كلها تجريح و شتايم و كلام فاضي

ماله داعي و انا عندي اللي ما يعجبها الموضوع تكتب ( لاتعليق ) و تمشي

احسن من الكلام اللي ماله داعي اللي يكتبونه بعض العضوات الله يهديهم

و اخرتها محد ياكلها الا صاحبة الموضوع موضوعها يقلب هواش و يتسكر و السبة وحدة تافهه و ردها اتفه منها

 

[جماااانة]

اول شي اهنييج على هالاسلووب اللي علييج ماشااء الله روووعهـ ربي يوفقج ويهنييج ويعطييج اللي تتمنينه


و2 شي ولا مرة رديت على اي موضوووع من هالنوع يعني اقرأ الموضووع وادعيليهاا بالتسر واطلع لان الشي إذا ما كاان منهاا خلاص وهي ماكتبت المششكله إلا هي عارفه غلطتهاا ون شااء الله اتوب وربي يقبل توبتهاا ويغفر لهاا .

وسلامتج ياعسسل

 

[آلسحرآلحلال]

قال رسول الله -صلى الله عليه وسلم-:
من كان يؤمن بالله واليوم الآخر فليقل خيرا أو ليصمت، ومن كان يؤمن بالله واليوم الآخر فليكرم جاره، ومن كان يؤمن بالله واليوم الآخر فليكرم ضيفه رواه البخاري ومسلم

اي ولله معاج حق مليون % ولمصيبة النوعية هاذي ادش قسم المشاكل الاجتماعية @@!!!!

يعني انتي ماتعرفين اتردين رد شافي وحلو ويريح البنت شحقة رازة ويهج وداشة القسم وداشة موضوعهااا ..

حتى لو الموضوع يبط الجبد حتى لو المشكلة تاااااااااااااااااافهااا انتي شكووو يمكن بنسبة للبنت هاذي مصيبة .. صح ولا لأ؟؟