عطور الثمانينات ... ;)

[نطوووعه]

شلوووونكم يا بنيااات

بدش بالموضوووع على طوووول


الشهراللي فات جم مره تهف علي روايح عطووور قديييييييييييييييييمه تذكرني بايام الطفوووله
اشمها على بنات بدوام او بسوووق بس انا نوعي استحي اسال

والله ان ذاك اليوم بدوام شميت على وحده ريحة عطر مال ابلتي بالروضه لوووول تخيلو يعني هالحجي يمكن بال 85! و العطر كان عذااااب ريحته اتينن

فانا ابي ارجع حق عبق الماضي وادور على هالعطور اللي كنت اشمها وانا ياهل و حبيتها بس طبعا ماكنت اعرف اسمها


فشرايكم كل وحده تعرف تكتبلي اسم عطر كانت اهي تستخدمه بالثمانينات او امها او خالتها او اختها او اي احد و كان عطر حلوو و ياريت مايكون مقطوووع حاليا و اذا ممكن الصووورة بعد فتمام و ابي تشرحونلي الريحه يعني مثلا ريحة بخور او ريحه فواكه او زهووور وجذي

يلا بنات فيدوني و فيدو غيري من اللي يحبون عطور الثمانينات

 

[مجبورة احبك]

والله انا مواليد التسعينات ما مريت بس بسالج

 

[pink Flamingo]

احنا عندنا وحدا بالدوام دايما عطورها روووعه وكلها قديييييمه اسالج اياها لما انداوم
بس ذكرينيي هههههههههههههههههههه
تحياتي

 

[Grass]

أمي كانت تستعمل أرامتكس من كلنك عجييييييييييييب...وكل ما اروح المطار أقعد أشمشمه اتذكر أمي الله يحفظها

 

[قـہۈه فـرنسيـہ™]

أذكر عطر (سمساره) كاااااان عطر أبلتي بالمتوسطه ... وريحته فعلااااااا قووويه

 

[N F N F]

من الثمانينات !!

اذكر التسعينات عطورات ديور وجيرلان كانت الهبه

منها ديور بويزن وجادورا .. حلوه ريحتهم وقويه

عموما اغلب العطور مو جديده

 

[أدعج غنج]

هالعطور من وأنا صغيره أشمها في إختي الكبيره وعمتي وعلقت معاي ومن سنتين بس فكرت اني استرجع الماضي وأشتريهم والله بعدهم راااقين وروعه:
من أنغارو: داخل فيه المسك والورد وعلى باودر لما يبرد غريبه ريحته وقوووويه

من شانيل وغني عن التعريف:

من كاشريل وماعرف شلون أوصف ريحته ..تقريبا فلوري شوي

 

[CUTE ENGINEER]

من الثمانينات ما أذكر شي

بس التسعينات عندج عطر روما وعطر أروماتكس للحين يستخدمونه ومع البخور عجيييييييب من كلينك

وبعد عطور غيرلان كانت مكسر الدنيا وكنت أحب عطر

من إليزابيث آردن اسمه ريد دور

وشغلات وايدة ما أكرها

 

[اجوان]

وي والله انج اتهبلين موضوعج

يهبل


اذر في كلوينة اسمها نيود اذكر امي تحطها وريحتها تهبل

اتوقع تلقينها الحين بالمباركية


وبعد في وحده ريحتها بووووودر اتهبل مع البخور

نسيت اسمها اذكرها واكتبها ان شالله

 

[" غـادهـ "]

إي والله صاجه يااا حلووووهم عطور الثمانينات .,

أنا أتذكر هالعطرين كانت أمي تعطرني منهم .,

 

[ام سعود ديكسون]

نطوعة ذكرتيني بالعطور اللي ذكرياتها تعور القلب بعضها موجود وبعضها انقرض ويا الغزو الله يغربل ابليس واهله

انا اتذكر ديفا

شرير2

تريبو من بنتون

رومبا

ديون من ديور

سمسارا

ديفا

تريزور من لانكوم

ايزاتس من جفنشي

مونتانا كان نازل منهم 3 عطورات فضي ذهبي ونحاسي

استي لودر وكاشريل خواتنا وامهاتنا يحطون منهم

مدرستنا الله يذكرها بالخير الحين سمعت انها صارت ناظرة ذبحتني واهي عروس توها متزوجة تهفهف ريحتها بالصف

حببتني باترنتي وكانت مميزة لها طولة العمر ما تحط الا كوكو ونمبر 5 من شانيل

-اذبحتنا من زود السنع والاناقة لول -

عطر ثلجي من الفودري للعطور اول التسعينات

وبث

احس اني عيوز علي هالذكريات

 

[Ibtisama]

عطر ايدين من كاشاريل ريحته فواكه على زهور واااايد عجيب

عطر قيلدا ريحته مع البخور تهبل

عطر كارولينا هريرا ريحته فريش

عطر جالا لوي مع البخور ريحته مو طبيعيه

 

[الـــدفـــشـــة]

8
اتذكر شكل الكرتون بس ريحته ناسيتها هههههههه
...
وفي عطر مونتانا الي اتذكره انه كان حلو


...
اما هذا من جفنشي اتذكر ريحته كانت رووووعه بس اتوقع هالعطر من ايام التسعينات !


...
وعطرLapidus امبييييييييه حده قديم خخخ اهوه عطر رجالي ادري شكو حاطته بس تذكرته وزين حصلته بقوقل



..

والعطر التحطيييييييييم Extravagance – Givenchy ياحلاته وياحلات ريحته




وفي شكثر عطورات ايام التسعينات حلوووه بس جبتلج المغبرين ههههههههههه

 

[أم علي الرفاعي]

ماشالله البنات ماخلوا شي

1000 شكر
عجبني الموضوع

 

[حجيه هيونه]

ييت بكتب لقيتكم كاتبين كل شي لووول البنات مو مقصرين ماشالله وبالذات ام سعود لوول كل الى فكرت فيهم اهي كاتبتهم وزوود بعد ماشالله

 

[على وجهها سمة الأبرياء]

امي تستخدم تريجرمن لانكوم بس مادري اهو من متى موجود يمكن من عقب التحرير قبل الثمانينات

الصراحه انا من حبي لهلعطر ليومج كل ماخلص اشتريه له ذكريات حلوة وايد عندي صرت اعتبره واحد من العايله

 

[غــــزل]

استي لودر القديمه وو نوووينق وسان لوران<<< هذا عطر امي واختي توها متزوجه وهذي عطوراتها وفي بعد من شانيل القديمه وغيرهم بس انا اتكلم عن العطورات القووية الي الواحد يشمها عن بعد ومع البخوووور وااااااااااااااااوووو

 

[غــــزل]

استي لودر القديمه وو نوووينق وسان لوران<<< هذا عطر امي واختي توها متزوجه وهذي عطوراتها وفي بعد من شانيل القديمه وغيرهم بس انا اتكلم عن العطورات القووية الي الواحد يشمها عن بعد ومع البخوووور وااااااااااااااااوووو

 

[دلوعة العائلة]

ماشالله البنات ماخلوا شي
عجبني الموضوع
اتذكر عطر بووس كانت ريحته روعه

 

[الحسن الرقيق]

سألت امي تقووول
اتيرنتـي ..
ارامتكس
ماجك ان وار ..