عطوني أفكار أول راتب

[البنووته]

السلام عليكم ورحمة الله وبركاته





بنات أنا توظفت وتوني مستلمه اول راتب << مبرووووك
أبي منكم أفكار عشان أعطي هلي هدايا بمناسبة أول راتب ودي بشي مميز انصحوني !!


مشكووووووورين مقدماً:ggdw:

 

[البنووته]

شدعوه ماكو أحد رد علي!!

 

[esperanza]

عطي أمج والفقاره

 

[*ميامي*]

مبروك الوظيفه يا حبيبتي ومبروك عليج استلام اول راتب
انا لما استلمت اول راتب لي ما شريت شي لاني خفت الهديه ما تعجبهم
عطيت امي نص الراتب تشتري اللي بخاطرها
بتقولين ليش ما عطيت ابوي هههه
عسى الله يرحمه بواسع رحمته اللهم آمين

وطلبت لهم عشا بس مو سندويشات خخخخخ
العشا كان من مطعم راقي
تقدرين تعطين اللي يعز عليج المبلغ اللي تشوفين انه يستاهله
احسن لج بدل ما تحتارين شنو تشترين

 

[supermarket]

اول شي تصدقي بمبلغ علشان البركة

احجزي لهم عمرة واعزميهم بمطعم

 

[البنووته]

مشكورين على الردود :
esperanza
*ميامي*
supermarket

# بس انا مابي اعطيهم مبلغ ابي اشتري لهم شي يكون مميز وحلو يتذكروني فيه
ابي افكار بعد؟!

 

[fruitygirl]

أولا الف مبروك
ثانيا يكفي تشترين حلو مثلا كيك و حلو قهوة وقت يمعتكم
امج اشتريلها طقم ذهب
و تصدقي بمبلغ حق احد المساجد او اذا تعرفين عايله فقيره تتصدقين عليها
بس انج تشترين هديه حق العايله كلها مره وحده (( هذه صعبه شوي ))

 

[أم عبووووود]

حبيبتي عطي امج وابوج مبلغ او اشتري لهم هديه بس تسوى انا لما اشتغلت شريت حق امي خواتم اثنين ذهب وقلب بس يسوون وابوي الله يرحمه ويغفر له شريت له شغله كان خاطرة فيها

وسويت لاهلي عشا وكان شوي بالبيت بس كان عجيب


بنصحج نصيحة اخت معاشج لازم تخصصين مبلغ كل شهر حق امج وابوج حتى لو مبلغ قليل علشان ربي يبارك لج بمعاشج

 

[ضحاوي قطر]

أنا عطيت أمي وخوآتي

أبوي الله يطول بعمره رفض ياخذ مني يقول ( أنتي كلج لي واذا احتجت فلوس قلت لج فديته )

والبنات عزمتهم عندي وطلبت لهم عشاء

واذا تبين هدايا أشتري لاامج ساعه حلوه

وخواتج شكلي بروشات واكسسوارات من محل فراوله شئ حلو ومايكون غالي علشان معاشج يكفي للكل : )

او شوفي كل وحده شنو تحب وسويه لها

انشاالله اكون فدتج مع خالص حبي

 

[فطومه]

فرحى المقربين لج وحطي بيد الوالده مبلغ حلو بردى جبدها وطلعى شى لوجه الله......واذا عندكم يهال فرحيهم

اذا خداماتكم حليوين حطى بيدهم المقسوم بمعنى دخلى الفرحه على قلب الكل وبعد اذا عندج اخو مراهق ترى يحبون الخرده

والف مبروك

 

[um_hind]

بنت خالتي لما استلمت اول راتب لها... اشترت كراتين بارد... من بيبسي وسفن اب وشاني وكولا ووزعت على كل بيت من الاهل كرتون خخخخخخخخخخخ... وطبعا عطت امها مبلغ وراحت الجمعيه اشترت مير البيت...
ربيعتي لما استلمت اول راتب لها خذت ساعتين راقيات... وحده لامها ووحده لابوها...

 

[نيبال الايمان]

ضى الايمان


يا عمرى انا بصراحه اول راتب لى كان فى سنة 1996 وعطيت امى وام ريلى وخوات ريلى 000 ما تصدقون صح لا صدقوا ههههههه
كنت هبلة وطيوبة وعلى نيتى

 

[محامية كويتية]

مشكورة عالموضوع الحلو
استفدنا منه

 

[$كويتية$]

سويي عشا وتصدقي عالفقراء
راح تنفتحلج ابواب انشالله
والاهل على ما اظن محد قاصره شي

 

[-Dee-]

عزميهم كلهم على الغدا او العشا .. و امج و ابوج عطيهم شي اممم اكسسوار احلى شي حق المعاش .. ساعة للوالده و مسباح للوالد أو اي شي على هالطريقة
و تصدقي بمبلغ و وزعي على الخدم 10 كل واحد
مادري انا ليلحين ماتوظفت ماستلمت اول معاش عشان افيدج هذا اللي طلع معاي لووول :$

 

[البنووته]

مشكورين كل البنات اللي ردوا علي ماقصرتوا
وبقولكم شسويت:
شريت حق أمي وابوي وخواتي واخوي هدايا واليهال طبعاً
وسويت عزيمة في بيتنا عزمتهم ^
والكل استانس وفرح بفرحتي

اشكركم ماقصرتوا معاي

 

[Dress Me Up]

مشكورين كل البنات اللي ردوا علي ماقصرتوا
وبقولكم شسويت:
شريت حق أمي وابوي وخواتي واخوي هدايا واليهال طبعاً
وسويت عزيمة في بيتنا عزمتهم ^
والكل استانس وفرح بفرحتي

اشكركم ماقصرتوا معاي

عليكم بألف عافيه

 

[عشق قلبين]

ماشاء الله عليج
الله يهنيج ويتمم عليج

 

[سعوديه كوووول]

عطي امك وابوك مبلغ حليو وبس