عطوني دفعة طاقة تكفون

[CheeSeCaKe]

السلام عليكم ورحمة الله وبركاته ،،

شلونكم بنات


آنا حاليا في بوكيت شهر عسل وماني قادرة استانس ريلي الوحيد اهو اللي مهون علي آنا وريلي مو عارفين شنو نسوي الرحلة مع ان انا وريلي مو من النوع الممل واللي ما يبي يجرب

كانت هدية من عمي فما قدرنا انردها على الرغم من اني رايحه تايلند مرتين قبل

انا قريت عن بوكيت وايد وعن رحلاتها طبعا الكل قالوا عن نفس الرحلات بس الغريب اغلب الرحلات فيها سباحة وغوص وطبعا آنا متحجبة فما تناسبني هالنوعية من الرحلات

وكنا لما نفكر نتمشى ونحوس بين الشوارع هدومنا تتلصق من الحر وما نقدر نكمل

عفية اللي متحجبات وراحوا بوكيت شلون استانسوا وهناك عندج البحر والرحلات البحرية وكل رحلة لازم ينزلون جزر ولازم هدومج تتبلل

هل آنا مبالغة أو مو عارفة استمتع في وقتي!؟؟
أنا وريلي صرنا سلبيين بس ننام !!؟؟

شوروني الله يفتحها بويهم آمين

 

[إستبرق]

وي حبيبتي شفيج هونيها واستانسي
شوفي بالنسبه لي بوكيت ماحبيت رحلات البحر الى رحله الي جيمس بوند لان بطريجها في جزيره تهبببببل تركبين انتي وريلج قارب تفخ ويدخلونكم نفق وسوالف حلوه
بس الجزر الثانيه ماحبيتها لانها سباحه وجذي
وعندج فالبتونق بيج الجتسكيات والبرشوتات وهالسوالف
وعندج الشوتنق وناااااااااسه انا وزوجي حبيناه حيل انتي قولي للتكسي يوديج الشوتنق
وبعد في حلبه سباق سيارات حتى وناسه كان وحديقه الحيوان مالتهم حلوه
وطبعا بعد المجمعات
وفي الفانتازيا اعتقد جذي اسمه انا ما رحت له ماارتحت للصور حسيت انه تفصخ بس خالي وخالتي يقولون لا ماكو تفصخ
بس نصيحه لاتحجزون للرحلات من الاسوقه والكوشكات قولي للتكسي يوديكم مكان ثقه ومايكون زحمه لان احنا الحمدالله رحنا مع تكسي لمكتب وطلع صج تعامل حلو واليخت مو زحمه ومافيه تفصخ ولما نشوف اليخوت الثانيه واي زحمممممه فوق بعض قاعدين وتفصخ حده حده
وليش ماتروحين بانكوك فيها اشياء حلوه
الدريم وورد والفلوتنق ماركت والسفاري والغابه الي تركبين فيها الفيل وحديقه الحيوانات وبعد في اشياء يربي بس احس ناسيه اذا تذكرت ارد اقولج

 

[إستبرق]

وحبوبه دخلي منتدى العرب المسافرون راح يفيدج واايد

 

[زيـنـه]

روحي الفانتازيا شو .. روعه من اضخك العروض اللي رحت لها و مرتب .

اذا معاج مايوه اسلامي .. روحي الرحلات البحريه ما فيها شي .. و ركبي الجت سكي و الباراشوت .

روحي للسفاري (حديقة الحيوانات المفتوحه)

تمشوا لو حر و تلزق هدومكم هذا جو الديره .. لا رديتوا تحمموا الحمام و الماي موجودين .

جيكوا على الرحلات من عدة اماكن في السوق او الاوتيل .. و روحوا الرحلات الي تناسبكم .

ترى بوكيت حلوه .. و شهر عسل بعد .. لا تحرمون نفسكم ن الوناسات و الديره فيها وايد اشياء تنشاف .

 

[ArEEj]

نصيحه طلعوا على لانكاوي بماليزيا المسافه 45 دقيقه طيران على أيرأسيا
شنو رومانسيه وحلوة

 

[غلا فهد]

الحمدالله والشكر استمتعي بوقتج اذا اهو ضايق خلقة انتي فرفشية خلي نفسج مستانسة حرام اتروح هلايام الحلوة اطوفينها بالنوم

وروحي مكتب رحلات اشكثرهم بوكيت اذا زوجج مايبي يجرب قولي انا بجرب وشوى شوى يتجراء

 

[monmoon85]

الله يهداج الناس دور السفر دواره وانتي ضايق خلقج........
سوي رفرش حق روحج وفرفشوووو لا ضيعون سفرتكم حساافه...

 

[CheeSeCaKe]

استبرق - زينة - اريج - غلا فهد -مون موون

مشكورين وااااااااااايد وماقصرتوا آنا اكتشفت أن علشان الدوره بتييني علشان جذي كانت نفسيتي داون

:ggdw: ويمكن حامل والله اعلم

بس الحين وايد احسن رحنا رحلة بيبي ايلند ما تسبحنا بس بربسنا باليال والمناظر كانت حلوه واهم شي التغيير

الحين انا في بانكوك وراح نستانس اهني اكثر سكنت في نوفوتيل سيام سكوير ومكانه حده عجيب ريلي هم استانس عليه حوالينه احلى المجمعات وان بي كي اشوفه من الدريشة

بس اكتشفت ان مو المكان اللي ما ونسنا بس نظام المكان بحر وسباحه وجذي وانشطة بحريه يعني انا ريلي مو راعي بحر بالمره فما راح يناسبه بس من ناحية رومانسي رومانسي وهدوء واسترخاء خصوصا ان سكنا في فندق ماليسا فيلا

يعني يشكل حق ناس وايد ان قمة المتعة إضافة إذا كنتي من هواة السفر وزرتي دول وايد فراح تظلين تقارنين ومو سهل اي مكان يعجبج يظل هم كل مكان له متعته

يعطيكم ألف عافية على المؤازرة صج كلامكم ريحني وخلاني اتلحلح شوي :***

 

[3e6er alwrd]

حرام تضيعون احلى ايام عمركم والله ان هالوقت راح يلزق بمخركم ما راح يروح فاستانسوا .. ما ادري ليش ما استانستي انا كان شهر عسلي في تايلاند استانست وايد انتي مضايقة يمكن من فرقا اهلج وحياتج اليديدة وريلج مضايق لان يشوفج مو مستانسه انسي وفكري بللحظة الي انتي فيها الي ما راح تتعوض و لا راح تتكرر وحتولي تنوسين نفسج وريلج روحوا سنفافورا او كوالالمبور يمكن اونس لكم,, والله يوفقكم ويجمع بينكم بالخير والف مبروك

 

[شمع تحترق]

حبيبتي اذا بطولون جربي شنغ ماي ما دام ريلج ما يحب البحر بتعجبه شنغ ماي لانها جبليه و حلوه و هم الجو وايد حلو طول السنه