عطوني رآآآيكم بنات !!

[عرووووس الكون]

مرحباااااا !!

بنااااااااااات ابي حل مضمون تعبت وانا احاااول بنفسي بس ماكو فايده !!


السااالفه يابنات اني ماامسك ايدي عن المصرووف اصرف اصرف بشكل ماتتخيلونه مبذررررره حييييييل !!

يعني تخيلوا انا مصروفي اليومي للمعهد !!

اقولكم ولا اخاف تنصدمون !!


وربي مصروفي 7 او 8 دنانير يومياااااااا ؟ :eh_s(1):

لاتسألوني على شنو !! كلها خراابيط وللعلم هذا مصروف الدوام غير مصروف البيت و المطاعم والطلعااااااااااات ^^

معرووووووووووووف عني اني كريمه وهالشي حلو بس بحدود انا مااعرف شي اسمه حدود اصررررف بدون حساب والمشكله اني اعطي النااااااس بشكل ماتتخيلونه يعني اضحي بلقمتي عشان فلانه وعلانه ....... بالاول ماكنت اهتم وانسى جم دفعت وجم صرفت وللحين ،،،،،

بس المصيبه اني مااشووووووف الناس تعاملني مثل مااعاملها !!

احس اني مغفله ياخذون حقي وانا اضحك

يمكن طلعت شوي عن الموضووووع بس والله احساس صعب

نرجع للمصرف انا طبعي اشتري وناستي ووناسة اللي حولي يعني اي احد جدامي اشوف شنو يحب واجيب له !! حتى رفيجاتي بالدوام اذا شريت شي لنفسي اشتريلهم نفسه واعطيهم !!

انا مو من طبعي اتمنن لا بالعكس ارتاح لما اشوفهم مستانسين !!

ولاني متحسفه على الجماايل اللي سويتها والله يعلم ان ودي اقدم اكثر واكثر !!

بس ودي اسوووووي كنترول شوي على نفسي !!

يعني استلم معاشي من ابوي مني واطيره مني ال 150 ماتقعد عندي اسبوعين !! وياليت اصرفها على نفسي والمشكله اني اطيرها وانا اضحك !!

تكفووووووون ابي حل حاولت وحاولت وماقممت احط مبالغ ببوكي عشان امنع نفسي بس ماكو فايده !!

تدروووووون شنو اتمنى ^ ودي انام واقوم والقى نفسي بخيله ^

والحين ابي مساعدتكم ياخواتي _ ^

شنو معدل الصرف عندكم باليوم !!

^ _ وشاكرتلكم _ ^

 

[dima]

انا نفس حالتج

ساعدونا بنات

 

[*سكون*]

لازم تعودون نفسكم على الاعتدال بالمصرف .. باجر وراكم زواج ان شا الله ومسؤوليه وبيت اذا تميتوا على هالحالة بتتعبون

شوفي حبيبتي لا تحطين ببوقج اكثر من 5 دنانير وال 3 دنانير الزايدة اشتري لج حصالة من دايسو تعرفينه ؟؟ اللي كله منتجات يابانيه عندهم حصالة حديد حلوة ما تنفتح ما تقدرين تفجينها الا بمطرقه ههههههههه والحصالة بنص دينار صدقيني هالمبلغ بعد جم شهر تقدرين تستفيدين منه وتشترين لج شي محتاجته او يكون مخصص حق هدايا ومواجيب او تتصدقين بجزء منه باسمج او اسم امج وابوج كنوع من البر لهم

صدقيني المساله مساله تعود وان شا الله بتشوفين نفسج مسوية كنترول على مصروفج

وسلااااااامتج

 

[عرووووس الكون]

شوفي حبيبتي لا تحطين ببوقج اكثر من 5 دنانير وال 3 دنانير الزايدة اشتري لج حصالة من دايسو تعرفينه ؟؟ اللي كله منتجات يابانيه عندهم حصالة حديد حلوة ما تنفتح ما تقدرين تفجينها الا بمطرقه ههههههههه

جربتها وجمعت مبلغ محترم بس بهالوقت كنت همن اصرف المهم هالمبلغ طاااااااااااااار بدقيقه ماكو فاايده والله !!


والمشكله اني تعودت ع الصرف ودي اخفف بس ماعندي اراده !!

مشكووره ياقلبي ع المرووور ويعطيج الف عافيه

واوعدج بحااااااااول كثر مااقدر !

 

[عرووووس الكون]

انا نفس حالتج

ساعدونا بنات

الله يعين

بنات ياليت تعطونا حل جذري !!

 

[on line]

بس المصيبه اني مااشووووووف الناس تعاملني مثل مااعاملها !!

احس اني مغفله ياخذون حقي وانا اضحك
اول شي ابشرج انج راح توفرين لانج طرحتي مشكلتج والشي هذا بحد ذاته يفيدج لانج حاسه انه اللي يصيرلج مشكله

مابي اطولج علي
بس احب اقولج مو شرط البخيل يوفر بس الحلو الواحد يعرف حقه وحق غير
وفي حديث في مامعناه ان المبذير كانو اخوان الشياطين وصدقيني كلنا نعاني من هالشي وانا نفس الطريقه تمر علي ايام من استلم المعاش مايمر اسبوع الا خالص والمشكله موعلي علي الناس وفوق هذا لاحمد ولا شكر ولا ذكر بالخير المهم
بقولج طريقتي اللي قاعده اسويها وفعلا حسيت سويت كنترول شوي بحياتي

ام شي اربطي نفسج بشي مثل جمعيه يعني من 50 دينار لي 100 لمده 6 شهور او سنه
لان الجمعيه احس حيل تلزمني حتي ساعات ادش من غير هدف بس عشان الزم نفسي
وهم حطي لج صندوق بالبيت تحطين فيه حسن حاجتج يعني من 40 لي60 دينار توفير شهري وهالمبلغ تقدرين تستخدمينه للطوارئ بس لازم تردين المبلغ مره ثانيه مثال>انا كنت موفره 100 لمده شهرين وحبيت اشترك نادي لي ولعيالي وكلفني هالموضوع 70 دينار غير اللبس المهم حاولت ارد المبلغ هالشهر عشان من يجي الشهر الجاي اضيف هم عليه <

ثالث شي حددي مصروفاتج البنازين الاكل الجمعيه وناستج طلعاتج كل هذا حدديه مثال<اعيالي لهم مرتين بالشهر العاب بقيمه 20 دينار كل طلعه تتخلها الاكل
مع اني افضل اكل البيت وانا لي طلعه شهريا اونس فيها نفسي مثل طلعه مع صديقاتي مطعم سينما سوق مساج اي شي لي بروحي هم مايتعدي 60 او 70 دينار كحد اقصي
في ساعات اشتهي او يكون بخاطري تلفون او ساعه او كريمات عنايه او بدله كشخه اخصص لها ميزانيه وقت متي اشتريها يعني بخاطري تلفون ماشتريه بنفس اللحظه انطر للشهر الجاي واشتري وساعات اجل الموضوع لي شهرين
وبعد اشوف التزاماتي خاصه فاتوره النقال اللي تقص الظهر واللي كنت اعاني منها اقلب رفيجاتي ياايزي ولا اكسبريس وطبعا عارفه اوضاعهم لذلك احازول اذا مطوله السوالف معاهم اكلمهم من تلفون البيت وهم قللت الرسايل اللي احس مالها داعي وفعلا حيل قلت فاتورتي

وهم في التزامات تطري عليج مثل زواج صديقته او ولادتها او اي التزام او موجب طاري اخذه من المصروف اللي قاعده اوفره بالبيت عندي بس بشرط ارد المبلغ نفسه الشهر الجاي مهما كانت الظروف
في افكار واجد مسويتها والحمدالله احسن صرت وبنفس الوقت ماتحسين بحاجه احد ولا تتفشلين وتطرين حتي لو من الاهل
وفي بعد تري طلعات بدون صرف مبالغ كبيره مثل المنتزهات والحدايق العامه تري فيها وناسه دام الجو للحين حلو
وفي وحده من صديقاتي بالامارات تقول خالتها مسويه صندوق في اكثر من درج ومقسمه مصروفاتها بالادراج بحيث ماتفتح الدرج الا لنوع المصروف نفسه
احس قرقت واجد واي سؤال حاضره

 

[عرووووس الكون]

ياعمري ياكويتيه وديحانيه ماقصرتي

اخذي راحتج الموضوع موضوعج !!

بجرب اني اقسم المصرف مع اني جرب بس ماكو فايده والجمعيه مفكرا فيها !! بس للحين ماطبقتها !!

يعطيج العافيه وماقصرتي يالغاليه

 

[الاسطورية]

حبيبتي الكرم بحدود مثل ماقلتي يعني يوم يومين بالشهر عزمي رفيجتج على شي بس بالمناسبات قدميلهم هدايا اما الباجي خشيه
عني يقولج اول نقطه لحل المشكله انج تعرفين ان عندج مشكله دام عرفتي خلاص مسكي عمرج حطيلج مخطط يومي لمصرفج

 

[عرووووس الكون]

ثاااانكس يالاسطوريه نورتي الصفحه

وانا ماانتبهت انها مشكله لين شفت البنات اللي معاي مايصرفوووووون كلللللش !!

 

[Harmony]

ok حبيبتى انا اقولج يبيلج دفتر صرف
تقدرين تسوينه لنفسج سويه بالورد اذا تحبين المهم
الطريقة انج تحطين مصروفج الشهرى فوق و تحته تحطين المدفوعات الشهرية مثل البانزين و تحته التليفون و تحته الانترنت اذا انتى تدفعين الاشتراك
و اي شيء تدفعينه شهريا ينكتب هنى كل واحد بسطر و المبلغ يمه
و عقبهم يكون عندج سطر الباقى و تكتبين فيه باقى من المصروف عقب ما تخصمين المدفوعات
و السطر اللى عقبه تكتبين المصروف الاسبوعى و هو الباقى ÷ 4

بعدين تسويلج 4 جداول و تسمينهم الاسبوع الاول - الثانى - الثالث - الرابع
و تحت كل واحد

المعهد - الطلعه - البيت- هدايا مناسبات

و تقسمين المبلغ الاسبوعى على هالشغلاتو بس
بس ضروري تلتزمين باللى تحطينه و ما تتعدينه ابد خير شرحتى لو خلصتى مصروف الاسبوع باول يوم خلاص تقعدين بدون فلوس لين اييج الاسبوع الثانى
و احسن للبانزين انج تشترين الكرت علشان ما تهفج نفسج على صرف هالمبلغ
و اول ما تاخذين المعاش تسوين هالحسبه و تدفعين الشغلات الشهرية وتاخذين مصروف اسبوع واحد و الباجى قسميه على 3 ظروف و سكريهم وعطيهم امج و قوليلها لو اطامر لا تعطينى هالظروف و بداية كل اسبوع عطينى ظرف واحد
بالبداية بيكون صعب بس مع الوقت راح تكونلج عادة و ترتاحين و انتى بهالطريقة راح تلقين عمرج اول شيء بتفلسين من يوم الاحد بس بعدين بتلقين عمرج ياج الاسبوع اللى بعده و انتى ما خلصتى فلوس هالاسبوع :eh_s(15):

و الهدايا لازم تكون بالميزانية الاسبوعية او انج تحطينهم عقب سطر الباقى تخصمين مبلغ منه لهدية عيد ميلاد او غيره و اللى يبقى تقسمينه على 4 و بحاول اسويلج ملف الورد حقج و انتى تعدلينه حسب مصروفاتج بس لازم يكون مطبوع جدامج سوي نسختين وحده بالبيت على المنظره لزقيها او شيء و الثانيه حططيها بالجنطه جدامج عرفتى و يلا تعلمى تكونين مخططه لمصروفاتج :eh_s(9):

 

[عرووووس الكون]

حبيبتي هارموني فكرتج روووووووعه بطبقها باذن الله

بس اللي قاهرني اني ماعندي التزامانت مثل فاتورة التيلفون والبانزين ولا اشتراك النت لا هذووووول كلهم على ابووووي الله يطول بعمره

يعني فلوسي وين ترووووح ماادري !!


حياااااج الرحمن وفكرتج سجلتها وبسويها عن قريب !!

 

[نانا الكويت]

الله يعينج ويعين الحكومه اهلج علج

 

[رايقة1980]

يبيلك مدة طويله على ماتغيرين حالك

مثلك انا كنت... لكن الحين تغيرت 180 درجه

سوي جدول يومي
كل يوم يمر ماصرفتي الا المبلغ اللي حددتيه .. حطي علامة صح
وقيمي نفسك


وعليك بالصبر

قللي مصرفك بالتدريج







موفقه

 

[عرووووس الكون]

حياج الله اختي راااايقه


انا حالياااااااا بديت اسوي كنترووووووول

وان شاء الله استمر