عفوا ياقناة سكوب ...(الكويت عزيزة نفس)

[Om_Ksha]

قنااااااااااه هيلقيه ,,

http://www.youtube.com/watch?v=pElmPhB02is&feature=related

انصدمت لمن شفته !! وسالفه يسافر ولا يقعد حده اى شي غطوو عالهنوود

 

[lovely jojo]

اي والله صدقتي

 

[لمعة**الماسة]

انا معاج بكل كلمة

صراحة مسلسلاتها خلت الدول الثانية تظن إن بنات الكويت جذي بصورة سيئة

صج فيه زين وشين بس بكتب لكم موقف واحكموا

اعرف وحدة ملتزمة وتلبس عباة راس ودسوس ونقاب كامل كانت بالمدينة المنورة صادفتها سعودية كانت تسولف معاها ومن ضمن السوالف لما عرفت إنها كويتية انصدمت السعودية قالت معقولة انتوا جذي ؟؟؟؟ قالت ليش ؟؟؟ قالت بمسلسلاتكم اشوفكم غير ماخذة صورة سيئة عن الكويت تقول بس اشوفها بالمسلسلات قالت لها عاد الكويتيات الحمدلله بنات ناس وفيهم دين وعندنا ندوات ومساجد وكل شي واللي بالتلفزيون موكويتيات ولا يشرفون الكويت ...

هذا اللي خذينا من مسلسلات سكوب :0bee2e8d89:

 

[M!$$.3NoNa]

انا مو من لكويت

بس مايمنع اني اعطي رايي بلقناه نفسها بغض النظر عن اي شي ..

الصراحه القناه واايد تلوع الجبد وكذا مره اقعد ابي اشوف شنو الفايده يعني شنو الي تبي توصله حق الشعب والناس عامه

ما القى غير

الحجي !! ووتكبير المواضيع والزوبعه الي تعور الراس الصراحه .( وعلى طول اغير القناه لانها فعلللللن تعور الرااس )

خصوصاا الي يسمونه بوعيده (لله يهداه ان شاءلله ) يعني مادري شيبي

 

[Miss_Moon]

صااااجة

 

[Stylista_Q8]

أبي أفشل من هالقناة ماااااااااااكو ماظنتي أحد يطالعها ويتابعه غير الهيلق بصررااحة

شالحلو فيهـآا بالذمه ؟!

واما سالفة القروض بصراحة انا ضد انه يطيحون القرووض

واللي خذا قرض يتحمل محد طقه على إيده !! صج الظروف حدته بس لازم يكون دارس الموضوع من قبل

مو ياخذله بعدين يتشكى يعني المفروض اهو عارف القمنده "الفوايد بتزيد معه السنين"

والقروض حراام من البنوك الربوية > اللي تاخذ فوااايد

ولا يكون لما سكوب تتكلم عن القروض الحكومة بتسمع لهم > اقول حلم ابليس بالجنه ^^

والله عاد لما سكروها استانست بس يا فرحة ما تمت لووول

وردوها

بس زين سوت فيهم النيابة برمضان سكروا برنامجهم بس ردوه عينهم قوويه !

وسوري ع الهذره الزاييده :$$

وثانكيو ع الموضوع ~

 

[البنفسج]

..


أولاً .. مشكوره ع الطرح الرااااااقي .. والانتقاد الجيد لأنج أبديتي رايج بأدب وما جرحتي أحد ..

ثانياً .. قناة سكوب .. أو "صوت الشعب" .. أو بالأصح .. "صوت فجر السعيد" !.. هدفها سياسي

"بحت" ..

بدت القناة بمسلسلات .. فاضحه .. وماتمثل أي شي من الشعب الكويتي .. بالعكس .. (شوهت) صورة بنات الكويت

للأسف .. وقسمت المجتمع لطبقتين بس .. الطبقه المخمليه .. والمسحوقه !.. ودايمن الغني متكبر وظالم والفقير يذل

نفسه عشان يوصل للغني !.. والممثلات "المحترمات" جداً .. أمثال (شيماء علي وانت رايح) !.. صورو صوره

خااااااااطئه عن بنات الكويت !.. يعني كلنا نلبس قصير ونتمشى بالشوارع لنص الليل وشعورنا قاصينها بوي !..

شهالتخلف ؟؟.. ما أدري شالهدف السامي من تشويه صورة البنت الكويتيه !.. هاذا كله ..


(مقدمه) لغزو فجر السعيد !..

فجر السعيد .. مو أكبر همها .. المواطن وقروضه !.. ولا أكبر همها ان تدخل بسباق مع مسلسلات رمضان !..

هدفها سيااااسي .. أصلن القناة مالها توجه محدد ومعروف !.. كل جم شهر تغير مواضيعها !.. وليت التغيير للأفضل !..

لأ .. للأسوأ .. أنا كويتيه .. بس نصي سعودي !.. خوالي وخالاتي بالسعوديه .. يوم اطلعت هالقناة وربي انصدمو !..

يقولون من عمر نجيكم ونشوف شعندكم ماعندكم .. عمرنا ماشفنا هالمشاكل كلها بالكويت ..


وهالقناة لو مو طالعه والله

أحسن !.. لأنها غيرت نظرت أغلب الخليجيين لنا .. صح عندنا مشاكل .. وصح عندنا فقارى بالكويت ..

بس "موو لهالدرجه اللي مصورتها الفاضله فجر السعيد" !!.. والمشاكل لو انحلت (بدون اعلام) أفضل ..

ألحين وش استفدنا ؟؟.. اللي تمدح القناة .. أتمنى تقولي .. (( من اطلعت القناة .. كم مشكله انحلت ؟؟..))..

بالعكس .. حتى الصغار حسو بخوف !.. استغربو .. قالو كل هذا بالديره وحنا ماندري !..

جنه خلاص الكويت يتنتهي !.. شستفادة فجر ؟؟.. ( مانحلت مشاكلنا / افضحتنا بين الدول وصارو يتشمتون /

خلت الناس

تمشي وتدعي عليها !!..) .. الحسنه "الوحيده" اللي اطلعت فيها .. انها علمتنا ان الأعضاء جذابين وبايعين ذمتهم !..

ويوم استانسنا !.. اكتشفنا انها فاضحتهم ( مو ل لله ) !.. لهداف شخصيه .. والله أعلم لشنو بتوصلنا !..​

 

[مرافئ الذكريات]

قناااااااااااااه فااااااااااااشله
مستحيل اتابعها

 

[زقرتيه]

لووووول اييي والله قناااااة الهييلق

و يشوهوون صورتناااا

و المشكله القناة فااشله شووفو الالوان و الكاميرات دسكستنج مافي تطوور

 

[افوق الوصف..~]

ااممممم حبيت اقول كلمه اصلا فجر السعيد ماتمثلنا ولاتمثل الكويت اهيا ماتمثل الا نفسها
ويعطيج ربي الف عافيه يالغلا
ودي:

 

[al_kadee]

للأسف قناة سكوب فاشله فاشله فاشله.. بكل ماتحتويه الكلمه من معنى


أول بلاوي فجر السعيد المسلسلات إللي غيرت نظرة الخليج وكل الدول العربية تجاه البنت الكويتيه

وخلت البنت الكويتيه تشرب شيشه بأنصاف الليول بالمقاهي وخلتها بويه ولا حطت حل بالعكس


تطرح المشكله وتخليها جنها تشجع الناس على هالشي


واعيال الكويت كلهم مخدرات وكلهم مغازلجيه.... وامهاتهم كلهم نجريات ومهاوشجيات وقليلات ادب


وان الكويت عادي اعراسهم وحفلاتهم مختلطه وين قاعديييييييييييييييييييين وين قاعدين يافجر السعيد

احنا بالكويت ترى ..... نعم زينب العسكري ويعقوب عبدالله والحربي ومادري منو معاها من البنات

مسوين حفله ببيتهم ويترقصون مع بعض ترى احنا بنات أصول وعيب عندنا البنت ترقص جدام الرجاجيل

واحنا اعراسنا وحفلاتنا ولله الحمد مفصوووله...


ويوم خلصت من المسلسلات وفشلت وخصوصا آخر مسلسل دار الهوى إللي فشل بشكل ذريع

لأن هالمسلسل مافيه غير التمدح لبرامجها كل الممثلين االلي فيه يقولون ياحلووو بوعيده وياحلو كلامه

والثاني يقول حطوا حطوا على سكووب>> اشكره تسوي دعايه لروحها استغفر الله ياربي



وطبعاً يوم خلصت من مسلسلاتها اتجهت للسياسه وماخلت أحد ما طبت فيه

تطنزت على المطاوعه وخلتهم مايخافون الله و يترقصون يابنت الحلال اتقي ربج

لا تطعنين بذمم الأوادم انتي ماتدرين شنو بالقلوب

ومو بس المطاوعه تطنزت على كل وزراء الكويت وكان التركيز التطنز على طريقة كلام الوزير وعلى شكله

بشكل يثير السخريه... لاحول ولاقوة إلا بالله

وراحت النيابه وصكت البرنامج وردت فجر تعرضه بإسم ثاني... يعني مصممه تكسب ذنوب

وصج هالقناة قناة تثير الفتن وياليت نسمع بخبر إغلاقها للأبد ... بالقريب العاجل ياااااااارب

ومشكووووره على الموضوع بس صج جبتيها على الجرح لان من زمان باطه جبدي هالقناة

وكنت بكتب عنها ... وشنو الهدف من ورا برامجها التافهه ولا الإستيديوات اللي يبثون فيها

من سنة ألف وحطبه تفشل ولا مذيعينها اللي كلهم جنسيه ثانيه وبعضهم بدون ويتكلمون عن الكويت


وانا ما أقلل من شأن البدون بالعكس بعضهم متعففين واعيال اصول بس فجر السعيد تطلعهم بصورة

اللي يذلون نفسهم وماعندهم كرامه وهم اكبر من جذي

 

[المستبده]

لا ونسيتي بعد تذكرين ان صادوه 6 وبرامجهم كلها مفبركه واستخفاف بعقول المشاهدين
والمشكله مايدرون ان قاعدين يمسخرون عمرهم
واللي مومصدق حطو عاليوتيوب بعنوان فضيحه صادوه 6 حلقه سعود الشويعي
وشوفو المسخره
واسلا من قبل لانشوف الفضيحه كان مبين ان مفبرك

انا اقول حق فجر السعيد سكري قناتج ورجاءا مانبي مسلسلاتج
لان زمانج انتهى ويت مكانج هبه مشاري حماده وغيرهم

 

[حفيدة عمر]

فعلا كل المسلسلا ت شوهت سوره بنات الكويت
يا ليت اصلا ما نتاببع مسلسلات لانه اولا قبل انها حرام مشاهده لمسلسلات لان فيها موسيقى ومناضر مو حلو واصلا حتى اللبس مو لبس الخليجيات المستتر سار فاضح ورجل وحرمه مع بعض كانه ريلها حراااااااااام والله يا بنات مايسير مشاهدتها
والحمدلله الحين كثير بنات بطلو يطالعون مسلسلات لانه سيئاتك تزيد طول مني تشاهدينها

 

[بدووورة]

اغبى قناه واغبى برامج واغبى مذيعين

ويع

وصاجه بكلامج حياتي

 

[layan 23]

سكوب قناة الفتنه
وفجر السعيد قووويه ماتهاب احد

والله يستر على ديرتنا من كل شر

وكل انسان عنده قروض والقرض مو حرام فعادي يعني القروض بس سكوب مكبره الموضوع ومهوله فيه ومخليه الكل يتشمت فينا
شدعوه يعني اللي ماخذ قرض يتحمله ومومعنى كلامي اني بخير وماعلينا قروض
لاوالله اغلبية اهلي ماخذين قروض بس موعيب

والله يحفظ ديرتنا ديرة الخير والبركه في ظل ال صباح

 

[pure feminine]

كل دوله فيها ايجابياتها وسلبياتها

بس الكويت الدوله الوحيده المسكينه الي ما يطلع الا سلبياااتها

اصلا يكفينا فخر اذا قلنا كويتيين والي يسافر برا يحس بهالشي

وعلى مستوى المنطقه احنا مستوانا وين واهم وين

الله يحفظ ديرتنا

وقناااة سكووووووب فاااشله وترفع الضغط ولا هي صووت الشعب ولا تمثلنا

وكذا مره يسكرونها ومادري شلون ترد تبطل قمة المصاخه وقلت الادب

 

[يعجبني شموخي]

تسلمووون عالمشاركه بالموضوع .....

 

[Bent extra 3asal]

انا معااااااج بكل كلمة قلتيهااا

صج صج تشوهت سمعتناال

مادري اهيا تبي توصل لي شنوو

كله صووب و والمسلسل صوتك وصل مادريي شنووو اسمه صوووب

وصلت فيها تكتب حلقه عن الكويتي الي جنسيه الاولى والي جنسيه 7 او 13 مو عييييبنعاير بعض

استغفر الله انا من الله ما ادانيهااا

والله يهديها

 

[kekat kakaw]

فجر السعيد .. تمثل نفسهاااا .. ما تمثل شعب الكويت كلش

 

[~عسل~]

قناة فاشلة بكل المقاييس .. لا من مذيعين ولا من ستديوات ولا من إشراف ولا من شي
يايه بدون مقدمات عشان تمثل أرقى الشعوب ..
لا هالقناة ولا عشرة من أمثالها يقدرون يشوهون سمعة الكويت ولا بنات الكويت
بالعكس شوهو صورة نفسهم والكويتيين الحمدلله كلهم عايشين بخير ونعمة عمرنا ما سمعنا عن كويتي ميت من اليوع
أو كويتي مو لاقي مكان يسكن فيه .. وما أظن أحد ياخذ فكرة مو زينة عن الكويت عشان اللي شافه من هالقناة
لأن كل الناس يدرون إن هالقناة فاشلة فاشلة فاشلة ما تمثل إلا صاحبتها


وثانكس عالطرح حبوبة بردتي جبدي