عفيه بروح تايلند وما عرف فيها شبر واحد..أبي خبرتكم

[ضحية زمن]

السلام عليكم..شلونكم خواتي..الموضوع باين من عنوانه..
سفرتي لتايلند..وبغيت واللي يعافيكم..خيرتكم في هالدولة..
من كل شي ..أبي مكان(فندق) نظيف للسكن..وقريب من السوق..حريم؟؟
وبغيت الأسوقه الحلوه واللي أسعارها زينه ومعقوله..للشنط والساعات والأحذية وأنتم بكرامة..
أدري طولت عليكم..بس عشمي فيكم كبير وما راح أتخلوني,, لما لجأت لكم..تكفون لاطولون علي سفرتي بإذن الله الأحد الجاي..
وأنا بانتظار ردودكم..عسى الله لايحرمني منكم

:33_1185028183:

 

[ضحية زمن]

4 شافوا الموضوع..ولا وحده رفعته بدعوه..
عسى العوض في اللي راح يدش..ولحد ألحين عندي عشم في خواتي
ودتم سالمين

 

[جوك احلى جو]

فندق حلووو اسه ويندسور سويت

وفي فندق لاند مارك

او اسيا هوتيل

بس احلي واحد ويندسور

هذا اللي اتذكر اسمه اهما وايد ترا وااااااااااايد سوقه انتي لارحتي الفندق خلي يكتب لج اسماء السوقه والمولات بورقه بلغتهم وانتي كتبي يمه بالعربي عشان التاكسي يفهم شنو تبين ووين يوصلج

شارع نانا رود هذا شارع كله عرب وفي مطاعم عربيه وعراقيه وايرانيه

 

[منووور]

للرفع

 

[سفرجل]

والله انا حجزت لفندق بوتنق بيتش في بوكت
وباتو سكاي في بانكوك احلى شئ
وانا كنت مجربتهم ولو مو مرتاحه منهم ومن موقعهم جان ماحجزت مرة ثانية
وانا بعد ان شاءالله يوم الاحد 26 من الشهر راح اروح بطيارة تايلندية

 

[butterscotch]

في بانكوك انا كنت قاعدة في فندق لاند مارك في منطقة سيام حلو وراقي
والمواصلات مرتين ركبنا تاكسي والثالثة تهاوشنا و*بعدها اعتمدنا هلى الخريطة والقطار.
وااايد سهل التنقل فيه ووايد وفرنا صراحة وعلى قولة ريلي نوطك بو ألف بجيبك راكب قطارك (لان عندهم نوط بو الف ههههههه)
والله يسلمج في مجمع اسمه (ماهبونكرونج) واختصاره mbk وايد حلو كل شي فيه
وفي مجمع ثاني حبيته بس ماني ذاكرة اسمه.. اي وعندهم سينما جن اسمها ديسكفري جربي حجزي vip رووووووووووعة .
أما في بوكيت قعدنا في فندق و منتجع اماري كورال بيتش موقعه رهيييييب بس لازم تاخذين الغرفة اللي على البحر يعني تقعدين من النوم تشوفين البحر وهالنوارس وطبعا شجر جوز الهند.
وفي بوكيت الشي اللي لازم تجربينه ركوب الفيل وناااسة.
والفانتسي شو لااااااازم لااااااازم تشوفينه اهو عبارة عن استعراض مثل المسرحية عن قصة مدينة نسيت شسمها.
العرض رهيب واللي يطب بوكيت وما شافه جن ما زار بوكيت.
هذا كل اللي اتذكره الحين
وانشاا الله تستانسون

 

[سفرجل]

افلام باللغة الانجليزية ومترجم عربي ولا اشلون؟؟؟

 

[butterscotch]

افلام باللغة الانجليزية ومترجم عربي ولا اشلون؟؟؟

افلام اجنبية بس مترجمة تايلندي

 

[كيوت فاشن]

صراحة روووووووحي وانت مغمضة وصدقيني وايد اسوقة عندك مجمعات بإسم روبنسون و مجمع فيه الاكواريوم حدة راقي وانصحك تروحين كلة بالقطار لان زحمة و التاكسي ماراح يمشي وفوق كل هذا غالي

 

[ضحية زمن]

يسلم لي كل من رد علي..
وعفيه نسيت شغله ابي اسأل عنها..بغيت سوق الخام..يمدحون الحراير عندهم..وين الاقي هالسوقه..

 

[بندولة]

هلا اختي .. انا والله ماعرف عن سوق الخام اول مرة اسمع منج !!
بس عندج مجمع mbk هذا مكون من 7 ادواار عجييييييب، وروبنسون هذا مثل مجمع بس صغير مكون من 3 ادوار بس حده رووووووووعه وعندج بعد china town عاد هذا لاااااازم من الصبح يعني الساعه 10 انتي هناك لان اذا صارت الساعه 11 مايوديج التاكسي لان يصير زحمه ديري بالج من هالنقطه !! وعندج سوق اسمه ( جاتو جا ) =chatu cha هذا بعد لااااازم من الصبح لان كبير بشكل ماتتخيلينه ومفتوح يعني بالحر بس عادي احنا تحملنا لان مايتطوف الصراحه نفس china town مبطل بس يسوى والله ،، عندج بعد مجمع سيام سكوير ، مجمع بوبا هذا مختص لملابس الاطفال ، مجمع سينترال ، مجمع باراجون ، مجمع وولتريت سنتر ، باتونام هذا بعد مبطل بالحر وحده رخييييص ... وانشالله تستانسين وتردين بالسلااااامه حبوبة

 

[خوخة الحلوة]

هلا حبيبتي انا تون رادة من تايلند
عندج فندق لاند مارك حلو وجنب شارع العرب نانه
والي تقولج ان تايلند غالية مو صج بالعكس
التاكسي عداد وفيج بالسوق ما كسرتي عندج سلوم نايت وعندج البانقبونق سوق الليل في كل
شي تقليد ماركة بس كاسري
وعندج mbk روعة المجمع

 

[خوخة الحلوة]

صج عندج الاكل الحلال المطاعم العربية وكنتاكي
ومكدلز بس الدجاج حلال والسي فود الاسماك والباقي لا مو حلال ديربالكم

 

[ام الحوراء زينب]

حبيبتي بانكوك احنا سكنا فندق جراند دايموند حده عجيب ويم مجمع باتونام
وعندج التسوق باتونامى وام بي كي وطوكيو سنتر وشارع العرب

 

[جورىة2]

على اي طيران شكلى معاااااااااااااااااااااااااااااااااااااااج

 

[ام عيالها الغاليين]

واي ياحلات تايلاند تهبل والله

أنا غن شاء الله 8/8طايرة على الاتحاد نلطرة السفرة على أحر من الجمر

تايلاند جدا جدا رخيصة بس عليج بالمكاسر إذا قالوا 800بات قولي 250لماتوصلين للسعر المعقول

أما بالنسبة للفندق أنا دايم أحجز في بريسيدينت سوليتير رووووووووووووووعة وراقي لأبعد الحدود مع إنه بعيد شوي عن السوق بس أنا وايد مرتاحة منه ورفيجتي دايم تسكن في جراند دايموند تقول أكثر من روعة وعند السوق

الأسواق تارسه بانكوك عندج مجمع طوكيو / إم بي كي / الباتونام / بوبي / سوق الأحد / الحي الصيني

بس على فكرة مهما فتريتي ماراح تشبعين انا لو الود ودي جان كل شهر طايحة هناك ونااااااااااااااسة

 

[ام عيالها الغاليين]

ونسيت أقولج لاتنسين تركبين التك تك ترى وناااااااااااااااااااااااسة

 

[ام الحوراء زينب]

للاسف كان ودي اكمل اقعد بس طاح الجنين فمجبورة ارد عشان اسوي العمليه
تروحون وترجعون بالسلامه

 

[@صاحبة السمو الملكـــي@]

بناات منوو مساافره على التايلنديه من قبل؟

 

[ام الحوراء زينب]

ارفيجتي توها ردت الكويت وكانت الرحلة على التايلنديه كويت بانكوك كويت
اتقول صج حلوة ومريحه ماشاءالله عليها