عفيه بنات ساعدوني ... اللي سوت عمليه لوز حق احد من عيالها تدش جزاكم الله خير

[بسبوووسه]

وياللي يعافييكم اللي احد من عيالها مسوي عمليه شيل اللوز ترد علي


وين سوتها اي مستشفى ؟؟؟؟

و عند اي دكتور ؟؟

و شنو الاعراض بعد العمليه ؟؟

ولدي حبيبي كل شهر طايح من بلاعيمه و لازم اشيلهم له لأن مامنهم فايده قاعد يخففون من مناعته
وتو صغير عمره 7 سنين كاسر خاطري

فنويت اسويها له انشالله
بس قلت ابي اسمع تجاربكم علشان تفيدوني بلييييييز:0bee2e8d89:

 

[سارونه87]

هلا حبيبتي
انا اختي سوتها بالمواساة عند دكتور مصري ماعرف اسمه
بس خوش واحد
واحسن لج سوي العمليه واهو صغير
بأسبوع يرد الوضع طبيعي لانهم يسوونها بالليزر يعني ماكو جرح ولا خياط
واعراض العمليه ماكو اعراض بس اللهم انه ماراح يقدر ياكل عدل يعني كله سوائل وزاشياء بارده
وسلامته يارب مايشوف شر
اتمنى اكون فدتج

 

[** مـاروكـو الصغيرة **]

حبيبتي انا سويتها لا تخافين ما فيها شي وصج ارتحت رااااااااااااااااحه قبل العوار يذبحني ما اقدر اكل شي ولا ابلع ريجي

انا سويتها بمستشفى الصباح عند دكتور بدر بس بدر شنو مادري لانه من زمان

بعد العمليه راح يكووووووووت في عوار لمدة 10 ايام وكله يعطووووووووووني برييييييييد بالطبيب وسوائل بارده كثثثثثري من البرد بعد العمليه وبعد ال 10 ايام مااكو ولا شي ان شاء الله

والحمد الله عالسلامه مقدما

 

[بسبوووسه]

مشكوريين وما قصرتوا خواتي

بس بنات ياليت تفيدوني اكثر
اسم الدكتور و اي مستشفى و جم كلفت العملييه

 

[سارونه87]

على ايام اختي سوتها ب 420
قبل ست سنوات

 

[أم حمـــــودي]

هلا حبيبتي اول شي ما يشوف شر ولدج وثاني شي انا ولدي كان عمره 8 سنين سويتله اب مستشفى الاتصالات لانه طفل والاطفال يحولونهم الام تي سي وبعدها شافه الدكتور وقالي فيه لوز وبجيك على اللحمية عشان تكون عمليته مره وحده لا يتأذى الولد كل شوي ولما شاف الدكتور قال خلاص بنسويله اللحمية واللوز مع بعض وترا والله سهاله لا تحاتين شي يدخل العمليات الصبح ويطلع من المستشفى العصر أو المغرب بالكثير واسم الدكتور د. بدر الكندري ممتااااااااااااااااز والله يشفي ولدج ويقومه بالسلامه ويبلغج فيه معرس ياااااااااااارب

 

[بسبوووسه]

يابعد عمري ام حمودي مشكووره و ماقصرتي
وسارونه

 

[توت عنكبوت]

انا سويتها لعيالي الاثنين الولد صارت بلندن .

والبنت سويتها بالعدان وسهالات ان شاء الله بس ألم كم يوم بعدا لولادة وبس وينتهي مشوار اللوز

 

[بسبوووسه]

شكراا

 

[حناينq8]

سوتها حق ولدي لمن كان عمره 4 سنين

عند د 0 عبدالعزيز عطيه بمستشفى السلام


بنفس اليوم طلع

بس ظل دايخ ويرجع دم لمده يوم واحد وتوكلينه جلي وبرد واشياء سوفت

ومايشوف شر ولدج حبيبتي

 

[بسبوووسه]

الشر مايييج حبيبتي و جزاكم الله خيير

 

[فناتق^كويتيه]

شوفي حبيبتي انا سويتها لما كنت بالثانويه عند الدكتور عبدالله العلي بمستشفى هادي
وطبعا الدكتور انا اعتبره افضل دكتور بالكويت ماشاءالله عليه فاهم وملتزم وحبوب
اول يومين كان مكانهم يعورني تعبت وكله اكل اشياء باااارده

وقبل جم شهر سويت حق بنتي عمليه باذنها عند الدكتور عبدالله العلي بمستشفى هادي
الدكتور عارف شغله وشاطر
انصحج تسوينها عنده
وعيادته بحولي

 

[بسبوووسه]

مشكووره حبيبتي اي انا ناويه اسويها بالهادي

لأن يم بيتنا
ف ما ادري اخذ من دكاترتهم ولا من بره

 

[Pissy Missy]

حبيبتي انا سويت حق ولدي وكان عمره سنه 9 شهور بس

اضطريت اسويله لان كان عنده لحميه وخلقيا اللوز كبار فلما كان يطيح مريض ( بالشهر ومرتين ) كانت تضخم عنده اللوز ومايتنفس فالدكتور قالي انه هل شي خطر على حياته وانا مضطر اشيلهم

سويتها بمستشفى الاتصالات بالصباح عند دكتور عبدالمحسن الابراهيم وايد شاطر والحين بطله عياده في اعتقد اسمه مجمع الخليج او شي جذي صاير يم فندق النخيل قبل حديقة الشعب

صج حبيبي تأذى وايد عقب العمليه لان كان وايد صغير وما قام ياكل بس الحمدالله 10 ايام وصار زين

 

[من بعيد]

سويها عند عبدالله العلي

انسان ممتاااااااااااااااز ماشاءالله

احنا عندنا وراثة سالفة اللوز ، فـ لما تشيلينه والولد صغير حييييل أحسن
حتى الصغار يطلعون بنفس اليوم ، عكس الكبير يتعب حيل

أنا وأختي شلناها يوم كنا بالابتدائي

وأمي سوت عملية الحاجز الأنفي عند عبدالله العلي

أبوي قبل شهر سوّا عملية لوز ، ورفع سقف الحلق عند عبدالله العلي ، بس تعب شوي لأنه كبير
وفيه معاه أطفال اسم الله عليهم طلعوا بنفس اليوم عادي ، بس الكبير غير

و3 اخواني الصغار ان شاء الله كلهم بيسوون عنده

سوي له وهو صغير ، بيرتاح طول عمره ، اللي ما يسوي اللوز وهو صغير يظلم نفسه ( نفس أبوي الله يخليه لنا ، تحسف انه ما سواها من زمان )

وماتشوفون شر : )
ماشاءالله حيل ممتاز

 

[nice-girl]

انا سويتها حق ولدي يوم عمر 3 سنين مستشفى mtc
ثاني يوم طلع
طبعا الاكل كله سوفن ...جلي..ايس كريم...
بس يعور القلب ذكرتيني بالمعاناه يوم دش العمليه ادز على قناه العفاسي يدعون لولدي يقوم بالسلامه
والحين ياي الدور ولدي الصغير ماكملت سنتين