عفيه بنات ساعدوني حبيبي يعايرني ويطنز علي ينني تكفوون

[يرموكيه]

بقولكم قصة رفيجتي اللي اهيا تعتبر اختى واكثر من اختي
اهيا تحب وااحد من فوق السنه وعلى كلامها حبوب ومحترم ومزيون والصراحه انا شفته من بعيد لوووووووول وكل شي
واهيا موقاصرها شي بنت شهادتها جامعيه وتشتغل بوزاره مرموقه وموقاصرها شي
بس بط جبدي لما قالتلي عنه بط جبدي معني انا كاتبه هالموضوع من غير ماتدري
انه دايما يعايرها يقول انا اصيل وانتي يالمواصيله انتي تحلمين تاخذين واحد مني
انا لو ابي اخذ اي بنت بالكويت اخذها ومحد يقولي لا انا ابوي شيخ قبيله
معني يوم سالت عن قبيلته مايتعدون الالف بالكويت
وانا بسنع النسل مالكم احمدي ربج باخذج
لو انتي ملكة جمال العالم مافي واحد نفس اصلي ياخذج
احمدي ربج بتحمل ان نسايبتي مو اصيلين
اصلا ابووج ان درى اني باخذج بيحط اعلان بسيارته وره بنتي ماخذه
ولد الفلاني
اما اباجي الاشياء لا حشى مو مقصر معنها بشي
واهيا مغثوثه منه ومنقهره ومعنه يحبها ويموت عليها وجريب يتزوجها تكفون عطوني حل
لانه البنت قامت تحز بخاطري​

[/size]

 

[كويتيه مذهله 87]

مسكينه رفيجتج
ولها كرامه تكلمه بعد ؟!!!

 

[فوفو22]

باختصار

لو عندها كرامه

تحط عليه delete

الى يوم القيامه

 

[عاشقة_الجمال]

خل يوووولي

هذا واحد تفكيره تفكيررررررررررر يهال

واذا هذا اولها ينعاف تاليها

بيتم طوول عمره يعاااااااااااااااااااااااااااااااااايرها

 

[ام الدرر]

شهر صيام وعبادة
الله يهديكم ان شاءالله​

 

[white**angel]

واهي مصدقه انه يحبهااا
الي يحب عمره مايعاااير الي يحبه
انا لو منهاااا وعندي كراامه اقوله مع السلامه الف واحد يتمنااني

 

[واقعية حـلـم !]

واي تضيق الخلق السالفة


اشلون راضية ؟؟؟؟


شكلها معطته انطباع انها ميته عليه

 

[محبوبه25]

رد : عفيه بنات ساعدوني حبيبي يعايرني ويطنز علي ينني تكفوون

امبيه مو صج
يعني كل هالمعاير واخر شي اتسمي هالانسان حبيبي ؟؟
هذا وااحد ياهل تفكيره تفكير يهال لو يستحي على ويهه ماقال جذي
و رفيجتج ماعرفت اترد عليه مفروض اتقوله محد احسن من احد الا بالاخلاق وشكله مافيه ذره من الاخلاق على هالكلام

 

[محرومة من الحب]

رد : عفيه بنات ساعدوني حبيبي يعايرني ويطنز علي ينني تكفوون

شنو هذي من بششررر

ماكو كرامة وبالشهر الفضيل ؟؟؟

عيب والله عيب خل تقطع علاقتها معااه هالهيلقي وتروح تدعي ربها عسى الله يرحمها ويعوظها خيير

 

[Miss.6Mo7]

هذي سوآلفه وقريب يتزوجون ؟
شلون بتجآبله بآجر !!

ذكرنـي بـ مسلسل ليلة عيـد (( أنآ من الطبقة العليآ وإنتي من الطبقة الكوحيتي )) !! , وآخرتهـآ قآلهـآ تسلفي من الجيرآن !!
إظآهر إهو نفـس الشي , آلله لآ يبلآنـآآ

 

[اميرة-الاحجار]

ماعندها كرامه الصراحه

 

[.. مـــلاكـ ..]

خل يولي
هذا ما يحبها
لو يحبها ما يقول جذي

 

[روحي تحبه غصب]

بصراحه سوالف يهال

 

[أ. غدير مال الله]

لفتت انتباهي هذه المشكلة.. وهي في الواقع منتشرة بين البنات هاليومين .. إن البنت تقدم تنازلات علشان مشروع زواج وحب مو متأكدة منه .. مشكلة البنات الأحلام والأوهام اللي ما تخليهم يسمعون صوتهم الداخلي اللي غالبا ما يكون صادق .. اللي يحبني يحبني بدون شروط وضوابط ، ولا فروق واختلافات ، ويتقبل كل مافيني .. وإذا كان مو متأكد هذي مشكلته فليراجع هو نفسه ..
أنصح كل بنت .. حبي نفسك .. يحبك غيرك .. وهذه البنت لما قال لها هذا الكلام ، تأثرت وأحست بالنقص .. فأكدت له وهذا وهذا طبعا خطأ.. كلامه أبوك يفعل كذا ..أين احترام أهلك ومكانتك .. ولو سمحت المرأة للرجل بأن يتطاول بالكلام على أهلها .. فلتبشر بالخير بالمستقبل فما من موضوع أو اختلاف إلا وأهلها موضع استهزاء الزوج لأنها هي سمحت له في البدايه

والصحيح أن كل إنسان له احترامه وتقديره فكيف بالوالدين ..

نصيحة هذا الانسان لا يتمتع بأخلاق رفيعة .. ورجل منان سوف يؤذي زوجته بالمن والأذى .. الزوج الذي يسعد زوجته عكس ذلك تماما والدين علم بذلك فاشترط للزواج ( من ترضون دينه وخلقه ) ولم يقل الدين فقط لأهمية الأخلاق في الحياة الزوجية ..
وأخيرا ليس من الدين من يعير الأنسان بأصله .. وهذا مرفوض ..
واضح أنه لا يتمتع بدين ولا خلق كافي ، ففي هذه الفترة يتجمل الطرفان بأفضل ما عندهما ليعجب كل طرف الآخر، ومع ذلك تسمع منه أمور كهذه ، فكيف إذا أخذا كل طرف على الآخر واعتاد عليه فماذا سوف يسمعها ..فأنصحها بالهروب من شخصية كهذه والمولى تعالى بيده كل شي وهو الرزاق ..

 

[ســكره ورديه]

وش ذا

ومصدقه صديقتك انه يحبها ياحلييييييييييييييلها

هذا اذا بيتزوجها اذا

بيجلس يعايرها ويذلها

ترا لو عندها ذرة كرامه بس

ماتسمح له يتكلم عليها بهالطريقه

انا لو بس قال ابوي بيفرح انه هو بياخذني ياشيخه لاادوسه بنعالي

ليه ابوي راسه نازل بالقاع ولا ذليل عشان يحط اعلان بلوحة السياره

لو غيرها اللي ماعندها كرامه ولا حتى احساس وجالسه تضحك على نفسها

كانت قالت ذكر ابوي بس يشرفك

صديقتك هذي غبييييييييييييييييه مع احترامي بصراح انا هنا عصبت

لان المصيبه تضحك على نفسها >>يحبني<<
ياحليلها وربي

قبل الحب في احترام اذا مافي احترام مافي حياه بين اثنين


قولي لها تتفل بوجهه وتتركه بلا هبال

وترجع لربها وربي يعوضها ولاخوفي ان كلامه مأثر عليها ومصدقه انها في العااااالي وهي في النازل وراح تصير شي اذا بقت معه....!

 

[البيرق العالي]

رد : عفيه بنات ساعدوني حبيبي يعايرني ويطنز علي ينني تكفوون

استغرب من اسلوبج احس انج رجال

 

[الهندية]

استغفلر الله واتوب اليه

هذي وين كرامتها

 

[هتـــان]

رد : عفيه بنات ساعدوني حبيبي يعايرني ويطنز علي ينني تكفوون

لو يحبها كان حشمها وحشم اهلها بس انسان عقليته عقيمه جاهل وتافه
شلون تاخذه وع وع وع وع والله لو مكانها مااآخذه لو اقعد عانس ابرك
اللي هذا أوله ينعاف تاليه اذا كان تفكيره كذا المفروض تخليه شتبي فيه
أهم شئ تدوره المره بزوجها او الشخص اللي بترتبط فيه الاحترام والتقدير
وهذا لا يعرف لا احترام ولا حشيمه

 

[عالمي المجنون]

اذا تبيه وحابته بس هذا عيبه

من رايي انها تعطيه كلام يسم البطن

وتقوله دام اصلي وفصلي موعاجبك اشحقى تبيني؟؟

روووح حق بنات الاصل والفصل محدن ضربكم ع ايديكم

اقصد محد قاصبك علي

 

[al-musk]

لوعندها ذرة تقدير لنفسها ولهلها وامها وأبوها وطوايف أهلها ماتفكر تاخذه وتقطه بوجه بعد مابيك وروح خذلك وحده من ثوبك أحسن..وكل الناس سواسية المهم الأخلاق والإحترام هذا الي بتعيش وتتعايش معاه مو أصله..إحنا ماننكر ان الرسول قال تخيرو لنطفكم بس محد جا من فقع وكل واحد أصله معروف وعيب عليه هالكلام..وهي تستاهل الي يصير فيها لأن ساكته عن إهانتها وإهانة أبوها حشى مناسب الأب هارون الرشيد عشان يعلق لافته بالسيارة.........

والله الي هذا اوله ينعاف تاليه ... ومبين مستوا تفكيرة وتفكير اهله