عفيه بنات ساعدوني حبيبي يعايرني ويطنز علي ينني تكفوون

[ستروبريه]

هذا يلعب حبوبه شهالكلام
انا اقول خل تهده وتعطيه طااااااااااااف اتوقع مو ناقصها شي واذا بيتقدم بلا هالمكالمات المحرمه اللي يعايرها فيهم باجر
وشكرا

 

[bantnife]

رد : رد: عفيه بنات ساعدوني حبيبي يعايرني ويطنز علي ينني تكفوون

الحقيقه انا عجبني وايد رد الاخت الفاضله ( وانا الحقيقه مااصدق انه ف ريال طريقة تفكيره سطحيه لدرجه هذي.

تحياتي

لفتت انتباهي هذه المشكلة.. وهي في الواقع منتشرة بين البنات هاليومين .. إن البنت تقدم تنازلات علشان مشروع زواج وحب مو متأكدة منه .. مشكلة البنات الأحلام والأوهام اللي ما تخليهم يسمعون صوتهم الداخلي اللي غالبا ما يكون صادق .. اللي يحبني يحبني بدون شروط وضوابط ، ولا فروق واختلافات ، ويتقبل كل مافيني .. وإذا كان مو متأكد هذي مشكلته فليراجع هو نفسه ..
أنصح كل بنت .. حبي نفسك .. يحبك غيرك .. وهذه البنت لما قال لها هذا الكلام ، تأثرت وأحست بالنقص .. فأكدت له وهذا وهذا طبعا خطأ.. كلامه أبوك يفعل كذا ..أين احترام أهلك ومكانتك .. ولو سمحت المرأة للرجل بأن يتطاول بالكلام على أهلها .. فلتبشر بالخير بالمستقبل فما من موضوع أو اختلاف إلا وأهلها موضع استهزاء الزوج لأنها هي سمحت له في البدايه

والصحيح أن كل إنسان له احترامه وتقديره فكيف بالوالدين ..

نصيحة هذا الانسان لا يتمتع بأخلاق رفيعة .. ورجل منان سوف يؤذي زوجته بالمن والأذى .. الزوج الذي يسعد زوجته عكس ذلك تماما والدين علم بذلك فاشترط للزواج ( من ترضون دينه وخلقه ) ولم يقل الدين فقط لأهمية الأخلاق في الحياة الزوجية ..
وأخيرا ليس من الدين من يعير الأنسان بأصله .. وهذا مرفوض ..
واضح أنه لا يتمتع بدين ولا خلق كافي ، ففي هذه الفترة يتجمل الطرفان بأفضل ما عندهما ليعجب كل طرف الآخر، ومع ذلك تسمع منه أمور كهذه ، فكيف إذا أخذا كل طرف على الآخر واعتاد عليه فماذا سوف يسمعها ..فأنصحها بالهروب من شخصية كهذه والمولى تعالى بيده كل شي وهو الرزاق ..

 

[*ريما*]

رد : عفيه بنات ساعدوني حبيبي يعايرني ويطنز علي ينني تكفوون

معقولة يحبها ويموت فيها ويكلمها كذا
هاذا اكبر كذاب بادنيا
الله يهديها وتتركة

 

[امـ جوجو]

اللي هذا اوله ينعرف تاليه !!
المفروض من قال هالكلام تقطع علاقته فيه شنو وين قاعدين بسوق الجمعه تقول هالكلام الحمدالله والشكر

 

[روح عاشقها]

واحد نفس هذا اش تبي فيه

 

[انا مو هني]

رد : عفيه بنات ساعدوني حبيبي يعايرني ويطنز علي ينني تكفوون

اهم شي مو متزوجها وقاعد يتمنن عليها
ويع اشهالاخلاق
اقول خل تبعد عنه لو يبيها ماسوا كل هاذا
وثاني شي ماتزوجها يعني هاذي مو مشكله وحدا متزوجه
خلتقوله لا اشوف رقمك ولا ويهك وخل اصلك ينفعك

 

[حجيه هيونه]

خل تسمعه كلمتين وتوقفه عند حده

وان كان ناوي يظل على هالكلام والله مادري ما انصحها تكمل معاه


خل تستخير وتشوف شنو اخرتها معاه

 

[cutee__q8]

امبيه نو كومنت

 

[الحلا^^مبتليني]

ههههههههههههههههه دام يعايرها بأصلها ويقول انه ابوه شيخ وهي مو اصيله
شلون بيرضون اهله يوافقون عليها
ابيه قوليلها تفكر عدل
اذا اهوا يعايرها
شلون اهله بيرضون فيها وبيتقبلونها

 

[الا انــــــا]

كل هذا وتقولين مو مقصر معاها

اذا هو يحبها ويسوي جذيه اذا يكرهها شنو بيقول

تدرين بعدين لو تزوجها بتصير حياتها مثل جواهر اللي بليلة عيد ويقعد يقول انا ولد ال فلان وانتي بنت ما دري شنو

لافرق بين عربي او اعجمي الا بالتقوى التقوى وبس

 

[BaiTotia]

رد : عفيه بنات ساعدوني حبيبي يعايرني ويطنز علي ينني تكفوون

ويع

مالت على جذي رياييل إذا إنعد ريال بعد

 

[*صَبا*]

المفروض تقوله روح دور على وحده تناسبك يالاصيل

كله ولا الاعلان شنو هذا
صج مايستحي

م الحين يعايرها عيل بعدين شبيسوي

اصلا لو اصيل مايقول هالكلام

 

[اشتياق]

اذا كلام العاشق الولهان جذي؟؟

عيل امه وخواته بيبدعون معاير لي خذاها لوووووووووووووووووووووووووووول

 

[دلوشه]

من صجج تتزوجه ؟

اذا اهما بالبر وجذي يعايرها و منقهره

فما بالج باجر بيجابلها 24 ساعه !!

 

[[..كـــــرك..]]

عيال الشيوخ اذا هو منهم طبعا

عمرهم مايعايرون غيرهم

مايعاير الا عيال الفقر اللي فيه نقص

ولو صج يحبها ماقال هالكلام

الله يوفقها باللي احسن منه

واذا تبيه تحمل ؟؟

 

[So MuCh PaIn]

رد : عفيه بنات ساعدوني حبيبي يعايرني ويطنز علي ينني تكفوون

حبيبتي عادي سالفة اصيل و مو اصيل وايد منتشرة بالديرة بين وايد عوايل وانا اعتبرهم متخلفين لانا كلنا عيال هالديرة وشالفروقات اللي قاعدين يسوونها وعلى شنو وانت لو تشوفينهم لا شفتي الولاء ولا السنع ولا شي عن اللي يتكلمون عنه وانا عاشرت ناس جذي بالفعل والله جد جد متخلفين
انا منها ما ارتبط فيه الا لما يحسن عقليته المتخلفة

 

[منيرة خالد]

ماكو عود الا وفيه دخان

خليها تدور باصله عدل وبتلقى شي تعايره فيه وتجعمه علشان ينطرم طول عمره ولا يتحجى عنها ابد


لازم تصير قويه من البداية والا بياكلها

 

[@ام ضاري@]

رد : عفيه بنات ساعدوني حبيبي يعايرني ويطنز علي ينني تكفوون

دام رافع خشمه جذي الله يعينها باجر

الحب فيه تضحيات دام انك ضحيت عشانها مو من مواخذيك خلاص ليش رفعت الخشم جذي

كلنا عيال تسعه الحمدلله والشكر

اذا تزوجته اتوقع مادوم معاااه






والمووضع انتها من النقاش دام فيه قبايل اصل وغير اصل

وتم اغلاقه