عقدتي زفرة الديااااااااااااااي

[وحيدة اخوانها]

حبيباتي
فديتكم كل مااسوي مجبوس او مرق ديااااي زوجي ماياكل
وانتو اكيد حاسين فيني
طول الوقت مندقره
ابي حل

 

[هدوءءء]

هلا وحيدة اخوانها

اقترح عليج تغسلين الدجاج دقيق والخل وخليه شوي وبعدها غسليها وقطعيهااا

واذا حطيتي البصل عالنار حطي التوابل اول شيولما تحمس عدل وبعدها الدجاج

واستخدمي التوابل نوعيتهاااااا جيده وريحتهاااااااا حلوووووه

وان شاء الله تتروح ريحة الزفره

ويفيدووووووونج البنات بالردوووود ​

 

[أحلى همبه كويتية]

بقولج طريقتي :eh_s(7):


اطلع الدياي من الفريز واخليه يفك بروحه
مو زين تحطين عليه ماي حار
خلي الماي عادي

انقعه بماي وملح خشن ( الملح الخشن يسرع في ذوبان الثلج )

عقب ما يفك الثلج
اغسله واتركه بماي مع شوية طحين نتفة خل

افركه عدل فيهم عشان الزفرة
وارجع اغسله مرة ثانية


احط بشوية ماي يغطيه على النار
واخليه يغلي 5 دقايق
وارجع اغسله مرة ثانية عشان الرغوة اللي تطلع هي الزفرة اللي تسوي الريحة



وعقبها اكمل الطريقة الخاصة بكل طبخة

مثلا مجبوس الدياي

احط الدياي بعد كل الخطوات اللي سويتها فوق
واضيف عليه ماي يغطيه
وهيل حب
دارسين اعواد
بهارات الدجاج
قرنفل ( مسمار)
ورق غار
نص بصله مقطعة نصين
شوية كركم


وخليهم على النار لما يستوي الدياي بس لا تخلينه يصير ترف حيل عشان ما يتفتت حق المجبوس
باخر 5 دقايق ضيفي الملح وخليه يطيخ شوي وبعدين سكري النار



شيلي الدياي من الماي وحطيه بالمشخال عشان ينزل الماي

سوي خلطة عشان تدهنين فيها الدياي
( شوية زعفران - معجون طماط - فلفل اسود - شوية بهار دياي - نتفة كركم )

واقلي الدياي بعد ما تدهنينه بالخلطة او دخليه الفرن يتحمش


طريقتي بالعيش :

طبعا تكونين منقعة العيش نص ساعة ( حسب نوعية الرز اللي عندك )

- ماي الدياي سووي فيه العيش


- احمس بصلة بالجدر وبعدين اضيف الزيت

- اضيف عليهم فصوص ثوم مع القشر واقلبهم عدل + علبين فلفل اخضر او احمر بدون قطع + لومي اسود صحيح حبه وحدة

نضيف الرز عليهم ونغطيه بماي الدياي ( ويكون ارتفاع الماي بس 2 سم ) عشان ما يصير لين
( اختبري ملوحة الماي مع الرز يمكن يحتاج زيادة )


واتركيه على نار عالية ولما يبدأ ينشف رشي الويه بمنقوع ( ماي الورد - هيل ناعم - زعفران )
وعلى النار الهادية لما ينشف

وعليك بالعافية

 

[أحلى همبه كويتية]

نوعية الدياي مهمة
فيه بعضا الأنواع زفرة

انا استخدم ساديا نظيف وما فيه زفرة

 

[CHEESE CAKE1]

عقب ما يفج من الثلج بروحه والأحسن من بالليل بالثلاجه
غسليها عدل وحطي عليها طحين وملح وكركم .... وكثري من الكركم يشيل الزفره
خليها نص ساعه وردي غسليها
ووقت القلي أو تحميرة الفرن حمري الجلد عدل عدل عدل لأنه اهوه اللي اييب الزفر
جربي وادعيلي

 

[q6aiwa]

انا نفسج اخذ ساديا

اطلعه قبل فتره من الفريزر لما يفج منه الثلج بروحه بدون ماي حار

بعدين أغسله بطحين وماي عدل

بعدين اتبله ببهارات الدياي وروب وملح وعصير ليمون و شوية خل أوسفن اب واخليه بحدود ساعتين لما يتبل عدل

بعدين اغسله مره ثانيه بماي وطحين وافركه عدل

اييب جدر ماي واحط الدياي واخلي الماي يغطيه واضيف عليه بالجدر
ورق غار (لاتكثرين منه)
عود دارسين
هيل
مسمار
بصل
ثوم
رشه من بهارات الدجاج
واخليه لما يستوي

 

[أم الطيب]

اهم شي نوعيه الدجاج

اخذي المتحده

هو الوحيد يلي ضبط معاي

غسليه عدل وفركيه بملح وخل وكركم وخليه بالثلاجة 10 دقايق
بعدين قصي بصل شرايح تقريبا 3 بصلات
حطي الدياج بجدر مع شوية زيت لين يتحمر شوي
بعدين حطي البصل والبهارات الحب يلي عندج مع ورق الغار

بعدين حطي ماي لين ينغمر الدياج وخليه يفوح وقلبيه كل شوي
لين تنشف الماي ويستوي
ياخذ تقريبا 45 دقيقه
لما يستوي شيلي الدياج بسرعه من الماي
واستخدمي الماي بطباخج عادي

اهم شي ان الدجاج يكون المتحده المتحدة المتحدة
ساديا زفرررررررررررررررررررررر

 

[أحلى همبه كويتية]

ام الطيب
حياك الله

اتصدقين انا كنت اخذ المتحدة عشان صغار
بس مو نظيف والحين صار زفر
ما قمت احبه كلش كلش

سبحان الله الناس اذواق بكل شي

 

[جارة القمر]

مشكوووريييييييييييييييييين


http://www.q8yat.com/t659363.html

http://www.q8yat.com/t452763.html


http://www.q8yat.com/t304633-2.html

 

[وحيدة اخوانها]

هلا وحيدة اخوانها​

اقترح عليج تغسلين الدجاج دقيق والخل وخليه شوي وبعدها غسليها وقطعيهااا ​

واذا حطيتي البصل عالنار حطي التوابل اول شيولما تحمس عدل وبعدها الدجاج ​

واستخدمي التوابل نوعيتهاااااا جيده وريحتهاااااااا حلوووووه ​

وان شاء الله تتروح ريحة الزفره ​

ويفيدووووووونج البنات بالردوووود ​

مشكوره وماقصرتي
الله يجزاج خير

 

[وحيدة اخوانها]

اهم شي نوعيه الدجاج

اخذي المتحده

هو الوحيد يلي ضبط معاي

غسليه عدل وفركيه بملح وخل وكركم وخليه بالثلاجة 10 دقايق
بعدين قصي بصل شرايح تقريبا 3 بصلات
حطي الدياج بجدر مع شوية زيت لين يتحمر شوي
بعدين حطي البصل والبهارات الحب يلي عندج مع ورق الغار

بعدين حطي ماي لين ينغمر الدياج وخليه يفوح وقلبيه كل شوي
لين تنشف الماي ويستوي
ياخذ تقريبا 45 دقيقه
لما يستوي شيلي الدياج بسرعه من الماي
واستخدمي الماي بطباخج عادي

اهم شي ان الدجاج يكون المتحده المتحدة المتحدة
ساديا زفرررررررررررررررررررررر

الله يعطيج العافيه
الله لايحرمني منكم
تصدقين انا استخدم ساديااااا
:yaaaaaarb:

 

[جذابه بنت ذيابه]

تطلعون الدجاج من الفريزر وتخلونه حتى يفك شوي من الثلج بعدين تقطعونه بعدين
تغسلون الدجاج بالماي عدل بعدين يفرك بملح ثم يفرك بطحين بعدين تغسلونه بالماي مره ثانيه بعدين تنقعونه بشوية ملح وخل ابيض تقريبا ربع كوب للدجاجة الوحده اذا كانت كبيره واقل بشوي اذا كانت الدجاجة صغيره والنقع لمدة ساعتين وبعدين الساعتين نغسلها عدل بالماي

الحين المرحله الاخيره الي هي السلق يسلق الدجاج بماي بدون اي اضافات بس ماي وعقب ما تطلع الزفره على الوجه تشيلونها وتغيرون الماي يعني تحطون ماي جديد وتحطون المطيبات المعتاده من بصل ورق غار دارسين وغيره واهم شي ولا تنسونه تحطون جزره وحده لانها تعطي ريحه ونكهه حلوه



ادعي لي ان الله يخلي لي زوجي واعيالي
ويهديهم يارب ..:eh_s(7):

 

[فـراوله]

البنات ما قصروا


وساديا أحسن نووووع


وأهم شي تغسلين الدجاج عدل حتى من تحت الجلد وعند الأجنحه



والطرق البنات اللي اذكروهاااا اهي اللي تشيل الزفره



​

 

[العنونة]

نفس ما قالو البنات وبعد غسليها بليمون شوية وقبل الطباخ غسليها بماي

 

[شندوخه]

نقعيه بخل فضيييييييييييييييييييع

 

[احساسي غريب]

اعصري كم حبة ليمون وانقعي الدجاج فيها ربع ساعه او ثلث ساعه وبعدين اشطفيه بماي وابدي الطبخ صدقيني ماراح تشمين ريحة زفره كللللللللللش حتى ريحة الطبخ ماراح تبين وعن تجربه