عقلي صغير !!

[ورقة ناعمة]

السلام عليكم ورحمة الله


سبق طرحت هالمشكلة في موضوع ثاني بس مب بشكل مفصل وللاسف الموضوع كبر عالفاضي


بشرح الموضوع من البداية عشان تشوفون الحق مع منو


قبل ما نملج و قبل لا يوافقون اهلي وقبل اي شي كان كلامه غير الي تبينه حبيبتي بيصير .. قلتله ادرس قال بنعرس متى ماتبين والي تبينه انا حاضر ومن هالكلام

الحمدلله تمت الموافقة وملجنا بدت الحنه متى العرس ومتى العرس ومابا نطول وانا بكون بروحي فالامارات شهر 9 لين ماتصلت امه واتفقت مع امي ويو وحجزو فاقرب حجز شهر 11 لان كل الحجوزات فل ولا اليوم مايناسبنا


انتو عارفين ضغط الزهبه والفستان وفوق ها اهله بعيد يعني علينا تنظيم العرس والكوشه وفوق ها الشقه الي بنسكنها .. معقوله بيمديني فهالمده القصيره


وكل ها وانا ساكته وقول ماعلي


بس الي ماقدرت اسكت عنه وهي اجازتنا

بعد العرس عندنا انا وهو اجازه اسبوعين بس وبنبدا بعدها دوام وقلت ماعلي اسبوعين بتكفينا بنروح بعد العرس على طول من ثاني يوم المالديف

اتفاجئت فيه متصل يقول حبيبتي والله ماراح نقدر نسافر شهر عسل .. ليش يافلان قال والله امي تبا تسويلنا حفلة استقبال فالكويت بعد عرسنا باسبوع فاسبوع بنتم في دبي والاسبوع الي بعده فالكويت وبس

والمشكله يوم يخبرني كان مايشاورني الا مقتنع وخلاص حاولت اناقش بس كان مصر وامي وامي

انا ماقلت شي قلتله على الاقل نسافر شهر العسل اسبوعين ونرجع دبي واول ويك اند بعد السفر نسير الكويت حق حفلة الاستقبال بس لا حياه لمن تنادي ابدااااا ماناقشني ولا سمعني


اول مره يسويها دووم يتناقش معاي وياخذ راي

قهرني صارت بينا مشاده كلاميه وقالي انتي عقلج صغير وياهل وانا بكسر راسج .. انا متعوده يقولي بكسر راسج و بجلع عيونج وبكفخج بس عن مصخره وسوالف هالمره جاد ومعصب ابداا مب حلوه ولا اسلوب واحد يكلم زوجته

بندت التيلفون في ويهه وماقمت ارد لا على اتصالاته ولا مسجاته لان قاهرني .. اتفاجئت فامي يايه تقولي ريلج بي يوم الجمعه بيتفاهم معاج لا تطلعين

خايفه اواجهه اول مره بنحط معاه بهالموقف ولا اعرف كيف اتصرف

بنات الحق معاي ولا انا غلطانه ابا رايكم بكل صراحه ماراح ازعل بس محد قادر يفهمني .. الانسان الي قلت يفهمني ووقفت بويه اهلي عشانه من بدايتها جي وضعي معاه والله قمت اخاف من الايام اليايه

شعوري متشتت احس اني تسرعت

 

[الهيلا1]

شكل قبل العرس مافيه حب بينكم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بس يالله ان شاء الله تتعدين هالامور على خير
بس خليكي على الاستغفار وحافظي على صلاتك اهي اساس الناجح الانسان في حياته
اذا صلحت صلاتك صلحه كل شي في حياتك

 

[Tom ♥ Jerry]

.

غلط تسكرين التلفون بويهه و غلط يكلمج بهالاسلوب
خصوصا انه توكم معاريس!

المهم خل ايي و يتفاهم و شوفي شعنده
و ترا السفر لاحقين عليه ..
خل يستأنسون فيج اهله

 

[taliya]

عادي مافيها شي والسفر لاحقه عليه طيعيه عشان تكبرين بعينه وماله داعي اتهاوشون على هالمواضيع.. عيل لي تزوجتي و واجهتي مشاكل اكبر من هالشي شبتسوين!

 

[ظبية بوظبي]

حبيبتي ورقه ناعمه
انا تابعت مواضيعش القبليه وكان عندي اهتمام كبير لان كنت بنحط بنفس وضعش تقريبا
اولا حابه اقول ان الطلب الي يبغاه زوجش هو الصح بالعكس هذا يبين ان هو واهله مقدرينش ومتشرفين بزواجكم وحابين يخلونه رسمي وقدام كل الناس
ومن ناحيه السفر ترى لاحقه عليه لا تحسسيني كنش ميته عالسفر

بس من ناحيه اسلوبه تبين الصدق انا لاحظت ان هذا اسلوب اغلب الكويتين
حتى الي يعشقون بعض
واذا تبين رايي صحيح الي قلتيه انش استعجلتي
انا ما اشوفه يصلح لش واخاف تندمين
احن غير وهم غير
والحق يقال

لا تيجي وحده تنط بحلقي ترى مب فاضيه للغباء والسطحيه

 

[New_bride]

كنتي تقدرين تحلين المشكله
يوم قالج ان امه بتسوي استقبال بعد العرس باسبوع
قوليله عيل نروح المالديف اسبوع وبعدين نروح الكويت

الا اذا هو عنده سبب ثاني مثلا ظروفه الماديه ماتسمح

 

[qoot]

اباب

 

[بسم الحب]

كنتي تقدرين تحلين المشكله
يوم قالج ان امه بتسوي استقبال بعد العرس باسبوع
قوليله عيل نروح المالديف اسبوع وبعدين نروح الكويت

الا اذا هو عنده سبب ثاني مثلا ظروفه الماديه ماتسمح

معها ))ترا عادي اذا هاي الأسبوعين مايقدر الحين أهو يبي يفتخر فيج قدم الكل تقولين له جي ومسكينه أمه تبي تفرح عادي ماتدرين يكن بعد ين لم تسافرون بعد تأجيل تكون احله ترا زوج يقدر زوجته في هذي الأمور وانا اقول عن تجربه نفسج مارحت شهر عسل وقلت الي تمر عليه وبعدها بكم شهر هو جاني وقال يالله دشي الموقع ونحججز الفندق الي يعجبج وانتي بعد صيري حبيبه كسبي أهل زوجج أهم يبونج وحبينج وانشاءالله روحو في الاجازه الثاني ترا دنيا مو شهر عسل والمالديف ترا زوج حبيبتي أكبر من كذا وثاني شي أكبر غلط صكرتي تلفون في وجهه هذي حركه موحلوه من بنت مثلج متعلمه وتعرف الأصول وأسلوب زوجك راح تغير لم انتي يكون اسلوبك مناسب وانتو في أول طريق مفروض تقدرينه اكيد عليه ضغط العرس وشياء ثاني مفروض مو تكوني قاسية كوني صبوره ومتفههمه وان شاءالله كل شي تبين يصير.

 

[Light-MoON]

شهر العسل مو شرط يكون اول الزواج ممكن بعدها بشهر او شهرين او حتى سنه او سنتين .

وحلات الزوجين كل فتره يسون لهم شهر عسل مو شرط شهر واحد بالعمر .

وغلط انج تسكرين التليفون بوجه زوجج المفروض تنطرينه لما يخلص كلامه وقولي له بسكر التليفون امي تناديني وبعدها طرشي له مسج فهميه انج زعلانه عليه .

 

[yam_yam]

اقولج شي لا تزعلين

ايه حدا عقلج صغير من صجج
انا بقولج شي حبيبتي انتي شكلج صغيره
حياتي الحياة الزوجية أكبر من سفرات و طلعات و مطاعم و هالأمور

يمكن صح كلام زوجج فيه سفر بس لما شاف ميزاانيته يمكن ماقدر و شنو المشكله انه السفرة تتأجل حتى لو سنه
و المسكينه امه مقدرتج و مسويه لج حفلة استقبال يعني اهله مبينين سنعين

و سالفه تسكيرة الخط هذي اكبر غلط لا تعطين مجال للريال انه مايحترمج او يتجرأ عليج كان المفروض تسمعين للاخر و بعدها تقولين له اوكي و بعدين بشويه دلع يحس انج زعلانه و يمكن هو اللي يغير رايه

حبيبتي انا يوم عرسي بين العرس و شهر العسل شهرين و نفس موضوعج واعدني يسفرني و بعدها لما حطيت بالشقة اثاث غالي و العرس و الشبكه مكلفه قالي ابي اجلها و لا تكلمت و لا فتحت حلجي قلت له حاضر من عيوني
و انصدم من ردي ,بس سكت بعدها بشهرين هو اللي قالي خل نسوي فيز نروح اوربا يتني مكافأة و بسفرج فيها, و سافرت بردت قلبي و احتفلت براس السنه هناك, يعني الواحد لا تنازل عن شي الله يعوضه بالاحسن,
يمكن بعدين خالتج او اهله بالاستقبال يعطونكم مبالغ كهدايا و تسافرون فيهم, ترا ماتدرين عن الظروف
و حبيبتي الحياة الزوجيه فيها وايد تنازلات بس بالأخير انتي راح تكسبين مو كل شي بالزعل و النجرة

اعذريني يمكن كلامي شوي قوي بس ترا بالنهاية لمصلحتج و ماني حابه تدخلين حياتج الزوجية بمشاكل من اولها باجر يقول حق اهله تتزعل و مسويه مشكله و يركبونج الغلط

الحين روحي كشخي و لبسي و استعدي لزوجج و اذا حضر استقبليه بابتسامه و قوليله صح الاستقبال اهم و عشان اهلك يشوفوني وواجب نشوفهم و اتعرف عليهم و لاحقين عالسفر و لا تبينين له انه صواغر الامور هامتج

و الله يوفقكم و يهديكم يارب ​

 

[M!SS.LOBY]

لا حول ولا قوة الا بالله

 

[مذهلة2013]

اولا الي تقول هذا اغلب الكويتين جذي اسلوبهم غلط
ياليت ما تعمم موشرط
ثانيا :
اكبر غلط انه تصكرين التلفون بويهه على اتفهه مشكله
توكم معاريس شنو بتسوين اذا صج واجهتي مشاكل ؟؟؟؟؟
شهر العسل مو اكبر مشكله بالكون
تقدرين تروحين بأي وقت لو ويك اند اي ديره قريبه المهم تغيير الجو
وانتي ليش بديتي من الاول تمنحينه الوقت انه يكلمج بأسلوب عن غشمره على قولتج
اذا انتي تزعلين المفروض من الاول تحسسينه انه هالاسلوب مايعجبج وكل شخص له اسلوبه
حاولي تكبرين عقلج اشوي وتتفاهمين وياااااه بكل شيء

 

[الغضى]

البنات ما قصروا
وانا راده عليج بالموضوع الاول ,,,,,,,,,,,,,,,, بس الظاهر مااعجبج ردي

 

[هِتاف]

غلط تسكرين التلفون بوجهه


ولكن



معك حققققق وما الومك
الحين يوعدك وكل شي امري وتدللي وتم
واخرتها يالله بس كل شي ع السريع زواج وعزيمه والسلام نعممممم !!
ليه ماحطك بالصورة من الاول ولك الخيار تحددين
مو يسلك لك

بعدين اللي تقول لازم توقفين معه وتقدرينه
البنت م قصرت تقبلت تقديم الزواج مع انو اعطاها كلمه قبل
اما لاسفر ولا كلمات محترمه !! ع الاقل يعتذر منك ويدلعك باسلووووووب يخليك تقولين لابو السفر لعيونك نجلس
مو كذذذا. !!!



حبيبتي نصييييييححححححه
اذا جا لبيتكم
قولي ع بالك هامني سفر ! لا انا م تفرق معي
بس انا صدمني انك مو عند كلمتك اولاً
ثانياً اسلوبك معاي ابداً م توقته كذا !! مو عشان سفره نوصل هالمستوى من الاسلوب
حبيبي الايام جايه والدنيا قدام غلط نغلط ع بعض ع شي تافه

وربي تكبرين بعينه ويستحي ع دمه
لان الحين اللي صار صار وغصب عنك بترضين بالعزيمه
ف ارضي برضاك احسن

وياليت تفكرين بردي اكثر من مرا
والله يعينك حبيبتي

 

[امازيغيه]

اولا معاك حق لازم تعاتبيه عالاسلوب الي حكى فيه مو تخاصميه عاتبيه وحسسيه بالندم

خليك اذكى منه قليله خلاص نجلس الاسبوعين وشهر العسل بيكون شهر مو اسبوعين باول اجازه او تفاهمو على وقت وخذي اجازه انتي وهو مع بعض قليله اصلا انتي مو مجهزه نفسك للسفر حاليا لان تغير كل المخطط

قليله ان سبب زعلك انك مرتبه امورك بعد هو ما عطاك كلمته ويوم تراجع عن رايه فجاه انزعجتي لان ما عندك علم مسبق

وقليله انك كنتي مجهزه مفاجاه له واذا سال شنو المفاجاه قليله خلاص ماراح اقول مالها داعي دام تغير المخطط خليه يقعد يتخيل المفاجاه ويرتب للسفر باقرب وقت



وقليله ان اي شيئ لازم يستشيرك فيه قبل بمده لان الحين انتي المسؤوله عليه وعالبيت وقليله اذا انا اموري تلخبطت راح تتلخبط معاي وتصير مشاكل عالفاضي

بس لا تتنازلي على شهر العسل مهما صار شهر مو اسبوعين

والله يتمملك على خير

 

[ha11]

غلط تسكرين التلفون بوجهه


ولكن



معك حققققق وما الومك
الحين يوعدك وكل شي امري وتدللي وتم
واخرتها يالله بس كل شي ع السريع زواج وعزيمه والسلام نعممممم !!
ليه ماحطك بالصورة من الاول ولك الخيار تحددين
مو يسلك لك

بعدين اللي تقول لازم توقفين معه وتقدرينه
البنت م قصرت تقبلت تقديم الزواج مع انو اعطاها كلمه قبل
اما لاسفر ولا كلمات محترمه !! ع الاقل يعتذر منك ويدلعك باسلووووووب يخليك تقولين لابو السفر لعيونك نجلس
مو كذذذا. !!!



حبيبتي نصييييييححححححه
اذا جا لبيتكم
قولي ع بالك هامني سفر ! لا انا م تفرق معي
بس انا صدمني انك مو عند كلمتك اولاً
ثانياً اسلوبك معاي ابداً م توقته كذا !! مو عشان سفره نوصل هالمستوى من الاسلوب
حبيبي الايام جايه والدنيا قدام غلط نغلط ع بعض ع شي تافه

وربي تكبرين بعينه ويستحي ع دمه
لان الحين اللي صار صار وغصب عنك بترضين بالعزيمه
ف ارضي برضاك احسن

وياليت تفكرين بردي اكثر من مرا
والله يعينك حبيبتي

عييييين العععقققللل :eh_s(15)::eh_s(17):

انتي ماقصرتي وتنازلتي انا فاهمه عليج ماتضايقتي منه عشان السفر
تضايقتي لانه يوعد ويخلف وانتي تمشين وهالشي انعكس عليج بالكببتت وانفجرتي ..