علاج الشلل الرباعي في مصر

[ام رتاج العنزي]

السلام عليكم ورحمة الله وبركاته :eh_s(17): وانا اسفه لاني طولت عليكم ولكن الظروف تحكم اتمنى لكم كل الخير والعافيه لكم ولقرة اعينكم\\\\\ نبد موضوعي ويشهد الله انه عن تجربة موبس كلام الي قرا موضوعي بالاول يعرف انا اشكثر تغربة من اجل علاج بنتي بس بدون فائده الا في اخر سفر لي لمصر اول :eh_s(17):مره سافرة من اجل الدكتور المخ والاعصاب عادل حسنين وعطاني ادويه وابر وشراب الاوميجا3 وستمريت على كورس الاعلاج 3اشهر وبفائدة 1\100 المهم بنفس الزياره ذهبنا الي عيادة الدكتور كمال شكري وشافها وقالنا بتكم تحتاج علاج لمدة 6شهور وانشالله تقف وتمشي خطوتين وبقينا مذهولين من كلام الدكتور لاننا فاقدين الامل بالجلوش اشلون بالقعده المهم ردينا لديرتنا وكلام الدكتور في بالنا وبعد عدة كتب للعلاج بالخارج يتم الرفض في كل مره فدقينا على الدكتور وكان علاجه بالشهر 430 دينار فقط وكان باستطاعتنا الذهاب على نفقتنا ولله الحمد خلال 3 اشهر فقط بنتي تحسنت حالتها للافضل بكثير وكانت بدية الجلوس ولكن المظاهرات خربت علينا العلاج وجينا هاجين :eh_s(14): بسبب الاوضاع ولله الحمد على كل شي اسم الدكتور كمال شكري للعلاج الطبيعي وموجود موقعه بالنت والعلاج يكلف 430 يتضمن 2ونصف علاج فردي وتمارين وساعة مخاطبه وساعة علاج بالعمل ونص ساعه علاج بالضوء اي 5ساعات باليوم وسكنا بالدقي بجانب العياده وكان اجار الشقه بالشهر 450 فيها 3غرف كل غرفه بدورة المياه تكرمون واربع رسبشن ومطبخ وحمام خارجي تكرمون واتمنى اني فدتكم ولو بشي بسيط والدعاء لبنتي رتاج من خالص قلوبكم شافها باذن الله والمرضى اجمعين وحاضر لاي استفسار واسفه على الاطاله :eh_s(7):

 

[ورود11]

الله يجزاج خير ويشافي بنتج وجميع مرضى المسلمين بس بغيت اسئلج بماانج شايفه العلاج الطبيعي با التشيك هل نتي شايفه ان العلاج الطبيعي بمصر أفضل؟؟؟؟ انا بنتي فيها رخاوه بجميع عضلات الجسم وكان عمرها سنتين ونص ولا تقدر تقلب ولا تقعد بروحها بس في عربة الاطفال تقعد وديتها التشيك قالو لي علاج طبيعي مكثف راح ترجع الكويت تمشي مدة العلاج من 6شهور ل8شهور متواصله وخلال 3شهور صارت تقعد بنفسها وتزحف وهي قاعده واذا وقفتها على الطوفه توقف يعني تكون الطوفه ساندتها من ورا توقف لمده دقيقه حتا اذكر كنت اسندها واصورها يعني تحمل لمدة دقيقه ومع الأسف رجعنا بعد 3شهور لنا مسافرين على حسابنا ورجعنابعد4سنين قالو المده تحتاج من8شهور لسنه ونفس الحالة سفرتنا على حسابنا وماقدرنا نطول اكثر من 3شهور فا الي حابة اعرفه هل علاجهم افضل من التشيك ؟؟؟؟؟ تكفين فيديني

 

[اوووفه]

الله يجزاك خير ما قصرتي وبميزان اعمالك ويشافي بنتك ان شاءالله
بسالك مدام بنتك تحسنت علي ابر عادل حسنين ليش ما قعدت او حبت والدواء اوميغا3 شكثر تعطينها باليوم كم ملي
انا ولدي شلل دماغي اثر علي الحركه وديته مصر عند عادل حسنين واذبحه بكثرة الابر لدرجه انا ضعف حيل وما تحسن حيل للحين ما يقعد عمرة سنه و7شهور ويوميا نسويله علاج طبيعي بمركز خاص بسالك هل بنتك صارلها نفس اعراض ولدي من ضعف وهل عقلها زين وتحسن مع الابر وسويتيلها بمصر جلسات الاكسجين بالاوزون وكم كلفتك السفرة كلها علي بعض لاني مفكرة اروح علي حسابي

 

[ام رتاج العنزي]

هلا والله انا شايفه تودون اعيالكم لمصر العلاج الطبيعي افضل بكثير من الشيك والله والعيشه هناك رخيصه للي تروح على حسابها وعلاجات عادل حسنين ماسوت لها الي تقولينه وبنتي لله الحمد تفهم وعقلها سليم بس الكلام موذاك بس تفهمين شلي تقوله وتحسن نطقها بعد جلسات التخاطب بمصر وللعلم بمصر عطيتها علاج طبيعي فقط من غير اوكسجين او ادويه او ابر وقعدة مايقارب 3شهور رغم انهم قالو خلال 6 شهور راح تلقين تطور كبير في حالتها بس للاسف ماكملنا والعلاج للشهر الواحد ب450 شامل كل الجلسات والشقه اجارها 450 بعد وعليج الحساب والاكل والماجله هناك حلوه اسعارها ارخص منا بشي بسيط وسفرنا كان اخر شهر 10 وردينا 27-1-2011 وانشالله الي تبي رقم الدكتور اطرش لها عالخاص لاي استفسارات بينكم وبينه ولا تنسون بنتي بالدعاء

 

[اوووفه]

الله يجزاك خير ما قصرتي ويشافيلك بنتك
بسالك منو دكتور التخاطب وابي رقمه وما قلتيلي اوميغا 3 كم مرة تعطينه بنتك واشلون الامان لما كنتوا هناك قبل المظاهرات عادي معاملتهم لكم ماتعرضتوا لسرقه او مضايقات علي ابو انكم كويتين انا لما رحت اذبحوني انتم خليجيين فلوسكم كثيرة مايفرق عندكم الميه جنيه من الف ةالطرارين بكل مكان مت تعبت وتضايقت بسرع رديت لجذي اسالك

 

[ام رتاج العنزي]

هلا حبيايبي بالنسبه للاوميغا3 اعطيها 10 ملي /5 ملي الصبح و5 المساء ام دكتور التخاطب فهو بنفس مركز كمال شكري بس والله ماعرف اسمه الامان في مصر ممتاز واحنا كنا حاسين بالامان في شقتنا وعمارتنا ولله الحمد ان المنطقه الي فيها المركز ناس شبعانين ومتوسطين الدخل الدقي اذا تعرفينها والمجمعات مافيها طراره بعكس الاسواق الشعبيه فيها طراره بس ما ضيقونا حيل والله ولي التوفيق بس بالنسبه للامان الحين مادري الاوضاع موزينه ما انصحج تروحين بهالوقت والله يشافي مرضاكم ومرضانا واتمنى اني فدتكم واهم شي الاستخاره لله عز وجل ولاننسلى الاطفال لهم فروق فرديه

 

[اوووفه]

يعطيك العافيه ويشافي بنيتك ياكريم ماقصرتي حبيبتي وفيتي وكفيتي
بس بسالك ما دقيتي علي دكتور بنتك هالايام هذي عشان تسالينهم عن الوضاع اذا هدت وتقدرين تكملين علاج بنتك او لا
لاني سألت المدرسات الي معاي بالدوام يقولون هدت الاوضاع ودي اسافر بس بتاكد منك بالاول اذا سالتي دكاترت بنتك

 

[كويتيه وافتخر]

انا ولدي شلل كامل ينفعه ؟؟باجرب

 

[وبعديين]

رد : علاج الشلل الرباعي في مصر

الله يشافي مرضاكم ومرضانا ياااارب

الوضاع الحين ب مصر اوكي

انا باروح ع العشر ايام الجايه وبعطيكم خبر اذا فيه خطوره >>>فدائيه

 

[اوووفه]

وبعديين ها بشري شلون الاوضاع بمصر رحتي ولا للحين طمنينى

 

[اوووفه]

اب اب اب اب اب اب اب اب

 

[مياويس]

جم عمرها بنتج الله يشافيها يارب لان انا عندي بنتي عمرها11 سنه وكنت اوديها الشيك وماصار تحسن

 

[ام رتاج العنزي]

هلا مياويس انا بنتي عمرها 8سنوات والشيك مانفعها وتخيلي علاج في مصر كنت مومتوقعه بتحسن بس عن قولت اني ماقصرت لاني جربت الدول الاوربيه المتطوره والاحدث في الطب والعلاج ولكن كانت الصدمه انها تحسنت بمصر ولله الحمد لان علاجهم صحيح مكثف وتدليك من قلب والله ولي التوفيق يشفيها ويتم عليها وعليكم وعلى مرضى المسلمين اجمعين

 

[اوووفه]

انا ام رتاج ردي علي اسالتي

 

[اوووفه]

اب اب اب

 

[ام رتاج العنزي]

هلا حبيبتي اوووفه انا موبمصر رديت من سالفه المضاهرات ومادري عن الاوضاع الحين انشالله اذا هدت الاوضاع ارد واقولج

 

[اوووفه]

مشكورة حبيبتي ما قصرتي

 

[*ام التوت*]

السلام عليكم قريت الموضوع وحبيت افيدكم بما اني بمصر حاليا



وضيف على كلام ام رتاج انا بعد بنتي جبتها بالسابع وصادها نزيف بالراس واثر عليها فصادها شد بجسمها والحمدلله من كان عمرها 6 اشهر واعالجها بمصر عند الدكتور كمال شكري جزاه الله خير ولله الحمد بنتي كانت ولاتتحرك ولاترفع راسها ولكن بفضل الله والدكتور الحمدلله الحين الحين تجلس وتلعب وتوقف بس باقي انها تمشي انشالله قريب يارب وانا حاليا مستمره بالعلاج الطبيعي مع الدكتور والي محتاجه اي استفسار انا موجوده:yaaaaaarb:

 

[*ام التوت*]

للاخت الي سالتي علخاص ماقدر ارد يكتب لي مشاركاتك قليله؟؟

 

[ورود11]

مرحب اختي انا بنتي عندها رخاوه وضعف بجميع عضلات الجسم ومسويه عملية تثبيت اسايخ وبراغي با العمود الفقري عمرها13اختي الله يجزاج خير تقدرين تفيديني اذا لها علاج ؟؟
وابي اسئلج عن الاوضاع بمصر شلون صايره مستقره أو لأ
وبي عرف جم الشهر للعلاج؟
وجم اجارات السكن شقه نظيفه ومرتبه؟
وجم المعيشه؟؟يعني الشهر جم يكفيني علاج وسكن ومعيشه؟؟؟
وجزاج الله خير ويشافي بنيتج ويفرح قلبج بسلامتها