علاج الشلل الرباعي في مصر

[اوووفه]

هلا والله ام رتاج
شوفي هو اليومين الي طافوا صار شويه قلق ومظاهرات بس هدت الامور الحين واحنا عادي نطلع ونروح ماكو الا العافيه بس الحذر واجب

انت ما جربتي الدكتور ابراهيم امين الي قالت عنه ام عبد الرحمن جربيه يمكن يغنيج عن الغربه والبهدله تري المركز مو مثل اول تغير حيل معاملتهم السكرتاريه وبعد شريف صايره زفت ويتعمد يغث ويطفر خاصه الخليجيين وبذات الكويتيين ويتحكم ويغير بالدكاتره انا الي ماسك ولدي دكتور علي ممتاز بس شريف يضايقنا شافنا مرتاحين عليه راح جاب حاله وحطها مع الدكتور علي عشان يصير زحمه عليه ويعتذر مننا يعني يسوي حركات كثيره مالها داعي انا تعبت من المركز كل يوم لنا مشاكل معاهم والدكتور كمال مخليه علي راحته مو شاد عليه بس اخر شي طلعناله وقلناله اذا يتعمد يضايقنا راح نرجع وراح كلمهم وشد معاهم بالكلام
شوفي احسن الدكاتره من الي شفته وعرفته عدل لاني اقعد بالمركز ٦ ساعات هم الدكتور علي
الدكتور احمد سعد
احمد فكري
محمد حسنين
احمد عمران
والباقي عاديين وديري بالج تري فيه شكثر طلبه توهم جو بعد ارمضان يتدربون عند المركز لا يمسكون بنتج يحوسونها لج تري شغلهم خواره مو حلو يتدربون علي عيالنا ومحد يوقف علي راسهم يعلمهم ويفهمهم التمارين مخلينهم علي كيفهم صح او خطا مو مهم اهم شي ياخذون فلوس من اوليا المرضي
بصراحه المركز مو مثل قبل شكثر دكاتره تركوا المركز والسبه الاداره واسلوبهم

 

[راما 2000]

ام التوت عطيني رقم الدكتور الي يسوي وظائفي لبتج بالبيت و

ودي بنتج دكتوره مها سعد مخ واعصاب ممتازه حيل ولاتعطينها ادويه من نفسج لازم دكتور

نفس السوال

 

[اوووفه]

ام رتاج وحده جربت ابراهيم امين ماتمدح شغله تقول مو شي وجذب مايشتغل عند كمال شكري انا سالت كمال يقول مايعرفه

 

[أم عبدالرحمن 1]

اووفة كيف حالك ؟ ان شاء الله تكوني بخير. اللي قالت مو شي حرام عليها. ممكن تقول مش عاجبها شغله لان في وحدة جربت وتمدح شغله وتقول سالت كمال شكري قالها يعرفه. فين الصدق؟ تحليلي للموضوع : ممكن يكون كمال شكري مش عارف كل اللي عنده أو يكون عايز يبعت مرضاه لحد تاني في الكويت (الله اعلم بالنوايا) علي العموم نصيحتي: ان محدش يصدق شيء الا اذا شاف بنفسه ويجرب اكثر من واحد ويفاضل بينهم . علاج الاطفال اصبح تجاري اكتر منه مهنة علاجية . ربنا يحمي جميع الاطفال ويشفيهم

 

[أم عبدالرحمن 1]

أم رتاج اذا جربتي ابراهيم امين قوليلنا ايه الكلام الصدق
جزاك الله خيرا