علاج الشلل الرباعي في مصر

[اوووفه]

الذوق تري دوام المرز برمضان بعد الفطور بي ٣ ايام الاحد والثلاث والخميس والصبح زحمه عندهم كل الحالات ماخذه الصبح والظهر

ونصيحه مني لا تجين بنص رمضان ماراح تستفيدين لان مثل ما قلتلج ما يداومون الا ٣ ايام وراح يعطلون بالعيد اسبوع وهذا راح يروح عليج فاحسن شي تعالي بعد العيد عشان مايتقطع علاج ولدج مره وحده مستمر والمركز ما يكون زحمه اكثر الخليج سافروا ويرخص كل شي حتي الشقق لان انتهت الاجازه والموسم وتروفرين والمركز يهتمون فيج يبون ريحه الخليجي

 

[اوووفه]

مرحبا كتبت كلام اشطوله وانمسح ما ادري وين راح
المهم
مبارك عليكم الشهر


كل الي الحين يتعالجون بالمركز ام التوت والكويتي شسولكم بمواعيد رمضان حطوها لكم مثل ما حجزتوا وتبون او كالمعتاد الفولهم جذبه من اجاذيبهم مو الجذب بيزه عندهم لا وبرمضان واحد يجذب عشان يغطي علي جذبه الثاني يرقعونها بس ماترقع حسبي الله عليهم اداره هالمركز *

 

[الذوق]

علينا وعليج يتبارك ومبارك عليكم الشهر جميعااا .. مشكوره اوفه عالافاده انا طالبه تمديد حاليا اذا مددوا لي ما راح اروح مصر الا بعد العيد اذا ما ممدوا امرنا لله ..

 

[اوووفه]

انت وينج الذوق بالكويت او التشيك ومن منو طالبه تمديد من الطيران

شوفي الذوق انا للحين ما حسيت بتحسن كبير لولدي مع ان صارلي شهرين اهنيه واعطيه يوميا ٤ ساعات ونص علي المدح الي سمعته المفروض احصل نتيجه احسن
وتدرين لو انا اسويله بالكويت كل يوم اربع ساعات احصل نفس النتيجه ويمكن احسن بس عيبنا حنا بديرتنا مالنا خلق نسوي ٤ ساعات عجازين يادوب نسوي ساعه وحده وخلاص لا يوم ورترك بس بالسفر لان مايكون عندنا مشاغل وتكون السفره كلها عشان العلاج فنطر نسوي علاج مكثف والله ديرتنا احسن بس العيب فينا ما نقابل العلاج ونخليه مكثف

وانا الي عرفته من خلال قعدتي الطويله بالمركز طبعا اشتغلت كونان عرفت ان الدكاتره الزينين الي يجيبون نتايج حلوه مع المرضي اكثرهم اطلعوا من المركز والسبه المعامله الزفت الي يلاقونها من الاداره واكثرهم اشتغلوا بالخليج في اثنين راحوا الكويت والي الحين يشتغلون بالمركز دكاتره توهم متخرجين يدورون شغل وخبره فألي يبي يسترزق له بجم جنيه يروح لهم فياخذونهم بالساعه ويعطونهم علي الحاله ٥٠ جنيه ولو الحاله تقعد ٦ ساعات الدكتور ياخذ بس ٥٠ والباقي يلهطه الدكتور كمال شكري والاداره مالته وحرام الي يتعب ويمرن فتافيت لجذي اكثرهم طلع غير هذا النصب عيني عينك اذا دقينا وقلنا اليوم عندنا ظرف ما نقدر نجي يدفعونا غرامه عن كل ساعه ما تمرن فيها ولدي واذا كشتنا وما دقينا ندفع فلوس اليوم كامل وغير الجذب الي فيهم عيني عينك متي بس نفتك منهم ونرجع ديرتنا *

 

[ورود11]

مرحبا مبارك عليكم الشهر اوووفه بغيت اسئلج ولدج شلون حالته شد او رخاوه وانتي تشوفين انه اتحسن على العلاج او لا؟؟
وانت كويتي شخبارك شصار معك طمنا عنك

 

[الذوق]

اوفه انا لو القى بالكويت احد يشتغل لي اربع ساعات ما قلت لا انا اتراجاهم يجوني يوميا مو راضين شلون اربع ساعات وبعدين كل شي بحسابه يعني انا اجيب اربع مرات بالاسبوع 200 دينار وما يوصل الساعه شلون اذا اربع ساعات وبعدين احنا بالكويت علينا التزامات غير العلاج اما برى الحكومه تدفع وتوفر علينا يعني الماده تلعب دور واساسا بالكويت ما عندنا مركز متكامل سباحه علاج بالعمل التوضيع الحراري تخاطب واذا بسون سباحه ولا توضيع كلها من ضمن الساعه مو كل شي نفس برى .. انا حاليا بالتشيك .. بس غريبه كل اللي بالتشيك يمدحون مصر وياليت تاخذين رقم الاخصائين اللي جاوا الكويت .. عالاقل نوفر على نفسنا السفر دام موجودين عندنا انا كنت اعرف اخصائيه علاج طبيعي مصريه تهبل كانت تشتغل عند كمال شكري شغلها يهبل بس سافرت حسافه ..

 

[الذوق]

مراحب ورود علينا وعليج يتبارك .

 

[اوووفه]

ورود انا ولدي شد برجوله مو رخاوه وايدينه الحمدلله ما فيها شي والله التحسن جدا بسيط ما يذكر وهذا لان نسويله مثل ماقلت ٤ ساعات مكثف علاج




الذوق في مراكز بالكويت انت تروحين لها مركز عايشه الرقم وفوزيه السلطان وفي اماكن ثانيه وفي دكاتره تجي البيت. انت باي منطقه ساكنه عشان اقولج اذا في مركز قريب منج
واذا علي الفلوس من معاشه معاش المعاق ٢٧٠ زين يكفي العلاج وانا موديه ولدي علي حسابنا الخاص الحكومه ما رضوا
والمركز اهنيه ما في سباحه ما شفت وادواتهم بسيطه كوره وعصي ومرتبه واستاند يعني عادي والمركز صح كانوا يمدحونه الحين عادي ماحس في زود لان اداره المركز طفشت كل الدكاتره الزينين والممتازين تو طلع منهم دكتور بعد وللاسف كمال شكري نايم بالعسل وما يحاول يردهم ويتفاهم معاهم عندهم قاعده اذا راح واحد الف بداله *

 

[الذوق]

اووفه رحت لعايشه الرقم بس علاج طبيعي وثلاث ايام بالاسبوع مو يوميا وب200 فيه علاج البدله الفضائيه بس ما اقتنعت فيه لان المفروض علاج البدلهالفضائيه يوميا وهي تقول 3 ايام ما يصير انا قاريه كل شي عن البدله الفضائيه لازم علاج مكثف وفوزيه السلطان شفت اعلانها بالنت ودقيت عليهم قالت ما نستقبل صغار نعالج كبار بس عارفتهم هذيل بس انا قصدي مو كل العلاج بساعه يعني يصير مثل دوام المدرسه يوميا و3 ولا اربع ساعات اتقسم على سباحه وعلاج بالعمل وغيره .. انا في مبارك الكبير .. حتى وديت ولدي للشعب مركز هوب كان فيه سباحه بس من ضمن وقت التمارين يعني تخليه نص ساعه تمارين ونص ساعه سباحه انا ما ابي جذي ابي نفس هني بالتشيك التمارين مالها شغل بشي ثاني وقتها ثابت والسباحه لها وقتها والعلاج بالعمل وقته وياليت فيه علاج تخاطب بعد .. بس بسالكم بنات ما تعرفون حضانه زينه للي مثل عيالنا ودي ادخله حضانه مع العلاج اللي اسويه له يصير مكثف انا سمعت عن يالهبه او بالبسمه اللي بجنوب السره شرايكم فيهاا ..

 

[*ام التوت*]

مبارك عليكم الشهر انا الحمدلله بنتي مشالله استجابت للعلاج مع المركز والمواعيد انا 3 ايام اروح الصبح المركز وخذت الساعه 2 لحد 5 اما باقي الايام يوميا صبح وليل يجيني الدكتور البيت اعطيها 3 ساعات الصبح و3 بلييل والحمدلله النتيجه ممتازه يارب بس يروح الخوف منها وتمشي وانا الدكتور الي اتعامل معام قديم من سنتين ونص موجود بلمركز ويمكن قبلها بعد

 

[اوووفه]

الذوق احنا اهنيه بالمركز ساعتين تمارين وساعه سبايدر وساعه وظائفي الي هو علاج بالعمل ونص ساعه تخاطب وماعندهم سباحه ما شفت
والبدله الفضائيه دكتور ولدي ما مدحها لي يقول اذا الولد عنده شد تزيد الضغط عليه فراح يزيد الشد ويقول هي اذا اشتغلتوا فيها لازم يكون الطفل قاعد وكل التمارين له وهوقاعد مايصير يوقف والي عندعايشه شلون صايره شورت وبنطلون مطاطين

 

[اوووفه]

ام التوت الله يتمم شفاء بنتج علي خير وتفرحين بشوفتها عروس



الي فهمته منج انج تجين بس ٣ ايام المركز والباقي كله بالبيت يجيك الدكتور سيد

انت وين ساكنه بالدقي

 

[*ام التوت*]

السلام عليكم هلا حبيبتي اوفه الله يشفي ولدج انشالله وخليه لج ويشفى جميع مرضانا يارب اي حبيبتي انا بس 3 اخذها المركز لان دكتورها مايقدر يجيني البيت وتحتاج للجهاز تبع المشي بس باقي الايام الله يشفيها يارب كل يوم يجيها ظهر وليل يصير 6 ساعات بليوم انا ساكنه بالمهندسين واريح لج تجيبي الدكتور البيت لو تقدرين بس كم عمر ولدج وكيف تطوره

 

[الذوق]

بناات ابسالكم اللحين الدوام الرسمي بالمصحه ٣ ايام برمضان ولا يوميا وانتي تختارين اللي يناسبج ..

 

[اوووفه]

حبيبتي الذوق هم بعد الفطور بس ٣ ايام لكن قبل الفطور من الساعه ١٠ الصبح الي الساعه ٦ المغرب

 

[اوووفه]

ام التوت مشكوره علي الدعوه الحلوه
ولدي عمره سنتين والتطور بسيط حيل مع ان اجي يوميا ٤ ساعات ونص بس علي المدح الي سمعت عنه توقعت تحسن لولدي احسن من جذي توقعت ارد الكويت ولدي يمشي معاي بس للحين ما قعد حده بالقعده ٥ دقايق ويطيح مع ان صارلي شهرين معاهم

انا شفت بنتج تهبل اسم الله عليها تاخذ القلب الله يشفيها بس انا الي عرفته انج دايم تجين المركز بالسنه اكثر ٤ مرات لجذي حاسه بتحسن

انا ساكنه بالدقي قريب من المركز

 

[*ام التوت*]

:yaaaaaarb:هلا حبيبتي خلاص خليني اشوفج لما تشوفين بنتي وبقولج انا تقريبا كل شهرين او 3 اجي مصر اقعد شهر ونص او شهرين والموضوع يبيله صبر والله انا بنتي ماكانت تسوي شي والحمدلله مشالله الحين تشوفينها كنها طبيعيه وانا اعطيها مكثف حبيبتي فديتها تتملل بس احس في استجابه وانشالله بتلاقين الي يسررج ربج كريم بس صبري وخلي عندج يقين انه الله بيشفيه ان شاء الله... وعيونج الحلوه حبيبتي :eh_s(7):

 

[اوووفه]

زين ام التوت انت راجعتي فيها عند دكتور اعصاب

ام التوت انا صعب كل شوي اجي مصر دوامي ودوام ابوه ومدارس عيالي فصعبه يادوب بالعطله

زين منو بنظرج دكاتره زينين بالمركز ودكتوره حق الوظائفي

 

[*ام التوت*]

هلا حبيبتي بقولج حل يقولون في دكاتره من عياده دكتور كمال راحوا الكويت حاولي تجيبينهم ولا لو حد رضى تودينه الكويت وديه لو شهرين ولا 3 علاقل مكثف ويوميا وتجيبين نتيجه اسرع انا احين احاوول ادور حد اخذه معاي 3 شهور والله الرجاجيل كلهم زينين انا بنتي ترتاح لهم وتسمع كلامهم اما الحريم مجننتني عندج هيثم ومحمود وسيد وواحد اشقر والله ماعرف اساميهم كلهم وبلنسبه للوظيفي انا اخذتها عند دكتور برا العياده وتقيمها عقب اجيب واحد البيت يعلمها علاج هالدكتوره يسمونه توافق حسي وحركي

 

[*ام التوت*]

ونسيت اقولج بلنسبه لدكتور انا ماخذتها لحد بمصر اتابع عندنا وانا بنتي لان الكل يقولي علاجها بس علاج طبيعي ووظيفي ونطق وبس انا بعد عندها شحنات طهربائيه زايده فاعطيها فينبارم وعشان مخها اعطيها زيت السمك ولكرتين وانا اخذتها لدكتور عظام بمصر