علاج الشلل الرباعي في مصر

[ورود11]

اوووفه الله يستر عليكم ديرو بالكم ماله داعي تكثرون الطلعات ولا تنسون انكم في بلد بدون رئيس

 

[اوووفه]

اخوي شوف تري احسن وحده فيهم لبني منصور والاكسجين انا حجزت باجر اروح واقولك
شوف تري المركز اهنيه غثيثين بالمواعيد اول ما جيني تعبونا ولعوزونا بالمواعيد كان ولدي كل يوم حاظينه عند دكتور لما استقرينا عند دكتور وانا انصحك بالدكتور احمد فكري ممتاز ودايم عليه زحمه بس انت اطلب من الدكتور كمال شكري خل كل شغلك معاه او شريف مالك شغل بالسكرتيرات راح يحوسونك

 

[اوووفه]

بس جامعه الدول بعيد عن المركز وراح تاخر وهم طريقتهم اذا تاخرت مالهم شغل ياخذون فلوس الجلسه حتي لو ما حضرتها حاول تطلع قبلها لان شوارعهم زحمه

 

[*ام التوت*]

السلاام عليكم
مرحبا حبايبي سوري غبت عنكم كنت مشغوله وايد مع بنتي بس خل اقولكم عن اخباري وخليكم تتفاءلون معاي انا كملت شهر بمصر والحمدلله بنتي بدت توقف دقيقتين وزاد التوازن والتحكم عندها الحمدلله رب العالمين تبارك الرحمان وبدت تمشي 6 و7 خطوات وتوقف وتكمل خطوتين 3 الحمدلله مع العلاج الطبيعي المكثف انا اعطيها ساعتين بلمركز بالنهار و3 ساعات بالشقه بلييل انا احب اعطيها مكثف لاني انبسط بالنتيجه والموضوع يبيله صبر مب من اول يومين تطلع النتيجه وانا الي يسوي لها تمارين استاذ سيد وبلمركز اسمها اماني واليوم كان عندي تقييم وانبسط الدكتور كمال بلنتيجه وغير لها بعض التمارين وانشالله بقعد لحد الشهر الجاي واطلع نتيجه يارب احسن قبل لارد بلادي قبل العيد والاوضاع حمدلله ماشيه والتلفزيون مبالغ والي تبي شي تسال

 

[الذوق]

وعليكم السلاام .. اولا ارد عليج اخت ورود استفادت الطفل تختلف من شخص للثاني يمكن انا استفيد وانتي لا ويمكن العكس وبعدين اخت اوووفه انا ادري ان العلاج فالبوتكس مؤقت بس لان وادي صغير ما تناسبه العمليه نصحني الدكتور فالبوتكس وقال الاشياء اللي يستفيد منها وهو حاط البوتكس ما ترجع مثل مت كانت صح يرجع الشد بس الاشياء اللي استفاد منها ما تروح ولدي اللحين بفضل الله يحاول يحبي يرفع رجيله نفس طريقه الحبي قبل ما كان يسويهاا ويدز نفسه صح ما يقعد بروحه بس بعد وضعيه القعده صارت افضل والدكتور قالي عكس اللي قلتييه لازم علاج مكثف اقل شي 3 شهور .. ام التووت يعطييج الف الف عافيه طمنتيني انا نا ويه اجي مصر بس خايفه من الاوضاع وانتي ما قصرتي والاخوات بعد كفوو ووفوا ووالله يفرحكم بعيالكم ويشافيهم .. خليتيني متفائله حيييل من تطورات بنتج والله يزيد ويبارك انشاء الله .*

 

[*ام التوت*]

هلا حبيبتي .. انشاءالله الله يطمن قلب كل ام على ضناها وانا بنسبه لي العلاج الطبيعي نفس السحر يغير كلشي وينعش الطفل بس يبغيله صبرر وانشالله النتيجه بتسركم عن تجربتي الحمدلله والفال للجميع منها للاحسن والله كريم

 

[اوووفه]

ام التوت انت وينج انا كل يوم اجي المركز ما اشوفج وادي اشوف واتعرف علي خليجيين مليت من الغربه

 

[ام رتاج العنزي]

السلام عليكم جميعا واتمنى تكونون في اتم الصحه والعافيه وشكرا للكل على المرور والمشاركه في موضوعي وانشالله اكون فتحت مجال للجميع للاستفادة من تجاربكم والله يعطيكم العافيه ياامهات والله يجعل هذا في ميزان حسناتكم/ حبيبتي ام التوت الف مبر وك على التحسن بنتج وانشالله تشوفين نتيجه احسن يارب وقلبي عندج والله وموفقه وماجوره فيها باذن رب العالمين/ اوووفه حبيبتي شخبار ولدج انشالله احسن ومتى تنورون الديره وحطي بالج على بيتج وعيالج ومولازم تطلعون لان الاوضاع لج عليها شوي/ الذوق منوره وورود11 شخباركم انشالله بافضل حال والتوفيق للجميع يارب

 

[حساسة مصر]

الحمدلله علي الشششفا
و ربي يشفي الجميييع

و يجعله ف ميزان حسناتك

 

[الذوق]

ام رتاج النور نورج والله يجزاج خير على هالموضوع .. حساسه مصر الله يسلمج شخباركموشخبارك اجوائكم هالايام ..

 

[*ام التوت*]

هلا بنات اخباركم مشكورين على الكلام الحلوو والدعاوي اللهم اشفي مرضانا وجميع مرضانا ومرضى المسلمين يارب حبيبتي اوفه انا بكون بكره الساعه 12 انشالله

 

[اوووفه]

هلا وغلا ام رتاج شلونج وشلون رتوجه عقب لندن في تحسن
ابشرج الحين احسن في تحسن بسيط اول يقعد كم ثانيه الحين يطول بالقعده بس عيب ولدي خواف وكله مدنق يحني ظهره لتحت لما يكون قاعد هذا سلوك تعود عليه ولازم نغيره والحين يحاولون يوقفونه علي الطوفه يوقف بس ثواني ومافي توازن يميل علي جنب بس بحاول اسويله مكثف عشان يستفيد والله كريم يشفي عيالنا

 

[اوووفه]

ام التوت انا اجي الساعه ٢ ندخل تخاطب وبعدها وظائفي والساعه ٣ ونص طبيعي لساعه ٦ ونص
انت ليوين تقعدين بالمركز

وبسالج بكم احسبولج الساعه الي تاخذينها بالشقه لاني مفكره برمضان اخذ ساعتين

 

[اوووفه]

الذوق الاجواء الحين الحمدلله ساكنه انت متي ناويه تجين وجم عمر ولدج

 

[الذوق]

هلا اووفه انشاء الله على 18 /8 اذا لقينا حجز دايركت على مصر توني بسالج نفس السؤال لان ولدج حركاته نفس ولدي خواف واذا قعد يحني ظهره لين يوصل راسه للارض واذا عصب قط عمره لوراء انا ولدي شهر 8 يتم 3 سنين .. وبسالج اللحين ساعتين ونص مو واجد على ولدج ما يتعب ولا يزهق وشلون المكثف جم ساعه ياخذ لان ولدي يحتاج مكثف مع البوتكس .. وكم يكللف المكثف واللي يجون البيت بجم الساعه .. والعياده وقتها من جم الي جم ..؟

 

[*ام التوت*]

مرحبا حبيبتي انا اروح المركز الصبح بس 4 ايام بلاسبوع السبت والاثنين والاربعاء والخميس اعطيها ساعتين علاج طبيعي وساعه يمشونها تحت اجي من 11 لحد 2 الساعه بلمركز 60 بس بلييل يوميا اعطيها بالشقه 3 ساعات يعني 6 ساعات بليوم مكثف الساعه بلبيت ب 100 يعني 300 ل 3ساعات بس برمضان ببدي ساعه 2 بلمركز وبجيني عقب الفطور البيت دام انا متواجده احب اكثف ومايتعبون انشالله لان هم المفروض طبيعي طول يومهم يتحركون ةيقعدون ةيمشون فلازم يتعودون

 

[اوووفه]

زين ام التوت بالبيت يجيبون ادواتهم معاهم او بس الدكتور بروحه وشلون بالبيت يدربها وكم عمرها بنتج الله يشفيها

 

[اوووفه]

هلا اووفه انشاء الله على 18 /8 اذا لقينا حجز دايركت على مصر توني بسالج نفس السؤال لان ولدج حركاته نفس ولدي خواف واذا قعد يحني ظهره لين يوصل راسه للارض واذا عصب قط عمره لوراء انا ولدي شهر 8 يتم 3 سنين .. وبسالج اللحين ساعتين ونص مو واجد على ولدج ما يتعب ولا يزهق وشلون المكثف جم ساعه ياخذ لان ولدي يحتاج مكثف مع البوتكس .. وكم يكللف المكثف واللي يجون البيت بجم الساعه .. والعياده وقتها من جم الي جم ..؟

هلا والله لا حبيبتي مو واجد هم يسون له ساعتين تمارين وساعه سبايدر بس اهم شي الولد يكون شبعان نوم وماكل عدل ومرتاح وتقدرين تحطين نص ساعه راحه بينهم والله ولدي مرات يتعب ومرات ينام اثناء التمرين بس شسوي لازم ياخذ 3 طبيعي الساعه عندهم بالمركز 60 وبالبيت 100 بس انا قالي دكتور ولدي ان الي بالبيت ما يجيبون ادواتهم معاهم فمامنها فايده والعياده تفتح 9 الصبح وتسكر 6 للفطور وتفتح 8 وتسكر 12 اتوقع

 

[ام رتاج العنزي]

مرحبا بنات شلونكم اوووفه ابسالج رحتي لجلسات الاكسجين او لا وعلى فكرة سمعت بالبدله الفضائيه موجوده بمصر ياليت تسالين الدكتور كمال شكري عنها لان بنات جربوها لعيالهم ومدحوها والله يردكم سالمين يارب وشلون عيالج ياخذون دروس خصوصيه او لا ومبارك عليكم الشهر يامهات والله ياجرنا وياجركم باذن الله ولا تنسون الدعاء لاننا في شهر فضيل وكل التوفيق لكم يارب

 

[اوووفه]

هلا والله ام رتاج بعد قلبي مبارك عليج الشهر
يوم الثلاث ان شالله اول جلسه لنا وراح تكون يومي لمده ٤٠ يوم والبدله الفضائيه مو هي السبايدر الي تكون كلها حديد مربعات شبك ويعلقون المريض فيها او شي ثاني اذا هذي الي تقصدينها موجوده عند كمال من زمان واعتقد بنتج تمرنت فيها سالي زوجك يمكن انت ماكنت تروحين معاه لجذي ماشفتيها

ولا للحين ماعطيت عيالي دروس خصوصي لاني ماجبت كتب معاي ياليت اذا تعرفين اذا عندهم كتب مناهج الكويت او لا