علاج الشلل الرباعي في مصر

[أم عبدالرحمن 1]

السلام عليكم ورحمة الله وبركاته
الدكتور ابراهيم اللي كان بعيادة دكتور كمال موجود بالكويت بمركز الفهد ( مستشفي الطب الطبيعي )
ان شاء الله يكون احسن اذا وصلتوله

 

[اوووفه]

ام عبد الرحمن شسمه الكامل دكتور ابراهيم لاني سالت قالوا ما عندنا الا ابراهميم بكري ويشتغل بعياده ثانيه بمصر مو بالكويت هشسمه عشان اسال الدكتور كمال شكري عنه يمكن كان من زمان يشتغل عنده

 

[اوووفه]

ام التوت عطيني رقم الدكتور الي يسوي وظائفي لبتج بالبيت و

ودي بنتج دكتوره مها سعد مخ واعصاب ممتازه حيل ولاتعطينها ادويه من نفسج لازم دكتور

 

[أم عبدالرحمن 1]

اسمه د. ابراهيم امين. اعتقد ان كان موجود قبل كده مش دلوقتي . اسألي الدكتور كمال عنه. ربنا يوفقك للخير ويشفي ابنك

 

[*ام التوت*]

لا انا الدكتور الي يعالجها من انولدت قال اعطيها الادويه دكتور الاعصاب لان عندها شحنات زايده

 

[اوووفه]

اوكي انت ما دام انج بمصر اعرضيها علي كذا دكتور اعصاب وشوفي ارآهم منتي خسرانه شي في دكتوره مها سعد يقولون ممتازه

 

[أم عبدالرحمن 1]

فعلا الدكتورة مها سعد ممتازة وكمان في دكتور ايهاب رجاء في المعادي.

 

[اوووفه]

دكتور ايهاب تخصص اطفال او كبار

 

[*ام التوت*]

هلا حبيبتي اسمحيلي نسيت احط لج رقم الاخصائي هو اخصائي توافق حسي وحركي ممتاز انا شهرين شغاله معاه وانا بنتي والله وديته لندن حق دكتور مخ واعصاب فقالي نفس الكلام ان بس تحتاج علاج طبيعي وتابع بعد ببلادي مع دكتور واشوفه ولله الحمد حمدلله تتطور وبس انشالله بسافر بعد يومين وهذا رقم الاخصائي0107291394

 

[أم عبدالرحمن 1]

دكتور ايهاب تخصص اطفال . هو تقريبا زي مها سعد ( نفس العلاج والضمير والاخلاق)

 

[أم عبدالرحمن 1]

يعني ايه اخصائي توافق حسي وحركي؟

 

[*ام التوت*]

ممم انا رحت حق دكتوره هبه الشهاوي اهي دكتوره طب نفسي اطفال وقيمت بنتي ومهاراتها وحركه يدها واستيعابها عقب طلبت واحد يجيني البيت يعلمه شلون تنمي مهاراتها وادراكها يعني اهي عندها صعوبه شوي ف يدها اليمين ماتمسك عدل الاشياء الصغيره اهو يعلمها تمسك المكرونه وتحطها فلابروه والخيط مثلا وعلمها التركيب المثلثات والمربعات تحطها باماكنها يخليها تفكر ويخليها تحط عود الكبريب في فتحة الغرشه عشان تقدر تستخدم وتقوي يدها اكثر ويمسسكها الحاجات الصغيره وعلمها تمسك الملعقه وتاكل تقريبا قريب من العلاج الوظيفي وحسن من سلوكها وتتعلم تنفيذ الاوامر ووايد اشياء بعد

 

[ام رتاج العنزي]

اووفه حبيبتي اصبري شكلج مليتي ميخالف تحملي لان علاج الشد موبسيط مثل ماانتي فاكره ومافي تحسن يجي بيوم وليله وانتي بس صار لج شهرين الكورس العلاجي للتحسن الصحيح يكون 6شهور موشهرين وهذا عيبنا نبي كل شي بسرعه ونحبط معنوياتنا من اول عثرة لا ياعمري قولي الله كريم وحطي عينج بعين ربج وقولي يارب وتحملي عشان اولدج وحاولي تكملين علاج لو حسيتي في تحسن 1 بالميه واذا على عيالج رديهم لهلج عشان دراستهم وكملي انتي وبوه على الاقل 4شهور انا بنتي حيل الشد الي فيها بس استجابت بعد3شهور ولله الحمد بس مشكلتي الحاليه الخلع الي فيها لان الظهر يخافون يتاثر لازم عمليه وبعدين علاج طبيعي مكثف وانشالله يكون بمصر لانه بالكويت فاشل ولانضحك على بعض والله يهونها عليج وعلى ولدج ويبشرج خير بالايام المفترجه هذي انتم والمرصى اجمعين/ ام التوت الله يعطيج العافيه ويجعل سعيج في بنتج بميزان حسناتج ولا يحرمكم الاجر انشالله يارب موفقه انشالله/ ام عبدالرحمن1 الله يعطيج العافيه وعالمشاركه وكافي انج اختنا من مصر بس شنو مشكلتج اسفة اذا ضايقتج بس احنا نستفيد من تجارب بعض وعمومن مشكوره على مرورج الكريم ونصيحتج لخواتج/ الاكيد الاجواء الرمضانيه بمصر عجيبه الحين استانسو ولاتضيقون اعماركم وكل عام وانتم بخير

 

[اوووفه]

ام رتاج انا الحين داشه بالشهر الثالث ومكثف يوميا الظهر بالمركز وبالليل اجيب دكتور لشقه عندي يدربه بس ما شفت التحسن انا اكتشفت من كثر قعدتي بالمركز ان اكثر الدكاتره الشاطرين والممتازين طلعوا من المركز والسبه سياسه مدير المركز شريف السيئه حيل معاهم بس يبي يفرد عضلاته ويبين ان هو الكل بالكل وللاسف ما بقي بالمركز الا الدكاتره الجدد الطلبه وكم واحد من القدمين الي بيطلعون اذا زاد عليهم الضغط من شريف

حنا الحمدلله توفقنا بواحد من الدكاتره القديمين وانا راح انزل موضوع احط فيه اسماء الدكاتره الزينين عشان حرام الخليجيين ما ينخدعون ويضيعون عليهم الوقت وفلوس *

 

[اوووفه]

ام التوت ليش ما اشتغلتي مع المركز في الوظائفي ليش جبتي دكتور من بري ما عجبج شغلهم

 

[اوووفه]

ام رتاج المدرسه بكم حصتها

 

[اوووفه]

ام عبدرحمن جزاج الله خير ابي رقم دكتور ايهاب

 

[أم عبدالرحمن 1]

السلام عليكم ورحمة الله وبركاته
رقم دكتور ايهاب 0102405481

 

[ام رتاج العنزي]

ها اووفه حبيبتي اشصار معاج وينج الحين ولالتنسين اسامي الدكتاتره الزينين وسامحوني عالتاخير ليت الكل يفيدنا بتجاربه من العلاج في مصر/////// وشلونكم مع المظاهرات ضد اسرائيل اخوانا المصرين شادين حيلهم الله يستر عليهم والمنطقه امان عندكم او لا وتطلعون تتمشون في احد يضايقكم ردي علينا اوووفه يرحم والديج

 

[أم عبدالرحمن 1]

السلام عليكم ام رتاج. ليه تيجي مصر والبلد مش مستقرة. عندك دكاترة من عند الدكتور كمال بالكويت. شوفيهم احسن بدل ما تسافري وخلي دكتور كمال للمتابعة. ان شاء الله ربنا يشفي بنتك