علاج نقص فيتامين د ؟؟؟

[& مــشــايــخ &]

السلام عليكم

شلونكم بنات ؟

شخباركم؟؟

انا سويت تحليل وطلع فيني نقص فيتامين د

وبصراحه ماني عارفه شلون أعالجه

منو طلع فيها نقص هالفيتامين وعالجته وشلون؟

ولكم مني كل الشكر

 

[& مــشــايــخ &]

يوووووووه انا حطيت الموضوع بالمكان الغلط ههههههههههههههه

ياليت المشرفات ينقلونه لقسم الطب والصحه

وي فشله ههههههههههههههه

 

[احب المنتدى]

رد : علاج نقص فيتامين د ؟؟؟

انا ااعرف وخده عطوها حبوب


الله يشافيج ان شاء الله و امكو الا العافيه

 

[zain-alq8]

ودي التحليل للمستوصف ايلي تابع لكم واذا نقص وايد يعطوونج ابر 3 مرات ابره كل شهر وسلامتج

 

[ام فويزان]

انه عطوني ابر ابره مره بالشهر لمدة 4 شهور

 

[سبائك]

رد : علاج نقص فيتامين د ؟؟؟

ممكن تحتاجين كورسات ابر بس لازم متابعه من دكتور غدد

انا اراجع د.سمير الشمري بدار الشفا يعطيني ابر فيتامين دال ويتابع تحاليلي

 

[كلي طيبه]

علاجه حبوب اوابر
بس ايش اعراض نقص فيتامين دال للاستفاده

وسلامتج وماعليج شر لاتخافين واايد فيهم نقص فيتامين دال

 

[Petty Boop]

رد: رد : علاج نقص فيتامين د ؟؟؟

ممكن تحتاجين كورسات ابر بس لازم متابعه من دكتور غدد

انا اراجع د.سمير الشمري بدار الشفا يعطيني ابر فيتامين دال ويتابع تحاليلي

هلا حبيبتي انا كت عند دار الشفا اعالج بس حرامية خذو فلوسي بدون نتيجة قمت حولت على الصباح غدد و هرمونات مرتاحه حييل معاهم خذيت ابر و حبوب مره بليوم و الحمدلله احسن وايد من دار الشفا غالي على الطل بس صج حروني!
و سلامتج

 

[الهندية]

انا دكتور الغدد عطاني 6 ابر كل ابره مره بالشهر

اول عطاني حبوب باس معدتي ما تحملت فعطاني الأبر

 

[ورد وردي]

رد : علاج نقص فيتامين د ؟؟؟

حبيبتي ممكن تقولين لنا شنو حسيتي فيه عشان سويتي التحليل ؟ وشنو التحليل الي سويتيه؟؟ لان قالولي ان التحليل الشامل غير عن التحليل الي تعرفين اي فيتامين ناقصج؟؟؟

وجزاج الله خير

 

[Daleela]

انا سمعت ان لازم تتعرضين للشمس
رفيجة امي جذي قال لها الدكتور

 

[om MaRyooM]

هلا حبيبتي .. ماتشوفين شر انشالله


عمري لازم تروحين المستوصف او طبيبج المختص ويشفون على حسب النسبة يااما تكفيج الحبوب او يعطونج ابر فيتامين


ونصيحة اخذيها مني دامج صغيرة وطلع فيج نقص فيتامين دال ظروري تسوين فحص هشاشة العظام . . قاعدة اقولج جذي لأني اشتغل بمستشفى ونسوي هالفحوصات واغلب الحريم اللي عندهم هشاشة غالبا يكون عندهم نقص فيتامين دال .. لأن يأثرون على بعض عرفتي ؟

اذا تبين فحص الهشاشة روحي مستشفى الرازي يعطونج موعد .. واذا ماتبين تنطرين تروحين مستشفى الاميري عادي يدخلونج علطول حتى لو انتي مو تبع المنطقة .. تروحين قسم الطب النووي اللي صاير قبال مبنى ثنيان الغانم لأمراض الجهاز الهضمي وهناك يدخلونج علطول موجودين للساعة12 ..


ونصيحة ثانية .. تعرضي للشمس بالاوقات الامنة يعني الصبح او بداية المغرب لأن الشمس تعطي فيتامين دال وممكن علطول تتحسنين اذا اهميتي بنفسج . .


واسفة عالاطالة بس حبيت افيدج وعشان ماتتوهين قتلج من خلال خبرتي وشغلي .. ومافيج الا العافية انشالله

 

[am_kshaa]

قعدووووووو بالشمس احسن شى حق نقص فيتامين دال مع ان شمسنا ماشالله تحرق الى مايحترق
بس الى تبى تشمس حق نقص فيتامين دال لازم شمس الشروق الصبح ومدة 10 دقايق او قبل الغروب وهم 10 دقايق
الى تبى شى طبيعي ........ احسن من الابر والحبوب
::::::: علمنى نفسج

 

[عنايد]

رد : علاج نقص فيتامين د ؟؟؟

الله يشافيج يارب

ماعندي فكره

 

[الجوهرة777]

الشمس تقريبا 10 الى ربع ساعة


بس مو من ورا الدريشة لا الزجاج يمنع وصول فيتامين د - يعني تطلعين بالحوش

تشترين منتجات الحليب اللي فيها فيتامين د

كبسولات اذا النقص بسيط

اذا حيل لازم ابر

 

[ام الفهد712]

رد : علاج نقص فيتامين د ؟؟؟

انا اراجع بشيخان الفارسي

وعطاني دكتوري كورس ابر مدة 3 شهووور اول شهر خذيت فيه 3 ابر والشهرين الثانيين خذيت ابره بالشهر والحمدالله واايد احسن من قبل اول كنت ما اقدر اقعد واقووم من عوااار عظااامي

وعن قعدة الشمس منو قال من 10 الى ربع ساعة ولا اصلا اقل شي تقعدين ساعه الا ربع بالشمس مو اقل هذا حجي دكتوري

وماتشوفين شر حبيبتي

 

[& مــشــايــخ &]

الله يجزاكم خير بنات

ويارب كل وحده ردت علي أو دعت لي ربي يوفقها وين ماتروح

الحين يعني آخذ تحاليلي وأروح للمستوصف؟

 

[قطوة@@]

رد : علاج نقص فيتامين د ؟؟؟

الله يشافيج حبيبتي

 

[n.m.3.k]

الله يشفيج ياربي والله ماعندي شي اقوله لج.

 

[دلع مطيرية]

هلا حبيبتي .. ماتشوفين شر انشالله


عمري لازم تروحين المستوصف او طبيبج المختص ويشفون على حسب النسبة يااما تكفيج الحبوب او يعطونج ابر فيتامين


ونصيحة اخذيها مني دامج صغيرة وطلع فيج نقص فيتامين دال ظروري تسوين فحص هشاشة العظام . . قاعدة اقولج جذي لأني اشتغل بمستشفى ونسوي هالفحوصات واغلب الحريم اللي عندهم هشاشة غالبا يكون عندهم نقص فيتامين دال .. لأن يأثرون على بعض عرفتي ؟

اذا تبين فحص الهشاشة روحي مستشفى الرازي يعطونج موعد .. واذا ماتبين تنطرين تروحين مستشفى الاميري عادي يدخلونج علطول حتى لو انتي مو تبع المنطقة .. تروحين قسم الطب النووي اللي صاير قبال مبنى ثنيان الغانم لأمراض الجهاز الهضمي وهناك يدخلونج علطول موجودين للساعة12 ..


ونصيحة ثانية .. تعرضي للشمس بالاوقات الامنة يعني الصبح او بداية المغرب لأن الشمس تعطي فيتامين دال وممكن علطول تتحسنين اذا اهميتي بنفسج . .


واسفة عالاطالة بس حبيت افيدج وعشان ماتتوهين قتلج من خلال خبرتي وشغلي .. ومافيج الا العافية انشالله

اشرايج إني سويت التحليل على حسابي ، وأخذته ورحت طبيب مستوصف الرقة .
تدرين اشقالي ؟؟؟؟؟؟؟؟؟؟؟
أول مرة يسمع عن نقص فيتامين دال وقال لي هذا ما يصيب إلا الأطفال. دكتور مثل هذا شسوي فيه؟؟؟؟؟؟؟؟؟؟؟؟1!!!!!!!!!!!!!!!