علامات دكاترة الولادة الاستغلاليين و التجاريين

[Sol6ana]

لا اله الا الله محمده عبده ورسوله

 

[سـٌگر معـقـود]

الجادل الصعب رايي من رايج
اذا في اجمماااع ان هالدكتوره استغلاليه تجاريه
ينذكر اسمها للتحذير خصوصا للي مالهم خبره والبجريات مثل حالتي بس نسمع قالو ويقولون

 

[البابانه توته]

اوليفيرا

كلااامج عدل والله مشكله النصب لي وصل بمهنة الدكتور

بس بالنسبه انه دول برا اذا حمالج عادي مو حرج تولدج ممرضه !! انا مو معاج بهالشي
دول براا انتي تختارين الدكتور الي تبينه والي تابع حالتج من البدايه اهو الي يولدج وطبعاا كل شي بحسابه

وبالنسبه لتحليل البول
انا عايشه برا
يعطوني تحليل منزلي عباره جنه اورقه فيها مربعين واحد اصفر وواحد جنه اخضر
يكفي اشهووور تقريبا
بكل زياره تسالني عن هالتحليل اهو لازم مايتغير لونه
يعني دفعت مره وحده قيمة هالتحليل ويكفي اشكثرررر لاني واايد اطوف
هذا الله يسلمج
يطلع نسبة السكر والبروتين بالدم


بس ترااا دكاتره الولاده وااايد ناس حولهاا الى تجاره للاسف

 

[boliana_q8]

راجعت دكتور استشاري بمستشفى العرف
تخيلوا دشيت عليه المراجعة 50 دينااااار
والسونار 20 دينااااار
بذمتكم هذي اسعار

 

[boliana_q8]

مستشفى السلام وايد مرتاحتله
الدخول 20 دينار
والسونار 7 دنانير
والمرضية مجانية واذا تبينهم يصدقونها 3 دنانير

لا وماخذة راحتي عند دكتوري اقعد نص ساعة بالسونار

 

[سـٌگر معـقـود]

ماشالله بوليانا حلوه اسعاره
شسم دكتورج وتفكرين تولدين عنده ؟

انا دكتورتي الدخول 15
السونار 20
شاطره بس سريعه شوي

 

[Aloe Vera]

البابانه



صح كلامج بالنسبة للولادة في دول برا
انتي تختارين شنو تبين حق الولادة سواء ممرضة توليد او دكتورة او قابلة
حتى مكان الولادة تختارينه سواء مستشفى او مركز توليد او بيت
بس الاستشاريين بالغالب للحالات الحرجة
يعني اذا انتي طبيعية مايختبون

 

[Aloe Vera]

سلطانة



كلامج عدل خصوصاً حق اللي ماتقدر مادياً على مراجعات الخاص

انا لان عندي معلومات و فاهمة ما عمره انقص علي
و ما ادخل المستشفى الا و انا خلاااص واصلة حدي طلق منتظم و رحم فاتح
ادخل اولد علطول

 

[Aloe Vera]

سكر معقود



حبيبتي ولا تخافين ولا شي الموضوع سهل
اذا انتي مرتاحة لدكتورتج خليج معاها
و اذا انتي مستعدة تدفعين مبلغ المراجعات و التحاليل هم خليج


اذا قامت الدكتورة تخرعج علطول شوفي راي دكتورة ثانية
خصوصاً اذا قالت قيصرية او طلق صناعي

و انتي بعلمج و قرايتج و ثقافتج تقدرين تناقشينها

 

[Aloe Vera]

و بعدين ممكن تستمرين مع دكتورة تجارية بحيث انج من البداية تتفقين معاها على كلشي بمثل ما يسمى ال birth plan
او تكتبلج اللي تبينه بالملف

و اهم شي بالنسبة لي الاتفاق على طريقة التعامل مع الخيااااط
تبين بدون شق و خياط
تبين خياط عادي
تبين تضييج

مو تخلين الدكتورة تسويلج تضييج و انتي ما تبين
لازم كلشي واضح من البداية
و اذا قالت لازم خياط عرفي انها تجارية لان مافي شي اسمه لازم خياط