علاوي ابني كبر

[ام علاوي الالماسه]

عزيزاتى الخبيرات ارجو المساعدة ابني علي عسى ربي يحفظة ويحفظ عيالكم هو اخر العنقود ولد على 3 بنات وبصراحة امدلل واموت عليه بس علاوي اسمله عليه صار عمره 9 سنوات وماعنده اصدقاء غيري انا وخواته وابوه وبره البيت خجول كلش ولايتكلم ابدا وحتى لما اى احد يتكلم معاه اويساله اى سؤال ابدا مايتكلم شسوى ساعدونى بخبرتكم

 

[ريماا]

ياحلوة الله يحفظة
عمرة 9سنوات يعنى كبير تحجى معاة وقوليلة تعرف وكون صداقات خلى ابوة ياخذة معاة دايما للعزايم
وخلى يعزم عيال خوالة وعماامة او يزورهم ...
الله يخلى لج ان شالله

 

[القرآن ربيع قلبي]

حله عزيزتي عند ابوه خل ياخذذه المسجد الديوانية
خلوه يحاسب عنكم وانتو بعاد عنه خل يعتمد على نفسه لا تدللينه تخربينه وتحسفين بعدين
خل يعزم عيال عمه خوالا عيال خواله بالديوانية عندكم وسوي لهم عشا وخليه على راحته معاهم
شركيه نادي رياضة

خلر يسافر مع ابوه بروحه قوي قلبج شوي عشان مصلحته
الله يحجفظه لكم يارب

 

[(كويتيه عسل)]

الله يخليه لج

حمليه مسؤلية مثلا طرشيه مع السايق يروح يشتريلج شي من الجمعيه

وشجعيه جدام اخوانه ان علاوي شرى مثلا خووووووش اغراض هالشي يعزز ثقة بروحه ويبعده عن الدلع

شوفي شنو هوايته وشركيه في نادي يمارس هوايته ويطورها

ويختلط مع الصبيان علشان يصير اجتماعي

بس انتي تقطينه بالنادي وتروحين ولا تشركين اخوانه معاه علشان يتعلم يعتمد على نفسه

بالبداية راح يقولج خليج معاي ولا تروحين عني

انتي لا ينكسر خاطرج اذا تبينه يتغير لازم تتحملين شوي خليه يعتمد على نفسه

واذا قالج مثلا كلمي مدرب النادي قوليله انتي الحين كبرت وصرت ريال

انته روح كلمه بنفسك يعني دايما اذا يبي شي خليه اهوا يعتمد على نفسه ويسويه بروحه

 

[F.A]

دخليه نوادى مع صبيان وأنصحج بنادى المصابيح لمحمد الثوينى حتى أيام المدارس فيه لو يومين بالأسبوع
يعلمه وايد أشياء حلوه وشخصيته رح تتغير بالتدريج
والله يحفظه لج ويخليلج اياه حتى أنا علاوى ابنى كبر ودش الروضه الله يستر من كل عليوى

 

[ام علاوي الالماسه]

شكرا لكم على المرور

 

[om al ghaleen]

يحليه كبر ولدي علاوي بس انتي صيري له صديقه وصدقيني بيصير احسسن والله يحفظه ياارب


\\

 

[farawla_q80ia]

سبحان الله ما مر علي واحد اسمة علي الا وفيه صفات شبيهة بولدج الله يخلية

 

[msmshasnsn]

الله يحفظه ويخليه
بس حبيبتي لازم تخلينه يعتمد على نفسه ترى9 سنين كبير اسم الله عليه
عوديه ان يخالط الاولاد ويعزمهم عنده بالبيت بس مودايما اهو اللي يعزم خليه اهو يروح لهم بيتهم مثل خواله وعمامه حتى ربعه
عشان مايحس انه على طول معاكم و دايما انتو يمه باجر ان شاءالله يكبر ويصير شاب مايقدر يعتمد على نفسه لانكم عودتوه على جذي
انا ولدي للحين ماكمل8 سنين والله قاعده اعوده يروح الجمعيه بروحه وابوه يراقبه من ابعيد من غير مايحس
منشب على شيء شاب عليه
سامحيني اذا طولت عليج