علشان يتأدب !

[shak!shoka]

شلونكم بنات


حابه اخذ رايكم يا متزوجات بشغله وايد اسمعها وحابه اسمع راي الي متزوجه من سنين بالاخص لانها اخبر


طبعا كاي زوجين نمر انا و زوجي بمشاكل احيانا تكون عاديه و احيانا لا توصل للزعل في بيت الاهل ،،
صارلي 6 سنوات متزوجه
اخر هوشه كانت على سبب تافه ما ينذكر يعني شي من الطلبات اليوميه لليهال بس تأزم الموضوع و تناجرنا و انا بعد ما اقصر ما اعرف اسكت ليما وصل الموضوع للطق و رحت قعدت عند اهلي فتره وصل الموضوع للطلاق و وديت اليهال عند ابوهم علشان يحس بمسؤوليتهم و انه طلباتي عاديه و ضروريه المهم عطوه درس بالمسؤوليه وحس انه بروحه ما يقدر عليهم واعتذر و رديت بيتي و وعدني يطول باله ولاحظت صراحه التغيير من اول يوم وانا بالمقابل وعدت نفسي ما اطول لسان واغير شوي من طريقتي اذا بغيت اطلب شي


المهم هاذي السالفه باختصار علشان تكونون بالصوره لاني الموضوع الاساسي يايكم بالطريج



دقت علي رفيجتي تسولف و ناخذ اخبار بعض وانا نوعي اخذ اخبار بس ما اعطي ههههه اهيا مطلقه صارلها سنه ونص تقريبا و عندها بنت و ولد يابتهم ورا بعض وطلاقها كان صدمه لان كانت توها طالعه من الاربعين و زوجها طلقها بكل برود و على سبب تافه و عقب ما طلقها و تزوج عليها و مرته حامل رد يكلم رفيجتي الي اهيا طليقته بالسر ،، واهيا معطيته ويه وتسهر معاه ع التلفون و غزل و حب و خرابيط انا مو راضيه وحيل لايعه جبدي من حركاتهم و اهاوشها واقولها لا ترخصين نفسج لانه حيوان حل المشكله كان بسيط و بايده و مع ذلك باعج و باع عيالج و ولده الي كان ناطره عقب ما توفا اول مولود لهم يعني انسان وصخ و قاسي و مصلحجي واهيا ما عندها مخ ولا كرامه


المهم انها تنصحني نصايح غريبه

لمن قلت لها عن مشكلي مع زوجي طبعا عقب ما رديت له قالت خليه يولي ولا يقرب لج ونصيحه حرميه من حقه لو انشالله عقب سنه لا تعطينه هذاك الشي علشان يحرم يزعلج
و قعدت ساعه واهيا تقنعني انه احرمه من حقه


انا طبعا مو مقتنعه ولا 1٪ بكلامها لانه اول شي ما يجوز ! خاصتا انه الريال شاريني و اعتذر و لمست التغيير

ثانيا لو كانت نصيحتها بمحلها جان فادتها




انا لاحظت اغلب الحريم جذي يعني اذا ردج عقب الزعله احرمه من حقه علشان يتسنع ؟؟


شرايكم ؟ صج هالكلام ؟؟؟؟؟؟



انا اقول لا وغلط جذي اقسي قلبه علي و يشوفله طريج حرام و اشيل ذبنه و الله يعاقبني..... بس ممكن تنفع بوضع معين او مشكله معينه و مده قصيره عاد مو سنه كامله !




قولولي شرايكم ؟

 

[نـعـومـه]

لا طبعا ماتقدرين تحرمينه من هالشي ولااا سنه شدعوه !!!!!

ومعروف اي وحده تشيش يصيرلها هالموقف ماراح تسوي الشي اللي تسويه لان الكلام سهل والفعل صعب

دام انتي وزوجج تزاعلتو برا البيت ورديتو خلاص المفروض تنسون الشغلات السلبيه وتردون من يديد وتعاملينه عدل ويعاملج عدل اذا حرمتيه من هالشي معناته للحين مشكلتكم مانحلت وللحين قلبج موصافي عليه جذي ماكو فايده اهم شي عقب رده قلبكم يصفى حق بعض عشان ماتهاوشون

ورفيجتج احس اشكره زوجها كان يحب وحده ودور زله عليها عشان يطلقها وياخذ اللي باله والحين حن حق زوجته

 

[جامعيه طموحه]

انا مومتزوجه بس الواحد يتكلم بالعقل والمنطق اول شي انتي خلصتي من الموضوع والحمدلله الريال تسنع من نفسه بدون لا حرمان ولا شي ف انسي هالسالفه ولا عاد تتكلمين عن اي مشكله بينج وبين ريلج معاها

ثانيآ لا تزعلين مني بس اهي لو فيها خير ماوصلت انه تكلم طليقها بالسر وبعد تلفونات وتتصرف تصرفات غريبه و ان جان اهي جربت تسوي جذي وانا اشك بهالشي ف بالاخر اهي تطلقت وريلها خذا غيرها ( طبعآ انا ما اتشمت فيها بس من اسلوبها معاج ما عجبتني )
وبعدين لو اهي يايه تنصحج وتقولج حرمي ريلج ( وانتي على ذمته وحلاله) من حقه الشرعي انزين شنوفيها لو اهي تطبق هالشي الاول وتحرم طليقها من هالشي سواء كان تليفون او غيره يعني بصراحه تصرفاتها نقيضه لكلامها وانصحج ما تسمعين لها كلش لان الواضح ان اهي مو متقبله نصايحج ف خليها مع نفسها

وعامة نصيحه يعني لا تيي البنت تفكر انه تحرم زوجها من حقه لانه هالشي بيخليه يجافيها اكثر ويقسي قلبه عليها اكثر ف ماله داعي بالعكس تقربي منه وكسبي وده احسن

والله يسخر لج زوجج

 

[مني يغارون]

بعض النصايح ما تجيب الا خراب بيوت
احيان تلاقين الأم نفسها ما تعرف تنصح بنتها
وتسبب لها مشاكل الدنيا فكيف بوحده غير الأم !!
نصيحه لاتسمعين منها انتي ادرى بزوجك وضروفك

 

[شادن33]

اصلا غلط كلامها غير انه حرام بعد

وانا احس اللي تقولج احرمبه من حقه الشرعي وجذي احسها محترررره هههههههه

وخير ياطير شكو تتدخلين بهالشي الخاص اللي بيني وبين ريلي !!!!

المهم طنشيها ولاتعطينها اخبارج الخاصة

 

[عاشقة الككاو]

اساسا الحديث عن الامور الحميمية بين الزوجين حرام وعيب وغلط وواضح انها محترة وتبي تسحبج معاها بمشاكل نهايتها الظلاق بعيد الشر
ما حسيتها صديقة وفية !

موفقة حبوبة

 

[baa6aa]

انتي بنفسج قلتيها حرام تمنعينه من حقه
واللي ياخذونها من باب تبي تمنعه تكون على ضحك او انها تتحرش تتمنع بهدف الوناسه او تحسسه بغلط بس لمده بيطة حيل لا تذكر حتى
بس احتمال انها غارت من وضعج ان شلون ردج بهالسرعه و حس بالذنب عكسها اهيا اللي طليقها باعها و مستمر معاها بالظلمة هذا تفسير
وفي تفسير ان نفرض مو هاين عليها وضعج بس المفروض انها ما تزيده او تخرب دام على قولتج قاعده تشوفين بعينج تغيرات
فمالج شغل و كملي على اللي انتي تبينه و اللي تشوفينه منه
والريال دام ندمان و في تغيير للافضل تمسكي فيه بيده و ريلج و اسنانج بعد
وربي يسخره لج و يبعد عنكم العيون و يحفظكم لعيالكم يارب

 

[Kocheko]

فالنفرض حرمتيه من الشيسمونه .. ترا البنات ترسة الديرة الريال مو نفس المره بيشبع روحه برع وبيجابلج ..
هالاسلوب قديم مع ريايل قبل اللى ما كان في نسوان وأنفتاح وخرابيط قبل .. الحين ما ينفع ..
ريلج له مفتاح ثاني يأدبه وانتي شريكة حياته وأدري ..​

 

[zain-alq8]

اول شي مالج شغل برفيجتج لاتخرب بيتج ...ثانيا لسانج حصانج ان صنته صانك .... ياما بنات خربو بيوتهم من سبه لسانهم واستعجالهم ...الحياه الزوجيه يبيلها وقت وطوله بال ....خلي لسانج عسل ..صدقيني مهما كان يحبج ريلج وانتي لسانج طويل وماتعدلتي وماطوفتي بيجي يوم تندمييييين ويبيعج انتي وعيالج ...فطولي بالج وخلج وسيعه صدر لج ولعيالج ولزوجج ...والله يوفقج ويسخرلج زوجج

 

[Royof]

اول شي ماراح يهمه وثاني شي الحين الفتن واجد عادي يلقى وحده تعطيه وجه .. وهاذا اكبر غلط بالعكس ال... يقرب الزوجين البعض حيل ودليل شوفو ايام الدوره الرجال يعتفس والمرا نفس الشي
الحل اذا صارت اي مشكله لا سمح الله بينج وبين زوجج استغفري ودعي ربج سبحانه هو اللي خلقنا قادر يفرج لنا

 

[مآيكبرني نك]

لو وحدة تعرف الشرع والدين مانصحتج هالنصيحه

اولآ شرعا حرام

ثانيآ الريال مايهمه شي بيحصل بديل

وزين انج وحده عاقله ماتاخذين ع كلام وحده سفيه

 

[3tebeya]

شوفي انا بكلمج بالعقل والصح قبل دين ومنطق وتالي برد على الشرع
دايم الريال مثل الياهل كثر الهواش والطق والمداحر يرضى بشي بواحد بس وينسى كل شي صار اهوا لعبه او كاكاو او حلاو عدل ؟ يعني شي في لذه واستمتاع وتعديل مزاج يعني الكاكاو في نسبه قويه يعدل نفسية الياهل ويونسه
الريال جذيه بضبط كثر ما عطيتي بالفراش قبل كل شي نسى وحب وتعلق اكثر فراش اكل بيت هالثلاث اهم شي الوحده يلقاه عندها زوجها
انا بقولج عني وشوفي وكل وحده تعرف طبيعة ريلها شنو
انا وحده ما اصرخ ولا اداحر ولا اقول اي شي غير يسلم راسك وما تقصر ما اخلي العيبه تلحقني اهوا عباله جذيه ما زعلت بس غصه داخلي ومتضايقه اذا ياني اعطيه ؟ شنو ما عندي احساس ؟ ما عندي كرامه ؟ نفسيتي معنويتي راحتي ؟ كلهم طاف عشام راحته اكيد بصده وبحط راسي وبنام
انا ريلي من النوع اللي اوفر وانتو فاهمين وهالشي مهم مهم مهم مهم عنده مره وحده سويتها فيها وحرم بعد نتهاوش وما يرضيني بنفس الوقت يعني استحاله صار ما ندش الفراش الا وانا واهوا متراضين كافي انام مرتاحه

اما اذا انتي غلطانه ومطوله لسانج وتلاسنين الريال مالج حق تقولين لا لانج انتي عطيتي مجال يتمادى عليج ويتم يعطيج طاف
الاسلام يسر مو عسر والمراه مو بس فراش يا لين تفهمون هالنقطه

نصيحتي لج من اخت ومن قلب يبيلج كل خير لا تلاسنين ريلج ولا اداحرينه ولا تقولين له شي غيري طريقتج حياتج اسلوبج ضغطي على نفسج وخلي صوتج اوطى انعم اذرب خليه يشتاق للهوشه معاج مداحر تداحري بادب وابتسمي له
سالفة تحرمينه سنه وايد وايد بالغت
لو تحبج ما تنصحج جذيه
اسرار بيتج لج انتي بس حتى اهلج لا تقولين هذا بيتج تزعلين وترضين فيه اهوا اللي يطلع
للعلم العلاقه الزوجيه بعد الانتهاء منها ينمحي كل شي بينكم الله يمسح على قلوبكم ويوددكم
احرم اذا اهوا غلطان علي وعال علي وانتي سكتي اهني راح يحس على دمه وما يطول لسانه

الريال شنو يبي ؟ يبي المراه اللي تحتويه بكل مافيها ام واخت وصديقه وحبيبه ورفيجه واهل ووبنت ليل ؟ مو استهزاء باحد ولا انزل من قدركم بس الريايل يحبون هالنوع جربي وشوفي وربي يسخرج له ويسخره لج يارب

 

[3tebeya]

شوفي انا بكلمج بالعقل والصح قبل دين ومنطق وتالي برد على الشرع
دايم الريال مثل الياهل كثر الهواش والطق والمداحر يرضى بشي بواحد بس وينسى كل شي صار اهوا لعبه او كاكاو او حلاو عدل ؟ يعني شي في لذه واستمتاع وتعديل مزاج يعني الكاكاو في نسبه قويه يعدل نفسية الياهل ويونسه
الريال جذيه بضبط كثر ما عطيتي بالفراش قبل كل شي نسى وحب وتعلق اكثر فراش اكل بيت هالثلاث اهم شي الوحده يلقاه عندها زوجها
انا بقولج عني وشوفي وكل وحده تعرف طبيعة ريلها شنو
انا وحده ما اصرخ ولا اداحر ولا اقول اي شي غير يسلم راسك وما تقصر ما اخلي العيبه تلحقني اهوا عباله جذيه ما زعلت بس غصه داخلي ومتضايقه اذا ياني اعطيه ؟ شنو ما عندي احساس ؟ ما عندي كرامه ؟ نفسيتي معنويتي راحتي ؟ كلهم طاف عشام راحته اكيد بصده وبحط راسي وبنام
انا ريلي من النوع اللي اوفر وانتو فاهمين وهالشي مهم مهم مهم مهم عنده مره وحده سويتها فيها وحرم بعد نتهاوش وما يرضيني بنفس الوقت يعني استحاله صار ما ندش الفراش الا وانا واهوا متراضين كافي انام مرتاحه

اما اذا انتي غلطانه ومطوله لسانج وتلاسنين الريال مالج حق تقولين لا لانج انتي عطيتي مجال يتمادى عليج ويتم يعطيج طاف
الاسلام يسر مو عسر والمراه مو بس فراش يا لين تفهمون هالنقطه

نصيحتي لج من اخت ومن قلب يبيلج كل خير لا تلاسنين ريلج ولا اداحرينه ولا تقولين له شي غيري طريقتج حياتج اسلوبج ضغطي على نفسج وخلي صوتج اوطى انعم اذرب خليه يشتاق للهوشه معاج مداحر تداحري بادب وابتسمي له
سالفة تحرمينه سنه وايد وايد بالغت
لو تحبج ما تنصحج جذيه
اسرار بيتج لج انتي بس حتى اهلج لا تقولين هذا بيتج تزعلين وترضين فيه اهوا اللي يطلع
للعلم العلاقه الزوجيه بعد الانتهاء منها ينمحي كل شي بينكم الله يمسح على قلوبكم ويوددكم
احرم اذا اهوا غلطان علي وعال علي وانتي سكتي اهني راح يحس على دمه وما يطول لسانه

الريال شنو يبي ؟ يبي المراه اللي تحتويه بكل مافيها ام واخت وصديقه وحبيبه ورفيجه واهل ووبنت ليل ؟ مو استهزاء باحد ولا انزل من قدركم بس الريايل يحبون هالنوع جربي وشوفي وربي يسخرج له ويسخره لج يارب

 

[شندوخه]

انا مو متزوجه بس بقولج رفيجه اختي شصار معاها

الريال كان حليو معاها بس بخيل يعطيها الفلوس بالحسر واهي مو كويتيه ولاتشتغل وكانت تسوي مشروع منزلي تبيع اكل تسترزق منه ومنعها من هالشي

وكانت تقول مو كل وقت اعطيه حقه لازم اتغلا شوي عشان يتعدل معاي

بس للاسف الريال استلعن زياده وطاحله علي بنت شوارع مو كويتيه من جنسيه عربيه وصرف عليها وكت فلوس لدرجه انها سوت عمليه تكميم من فلوسه ومرته وبيته محسر فيهم
والحين تزوجها بالسر ويوم واجهته الزوجه الاولي قالها انتي السبب انتي اللي ماكنتي تعطيني حقي الشرعي


فآنا اشوف هالشي غلط انتي جذي تساعدينه عالانحراف وتساعدينه يدور بديل لان الريال كل همه بالسالفه هذي ان ماحصلها بمرته حلاله ممكن توصل انه يزني وان كان خايف ربه بيتزوج ويحط شريجه علي راسج

فشحقه المشاكل وشحقه تفتحين علر نفسج باب مشاكله وايد

والحين البنت حيل متحسفه

 

[اميره بكلمتي]

شوفي انا بكلمج بالعقل والصح قبل دين ومنطق وتالي برد على الشرع
دايم الريال مثل الياهل كثر الهواش والطق والمداحر يرضى بشي بواحد بس وينسى كل شي صار اهوا لعبه او كاكاو او حلاو عدل ؟ يعني شي في لذه واستمتاع وتعديل مزاج يعني الكاكاو في نسبه قويه يعدل نفسية الياهل ويونسه
الريال جذيه بضبط كثر ما عطيتي بالفراش قبل كل شي نسى وحب وتعلق اكثر فراش اكل بيت هالثلاث اهم شي الوحده يلقاه عندها زوجها
انا بقولج عني وشوفي وكل وحده تعرف طبيعة ريلها شنو
انا وحده ما اصرخ ولا اداحر ولا اقول اي شي غير يسلم راسك وما تقصر ما اخلي العيبه تلحقني اهوا عباله جذيه ما زعلت بس غصه داخلي ومتضايقه اذا ياني اعطيه ؟ شنو ما عندي احساس ؟ ما عندي كرامه ؟ نفسيتي معنويتي راحتي ؟ كلهم طاف عشام راحته اكيد بصده وبحط راسي وبنام
انا ريلي من النوع اللي اوفر وانتو فاهمين وهالشي مهم مهم مهم مهم عنده مره وحده سويتها فيها وحرم بعد نتهاوش وما يرضيني بنفس الوقت يعني استحاله صار ما ندش الفراش الا وانا واهوا متراضين كافي انام مرتاحه

اما اذا انتي غلطانه ومطوله لسانج وتلاسنين الريال مالج حق تقولين لا لانج انتي عطيتي مجال يتمادى عليج ويتم يعطيج طاف
الاسلام يسر مو عسر والمراه مو بس فراش يا لين تفهمون هالنقطه

نصيحتي لج من اخت ومن قلب يبيلج كل خير لا تلاسنين ريلج ولا اداحرينه ولا تقولين له شي غيري طريقتج حياتج اسلوبج ضغطي على نفسج وخلي صوتج اوطى انعم اذرب خليه يشتاق للهوشه معاج مداحر تداحري بادب وابتسمي له
سالفة تحرمينه سنه وايد وايد بالغت
لو تحبج ما تنصحج جذيه
اسرار بيتج لج انتي بس حتى اهلج لا تقولين هذا بيتج تزعلين وترضين فيه اهوا اللي يطلع
للعلم العلاقه الزوجيه بعد الانتهاء منها ينمحي كل شي بينكم الله يمسح على قلوبكم ويوددكم
احرم اذا اهوا غلطان علي وعال علي وانتي سكتي اهني راح يحس على دمه وما يطول لسانه

الريال شنو يبي ؟ يبي المراه اللي تحتويه بكل مافيها ام واخت وصديقه وحبيبه ورفيجه واهل ووبنت ليل ؟ مو استهزاء باحد ولا انزل من قدركم بس الريايل يحبون هالنوع جربي وشوفي وربي يسخرج له ويسخره لج يارب

معاها ????

 

[yam_yam]

ديري بالج منها هذي راح تخرب بيتج حبيبتي بقولج شغله
اول شي اكبر غلط انج تسولفين عن مشاكلج مع رفيجتج
هذي اسرار حياتج الزوجيه حتى لو كانت مشكله لاااااتطلعينها بره لو شنو

انا كنت نفسج بزواجي الاول بس عقب ماتزوجت الحين تجنبت هذا الشي نهائيا و حتى لو اختلف مع زوجي و ادخل على اهلي او اهله ما ابين لهم كلش اني مختلفه معاه و هذا الشي خلاني اكبر بعينه و رفع قدري حييييييل عنده
و اصلا عودته على هذا الطبع و صار اهو مايتحلطم عند احد و لا حتى عند ربعه عليي و صرنا نحل مشاكلنا مع بعض
و هذا الشي جدا حلو بالعلاقه الزوجيه تخلي مشاكلكم اقل و تكونون متفاهمين اكثر

و بعدين بقولج شغله رفيجتج هذي ليش ماتنصح نفسها بالاول يعني صح ان هي تكلم واحد متزوج حتى لو كان طليقها يعني اسمحي لي اذا هي اصلا ماعندها حل لمشاكلها شلون تحل مشكلتج
و بعدين هي شلون تقولج حرميه من حقه الشرعي و على اي اساس اذا زوجج متسنع معاج و صاير زين ؟؟؟؟
صراحه نصيحتها غريبه بس الغلط منج نفس ماقلت لج المفروض كلللللللللللللللللللللللللللللللش ماتتكلمين عن مشاكلج جدام احد

هذي تتعاملين معاها بطريقه وحده تقولين لها اذا سألتج شلونج معاه تردين بكلمه وحده ( الحمدلله و تسكتين ) بدون تفاصيل و بدون شرح
صدقيني اخذي النصيحه من اختج في الله حياتج الزوجيه كل ما سكرتي عليها و ماطلعتي اسرارج كل ماتنجح و تستمر و انتي عندج عيال و تقولين زوجج تعدل يعني الحمدلله امورج طيبة
و هذي تركيها عنج اللي استحلت تكلم طليقها و هو عنده مره مو بعيده حتى تدور على زوجج و تكلمه اللي تحلل على روحها شي ماراح تحرمه عليج و على غيرج


تقبلي مروري ...

 

[shak!shoka]

Up
Up
Up

 

[مدام شانيل]

حبيبتي اول شي حمدالله انج انتي مقتنعه وعارفه انه رفيجتج غلط ولو بتفيد نصايحها جان فادت نفسها طبعا رفيجات هالوقت تغيروا وصارو يغارون ويسوون مقارنات وايد بينهم وبين بعض حتى لو كان عندها كل شي تغار من اي شغله عندج مو عندها رفيجتج اسمحيلي مبين انها مثل ما اختربت علاقتها بزوجها تبي تخرب علاقتج بزوجج عيل اكو وحده تحرم زوجها اذا بديننا لا رفعتي صوتج على ريلج البعض يعتبر الزوجة ناشز فما بالج من حرمانه من حقة الشرعي تبين يروح يسوي شي بالحرام والا يجابل افلام اذا كان يخاف من الزنا والعياذ بالله قضيب ارضج وسوي اللي يقوله ريلج وطلبي باحترامودلع وقصري حسج أغلبنا يعاني من هالمشكلد اللسان الطويل والعوابه الله يهدينا بس والله أزواجنا مثل الأطفال يبيلهم الريج الحلو والمسايس بس لكن أغلبنا يجهل هالشي خصوصا مع ضغوط الحياة المراد لاتسمعين حق رفيجتج أهي لو فعلا تبي تأدب طليقها جان ماتسهر معاه وتحاول تتقرب منه وتبيج انتي تحرمين زوجج وتكبرين المشاكل بينكم حسبي اللهرونعم الوكيل على هالناس اللي ماتحب الخير لغيرها :rgewrg:

 

[كاملة الدسم]

لا مو صحيح هاذي وحدة خبلة لو فيها خير ماخلت الريال يطلقها وتقعد تكلمه بالحرام اصلا لو انا منج اقطع علاقتي بهالاشكال وبالعكس زوجج تكسبينه بالفراش وبالمتعة ويحبج ويتعلق فيج اكثر

 

[New_bride]

كلامها غلط ومثل ماقلتي لو منه فايده كان فادها

وبعدين مايجوز اي وحده ترد زوجها وتخليه ينام وهو متضايق تلعنها الملائكه
وبعدين هو ليش متزوج
وليش المره تلوم الريال اذا طاح فالحرام او تزوج عليها

ابد لاتسمعين لها هذي بتخرب بيتج
ولو ماتكلمينها يكون افضل