علموني شنو اسوي بخدامتي و لا ترى بنجن

[خبيرة اعشاب]

السلام عليكم

بنات انا الله يسلمكم عندي مشكلة مع الخدامه ...كل ما اجيب وحدة تطلع فيها بلاوي و اردها المكتب ...

اخر شي زوجي زهق مني و قال لي شوفي ...هاذي الحين اخر خدامة ابجيبها لج ..و انتي اختاريها على كيفج و ترى لو تموتين ما انغيرها مهما كانت ....

فرحت انا بنفسي اخترت لي خدامة ...نيباليه ( قلت جنسية حق مكدة و ما يعرفون السوالف ...)

جت الخدامة و شكلها فقيرة و ما وياها الا ملابسها الي عليها ...

عطيتها ملابس ووريتها غرفتها و حمامها عزكم الله و حطيت لها عشا و قلت لها خلاص بس اكلي و نامي على اساس ان اول يوم يمكن تعبانه من السفر ....

من باجر قعدت الساعة 9 و لا لاحس و لا خبر ...الخدامة نايمة ...

طقيت عليها الباب و لا توها تتمغط ...قلت ما عليه ما اتعرف الشغل ...

طلعت لها جبن و قيمر و وريتها اشلون اتسوي الشاي و اتحر الخبز ..و قلت لها تريقي ...عاد زوجي يتطمش ...( يا حلو الصينيه الي جهزتيها للخدامة / انتي من النوع الي يجيبون خدامة و يخدمون عليها ...الخ )
المهم كلت و ركزت عمرها على الكرسي ...و قعدت ...حتى مواعين ما غسلتهم

جيت و علمتها اشلون اتغسل و اشلون اتغسل الحوش و المطبخ و الحمامات عزكم الله ...الخ

خلصت الساعة 11 دشت غرفتها و تمغطت ...

بالنسبة للطبخ انا من عمري اطبخ و ما احب الخدامةاتجيس طبخي ...

رحت طقيت عليها الباب ..قومي شوفي العيال ..راحت اقعدت وياهم بالصالة و تمغطت بعد ...

جيت و قلت لها بشويش لا تنامين خليج قاعدة و العبي وياهم ...

رحت و رديت بعد شوي لقيتها ناااايمة و اتشخر بعد

زفيتها ..و لا كللش ما تفتهم

بالليل رحنا المزرعة الساعة 7 نامت بالسيارة ..قعدتها ...راحت بجنب الديرفة و نامت ..و عيالي يلعبون ما درت عنهم ...

طبع يوم حطينا العشا فزت تعشت و ردت نامت

الحين المشكلة انها بس تلقى اي فرصة اتنام ...

يعني بالليل الساعة 7 و نص خلاص تدش غرفتها و اتنام لو مدري شنو صاير ,,,

زوجي العصر يروح المزرعة و ياخذ العيال وياه ...و اقعد بس انا وياها بالبيت ..يعني اتكون مخلصة كل شغلها و ما عندها شي ..بس تتسبح و اتنام ..
احاول مرات اطلع لها شغل ..اقول لها مثلا نظفي كبت المطبخ / خمي عند الباب ...الخ

مرات من القهر اقعدها و اطرشها البقالة هههههههههههه

الصبح تقعد 6 او 7 ...


بس كلللش قاهرتني بسالفة النوم ..يعني حتى العصر اذا ما في شي اتسويه نامت .. عجزت عنها

حتى اني فكرت اوديها المكتب و افتك منها ...

رجاءا شنو اسوي لاني صدج صدج ابطق من الحرة

 

[fife4ever]

وااااااااااااااااااااااي
انا عندي وحده جديده نيباليه ما تفهم معلمتها وكاتب لها جدول الاعمال الا تسويها
بس بارده وما تفهم اقول سوي كذا كذا واشارات وحاله تجيب شيء ثاني
حتى باب البيت ما تعرف تقفله
شكلي ابي اردها

هم جذيه النيباليات جذيه
بس انتي خدامت يمكن تعبانه مو نيايم او جسمها تعبان انا خدامتي لما جبتها
قالي لي صار لها 12 يوم بالهند وغرفه وحده ومو مرتاحين لا نوم او من هذا القبيل يمكن خدامج جذيه ما زال جسمها تعبان
انا عشتو عطيتها راح يومين بس قاعده عند بيت اهلي تنام وتاكل بس كانت تساعد الخدم

 

[mooomooo]

شوفي الله يسلمج

انا عندي نيباليه

حماتي مالتها اول مايت نفس سالفتج كله نوووووووووم


تعالي شوفيها الحين ماشاء الله عليها

كل شي تسوي

يعني يبيلهم قلب

الحمدلله اللي عندي هقيت بتصير نفسها بس لا والله الحمدلله طلعت شوي تفهم انقليزي شوي مو وايد

ومادوختني والله يستر من بعدين ههههههههههههه

 

[خبيرة اعشاب]

مشكورة اختي fife4ever على الرد السريع

بس ترى واجد على التعب ..

يعني الحين صار لها 12 يوم عندي و هم بعد ما ارتاحت ؟؟؟

انا قبل جايبة نيباليات بس عمري ما شفت جذي...؟؟

يعني اول خدامتي اتنام الساعة 12 او 1 ..و تسهر ويانا ..و الصبح الساعه 7 او 8 اتقوم ...

بس نفس هاذي و الله ما شافت عيني ...يعني تخيلوا بكل وقت نايمة ...الصبح / الضحى / العصر ..المغرب ...لو ايحصل لها اتنام طول اليوم

لا و من اول يوم بس حطت رجلها عندي بالبيت اتقول لي ابدق تلفون على نيبال ..
الي اعرفه ان الخدامات ياخذون عندج شهر شهرين ..بعدين يقولون نبي اندق تلفون ...هاذي من اول يوم ...

و عينها حيل قوية ..يعني اتكون نايمة بالصالة اجي انا ادش ما تفز تقوم ...لا اتطالع لي و هي نايمة ...

حتى زوجي يضحك علي ...و الله يا ام خالد مالج هيبة حتى الخدامة اعرفت لج ..

عاد انا اعصب و اجي كللله ازفها ...بس ماكو فايدة كاني اكب الماي على الرمل يعني ابسط ابسط الاصول ما اتعرفها ..
اتدش غرفتي جذي بدون لا اتطق الباب .. هم بعد اشرح لها لازم اتطقين الباب بس ماكو فايدة
كريماتي الي بالحمام عزكم الله تقعد اتقلب فيهم ..

شباصتي ذاك اليوم لقيتها اشكرة حاطتها بشعرها ..و اقول لها هاذي ليش تاخذينها اتسوي لي بيدينها جذي ..يعني ماني فاهمة ...

المرة مو حاسة انها خدامة عندها احساس كانها ضيفة او من الاهل ...فهمتوا اشلون ؟؟

يعني مهما اقول لها او ازفها تقعد اتبوسم بوجهي ..يا اما قمة في الغباء يا اما قمة في الذكاء هذا الي توصلت له

اشرايكم ..بنات
لا بعد سالفة مرة طلعت انا و عيالي ...و خليتها بالبيت يوم رديت قاعدة اسفط السيارة و لا اسمع صوت بالحديقة الخلفية ..و لا الاقي الخدامة فاتحة دريشة الصالة على كبرها و قاعدة اتسولف ويا خدامة جيراننا هندية ..بس يتكلمون حجي هندي مدري نيبالي ...مو عربي ...

هذا ماكان لها يومين عندي

ما في امل اني اوديها المكتب
و ما في امل اني اطلب وحدة ثانية

ما عندي الا هاذي وودي اعدلها اخليها مضبوووطة ...اشرايكم شسوي فيها ؟؟



مرات افكر اسكر عليها الباب و اروح يومين بيت اهلي و اخليها تادب

 

[طنطن]

الله يسلمج انسي انها تتعدل لانج عطيتها وجه وعرفت شنو داخلج أمي جذيه كان عندها خدامة نيبالية من جم شهر سافرت بعد ما قعدت سنة على جبودنا من أمي الله يصلحها كل العيوب فيها جذابة - وصخة تخلط هدوم الغسيل ( هذا الحجي من قريب طبعا قبل لاتسافر) تطق عيال خواتي تموووووووووت على الاكل والربادة والنوم ومهما تعلمينها راح ترد ومن دخلت بتنا ماشفنا الخير وهالسبب لانها بوذية الله ياخذها وقلبها اسود.

 

[هدوله]

12 يوم وما افهمت
لا اتعورين راسج معاها رديها المكتب اللى تبي الشغل اتبين اول يومين

 

[Miss_Tiger79]

تدرين المفروض الخدامه من اول يوم اتعرفينها كل شي بالاحترام وغيره مو اتييبيلها العشا واتقدمينه لها من اول يوم بتقول هذي ما صدقت على الله لقت خدامه وبتسوي كل شي على كيفها

 

[أغلى حبيبه]

شتسوين يا ام خالد اذا رديتيها زوجج ماراح اييب غيرها
وراح تتعبين من الشغل واللويه

واذا خليتيها عورت قلبج

انا اقول دامها تسوي شغلها خليها تنام لي متى يعني بتنام ماردها بتمل من النوم

انا اقولج طلعي لها شغل من تحت الارض

لاتخلين شبابييك بيبان خليها تمسح

الديكور تمسحه

العيش تنقيه معنه الحين مافي عيش وصخ

تكوي تعدل شغليها عدل

والله يعينج

انا كانت عندي نيباليه لهلوبه توها سافرت

 

[أسمى حب]

بدايتج مع الخدامة غلط علشان جذية تمادت حيل وما قامت تهابج

لازم الخدامة تخلينها تشتغل من اول يوم وتدربينها على الشغل اقلها تمسح الابواب و الشبابيك فقط لمجرد انها تعرف اهي شنو واجباتها .



الحين الحل

ياتردينها المكتب ....... واحتمال كبير زوجج ما يرضى
او
تكرفينها كرااااااف لمدة اسبوع وصدقيني راح تصحى لنفسها طبعا مع الكلمة الطيبة والابتسامة علشان ما تكرهج وتحس انج قاعدة تعاقبينها , لأنج قاعدة تعدلينها وتقومينها فلازم شوووويه شدة .

و لاتنسين تعطينها شغلة بسيطة حتي لو من ابو 100 كل ما تحسنت .

و الله يسخرها لج .0

 

[@ الرسامة @]

من اولها غلطتي وياها

المفروض ماتعطيها وجه كلش

بطلي الثلاجة وقولي لها كاهو الاكل سويلج اي شي تاكلينه ويالله ورى هذا كراف وحددي لها ساعات النوم وساعات الشغل وفهميها مرة ثانية ما تفتح الشباك ولاتمد ايدها على اغراضج

 

[*سكون*]

أنا مع أختي فيض الايمان بكل كلمه قالتها

والله يوفقج أختي

 

[انا كويتية]

واااي الله يعينج.... ذلفيها المكتب ولا تعورين قلبج... واذا على بوخالد كلمتين ومساحل ويخق هههههههههه

 

[عنايد]

ام خالد اذا اهي متزوجه سوي لها تحليل يمكن حامل وماتدري عن نفسها في بعض الخدم جذيه يجون واهم حوامل مايدرون عن عمرهم

 

[خبيرة اعشاب]

هلا
مشكورين حبايبي على ردودكم

بالنسبة لاني اردها المكتب و الله انا فكرت بس ابو خالد ما وقع الفيزا الا بالواسطة و مدري شنو ...لان عليه 3 كفالات فلبينيات حق اخته مسوة مطعم بالاضافة لخدامة امه و السايق ...و عنده بعد صبي حق ديوانيته ...يعني المجموع كامل 4 خدامات + 2 رجاجيل ...بالاضافة لخدامتي ....
فالعادة كانوا يوقعون له عادي و ندفع 100 دينار عند تسجيل الفيزا ..
بس الحين في اخر مرة رفضوا ..و يا اللله بطلوع الروح وقعوا لنا

قلت لكم قصة حياتي ...

بالنسبة للخدامة انا ما خليت كرف الا و طلعته ...يعني انا اصلا بيتي صغير و ما عندي شغل واجد ...حتى البطانيات الشتوية طلعتهم و خليتها اتغسلهم ..كل البيبان و الدرايش مسحتهم ...حتى الشارع خليتها اتخمه ....بس من ناحية الشغل تشتغل ما ابي اظلمها ...بس الشي لي باط جبدي هو انعدام احساس الاحترام عندها + النوم

امس ادق على اختي قلت لها ترى السالفة كيت و كيت ..قالت طرشيها علي ..
و راحت عندها عاد اختي الل يسلمها بيت عوود و عيال ...و امس كانت عندها عزيمة ..تقول خليتها واقفة للساعة 2 ...عشان نبيها تتعود انها ماتنام واجد ..

فانا الظاهر بسوي لها نظام جذي كل يوم بالليل اطرشها يم وحدة من خواتي ...و اخليها تسهر ...يا ما اتحب العافية هههههههههههه

 

[[]نهاوند[]]

الله يعينج النيباليات حشاج بقر ما يصلحون للشغل ​

 

[فتونة الكويت]

اللة يستر خوفتونى انا اول مرة اجربهم للحين ما ووصلت اللة يعينى عليها

 

[أورااااااد]

مرحباااااااااااا

الله يعينج اختي000000000 المفروض

من تيي الخدامة عند الوحدة لازم تعلمها على الكراف من الاول

علشان تعرف ان هذا هو الاساس 00 واذا راعيتيها في يوم من الايام فيعتبر

كرم منج انتي 00 00انتي تعطينها راحة وعندها تصير يا كبرها

فحاولي تغيرين اسلوبج معاها 00 وتتبعين معاها سياسة ثانية


وبعدين انا اهم شي عندي بالخدامة الاحترام والتقدير00

اذا ذهبوا ذهبت معهم

ما اقول الا الله يعينج ويصلح بالج


أوراااد

 

[ebleeesah]

قوه ام الغالي .. ام خلود سمعيني مادري اقري كلامي جييييين ما جييييين

شوفي يا محفوظت السلامه

بالنسبه حق الدفاشه .. انا خدامتي كانت تدرعم علينا انا و زوجي بالدار اذا تبي شي .. و الف زفه يتها و ريلي يضحك منها .. اشوه ان الوضع ما كان مخل بالاداب

شوفي سالفت النيباليات و الهنود اللي يايين من القرى ان يبيلهم ((قلب ما يتعب))

يعني عيدي عليها الكلمه الف مره و بالاشاره و بالتكرار راح تتعلم

و لما علمتها انها تطق الباب اذا تبي شي .. قامت تطقه و تفتحه بنفس اللحظه .. و الله انج تنقزين من الحركه هذي .. لين يبت لها خدامت خالتي .. و عند خالتي من 23 سنه .. ففهمتها و قالت لها اذا تبي شي تطق الباب و توخر علشان اذا انا فتحت الباب ما تكشف الدار ..

فمثل ما قلت لج ... يبيلهم قلب ما يتعب ولا يهدى ولا يرتاح

صح لسانك يا رويشد

والله يعين قلبج .. اذا فيج شدة تصبرين

 

[سما الكويت]

والله يا الغاليه انا خدامتى اول ماجت كانت جذيه..

ومع الوقت تحسنت ما شاء الله عليها..

والنباليات ترى حظ ونصيب..كل اللى حوالى جايبين نيباليات ويفرقون عن بعض..

فيهم الشقرديه وهبت ريح..وفيهم ثور الله فى برسيمه..

مالج الا الصبر والله يعينج..

 

[سما الكويت]

صج عطيها منبهات ..شاى ..قهوه..جود تصحصح!!!!!!!!