علموني طريقتكم في غسل الشيله والعبايه لاني تعبت من المصبغة .. ؟

[زخارف]

السلام ..

شلونكم ..؟

ساعدوني ارجوكم مليت وراحت فلوسي على المصبغة ..

انا جربت كذا طريقه وجربت كذا شامبو للعبايات والنتيجه وحده .

السيله مشوهبه كأن فيها غبار وخيوط بيضاء صغيره .. وفيها كهرباء .. ورشيتها بسبريه الإستاتيكيه ..وهم ما في فايده نشفتها بالهواء الطبيعي وماكو فايده .. ونشفتها بالنشافه الكهربائية وطلع معاي نفس النتيجه فيها مثل الغبار والخطوط البيضاء الصغيره ..

وشنو الحل برايكم .. ؟ عشان تصير مثل شغل المصبغة .. ؟

وشكراً ..

أختكم

زخارف .​

 

[هى وبس]

وانا بعد اعاني من غسيل العبي والشيال

 

[زخارف]

ياليت احد يعبرنا ويشفي غليلي لاني مليت من هالحالة ملابس نظيفة بس موبرة

 

[أحب ترابها]

انا اخلي خدامتي تغسلها بالشامبو مال العبي والله دايم اغير ..وتنشفها وتكويها مقلوبه شوفي السر موبالعنايه نوعية الخامه تلعب دور واحسن خامه جربتها هي صالون...سوادها حلو وماتلم الغبار

 

[pink rain]

والله الخدامة تغسلها بايدها بشامبو عبي وبس

 

[النويرة]

يمكن انتي تغسلينها بالغسالة وخصوصا الأتوماتيك تأكدي إن الشيلة بتروح فيها وبتخرب من أول غسلة
أحسن حل الغسل باليد ولا تكثرين كمية الشامبو والماي يكون بارد مو حار
ولا تحطينها بالنشاف ابد وبعد ما تنشف رشي مضاد الاستاتية

 

[*( وردة شـقـى )*]

صح كلام خواتي

اول شي لاتغسلها بالغساله ولا تحطها بالنشافه

ثاني شي تغسلها بشامبو مال العبي لونه احمر اي نوع وفي على صوره مره امبرقعه هذا تمام

وثالث شي بعد ماتغسلها تعصرها خفيف بيدها وتشرها بس مو بالشمس علشان ماتطلع فيها ريحه

واخيرا تكويها بالمقلوب علشان ماتصير فيها لمعه

وبهالطريقه تحافظين عليها مثل المصبغه

 

[@ الرسامة @]

انا اخلي الخدامة تغسلها بايدها بصابون الاحمر مال العبي

وتخليها على المنشر لين تنشف

ولما تكويها بالمقلوب علشان لا تبقع ولا تخترب

بس هم ماتصير مثل المصبغة

 

[عطر الشوق]

حبيبتي مثل ماقالو البنات
حتى انا اغسلهم بالإيد مع شامبو داك خاص بالعبي
واشرهم على المنشر داخل البيت مو بره ، وبعض العبي انشفهم بالنشافة وعلى طول اطلعهم واعلقهم وهمه حارييين ومايبي كوي

 

[ام العيون السود]

انا اغسلها بالشامبو الاحمر بالايد وما احطها بالنشافه

وعندى الاوتى البخار اكويها تهبل جنه مغسوله بالمصبغه

 

[زخارف]

المشكلة كل اللى قلتوا عنه اسويه وبايدي مو الخدامة بس اليوم قالولي خواتي يمكن المسكلة بالماى يعني استعمل الفلتر مال الشرب

 

[روزالكويت]

انا اغسلها بالشامبو الاحمر بالايد وما احطها بالنشافه

وعندى الاوتى البخار اكويها تهبل جنه مغسوله بالمصبغه

اختى لوسمحتى شنو نوع اوتي البخار مالج لانى ماخليت نوع ماجربته كلهم خرطي وموزينين..

 

[الجــادل]

انا اغسلها بالشامبو الاحمر واعلقها بس مو بالشمس وقبل ما تنشف تماما اكويها من داخل

بس لازم تكون رطبه شوي تالي ابخرها وبالكبت

 

[لموية العسولة]

غسليها بشامبو العبي وبالايد طبعا وعقب شطفيها بشوية كمفورت ..وعلقيها بمكان ماتحوشه الشمس وبعدين اكويها بالمقلوب والافضل البخار

 

[Heavenz]

صابون سوفتي الازرق مال العبي اسمه الدانه تهبل ريحته

اغسليهم بيدج بطشت و اشطفيهم و لا تعصرينهم وايد

علقي عبايتج بعلاقه الهدوم و خليها تنقط الماي والله من تقومين الصبح

مو محتاجه اوتي ولا شي

تهبل و ريحتها روعه

 

[^^دموع الكويت^^]

هلا وغلا اختي

انا الخدامة تغسلهم

اهم شي يكون الماي بارد وشامبو خاص للعباية

ومثل ما قالو خواتي الكوي يصير من مقلوب​

 

[sunkist]

حبيبتي انا كله اغسل العبي والملافع بشامبو سوفتي والله يهبل ولا قولت البنات على حسب الخام

 

[atooma]

نفس المشكله حدي اعاني منها

 

[زخارف]

انا ما اعتقد من الخام لان شيال جميع الخامات الموجودة في السوق وهي فقط اربع انواع وبعد هدايا من السعودية والامارات والعبي انواع مختلفة المطفي واللماع كلهم يلقطون الخيوط

 

[نفيشه2007]

شامبو سوفتي اللي علبته زرقا وعليه صورة لؤلؤة الدانه على قولتهم رووووووعه للعبايه والشيله............................