علموني طريقتكم في غسل الشيله والعبايه لاني تعبت من المصبغة .. ؟

[زينة الخشة]

بالضبط نفس البنات

 

[زخارف]

الله يعطيكم العافية بس انا طماعة ابيها مثل المصبغة تلمع ومافيها اثر كانها جديدة ما في وحدة تعرف شنو يحطون المصابغ واشلون طريقتهم وهل السر ماكينة الوتي اللى عندهم وبعد الاحظ كان فيها ريحة كاز

 

[no0o0r3]

انا اخلي خدامتي تغسلها بالشامبو على الايد وعلى المنشر على طول ما تحطها بالنشافة

 

[بيرل]

مرحبا بنات العبي المفرض غسيل باليد والشامبو انا بصراحة استخدم سوفتي الاحمر واهم شي الكوي جان تبين العباية ماتشوهب وتخترب اشتري جهاز البخار ممتاز للعبي والملابس بعد الحراير وكل شي عجيب يخليج تستغنين عن المصبغة والجهاز مثل اللي عند المحلات مالت الملابس تكوينة وقافي ..............ويمكن الخام مال العباية مو زين في خامات جودة ماتتغير من الغسيل

 

[ضاويهq8]

انا صراحه اغسل العبايه بشامبو العبي (ما في نوع معين) بس اعصرها واعلقها مو بالشمس طبعا ومن تالي تنشف ، احيانا بعض العبي ماتحتاج كوي واحيانا نوعيه تحتاج كوي وافضل طريقه للكوي الجهاز اللي قالت عنه بيرل فعلا ممتاز للعبي والملافع ... وربي كل مره اغسلها تطلع كانها جديده لا خيوط ولا شوهبه فيها ابد

 

[زخارف]

الله يعطيكم العافية بس جهاز الكوى هو اللى عند الغانم

 

[بيرل]

مو شرط باي محل للاجهزة الكهربائية
واعتقد ان سعرة اقل من ال 30